Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Zanafilla 28: Besëlidhjet me Zotin

“Zanafilla 28: Besëlidhjet me Zotin”, Manuali i Mësuesit të Seminarit për Dhiatën e Vjetër (2026)

“Zanafilla 28: Besëlidhjet me Zotin”, Manuali i Mësuesit të Seminarit për Dhiatën e Vjetër

Zanafilla 24–33: Mësimi 31

Zanafilla 28

Besëlidhjet me Zotin

Pasi vëllai i tij Esau e kërcënoi për jetën, Jakobin e udhëzuan prindërit që të udhëtonte drejt vendlindjes së nënës së tij për të gjetur një grua. Gjatë udhëtimit, ai pa një vegim që e çoi të hynte në besëlidhjen e Abrahamit me Perëndinë. Ky mësim mund t’i ndihmojë nxënësit të ndiejnë një dëshirë më të madhe për të bërë besëlidhje me Perëndinë në tempull.

Përgatitja e nxënësve: Merreni parasysh t’i ftoni nxënësit t’i shqyrtojnë premtimet e besëlidhjes së Abrahamit (Abraham 2:8–11). Nxënësit mund të inkurajohen që të përpiqen dhe t’i shpjegojnë një pjesëtari të familjes së tyre rreth besëlidhjes së Abrahamit dhe përse ajo është e rëndësishme për ta.

Veprimtari të Mundshme të të Mësuarit

Pse besëlidhjet?

Mund ta filloni orën mësimore duke paraqitur fotografinë e një tempulli dhe duke kënduar këngën e Fillores “Tempullin Shum’ Dua t’Shoh” (Libri i Këngëve të Fëmijëve, f. 99).

Pastaj paraqiteni nxitjen vijuese. Ftojini nxënësit të përzgjedhin pohimin që është më i vërteti për ta. Përndryshe, mund të thoni vetëm pjesën e parë të nxitjes dhe nxënësit mund ta përfundojnë pohimin me një a dy fjali që pasqyrojnë saktë ndjenjat dhe mendimet e tyre.

Kur mendoj rreth shkuarjes në tempull në të ardhmen për të bërë besëlidhje me Perëndinë, unë:

Nuk di se çfarë të mendoj. Nuk mendoj shumë rreth kësaj.
Emocionohem. Mezi e pres atë ditë.
Jam pak në ankth. Nuk di se çfarë të pres.
Më duket e pakuptimtë.

Jepuni kohë nxënësve për t’i shkruar përgjigjet e tyre. Ftojini ata të kërkojnë frymëzim nga Fryma e Shenjtë gjatë mësimit. Fryma e Shenjtë mund t’i ndihmojë ta vlerësojnë rëndësinë e bërjes së besëlidhjeve me Perëndinë.

Ëndrra e Jakobit

Ftojini nxënësit ta shkruajnë të vërtetën e papërfunduar vijuese në ditarët e tyre të studimit. Mund ta shkruani edhe në tabelë dhe ta zgjeroni gjatë gjithë mësimit.

Në këtë mësim do të studioni rreth Jakobit te Zanafilla 28. Te Zanafilla 28:3–4, 12–20, Perëndia bëri një besëlidhje me Jakobin, të cilën Jakobi e pranoi. Nga ky tregim, ne mund të marrim mësime të rëndësishme rreth vlerës së bërjes së besëlidhjeve me Perëndinë. Ndërsa e studioni këtë mësim, kërkoni mënyra për ta përfunduar këtë të vërtetë: Teksa bëjmë besëlidhje me Perëndinë dhe i mbajmë ato, Ai do të …

Kërkojuni nxënësve ta tregojnë atë që mbajnë mend rreth besëlidhjes që Zoti bëri me Abrahamin. Për hollësi specifike mbi këtë besëlidhje, shihni te Mësimi 23: “Zanafilla 12–17”. Pasi nxënësit të flasin, përmblidheni paragrafin vijues me fjalët tuaja.

