Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 22: O Se Faatusa o Iesu Keriso

“Kenese 22: O Se Faatusa o Iesu Keriso,” Tusi Lesona a le Faiaoga Seminare o le Feagaiga Tuai (2026)

“Kenese 22: O Se Faatusa o Iesu Keriso,” Tusi Lesona a le Faiaoga Seminare o le Feagaiga Tuai

Kenese 18–23: Lesona 27

Kenese 22

O Se Faatusa o Iesu Keriso

Abraham and Isaac. Abraham looking toward the heavens with a knife in his hand. Isaac laying on the alter. The Gospel in the Old Testament (Religious Tract Society, 1908).

Atonu o le a le matua malamalama atoatoa o tatou mafaufau faaletino i le poloaiga faamomoi loto na tuuina atu e le Atua ia Aperaamo ia osi le taulaga i lona atalii, o Isaako. Sa faateleina e le perofeta o sa Nifae o Iakopo lo tatou malamalama i le faatusa mamana o lenei poloaiga ina ua ia aoao e faapea, o le taulaga o “se faatusa o le Atua ma lona Alo e Toatasi na Fanaua” (Iakopo 4:5). O lenei lesona e mafai ona fesoasoani i tagata aoga e lagona le alofa o loo i le Tama Faalelagi ma Iesu Keriso mo i latou.

Sauniuniga a le tagata aoga: Valaaulia tagata aoga e faailoa mai se mau na latou maua e fesoasoani ia i latou e iloa ai le alofa o le Tama Faalelagi ma Iesu Keriso mo i tatou. Tuu atu ia i latou e o mai saunia e faasoa mai.

Gaoioiga E Ono Mafai Ona Aoao Ai

O le alofa o le Atua

Mafaufau e amata le lesona i le faasoa atu ai o le faamatalaga lenei:

O Peresitene Dieter F. Uchtdorf, i lena taimi ao avea o se tasi o le Au Peresitene Sili, na faamatalaina le alofa o loo i le Tama Faalelagi mo Ana fanau:

19:43

Mafaufau i le alofa sili ona mama, sili ona aoao-tetele e mafai ona e mafaufauina. Ia faatele nei lena alofa i se numera e le iu—o le fuataga lena o le alofa o le Atua mo oe.

E le silasila le Atua i foliga vaaia i fafo. Ou te talitonu e matua le popole lava i sina mea itiiti pe tatou te nonofo i se maota tautupu po o se faleoo, pe tatou te lalelei pe faatauvaa, pe tatou te lauiloa pe le amanaiaina. E ui tatou te faaleatoatoa, ae alofa atoatoa le Atua ia i tatou. E ui lava tatou te le atoatoa, ae e alofa atoatoa o Ia mo i tatou. E ui atonu tatou te lagona ua tatou se ma leai se tapasā, ae siomia atoa lava i tatou i le alofa o le Atua. (“O le Alofa o le Atua,” Liahona, Nov. 2009, 22)

E faaopoopo atu i upu na faaaoga e Peresitene Uchtdorf, o a nisi upu po o fasifuaitau e mafai ona e faaaogaina e faamatala ai le alofa o le Atua mo i tatou?

Ina ia fesoasoani i tagata aoga e faapatino le lesona i o latou olaga, valaaulia i latou e mafaufau pe faafia ona latou lagonaina pe iloa le alofa o le Tama Faalelagi ma Iesu Keriso mo i latou. E mafai foi ona e valaaulia i latou e mafaufau po o a ni a latou fesili o i ai i le taimi nei e uiga i le alofa o le Tama Faalelagi ma Iesu Keriso.

Fautuaina tagata aoga a o latou suesue i le aso e gauai atu i uunaiga mai le Agaga Paia lea e mafai ona fesoasoani latou te lagona ai le alofa o le Tama Faalelagi ma Iesu Keriso.

O se faaaliaina o le alofa o le Atua

O loo i ai i tusitusiga paia le tele o aoaoga o loo faamatala ai le alofa o le Tama Faalelagi ma Iesu Keriso mo i tatou. O se tasi o faataitaiga o loo i le Ioane 3:16.

Faitau le Ioane 3:16, ma vaavaai mo le faaaliaina aupito silisili o le alofa o le Tama Faalelagi.

E faapefea ona e aoteleina mea na e mauaina?

E mafai e tagata aoga ona faasoa mai se mea e pei o le Na faaalia e le Tama Faalelagi Lona alofa mo i tatou e ala i le taulaga a Lona Alo, o Iesu Keriso.

