Kenese 15–18; 21

2:46

1. Ua filifili se tamaitai talavou ia faamaoni i ana meaaoga, ma le talitonu o le a faamanuiaina o ia e le Alii. Ua ia maitauina o ona togi e sili atu ona leaga nai lo isi tagata aoga o loo faimamago.

2. Sa maua e se alii talavou lona faamanuiaga faapeteriaka, lea e ta’u mai ai o le a ia auauna atu i se misiona talai. I le taimi o se suega faafomai, na iloa ai e fomai e i ai ona faafitauli faaletino o le a le faatagaina ai o ia e auauna atu.

3. Ua tuuina e se tamaitai talavou le folafolaga a Moronae i le suega e ala i le faitauina o le Tusi a Mamona ma tatalo ia iloa e moni. Na te lagona na te lei mauaina se tali. O a nisi o fesili e ono i ai i nei tupulaga talavou e uiga i le Atua ma Ana folafolaga?

   • O a nisi o fesili e ono i ai i nei tupulaga talavou e uiga i le Atua ma Ana folafolaga?

A o tatou suesue i tusitusiga paia, e mafai ona fesoasoani le malamalama i le faatatauga (tulaga po o le talaaga o loo siomia ai se fuaitau faapitoa). O le faatatauga e mafai ona faamanino ma aumaia ai se malamalama loloto atu i tala po o aoaoga i tusitusiga paia. Mo se faataitaiga, a o suesueina le tala ia Aperaamo ma Sara, e mafai ona fesoasoani le iloa e faapea mo le tele o lona olaga, sa manao Aperaamo e avea o se tamā (tagai Aperaamo 1:2). Ae a o matutua i laʻua ma lona toʻalua o Sara ma tea ai tausaga masani o le fanauina o fanau, na foliga mai o le a la lē oo i faamanuiaga folafolaina o le mauaina o ni a la fanau i o la olaga faaletino.

Tatala le PDF

• O le a sou lagona i le ala na fesoasoani ai le faatatauga ia te oe e malamalama ai i mea sa e suesueina?

• Mata o a ni ou lagona pe ana e oo i le mea na faia e Aperaamo ma Sara i nei fuaiupu?

Faitau le Kenese 21:1–6, ma vaavaai pe na faapefea ona tausia e le Alii Ana folafolaga ia Aperaamo ma Sara.

• O a ni upumoni ua e aoaoina e uiga i le Alii mai lenei tala?

Sa faasoa e Peresitene Dieter F. Uchtdorf, a o i ai i le Au Peresitene Sili, se lesona sa ia aoaoina e uiga i folafolaga a le Atua:

E le o taimi uma e vave faataunuuina ai folafolaga a le Atua po o le ala foi atonu tatou te faamoemoe i ai; ae e oo mai e tusa ai ma Lana lava taimi ma i Ana lava ala. (“Fa’aauau i le Onosai,” Liahona, Me 2010, 58)

• E mafai faapefea ona tatou manuia mai taimi e le vave faataunuuina ai folafolaga a le Alii i o tatou olaga?

• O le a se mea ua e iloa e uiga i le Alii e mafai ona fesoasoani ia te oe a o e faatalitali mo Ana folafolaga ina ia faataunuuina?

Ina ia fesoasoani i tagata aoga e toe faamanatu i mea ua latou aoaoina, mafaufau e faaali atu le faamatalaga lenei po o le matamata i le “Good Things to Come” (4:55), o loo maua i le ChurchofJesusChrist.org. Valaaulia tagata aoga e mafaufau i ni aafiaga patino e mafai ona fesootai i le faamatalaga po o le vitio.

4:55

Na faasoa mai e Elder Jeffrey R. Holland o le Korama a Aposetolo e Toasefululua le malamalamaaga lenei e uiga i faamanuiaga folafolaina a le Alii:

E vave oo mai nisi faamanuiaga, o nisi e tuai, o nisi e le oo mai vagana le lagi; ae mo i latou e taliaina le talalelei a Iesu Keriso, e oo mai lava. (“An High Priest of Good Things to Come,” Ensign, Nov. 1999, 38)

• O a ni aafiaga na e oo i ai po o isi ia na fesoasoani ia te oe e talitonu ai o le a tausia e le Alii Ana folafolaga i Lana ala ma i Lana taimi?

Filifili se tasi o gaoioiga nei e fai i lau api faamaumau mo suesuega.

1. Toe manatunatu i ata faataitai na faasoa mai i le amataga o le lesona. Tusi se tusi i se tasi o na tagata, ma ia aofia ai le mafuaaga e te talitonu ai o le a tausia e le Alii Ana folafolaga.

2. Tusi se parakalafa puupuu i lau api talaaga. Ia aofia ai mea na e aoaoina ma lagonaina i le asō e mafai ona fesoasoani ia te oe pe a e faatalitali mo folafolaga a le Alii ina ia faataunuuina.