Megjithëse Jakobi ishte nipi i Abrahamit, ai mund të jetë ndier sikur bekimet e besëlidhjes së Abrahamit ishin të paarritshme për të. Jakobi nuk qe martuar ende në besëlidhje. Gjithashtu, konflikti për parëbirninë dhe bekimin e kishte shtyrë Esaun të dëshironte t’ia merrte jetën Jakobit (Zanafilla 27:41). Për ta mbrojtur Jakobin dhe për t’u siguruar që ai të kishte mundësinë për t’u martuar në besëlidhje, prindërit e Jakobit e udhëzuan atë të largohej nga shtëpia dhe të përshkonte qindra kilometra për në vendlindjen e nënës së tij (shih te Zanafilla 27:42–46; 28:1–2). Ky udhëtim do ta çonte Jakobin shumë larg Kanaanit, tokës së parëbirnisë që iu premtua.

Lexo te Zanafilla 28:10–15, duke kërkuar atë që përjetoi Jakobi një natë gjatë udhëtimit të tij.

Merreni parasysh t’i ftoni nxënësit të bëjnë një vizatim të asaj që Jakobi pa në ëndrrën e tij. Nxënësit mund t’ia tregojnë vizatimet e tyre një partneri dhe të shpjegojnë se çfarë u bëri përshtypje nga vargjet.

Pastaj ju mund të paraqitni figurën vijuese si një portretizim të vegimit.

The Old Testament prophet Jacob (Israel) lying asleep under a tree. A depiction of Jacob's dream of a ladder and angels descending from heaven is portrayed in the background.

Çfarë premtimesh nga besëlidhja e Abrahamit i ofroi Zoti Jakobit në këto vargje?
Çfarë premtimesh të tjera i bëri Zoti Jakobit te vargu 15?

Mund t’i ftoni nxënësit t’i shtojnë këto premtime shtesë në të vërtetën e tyre. Ju mund t’i renditni përgjigjet e mundshme në tabelë. Përgjigjet mund të përfshijnë të jetë me ne, të na mbrojë e të kujdeset për ne, të mos na lërë.
Pse mendon se këto premtime mund të kenë qenë veçanërisht kuptimplota për Jakobin në këtë kohë?

Për t’i ndihmuar nxënësit t’i kuptojnë më mirë këto premtime, ftojini ata të plotësojnë veprimtarinë vijuese në dyshe ose grupe të vogla. Nëse doni, mund t’i inkurajoni nxënësit të kërkojnë shkrime të shenjta ose thënie të tjera që i konfirmojnë këto premtime.

Studioji shkrimet e shenjta dhe thënien vijuese, duke kërkuar se si e thellojnë ato kuptueshmërinë tënde për premtimet që Zoti i bëri Jakobit.

Gjoni 14:18

Veprat e Apostujve 17:27 (vini re Përkthimin prej Joseph Smith‑it në anglisht)

Plaku Dejll G. Renland, i Kuorumit të Dymbëdhjetë Apostujve, tha:

“Teksa ecni në shtegun e besëlidhjeve, nga pagëzimi tek tempulli dhe gjatë gjithë jetës suaj, unë ju premtoj fuqi për të shkuar kundër rrjedhës së natyrshme të botës, fuqi për të mësuar, fuqi për t’u penduar e shenjtëruar dhe fuqi për të gjetur shpresë, ngushëllim e madje gëzim teksa përballeni me sfidat e jetës. Unë ju premtoj juve dhe familjes suaj mbrojtje kundër ndikimit të kundërshtarit, veçanërisht kur e bëni tempullin një përqendrim madhor në jetën tuaj.” (“Qasja te Fuqia e Perëndisë nëpërmjet Besëlidhjeve”, Liahona, maj 2023, f. 37)

Mund të jetë e dobishme që nxënësit të kuptojnë se bërja e besëlidhjeve nuk na kursen nga sfidat e jetës. Megjithatë, Plaku D. Tod Kristoferson dha mësim se këto besëlidhje na sigurojnë “shpres[ën] [t]onë më [të] madhe për ta shmangur mjerimin e shmangshëm nga njëra anë dhe për t’ua dalë mbanë me sukses vuajtjeve të pashmangshme të jetës nga ana tjetër” (“Arsyeja për Shtegun e Besëlidhjeve”, Liahona, maj 2021, f. 117).

Cilat nga këto premtime janë më kuptimplota për ty?