E faapefea e le taulaga togiola a le Faaola ona faaalia ai le alofa o le Tama Faalelagi ma Iesu Keriso mo i tatou?

Ua poloaiina Aperaamo e osi le taulaga i lona atalii.

Faamalamalama atu o le asō, o le a suesue ai e tagata aoga se tala e mafai ona aoao ai i tatou e uiga i le alofa o le Tama Faalelagi ma Iesu Keriso na faaalia e ala i le Togiola a le Faaola.

Mafaufau e faaali atu le ata lenei.

The Old Testament prophet standing beside an altar. Abraham's son Isaac is strapped to the altar. Abraham is holding a dagger in the air as he prepares to sacrifice Isaac. An angel is appearing before Abraham and commanding him to not sacrifice his son.

O le a se mea ua e iloa e uiga i lenei aafiaga mai olaga o Aperaamo ma Isaako?

A uma ona faasoa mai e tagata aoga a latou tali, faamalamalama atu mea nei.

O le tala ia Aperaamo ma Isaako e mafai ona aoao ai i tatou e uiga i le alofa o le Tama Faalelagi ma Iesu Keriso na faaalia ia i tatou e ala i le taulaga togiola a le Faaola.

Faitau le Iakopo 4:5, ma vaavaai mo mea na aoao mai e Iakopo e uiga i lenei tala.

O le a se mea sa e mauaina?

A o suesue e tagata aoga le tala ia Aperaamo ma Isaako i le Kenese 22, valaaulia i latou e gauai atu i mea e mafai e lenei tala ona aoao faafaatusa ai i latou e uiga i le Tama Faalelagi ma Iesu Keriso.

Ina ia saunia tagata aoga e faia lenei mea, mafaufau e fai ni koluma se lua i luga o le laupapa. Faaulutala le tasi koluma Aperaamo ma Isaako ma le isi koluma i le Tama Faalelagi ma Iesu Keriso. E mafai foi ona e valaaulia tagata aoga e fatu lenei siata i totonu o a latou api faamaumau mo suesuega.

E mafai e tagata aoga ona faauma taitoatasi le gaoioiga lenei pe fai faatasi foi ma se paga. Mafaufau e faasoa atu se faataitaiga se tasi mai le siata ua maea (o loo maua mulimuli ane i le lesona) a o lei amataina e tagata aoga a latou suesuega.

Faitau ma le agaga tatalo le Kenese 22:1–14, ma vaavaai mo mea e talitutusa ai le Tama Faalelagi ma Iesu Keriso. Valivali fasifuaitau anoa o mau. Tusifaamaumau ou manatu e uiga i mea e aoao atu e nei fasifuaitau ia te oe e uiga i le Tama Faalelagi ma Iesu Keriso.

O le siata lenei o loo i ai faataitaiga o malamalamaaga e ono maua e tagata aoga a o latou suesue i lenei tala. Pe a manaomia, e mafai ona e faaaogaina nei faataitaiga e fesoasoani ai i tagata aoga ia latou suesuega. Mo se faataitaiga, e mafai ona e faasoa atu le malamalamaaga e uiga i le laueleele o Moria (tagai Kenese 22:2) a o lei suesue pe ua uma foi ona suesue le vasega.

Aperaamo ma Isaako	Tama Faalelagi ma Iesu Keriso
Kenese 22:2, 12—“lou atalii e toatasi”	O Iesu Keriso o le Alo e Toatasi na Fanaua e le Tama Faalelagi (tagai Ioane 3:16).
Kenese 22:2—“o le nuu o Moria”	“O le nofoaga sa masani ona iloa o le nofoaga lea na ofoina atu ai e Aperaamo ia Isaako o loo … i le vaega lava lea e tasi o le a faia ai e le Tama le taulaga a Lona Alo” (Old Testament Student Manual, 3rd ed. [2003], 77).
Kenese 22:2—“o se taulaga mu”	O taulaga mu sa o se ituaiga o taulaga e osi i manu. O taulaga e osi i manu o se faatusa o Iesu Keriso (tagai Mose 5:4–7).
Kenese 22:6—“ave … fafie e fai ai le taulaga mu, ma faaee ai ia Isaako lona atalii”	Na tauaveina e Keriso Lona satauro (tagai Ioane 19:16–18).
Kenese 22:7–8—“E aumai e le Atua se tamai mamoe”	Na auina mai e le Tama Faalelagi Lona Alo, o le Tamai Mamoe a le Atua, o se taulaga togiola (tagai Ioane 1:29).
Kenese 22:9—“fusifusi foi lona atalii o Isaako, ma faaee ia te ia i le fata”	Sa noatia Keriso i le satauro i fao (tagai i le 1 Nifae 11:33).

