Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Zanafilla 22: Një Ngjashmëri e Jezu Krishtit

“Zanafilla 22: Një Ngjashmëri e Jezu Krishtit”, Manuali i Mësuesit të Seminarit për Dhiatën e Vjetër (2026)

“Zanafilla 22: Një Ngjashmëri e Jezu Krishtit”, Manuali i Mësuesit të Seminarit për Dhiatën e Vjetër

Zanafilla 18–23: Mësimi 27

Zanafilla 22

Një Ngjashmëri e Jezu Krishtit

Abraham and Isaac. Abraham looking toward the heavens with a knife in his hand. Isaac laying on the alter. The Gospel in the Old Testament (Religious Tract Society, 1908).

Mendja jonë njerëzore mund të mos e kuptojë kurrë plotësisht urdhërimin zemërkëputës që Perëndia i dha Abrahamit për të sakrifikuar të birin, Isakun. Profeti nefit, Jakobi, na e rriti kuptueshmërinë për simbolikën e fuqishme të këtij urdhërimi kur dha mësim se sakrifica ishte “një ngjashmëri e Perëndisë dhe e të Vetëmlindurit të tij” (Jakobi [LiM] 4:5). Ky mësim mund t’i ndihmojë nxënësit ta ndiejnë dashurinë që Ati Qiellor dhe Jezu Krishti kanë për ta.

Përgatitja e nxënësve: Ftojini nxënësit të përcaktojnë një shkrim të shenjtë që kanë gjetur, i cili i ndihmon të dallojnë dashurinë që Ati Qiellor dhe Jezu Krishti kanë për ne. Bëjini të vijnë të përgatitur për ta treguar.

Veprimtari të Mundshme të të Mësuarit

Dashuria e Perëndisë

Merreni parasysh ta filloni mësimin duke treguar thënien vijuese.

Presidenti Diter F. Uhtdorf, në atë kohë një anëtar i Presidencës së Parë, e përshkroi dashurinë që ka Ati Qiellor për fëmijët e Tij:

19:44

“Mendoni për dashurinë më të kthjellët, më gjithëpërmbushëse që mund të përfytyroni. Tani shumëfishojeni atë dashuri me një sasi të pafundme – kjo është masa e dashurisë së Perëndisë – për juve.

Perëndia nuk shikon pamjen e jashtme. Unë besoj se Ai nuk ka gajle asnjë grimë nëse ne jetojmë në një kështjellë apo shtëpizë, nëse jemi të pashëm apo të rëndomtë, nëse jemi të famshëm apo të harruar. Edhe pse jemi të paplotë, Perëndia na do plotësisht. Edhe pse jemi të papërsosur, Ai na do përsosurisht. Edhe pse mund të ndihemi të humbur e pa busull, dashuria e Perëndisë na mbështjell tërësisht.” (“Dashuria e Perëndisë”, Liahona, nëntor 2009, f. 22)

Krahas fjalëve të përdorura nga Presidenti Uhtdorf, cilat janë disa fjalë ose fraza të tjera që mund të përdorësh për të përshkruar dashurinë e Perëndisë për ne?

Për t’i ndihmuar nxënësit ta individualizojnë mësimin për jetën e tyre, ftojini të marrin parasysh se sa shpesh e ndiejnë ose e dallojnë dashurinë që Ati Qiellor dhe Jezu Krishti kanë për ta. Mund edhe t’i ftoni të marrin parasysh se çfarë pyetjesh kanë aktualisht rreth dashurisë së Atit Qiellor dhe Jezu Krishtit.

Inkurajojini nxënësit teksa studiojnë sot që t’u kushtojnë vëmendje mbresave nga Fryma e Shenjtë që mund t’i ndihmojnë të ndiejnë dashurinë e Atit Qiellor dhe Jezu Krishtit.

Një shfaqje e dashurisë së Perëndisë

Shkrimet e shenjta përmbajnë mësime të shumta që përshkruajnë dashurinë që Ati Qiellor dhe Jezu Krishti kanë për ne. Një shembull është te Gjoni 3:16.

Lexo te Gjoni 3:16, duke kërkuar shfaqjen më të madhe të dashurisë së Atit Qiellor.

Si do ta përmblidhje atë që gjete?

Nxënësit mund të thonë diçka si: Ati Qiellor e demonstroi dashurinë e Tij për ne nëpërmjet flijimit të Birit të Tij, Jezu Krishtit.