Ndjenjat e Jakobit rreth përvojës së tij

Mund të jetë e dobishme t’i paraqitni fragmentin dhe pyetjet vijuese. Ftojini nxënësit të lexojnë dhe diskutojnë në dyshe ose grupe të vogla. (Merreni parasysh t’u tregoni nxënësve se fjalët “frikë” dhe “i tmerrshëm” tregojnë se Jakobi ishte i mahnitur. “I tmerrshëm” përkthehet më mirë si “i mahnitshëm”.)

Lexo te Zanafilla 28:16–21, duke kërkuar reagimin e Jakobit ndaj përvojës së tij.

Çfarë ndjenjash rreth Zotit sheh se po shpreh Jakobi?
Si mund t’i japin shtysë këto ndjenja atij që të bëjë një besëlidhje me Zotin?

Pasi nxënësit të kenë pasur kohë për të diskutuar, mund të ftoni disa që t’ia tregojnë klasës atë që mësuan.

Dhënia e mundësive që nxënësit t’ia tregojnë njëri‑tjetrit atë që po mësojnë, mund ta rritë vetëbesimin e tyre për të marrë pjesë në bashkëbisedime për ungjillin. Për trajnim shtesë mbi mënyrën se si t’i inkurajoni nxënësit që t’u tregojnë gjëra të tjerëve, shihni pjesën “Nxitini nxënësit t’i tregojnë të vërtetat që po mësojnë” te Zotësitë për Përmirësimin e Mësuesve. (Mësimdhënia sipas Mënyrës së Shpëtimtarit [2022], f. 35)
Cilat fjalë ose fraza nga vargjet 16–21 mund të kenë lidhje me tempujt bashkëkohorë?

Nxënësit mund të vënë në dukje fjalë ose fraza si “me siguri Zoti është në këtë vend” (vargu 16); “shtëpia e Perëndisë” dhe “porta e qiellit” (vargu 17); “Bethel” (vargu 19), që do të thotë “shtëpia e Perëndisë” dhe “lidhi një kusht” (vargu 20). Nëse doni, mund t’i ftoni nxënësit që t’i shenjojnë këto fraza në shkrimet e tyre të shenjta.

Nxënësit mund t’i plotësojnë vizatimet e tyre të vegimit duke shkruar “shtëpia e Perëndisë”, “porta e qiellit” ose “tempulli” diku pranë fundit të shkallëve.

Bërja e besëlidhjeve me Zotin

Ftojini nxënësit ta bëjnë veprimtarinë vijuese në ditarët e tyre të studimit. Mund të jetë e dobishme t’u thoni nxënësve që ata do të reflektojnë për këto përgjigje në një mësim të ardhshëm. Nxënësit do ta përdorin atë që shkruajnë këtu, për të përfunduar një veprimtari vlerësimi te Mësimi 37: “Vlerësoni të Mësuarit Tuaj 2”.

Për t’i përgatitur nxënësit që t’i shkruajnë përgjigjet e tyre, nëse doni, mund ta tregoni paragrafin vijues me fjalët tuaja.

Kur Jakobi u largua nga shtëpia e prindërve dhe u nis i vetëm, ai bëri besëlidhje me Perëndinë. Perëndia premtoi se do të ishte me të, do të kujdesej për të dhe do ta mbronte Jakobin. Pas pak vitesh, do të përballesh me shumë zgjedhje rreth asaj që do të bësh më pas në jetë. Mes këtyre vendimeve do të jetë mundësia për të bërë besëlidhje me Perëndinë në tempull. Mendo për këtë kohë në të ardhmen tënde teksa u përgjigjesh pyetjeve vijuese në ditarin tënd të studimit:

Çfarë bekimesh të premtuara ke përjetuar nga të përpjekurit fort për t’i mbajtur besëlidhjet e tua me Perëndinë ose nga shërbimi në tempull?
Me çfarë situatash mund të përballesh në të ardhmen ku do të kishe dobi nga kujdesi dhe mbrojtja që Perëndia u premton njerëzve që bëjnë besëlidhje me Të?

