Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Zanafilla 24: Bekimi i Martesës në Besëlidhje

“Zanafilla 24: Bekimi i Martesës në Besëlidhje”, Manuali i Mësuesit të Seminarit për Dhiatën e Vjetër (2026)

“Zanafilla 24: Bekimi i Martesës në Besëlidhje”, Manuali i Mësuesit të Seminarit për Dhiatën e Vjetër

Zanafilla 24–33: Mësimi 29

Zanafilla 24

Bekimi i Martesës në Besëlidhje

Ndërsa shpresa për një martesë të përjetshme mund t’i jetë dukur e paarritshme Isakut, Zoti përgatiti një udhë për të. Ne po ashtu mund të mbështetemi te Zoti dhe të mirëbesojmë se Ai mund të na ndihmojë të përgatitemi për martesën e përjetshme dhe një ditë të marrim bekimet e saj. Ky mësim mund t’i ndihmojë nxënësit ta kuptojnë rëndësinë në planin e Atit Qiellor që ka martesa e përjetshme në besëlidhje.

Përgatitja e nxënësve: Ftojini nxënësit të shkruajnë një pyetje që ata ose dikush që e njohin mund të ketë rreth martesës në tempull dhe të vijnë në orën mësimore duke kërkuar me lutje përgjigje për atë pyetje.

Veprimtari të Mundshme të të Mësuarit

Martesa në tempull

Duke qenë se martesa mund të jetë e vështirë për t’u diskutuar nga disa nxënës, përsiatni me lutje mënyra për ta përgatitur dhe dhënë mësim këtë temë me ndjeshmëri dhe dashuri.

Për t’i përgatitur nxënësit ta diskutojnë temën e martesës, merreni parasysh ta paraqitni fotografinë në fillim të mësimit, së bashku me skenarin vijues.

Përfytyro sikur një shok ose shoqe të thotë: “A është vërtet kaq e rëndësishme të martohesh në tempull? Unë e kam të vështirë ta shoh veten duke u martuar atje gjithsesi; më duket e paarritshme. Dua thjesht të gjej dikë që ta dua.”

Cilat janë disa hamendësime që mund të ketë shoku ose shoqja jote rreth martesës në tempull?
Çfarë të vërtetash mund të mos kuptojë shoku ose shoqja rreth Perëndisë dhe martesës në tempull?

Ftojini nxënësit t’u përgjigjen pyetjeve vijuese në ditarët e tyre të studimit.
Si ndihesh ti vetë rreth martesës në tempull?
Çfarë pyetjesh ose shqetësimesh ke rreth martesës në tempull?

Ndërsa studion kapitullin te Zanafilla 24, ftoje Shpirtin që të të ndihmojë ta kuptosh rëndësinë e martesës në tempull. Kërko ide mbi mënyrën se si Zoti mund të të ndihmojë të bësh një martesë të përjetshme në tempull.

Një udhëtim i rëndësishëm

Për t’i ndihmuar nxënësit ta kuptojnë më mirë kontekstin për kapitullin te Zanafilla 24, ftojini të shohin hartën vijuese. Nëse shkojnë te pjesa Ndihma për Studimin, te nënndarja Harta e Fotografi të Biblës te Gospel Library [Biblioteka e Ungjillit], ata mund ta gjejnë me emrin Harta 9, “Bota e Dhiatës së Vjetër”. Lexojeni ose përmblidheni paragrafin vijues dhe ftojini nxënësit të gjejnë në hartë vendet që ju përmendni. Nëse është nevoja, tregojuni nxënësve ku ndodhen Kanaani (numri 13) dhe Harani (numri 8).

Abrahami dhe familja e tij jetonin në Kanaan mes njerëzish që adhuronin idhuj dhe përfshiheshin në praktika të tjera mëkatare. Abrahami kishte të afërm që jetonin në Haran, atje ku jetonte më parë Abrahami.

Përpara se të lexoni vargjet vijuese, shpjegoni se te Përkthimi prej Joseph Smith‑it fjala “kofshën” ndryshon në “dorën” te vargjet 2 dhe 9. Kjo do të thotë se Abrahami dhe shërbyesi i tij bënë një marrëveshje.

Lexo te Zanafilla 24:1–4, 7–9, duke kërkuar udhëzimet që Abrahami i dha shërbyesit të tij në lidhje me të birin, Isakun.

Çfarë u udhëzua të bënte shërbyesi i Abrahamit?
Çfarë sheh te vargu 7 që tregon se Zoti kishte vëmendje se me cilën do të martohej Isaku?