Si e demonstron flijimi shlyes i Shpëtimtarit dashurinë që kanë Ati Qiellor dhe Jezu Krishti për ne?

Abrahami urdhërohet të sakrifikojë të birin

Shpjegoni se sot nxënësit do të studiojnë një tregim që mund të na mësojë rreth dashurisë që Ati Qiellor dhe Jezu Krishti demonstruan nëpërmjet Shlyerjes së Shpëtimtarit.

Merreni parasysh të paraqitni figurën vijuese.

The Old Testament prophet standing beside an altar. Abraham's son Isaac is strapped to the altar. Abraham is holding a dagger in the air as he prepares to sacrifice Isaac. An angel is appearing before Abraham and commanding him to not sacrifice his son.

Çfarë di për këtë përvojë nga jeta e Abrahamit dhe Isakut?

Pasi nxënësit të japin përgjigjet e tyre, shpjegoni sa vijon.

Tregimi për Abrahamin dhe Isakun mund të na mësojë rreth dashurisë që Ati Qiellor dhe Jezu Krishti demonstruan kundrejt nesh nëpërmjet flijimit shlyes të Shpëtimtarit.

Lexo te Jakobi [LiM] 4:5 duke kërkuar atë që dha mësim Jakobi rreth këtij tregimi.

Çfarë gjete?

Ndërsa nxënësit e studiojnë tregimin për Abrahamin dhe Isakun te Zanafilla 22, ftojini ata t’i kushtojnë vëmendje asaj që mund të mësojnë simbolikisht nga ky tregim rreth Atit Qiellor dhe Jezu Krishtit.

Për t’i përgatitur nxënësit që ta bëjnë këtë, merreni parasysh të bëni dy kolona në tabelë. Titullojeni njërën kolonë Abrahami dhe Isaku dhe kolonën tjetër Ati Qiellor dhe Jezu Krishti. Mund edhe t’i ftoni nxënësit ta krijojnë këtë tabelë në ditarët e tyre të studimit.

Nxënësit mund ta plotësojnë veprimtarinë vijuese të studimit në mënyrë të pavarur ose me një partner. Merreni parasysh të jepni një shembull nga tabela e plotësuar (që gjendet më vonë në mësim) përpara se nxënësit ta fillojnë studimin e tyre.

Lexo me lutje te Zanafilla 22:1–14, duke kërkuar ngjashmëritë me Atin Qiellor dhe Jezu Krishtin. Theksoji frazat kuptimplota të shkrimeve të shenjta. Shënoji mendimet e tua për atë që mëson nga këto fraza rreth Atit Qiellor dhe Jezu Krishtit.

Tabela vijuese përmban shembuj pikëpamjesh që nxënësit mund t’i gjejnë ndërkohë që e studiojnë këtë tregim. Sipas nevojës, mund t’i përdorni këta shembuj për t’i ndihmuar nxënësit gjatë studimit të tyre. Për shembull, mund të jepni pikëpamjen rreth vendit të moriahve (shihni te Zanafilla 22:2) përpara ose pasi të studiojnë nxënësit.

Abrahami dhe Isaku	Ati Qiellor dhe Jezu Krishti
Zanafilla 22:2, 12 – “birin tënd të vetëm”	Jezu Krishti është Biri i Vetëmlindur i Atit Qiellor (shih te Gjoni 3:16).
Zanafilla 22:2 – “vendin e moriahve”	“Vendi që tradicionalisht njihet si vendi ku Abrahami ofroi Isakun, është … në të njëjtën zonë ku Ati do të bënte flijimin e Birit të Tij” (Old Testament Student Manual, bot. i 3‑të. [2003], f. 77).
Zanafilla 22:2 – “sakrifikoje [si olokaust]”	Olokaustet ishin një formë e flijimit të kafshëve. Flijimi i kafshëve ishte simbolikë e Jezu Krishtit (shih te Moisiu 5:4–7).
Zanafilla 22:6 –“mori drutë e sakrificës dhe i ngarkoi mbi Isakun, birin e tij”	Krishti e mbajti kryqin e Tij (shih te Gjoni 19:16–18).
Zanafilla 22:7–8 – “Perëndia do ta sigurojë vetë qengjin për sakrificën”	Ati Qiellor e dërgoi Birin e Tij, Qengjin e Perëndisë, si një flijim shlyes (shih te Gjoni 1:29).
Zanafilla 22:9 – “e lidhi Isakun, birin e tij, dhe e vendosi mbi altar”	Krishtin e gozhduan në kryq (shih te 1 Nefi 11:33).