Merreni parasysh të jepni dëshminë tuaj për mënyrën se si i keni përjetuar premtimet që lidhen me bërjen dhe mbajtjen e besëlidhjeve me Zotin.

Burime Shtesë

Çfarë mund të përfaqësojë shkalla që pa Jakobi?

Presidenti Marion G. Romni shpjegoi:

“Besëlidhjet që [Jakobi] bëri me Zotin ishin këmbëshkallët e shkallës që ai vetë duhej të ngjiste që të mund të siguronte bekimet e premtuara – bekime që do t’i jepnin atij të drejtën për të hyrë në qiell dhe për t’u shoqëruar me Zotin”. (“Temples – the Gates to Heaven”, Ensign, mars 1971, f. 16)

Cilat janë bekimet shtesë prej bërjes dhe mbajtjes së besëlidhjeve?

Presidenti Rasëll M. Nelson tregoi:

“Ata që i mbajnë besëlidhjet e tyre me Perëndinë, do të bëhen një forcë njerëzish që i bën ballë mëkatit. Ata që i mbajnë besëlidhjet e tyre, do të kenë forcën për t’i bërë ballë ndikimit të vazhdueshëm të botës. …

Bërja e një besëlidhjeje me Perëndinë e ndryshon përgjithmonë marrëdhënien tonë me Të. Ajo na bekon me një masë të shtuar dashurie dhe mëshire. Ajo ndikon te njeriu që jemi dhe te mënyra se si Perëndia do të na ndihmojë të bëhemi njeriu që mund të bëhemi.” (“Besëlidhja e Përjetshme”, Liahona, tetor 2022, f. 8, 10; Mesazhi i Përmuajshëm për Revistën Liahona, tetor 2022, f. 4, 5)

Plaku Dejll G. Renland, i Kuorumit të Dymbëdhjetë Apostujve, dha mësim:

13:9

“Duke i bërë dhe mbajtur besëlidhjet e tempullit, ne mësojmë më shumë rreth qëllimeve të Zotit dhe marrim një plotësi të Frymës së Shenjtë. Ne marrim udhëzim për jetën tonë. Ne arrijmë pjekuri në dishepullimin tonë që të mos mbetemi përherë fëmijë të paditur. Përkundrazi, ne jetojmë me një këndvështrim të përjetshëm dhe kemi më tepër shtysë për t’i shërbyer Perëndisë e të tjerëve. Ne marrim aftësi të shtuar për të përmbushur qëllimet tona në vdekshmëri. Ne mbrohemi nga i ligu dhe fitojmë fuqi më të madhe për t’i bërë ballë tundimit dhe për t’u penduar kur bëjmë shkelje. Kur dalim nga shtegu, kujtimi i besëlidhjeve tona me Perëndinë na ndihmon të kthehemi në shteg. Duke u lidhur te fuqia e Perëndisë, ne [jemi] … të aftë të shkojmë kundër rrjedhës së botës, gjatë gjithë jetës sonë dhe në përjetësitë. Përfundimisht, vendmbërritja jonë ndryshon sepse shtegu i besëlidhjeve të çon drejt ekzaltimit dhe jetës së përjetshme.” (“Qasja te Fuqia e Perëndisë nëpërmjet Besëlidhjeve”, Liahona, maj 2023, f. 36)

Pse kanë rëndësi besëlidhjet?

Plaku D. Tod Kristoferson, i Kuorumit të Dymbëdhjetë Apostujve, shpalli:

15:3

“Disa mund të thonë: ‘Mund të bëj zgjedhje të mira me ose pa pagëzimin; nuk kam nevojë për besëlidhje që të jem njeri i nderuar dhe i suksesshëm’. Në të vërtetë, ka shumë njerëz, të cilët, ndonëse nuk ndodhen vetë në shtegun e besëlidhjeve, veprojnë në një mënyrë që pasqyron zgjedhjet dhe ndihmesat e atyre që janë në atë shteg. Ju mund të thoni se ata korrin bekimet e të ecurit në një ‘shteg veprash të mira’ [që ngjan disi me atë të besëlidhjeve]. Atëherë, çfarë ndryshimi ka shtegu i besëlidhjeve?