Vërini nxënësit të përdorin shkallën në hartë për të përcaktuar se sa kilometra do të ishte ky udhëtim. Ndihmojini nxënësit të kuptojnë se Abrahami i kërkoi shërbyesit të tij të përshkonte rreth 1931 kilometra vajtje‑ardhje për të gjetur një grua për Isakun.
Si mendon, pse ia vlejti kjo sakrificë që Isaku të mos martohej me një nga bijat e kanaanejve?

Sipas nevojës, shpjegoni që kur Perëndia krijoi besëlidhjen e Tij me Abrahamin dhe Sarën, Ai tha se pasardhësit e Abrahamit do ta mbanin këtë besëlidhje të rëndësishme me Të vetëm po të martoheshin sipas ligjit të Tij. Atyre do t’u nevojitej të hynin në “besëlidhjen e re dhe të përjetshme të martesës” (shihni te Doktrina e Besëlidhje 131:1–4). Sot, ne hyjmë në këtë besëlidhje kur martohemi në tempujt e shenjtë të Zotit.

Nuk ishte askush në tokën e Kanaanit me të cilën Isaku mund të martohej në besëlidhje. Besëlidhja mund të ruhej vetëm nga dikush prej familjes së Abrahamit në Haran.

Ndihma e Zotit

Paraqiteni figurën vijuese dhe ftojini nxënësit të tregojnë atë që dinë rreth tregimit të përshkruar aty. Mund ta lexoni ose përmblidhni paragrafin vijues nëse është nevoja.

The Old Testament figure Rebekah pouring water from a jug into a cup. The cup is held by the servant of Abraham. The servant is depicted seeking a wife for Isaac, the son of Abraham.

Shërbyesi i Abrahamit përshkoi një distancë të gjatë deri në Haran për të gjetur një grua për Isakun. Ndërkohë që priste pranë një pusi, ai u lut dhe i kërkoi Perëndisë aftësinë për ta ditur se kë do të donte Zoti që ai të gjente.

Ju mund t’i ftoni nxënësit të lexojnë vargjet vijuese individualisht, në dyshe ose si klasë.

Për veprimtarinë vijuese, mund të jetë e dobishme të shpjegoni se emri “Jehova” në Bibël përgjithësisht tregohet nga fjala Zoti me germën e parë të madhe. Fjalët “Zot” ose “zot”, nga ana tjetër, mund t’i referohen thjesht dikujt që ka pushtet, autoritet ose ndikim, si për shembull një padron ose sundues. (Shih te Bible Dictionary, “Jehovah”)

Lexo te Zanafilla 24:12–27, duke kërkuar mënyrën se si Zoti e ndihmoi shërbyesin e Abrahamit të gjente një grua për Isakun. Mund të jetë e dobishme ta shenjosh kur të shohësh fjalën ZOT kur çdo germë e saj është e madhe.

Çfarë gjete?

Merreni parasysh ta përmblidhni pjesën e mbetur të kapitullit te Zanafilla 24 duke treguar paragrafin vijues.

Shërbyesi i Abrahamit u takua me vëllanë dhe babanë e Rebekës. Ai iu shpjegoi se kush ishte dhe si e kishte ndihmuar Zoti të gjente Rebekën. Të nesërmen, Rebeka me guxim zgjodhi që të kthehej me shërbyesin dhe të vulosej me Isakun në besëlidhjen e martesës së përjetshme (shih te Zanafilla 24:29–67).

Çfarë mëson rreth Zotit nëpërmjet tregimit të Isakut dhe Rebekës dhe martesës së tyre të përjetshme?

Nxënësit mund të përgjigjen me një larmi të vërtetash, por sigurohuni që ata të kuptojnë se Zoti do të na ndihmojë ndërsa përpiqemi fort të hyjmë në besëlidhjen e martesës së përjetshme.
Si mund ta ndihmojë Zoti dikë që po përpiqet fort për një martesë të përjetshme, por shqetësohet se mund të mos e marrë kurrë këtë bekim?
Si mendon, përse martesa e përjetshme është kaq e rëndësishme për Zotin?

Pse martesa e përjetshme?

Për t’i ndihmuar nxënësit ta kuptojnë më mirë rëndësinë e martesës së përjetshme, ftojini ata të vizatojnë në ditarët e tyre të studimit një figurë të thjeshtë të tempullit, si ajo më poshtë.