A uma se taimi na suesue ai tagata aoga, tuu atu ia i latou se avanoa e faasoa mai ai mea na aoaoina ai i latou e le Agaga a o latou suesueina nei fuaiupu. Atonu e te fai atu fesili e pei o nei o se vaega o la outou talanoaga:

O le a se mea na e aoaoina e uiga i le Tama Faalelagi ma Iesu Keriso mai le tala ia Aperaamo ma Isaako?
O a nisi o faatusa o le Tama Faalelagi ma Iesu Keriso sa sili ona anoa ia te oe? Aisea?

O le alofa o le Atua mo a’u

Tuu atu i tagata aoga se avanoa e manatunatu ai i le alofa o le Tama Faalelagi ma Iesu Keriso mo i latou. Ina ia saunia i latou e manatunatu, e mafai ona e pese pe faʻalogologo i se viiga e taulaʻi i lena alofa, e pei o le “Sa Alofa le Atua ia i Tatou, O lea na Ia Auina Mai ai Lona Alo” (Hymns, no. 187).

E mafai foi ona e faasoa atu le saunoaga a Peresitene Dallin H. Oaks i le Punaoa Faaopoopo.

E mafai faapefea e le manatuaina o le alofa o le Tama Faalelagi ma Iesu Keriso mo oe ona aafia ai lou olaga?
O le a se mea na fesoasoani pe mafai foi ona fesoasoani ia te oe e lagona ai le alofa o le Tama Faalelagi ma Iesu Keriso?

Faaiu le lesona i le valaaulia o tagata aoga e mafaufau e uiga i mea sa latou aoaoina ma lagonaina i le asō e uiga i le alofa o le Tama Faalelagi ma Iesu Keriso mo i latou. Valaaulia i latou e tusifaamaumau o latou manatu ma uunaiga faaleagaga i a latou api faamaumau mo suesuega. Mafaufau e faasoa atu lau molimau e uiga i le alofa o le Tama Faalelagi ma Iesu Keriso mo i tatou taitoatasi. Fautuaina tagata aoga e saili ni aafiaga o le a fesoasoani ia i latou e lagona ai pea lava pea le alofa o le Atua mo i latou.

Punaoa Faaopoopo

E faapefea e le Togiola a le Faaola ona faaalia ai le alofa o le Atua mo i tatou?

Sa faasoa mai Peresitene Dallin H. Oaks o le Au Peresitene Sili:

12:45

O le aafiaga ofoofogia ma le lēmafaamatalaina o le Togiola a Iesu Keriso e fua i le alofa o le Atua mo i tatou taitoatasi. O loʻo faʻamaonia ai Lana tautinoga e faapea “ua tele lava le taua o agaga”—agaga uma—i le silafaga a le Atua” (Mataupu Faavae ma Feagaiga 18:10). I le Tusi Paia, sa faamatalaina ai e Iesu Keriso lenei mea e tusa ai ma le alofa o le Tama Faalelagi: “Aua ua faapea lava ona alofa mai o le Atua i le lalolagi, ua ia au mai ai lona Atalii e toatasi, ina ia le fano se tasi e faatuatua ia te ia, a ia maua e ia le ola e faavavau” (Ioane 3:16). I faaaliga i ona po nei na tautino mai ai lo tatou Togiola, o Iesu Keriso, e faapea na Ia “alofa tele i le lalolagi na ia tuu atu ai lona lava ola, ina ia mafai e le toatele o e talitonu ona avea ma atalii o le Atua” (Mataupu Faavae ma Feagaiga 34:3). (“O Le A Le Mea Sa Faia e lo Tatou Faaola mo i Tatou?,” Liahona, Me 2021, 76)

E faapefea pe afai ou te masalomia le alofa o le Tama Faalelagi mo au?

Na faamalamalama mai e Peresitene Thomas S. Monson (1927–2018):

16:36

E alofa lo outou Tama Faalelagi ia te outou—outou taitoatasi. E le suia lava lena alofa. E le faatosinaina e ou foliga vaaia, o au meatotino, po o le tele o tupe o loo i ai i lau tusitupe. E le suia e au taleni ma tomai. Ua i ai lava iina. Ua i ai iina mo outou pe a outou faanoanoa pe fiafia, lotovaivai pe tumu i le faamoemoe. Ua i ai iina le alofa o le Atua mo outou e tusa lava pe tou te lagona pe le lagona e alagatatau mo outou le alofa. O loo i ai lava iina. (“Tatou te Le Savavali Lava Na o Tatou,” Liahona, Nov. 2013, 123–24)

Aisea na poloai ai le Atua ia Aperaamo e osi le taulaga ia Isaako?