Faktikisht, ndryshimi është veçanërisht dhe përjetësisht thelbësor. Ai përfshin natyrën e bindjes sonë, karakterin e zotimit të Perëndisë ndaj nesh, ndihmën hyjnore që marrim, bekimet që lidhen me mbledhjen si një popull i besëlidhjes, dhe, më e rëndësishmja, trashëgiminë tonë të përjetshme.” (“Arsyeja për Shtegun e Besëlidhjeve”, Liahona, maj 2021, f. 117)

Veprimtari Plotësuese të të Mësuarit

Fillim alternativ

Mund ta filloni orën mësimore duke vizatuar dy njerëz në tabelë. Mund t’u vini emër atyre. Poshtë një njeriu, shkruani: “Ka bindje të forta për vlerën e besëlidhjeve të veta me Perëndinë”. Poshtë njeriut të dytë, shkruani: “Ndien se besëlidhjet nuk kanë rëndësi në të vërtetë”.

Si mendoni, pse mund të ndihet secili person në atë mënyrë rreth besëlidhjeve?
Si mund të ndikojnë ndjenjat e tyre rreth besëlidhjeve tek e ardhmja e tyre e menjëhershme dhe e përjetshme?

“Më Pran’, Per’ndi, tek Ti”

Himni “Më Pran’, Per’ndi, tek Ti” (Himne, nr. 52) bazohet në ngjarjet te Zanafilla 28. Merreni parasysh ta këndoni këtë himn në fillim të orës mësimore ose gjatë një çasti tjetër në orën mësimore. Nxënësit mund të kenë dobi edhe nga hedhja një sy tekstit të himnit dhe bërja e lidhjes së tij me përvojën e Jakobit. Mund t’i ftoni nxënësit t’i ndjekin fjalët teksa e dëgjojnë interpretimin vijues të këngës.

5:24

Lidhja mes ordinancave dhe besëlidhjeve

Nxënësit tuaj mund të kenë dobi nga të kuptuarit e lidhjes mes ordinancave dhe besëlidhjeve. Merreni parasysh të zgjidhni një ordinancë, duke diskutuar veprimet fizike që përfshin ajo, dhe duke përcaktuar besëlidhjet shoqëruese. Për shembull, në ordinancën e pagëzimit me zhytje, një njeri premton ta varrosë veten e vet mëkatare nëpërmjet pendimit dhe të ngrihet nga uji si një dishepull i besëlidhjes me Jezu Krishtin. Ju më pas mund të lexoni dhe diskutoni sa vijon.

Presidenti Rasëll M. Nelson u mësoi udhëheqësve të Kishës qëllimin e ordinancave:

“[Perëndia] e ka drejtuar dhe do ta drejtojë gjithmonë mënyrën se si duhet të kryhen ordinancat që ne të mund t’i kuptojmë dhe përvetësojmë besëlidhjet tona me Të” (sesioni i udhëheqjes i Konferencës së Përgjithshme Gjysmëvjetore të 189‑të, 2 tetor 2019)

Si mund të na ndihmojnë ordinancat që t’i kuptojmë dhe përvetësojmë besëlidhjet tona?

Rëndësia e besëlidhjeve

Nëse nxënësit tuaj mund të kenë dobi nga diskutimi i mëtejshëm rreth rëndësisë së besëlidhjeve me Perëndinë, merreni parasysh të jepni thënien nga Plaku D. Tod Kristoferson te pjesa Burime Shtesë.

Më pas mund t’i ndani nxënësit në grupe me nga pesë veta. Varianti i plotë i bisedës së Plakut Kristoferson përmban pesë pjesë. Mund t’u jepni anëtarëve të grupit një kopje të secilës pjesë që çdo person të ketë një pjesë të ndryshme të bisedës. Mund t’i shkurtoni pjesët më të gjata. Ftojini nxënësit ta studiojnë pjesën që u është caktuar, dhe të përgatiten t’ia tregojnë grupit atë që mësuan rreth rëndësisë së besëlidhjeve.

Përndryshe, mund ta ndani gjithë klasën në pesë grupe dhe mund t’i caktoni çdo grupi një pjesë të ndryshme të bisedës.

Mund ta gjeni këtu bisedën e Plakut Kristoferson.