Simple drawing of the Salt Lake Temple with a mountain behnd it

Poshtë vizatimit të tempullit, shkruaj një pyetje që mund të të ndihmojë t’i kuptosh më mirë të vërtetat që ke mësuar sot. Kjo mund të jetë pyetja jote, një pyetje nga dikush që e ti njeh, ose një nga sa vijon:

Pse është e rëndësishme martesa e përjetshme?
Çfarë bekimesh mund të marr duke u martuar në tempull dhe më pas duke u përpjekur fort t’i nderoj ato besëlidhje?
Si mund të më ndihmojë Zoti një ditë të marr bekimet e martesës së përjetshme?

Për të të ndihmuar t’i përgjigjesh pyetjes, kërko burime të ndryshme të Kishës, si ato vijueset:

Fragmente të zotërimit doktrinor (Zanafilla 2:24; 1 Korintasve 11:11; Doktrina e Besëlidhje 131:1–4)
Fletushka e titulluar “Martesa e Përjetshme”
“Martesa” dhe zëra të lidhur me të tek Udhëzuesi për Shkrimet e Shenjta ose Tema dhe Pyetje te Gospel Library [Biblioteka e Ungjillit]
Fraza si “martesë në besëlidhje” ose “martesë në tempull” në kërkimin te Gospel Library [Biblioteka e Ungjillit]

Ftojini nxënësit t’ia tregojnë klasës atë që mësuan.

Reflektimi vetjak

Reflekto për skenarin nga fillimi i orës mësimore. Në ditarin tënd të studimit, përgjigju për pyetjet vijuese:

Si do t’i përgjigjeshe pyetjes së shokut ose shoqes rreth arsyes pse është e rëndësishme martesa në tempull?
Çfarë mësove sot rreth Atit Qiellor ose Jezu Krishtit që mund të të japë shpresë për përpjekjet e tua për të ftuar bekimet e martesës në tempull?

Ftojini nxënësit e gatshëm ta lexojnë atë që shkruan.

Merreni parasysh të jepni dëshminë tuaj për rëndësinë e martesës në besëlidhje dhe inkurajojini nxënësit tuaj të fillojnë të përgatiten për të tani.

Burime Shtesë

Cilat janë disa bekime të tjera të një martese në besëlidhje?

Motra Kristen M. Ouks, bashkëshortja e Presidentit Dallin H. Ouks, tregoi:

38:47

“Martesa është një dhuratë. Jo vetëm që martesa na jep mundësinë për fëmijë, por ajo na jep mundësinë dhe stimulin që të fillojmë një rrugëtim rritjeje me njëri‑tjetrin.

Ne mësojmë të sakrifikojmë dhe të shërbejmë sa mundemi në disa mënyra të tjera. … Mësoj se si ta dua dhe ta ndihmoj më mirë bashkëshortin tim; kam një mik me të cilin të qesh e të qaj. Kam një këshillues dhe një mësues dhe një nxitës i cili më ndihmon në këmbim. Martesa është një mundësi e pandarë për të mësuar mbi komunikimin dhe këndvështrimet. Jeta përmirësohet kur martesa jonë lidhet me diçka më të madhe sesa vetja jonë dhe jemi më të afërt me Shpëtimtarin tonë. Ne e duam këtë për ju.” (“Mbrojeni të Vërtetën” [takim shpirtëror mbarëbotëror për të rinjtë në moshë madhore, 21 maj 2023], Gospel Library [Biblioteka e Ungjillit])

Pse është shqetësuese ta shtysh martesën?

Presidenti Dallin H. Ouks dha mësim:

“Merreni parasysh se çfarë humbasin të rinjtë shenjtorë të ditëve të mëvonshme në moshë madhore kur martesat e tyre shtyhen qëllimisht për një periudhë të rëndësishme: mundësitë humbasin dhe bekimet shtyhen. Kjo do të thotë vonesa në rritjen e rëndësishme vetjake që ndodh në marrëdhënien midis një bashkëshorti dhe bashkëshorteje, në rritjen në cilësi të tilla si sakrifica e përulësia. Do të thotë mundësi të pakësuara që të veprojnë së bashku për të ndërtuar mbretërinë e Perëndisë. Dhe më e rëndësishme se kjo, do të thotë më pak fëmijë të lindur për t’u rritur me bekimet e ungjillit.” (“Mbrojeni të Vërtetën” [takim shpirtëror mbarëbotëror për të rinjtë në moshë madhore, 21 maj 2023], Gospel Library [Biblioteka e Ungjillit])

Po sikur të shqetësohem se nuk do të kem një familje të përjetshme?