Pasi nxënësit të kenë pasur kohë të studiojnë, jepuni një mundësi të thonë atë që u mësoi Shpirti ndërsa i studiuan këto vargje. Mund të bëni pyetje si këto në vijim si pjesë e këtij diskutimi.

Çfarë mësove rreth Atit Qiellor dhe Jezu Krishtit nga historia e Abrahamit dhe Isakut?
Cilat ishin disa nga simbolet e Atit Qiellor dhe Jezu Krishtit që qenë më kuptimplotat për ty? Përse?

Dashuria e Perëndisë për mua

Jepuni nxënësve një mundësi për të reflektuar mbi dashurinë që Ati Qiellor dhe Jezu Krishti kanë për ta. Për t’i përgatitur ata të reflektojnë, mund të këndoni ose dëgjoni një himn që përqendrohet tek ajo dashuri, si “Per’ndia Ne na Do, aq sa Birin e Tij e Dha” (Himne, nr. 108).

Ju gjithashtu mund të merrni parasysh të tregoni thënien nga Presidenti Dallin H. Ouks te pjesa Burime Shtesë.

Si mund të ndikojë në jetën tënde të kujtuarit e dashurisë që kanë Ati Qiellor dhe Jezu Krishti për ty?
Çfarë të ka ndihmuar ose mund të të ndihmojë ta ndiesh dashurinë e Atit Qiellor dhe Jezu Krishtit?

Mbylleni mësimin duke i ftuar nxënësit të mendojnë për atë që kanë mësuar dhe ndier sot rreth dashurisë që Ati Qiellor dhe Jezu Krishti kanë për ta. Ftojini ata t’i shënojnë mendimet dhe mbresat e tyre shpirtërore në ditarët e tyre të studimit. Merreni parasysh të jepni dëshminë tuaj për dashurinë që Ati Qiellor dhe Jezu Krishti kanë për secilin prej nesh. Inkurajojini nxënësit të kërkojnë përvoja që do t’i ndihmojnë ta ndiejnë vazhdimisht dashurinë e Perëndisë për ta.

Burime Shtesë

Si e demonstron Shlyerja e Shpëtimtarit dashurinë e Perëndisë për ne?

Presidenti Dallin H. Ouks, i Presidencës së Parë, tregoi:

12:45

“Efekti madhështor dhe i paimagjinueshëm i Shlyerjes së Jezu Krishtit bazohet te dashuria e Perëndisë për secilin prej nesh. Ai pohon deklarimin e Tij se ‘vlera e shpirtrave’ – e secilit – ‘është e madhe në sytë e Perëndisë’ (Doktrina e Besëlidhje 18:10). Në Bibël, Jezu Krishti e shpjegoi këtë me fjalët e dashurisë së Atit tonë Qiellor: ‘Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme’ (Gjoni 3:16). Në zbulesën moderne, Shëlbuesi ynë, Jezu Krishti, shpalli se Ai ‘kaq shumë e deshi botën, sa dha jetën e tij, që të gjithë ata që do të besonin, të mund të bëheshin bijtë e Perëndisë’ (Doktrina e Besëlidhje 34:3).” (“Çfarë Ka Bërë Shpëtimtari Ynë për Ne?”, Liahona, maj 2021, f. 76)

Po sikur ta vë në dyshim dashurinë e Atit Qiellor për mua?

Presidenti Tomas S. Monson (1927–2018) shpjegoi:

2:3

“Ati juaj Qiellor ju do – secil[i]n prej jush. Ajo dashuri nuk ndryshon kurrë. Ajo nuk ndikohet nga pamja juaj, nga zotërimet tuaja apo nga sasia e parave që keni në llogarinë tuaj bankare. Nuk ndryshohet nga talentet dhe aftësitë tuaja. Është thjesht atje. Është atje për ju kur jeni të trishtuar ose të lumtur, pa kurajë ose plot shpresë. Dashuria e Perëndisë është atje për ju, pavarësisht nëse ju ndieni se e meritoni apo jo dashurinë. Është thjesht gjithmonë atje.” (“Nuk Ecim Kurrë Vetëm”, Liahona, nëntor 2013, f. 123–124)

Përse Perëndia i kërkoi Abrahamit që të sakrifikonte Isakun?

