“Genesis 37–41: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Genesis 37–41: Kinatibuk-ang Pagpasabot,” Manwal sa Magtutudlo sa Seminary sa Daang Tugon
Genesis 37–41
Genesis 37–41
Kinatibuk-ang Pagpasabot
Bisan og gibaligya isip usa ka ulipon sa Ehipto, bakak nga giakusahan, ug gipriso, si Jose matarong gihapon nga nagkinabuhi ug nagpakita og hugot nga pagtuo sa Dios. Isip resulta, gipanalanginan ug gitabangan siya sa Ginoo nga makaya niya ang iyang mga pagsulay. Sa kataposan gisaligan sa Paraon si Jose sa pag-andam sa Ehipto alang sa nagsingabot nga kagutom.
Tabangi ang mga Tigkat-on sa Pag-ila sa Gugma, Gahom, ug Kaluoy sa Ginoo diha sa Ilang mga Kinabuhi. Pagdapit sa mga estudyante nga pamalandongon ug ipakigbahin ang ilang mga kasinatian dihang ilang nakita nga ang gugma, gahom, ug kaluoy sa Ginoo diha sa ilang kinabuhi makatabang nila aron mobati nga mas duol Kaniya. Aron makakat-on pa og dugang, tan-awa sa “Tabangi ang mga Estudyante sa Pag-ila sa Gugma, Gahom, ug Kaluoy sa Ginoo diha sa Ilang Kinabuhi” (Pagtudlo Sumala sa Pamaagi sa Manluluwas, 8). Usa ka pananglitan kon unsaon ni paghimo makita diha sa Leksiyon 33: “Genesis 37–41.”
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
Genesis 37–41
Tumong sa leksiyon: Aron tabangan ang mga estudyante nga mobati og paglaom nga ang Dios mahimong mogamit sa ilang mga pagsulay aron panalanginan ang ilang mga kinabuhi.
-
Pagpangandam sa estudyante: Dapita ang mga estudyante nga hunahunaon ang mga pagsulay o mga hagit nga ilang giatubang o posibleng atubangon. Dapita silang mosulod sa klase nga andam nga ipakigbahin kon sa unsang paagi pwedeng gamiton o gigamit sa Ginoo ang mga hagit aron panalanginan ang ilang kinabuhi.
-
Mga imahe nga ipakita: Usa ka asno, si Jose nga midawat og kupo, si Jose isip usa ka ulipon, si Jose ug ang asawa ni Potifar, si Jose sa prisohan, si Jose atubangan sa Paraon
-
Content nga ipakita: Mga instruksiyon ug mga pangutana sa pagsukod sa kaugalingon sa sinugdanan sa leksiyon, mga instruksiyon ug mga pangutana sa pagbasa alang sa kalihokan diha sa Genesis 39–41
-
Bidyo: “Istorya ni Faith Murray: Pagbuntog sa Kalisdanan pinaagi sa Pag-alagad” (4:52)
Genesis 39
Tumong sa leksiyon: Aron tabangan ang mga estudyante nga mapakita ang ilang debosyon sa Dios pinaagi sa pagbatok sa tentasyon nga supakon ang balaod sa kaputli.
-
Pagpangandam sa estudyante: Dapita ang mga estudyante nga hunahunaon nga gihangyo sila nga pangulohan ang usa ka panaghisgot sa ilang klase Sunday School bahin sa lainlaing paagi sa ilang pagbatok sa mga tentasyon ni Satanas. Dapita ang mga estudyante nga maghunahuna og tulo ka paagi nga ipakigbahin nila sa klase.
-
Mga materyal para sa mga estudyante: Papel para sa kada estudyante
-
Mga imahe nga ipakita: Si Jose nga midawat og kupo, si Jose isip usa ka ulipon, si Jose ug ang asawa ni Potifar, si Jose sa prisohan, si Jose atubangan sa Paraon
-
Content nga ipakita: Usa ka pamahayag gikan sa Alang sa Kalig-on sa mga Kabatan-onan: Usa ka Giya alang sa Paghimo og mga Pagpili
-
Handout: “Paglig-on sa Atong Abilidad sa Pagtuman sa Balaod sa Kaputli”
-
Bidyo: “Mawala ang Tentasyon samtang Atong Pangitaon si Jesukristo sa Matag Panghunahuna” (2:57)