Presidenti Henri B. Ajring, i Presidencës së Parë, shpjegoi:

“Njëherë, një profet i Perëndisë më dha një këshillë që më jep paqe. Isha i shqetësuar se zgjedhjet e të tjerëve mund ta bënin të pamundur që familja jonë të ishte bashkë përgjithmonë. Ai tha: ‘Po shqetësohesh për problemin e gabuar. Ti thjesht jeto i denjë për mbretërinë çelestiale dhe situata në familje do të jetë më e mrekullueshme nga sa mund ta përfytyrosh.’

… Me fuqinë e Shlyerjes së Jezu Krishtit që funksionon dhe me Shpirtin e Shenjtë që ju udhërrëfen, ju mund ta ndieni tani dhe do ta ndieni në botën që do të vijë, dashurinë familjare që Ati juaj dhe Biri i Tij i Dashur dëshirojnë kaq shumë që ju të merrni.

Unë dëshmoj se, teksa jetoni të denjë për mbretërinë çelestiale, premtimi profetik se ‘rregullimet në familje do të jenë më të mrekullueshme nga sa mund të përfytyroni’ do të jetë juaji.” (“Shpresa për Dashuri si Familje e Përjetshme”, Liahona, gusht 2016, f. 5; Mesazhi i Presidencës së Parë, gusht 2016)

Ku mund të mësoj më shumë rreth qëndrimit të Kishës për martesën mes së njëjtës gjini?

Gospel Topics, “SameSex Marriage”, Gospel Library [Biblioteka e Ungjillit]
Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme, 38.6.16, Gospel Library [Biblioteka e Ungjillit]

Veprimtari Plotësuese të të Mësuarit

Material filmik rreth martesave në tempull

Për t’i ndihmuar nxënësit ta kuptojnë më mirë se si është një martesë në tempull, merreni parasysh t’u shfaqni atyre materialin filmik “Me Çfarë Ngjan një Martesë në Tempull?” (1:22).

1:22

Përgatitja në rini për martesën në besëlidhje

Për t’i ndihmuar nxënësit të kuptojnë se si mund të përgatiten sot për një martesë në besëlidhje, mund të tregoni përvojën dhe pyetjet vijuese.

Vëllai Ted R. Kelister, asokohe President i Përgjithshëm i Shkollës të së Dielës, kujtoi historinë vijuese nga rinia e vet:

9:40

“Kur isha rreth 17 vjeç, isha gjunjëzuar pranë shtratit tim duke bërë lutjet e mia të mbrëmjes. Pa dijeninë time, nëna ime po qëndronte te pragu i derës. Kur mbarova, ajo tha: ‘Ted, a po i kërkon Zotit të të ndihmojë të gjesh një bashkëshorte të mirë?’

Pyetja e saj më kapi tërësisht në befasi. Ajo ishte gjëja më e largët në mendjen time. Unë po mendoja për basketbollin dhe shkollën. Dhe kështu që u përgjigja: ‘Jo’, të cilës ajo iu përgjigj: ‘Epo mirë Bir, duhet ta bësh; do të jetë vendimi më i rëndësishëm që do të marrësh ndonjëherë’. Ato fjalë u zhytën thellë në zemrën time dhe kështu, për gjashtë vitet në vijim, u luta që Perëndia të më ndihmonte të gjeja një bashkëshorte të mirë. Dhe, oh, si iu përgjigj Ai asaj lutjeje!” (“Prindërit: Mësuesit Kryesorë të Ungjillit për Fëmijët e Tyre”, Liahona, nëntor 2014, f. 33)

Pse mendon që gjetja e një bashkëshorti/eje të mirë është një nga vendimet më të rëndësishme që do të marrësh ndonjëherë?
Pse mendon se është e rëndësishme që të fillosh të përgatitesh tani për të hyrë në një martesë në besëlidhje?
Cilat janë gjërat që mund të bësh tani që të përgatitesh për një martesë në besëlidhje?

Cilësitë e Rebekës të ngjashme me të Krishtit

Mund të jetë e dobishme që nxënësit të marrin parasysh se si demonstroi Rebeka cilësi të ngjashme me të Krishtit. Ftojini nxënësit të lexojnë te Zanafilla 24:16–20, 55–58, duke kërkuar tiparet e Rebekës që nxënësve u kujtojnë Jezu Krishtin. Nxënësit më pas mund të japin shembuj nga jeta e Krishtit që demonstrojnë secilin tipar dhe të diskutojnë pse këto tipare do të ishin të dobishme për një martesë.