Presidenti Xhorxh Q. Kanon (1827–1901), i Presidencës së Parë, tha:

“Përse kërkoi Zoti gjëra të tilla prej Abrahamit? Sepse, duke e ditur si do të ishte e ardhmja e tij dhe se ai do të ishte babai i pasardhësve të panumërt, Ai ishte i vendosur për ta provuar atë. Perëndia nuk e bëri këtë për hirin e Tij, sepse Ai e dinte nga njohuria e Tij paraprake se çfarë do të bënte Abrahami; por qëllimi ishte që t’i nguliste Abrahamit një mësim dhe t’i krijonte atij mundësinë për të marrë një njohuri që nuk mund ta kishte marrë në ndonjë mënyrë tjetër. Kjo është arsyeja përse Perëndia na provon të gjithëve ne. Nuk është për njohurinë e Tij vetjake, sepse Ai e di gjithçka që më përpara. Ai di gjithçka për jetën tuaj dhe gjithçka që ju do të bëni. Por Ai na provon për të mirën tonë që ne të mund ta njohim vetveten.” (George Q. Cannon, në Conference Report, prill 1899, f. 66)

Veprimtari Plotësuese të të Mësuarit

Materiali filmik Akedah (The Binding) [Akeda (Lidhja)]

Mund të jetë e dobishme që disa nxënës ta përfytyrojnë historinë e Abrahamit dhe Isakut. Për t’i ndihmuar ta bëjnë këtë, mund të shfaqni një pjesë ose të gjithë materialin filmik “Akedah (The Binding)” [“Akeda (Lidhja)”] (12:57). Përdorini kodet kohore vijuese të materialit filmik për të plotësuar studimin e nxënësve për vargjet te Zanafilla 22:1–14.

Zanafilla 22:1–2 (0:00 deri në 1:34). Pas këtij segmenti, merreni parasysh t’i ftoni nxënësit të diskutojnë pyetjet që mund të ketë pasur Abrahami.

Zanafilla 22:3–6 (3:08–6:00). Përpara këtij segmenti, merreni parasysh t’i ftoni nxënësit të kërkojnë prova që Abrahami e pati të vështirë t’i bindej këtij urdhërimi.

Zanafilla 22:7–9 (6:01–10:10). Përpara këtij segmenti, merreni parasysh t’i ftoni nxënësit të kërkojnë mënyrat se si Isaku u kujton Jezu Krishtin. Pasi ta shikojnë segmentin, mund të diskutojnë pikëpamjet e tyre.

Zanafilla 22:10–18 (10:11–12:57). Pas këtij segmenti, merreni parasysh t’i ftoni nxënësit ta tregojnë atë që mësuan rreth Atit Qiellor dhe Jezu Krishtit nga ky tregim.

12:57

Gjëra të vështira

Veprimtaria vijuese mund t’i ndihmojë nxënësit të kuptojnë disa nga arsyet pse Perëndia mund të na kërkojë të përjetojmë gjëra të vështira. Nxënësit mund të lexojnë te Zanafilla 22:2 dhe të diskutojnë arsyet pse duhet të ketë qenë e vështirë për Abrahamin që të bënte atë që Zoti i kërkoi. Më pas mund të shikoni dy pjesët filmike vijuese. Këto pjesë filmike tregojnë 1) një gjë të vështirë të kohëve të sotme që përjetoi Plaku Ajzek K. Morison, i Të Shtatëdhjetëve dhe 2) gjërat që ai mësoi nëpërmjet përvojës së tij.

10:52

Burime shtesë me materiale filmike

Në fund të mësimit, nxënësit kanë një mundësi të mendojnë rreth dashurisë që Ati Qiellor dhe Jezu Krishti kanë për ta. Për të ndihmuar që nxënësit të përgatiten për të reflektuar, mund të përdorni materialet filmike vijuese:

4:49

“For God So Loved the World” [“Sepse Perëndia e Deshi Aq Botën”] (4:48). Ndërsa nxënësit i shohin këto portretizime nga jeta e Shpëtimtarit, ata mund të reflektojnë për dashurinë që Ati Qiellor dhe Jezu Krishti kanë për ta.

5:37

“There Is No Limit to God’s Love” [“Për Dashurinë e Perëndisë nuk Ka Kufij”] (5:37). Nxënësit mund të mendojnë për përvojat e veta kur kanë ndier dashurinë e Perëndisë ndërsa e shohin këtë material filmik, i cili përshkruan dashurinë që ndjeu një e re në moshë madhore teksa punonte për pendimin.