Na saunoa Peresitene George Q. Cannon (1827–1901) o le Au Peresitene Sili:

Aiseā na fesili atu ai le Alii mo ia ituaiga mea mai iā Aperaamo? Aua, i le iloaina ai o lona lumanai ma o le a avea o ia ma tamā o se fanau e le mafaitaulia, o lea sa ia fuafua ai e tofotofo o ia. E lei faia e le Atua lenei mea mo Ia lava, aua sa Ia silafia e ala i Lona mataisau le mea o le a faia e Aperaamo; ae o le faamoemoega o le tuuina atu lea i luga o Aperaamo o se lesona ma ia mafai ai e ia ona maua le malamalama e le mafai ona ia mauaina i se isi lava auala. O le mafuaaga lena e tofotofo ai i tatou uma e le Atua. E le mo Lona lava silafia aua ua Ia silafia mea uma ao lei tutupu. Na te silafia o outou olaga uma ma mea uma o le a outou faia. Ae na te Ia tofotofoina i tatou mo lo tatou lava lelei ina ia tatou iloa e i tatou lava. (George Q. Cannon, i le Conference Report, Ape. 1899, 66)

Gaoioiga Faaopoopo e Aoao Ai

Vitio Akedah (The Binding)

Atonu e fesoasoani mo nisi tagata aoga le vaai faalemafaufau i le tala ia Aperaamo ma Isaako. Ina ia fesoasoani ia i latou e faia lena mea, e mafai ona e faaali atu se vaega po o [le vitio atoa] o le “Akedah (The Binding)” (12:57). Faaaoga numera faailotaimi o vitio nei e faaopoopo i suesuega a tagata aoga o le Kenese 22:1–14.

Kenese 22:1–2 (0:00 i le 1:34). A uma lenei vaega, mafaufau e valaaulia tagata aoga e talanoaina fesili atonu na i ai ia Aperaamo.

Kenese 22:3–6 (3:08–6:00). A o lei oo i lenei vaega, mafaufau e valaaulia tagata aoga e vaavaai mo faamaoniga o se poloaiga faigata lenei mo Aperaamo ona usitaia.

Kenese 22:7–9 (6:01–10:10). A o lei oo i lenei vaega, mafaufau e valaaulia tagata aoga e vaavaai mo auala ua faamanatu atu ai e Isaako ia i latou e uiga ia Iesu Keriso. A uma ona matamata i le vaega, e mafai ona latou talanoaina o latou malamalamaaga.

Kenese 22:10–18 (10:11–12:57). A uma lenei vaega, mafaufau e valaaulia tagata aoga e faasoa mai mea na latou aoaoina e uiga i le Tama Faalelagi ma Iesu Keriso mai lenei tala.

12:56

Mea faigata

O le gaoioiga lenei e mafai ona fesoasoani i tagata aoga e malamalama ai i nisi o mafuaaga e ono poloaiina ai i tatou e le Atua ia oo i ni mea faigata. E mafai e tagata aoga ona faitau le Kenese 22:2 ma talanoaina mafuaaga semanu e faigata ai ia Aperaamo ona fai le mea na poloaiina ai o ia e le Alii e fai. Ona mafai lea ona e matamata i vitio kilipi nei e lua. O nei kilipi o loo faaalia ai (1) se mea faigata i ona po nei na oo i ai Elder Isaac K. Morrison o le Fitugafulu ma (2) o mea sa ia aoaoina e ala i lona aafiaga.

10:52

Punaoa faaopoopo o vitio

I le faaiuga o le lesona, e maua e tagata aoga se avanoa e mafaufau ai e uiga i le alofa o le Tama Faalelagi ma Iesu Keriso mo i latou. Ina ia fesoasoani e saunia tagata aoga e tomanatunatu, e mafai ona e faaaogaina vitio nei:

4:49

“Aua Ua Faapea Lava Ona Alofa Tele o le Atua i le Lalolagi” (4:48). A o matamata tagata aoga i nei faatinoga mai le soifuaga o le Faaola, e mafai ona latou tomanatu i le alofa o le Tama Faalelagi ma Iesu Keriso mo i latou.

5:37

“E Leai Se Tapulaa i le Alofa o le Atua” (5:37). E mafai ona mafaufau tagata aoga e uiga i o latou lava aafiaga i le lagonaina o le alofa o le Atua a o latou matamata i lenei vitio, lea e faamatala ai le alofa na lagonaina e se tamaitai talavou matua a o ia galue agai atu i le salamo.