Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ծնունդ 6–8. «Նոյն արեց … այն ամենը, ինչ Տերը պատվիրեց»

«Ծնունդ 6–8. «Նոյն արեց … այն ամենը, ինչ Տերը պատվիրեց»», Հին Կտակարան․ Սեմինարիայի ուսուցչի ձեռնարկ (2026)

«Ծնունդ 6–8. «Նոյն արեց … այն ամենը, ինչ Տերը պատվիրեց»», Հին Կտակարան․ Սեմինարիայի ուսուցչի ձեռնարկ

Ծնունդ 6–11, Մովսես 8․ Դաս 20

Ծնունդ 6–8

«Նոյն արեց … այն ամենը, ինչ Տերը պատվիրեց»

The Old Testament prophet Noah standing on a log as he preaches to a group of assembled people. The people are laughing and mocking Noah. The partially completed ark is visible in the background.

Աստված սիրով խնդրում է մեզ հնազանդվել Իր պատվիրաններին: Որոշ պատվիրաններ կարող են դժվար լինել ընկալման համար, սակայն դրանք միշտ մեր բարօրության համար են: Նոյի ընտանիքը փրկվեց աննախադեպ, գերբնական ջրհեղեղից, քանի որ նրանք հնազանդվեցին տապան կառուցելու Աստծո պատվիրանին։ Այս դասը կօգնի ուսանողներին մեծացնել Աստծո պատվիրաններին հնազանդվելու իրենց ցանկությունը:

Ուսանողի նախապատրաստում․ ուսանողներին առաջարկեք խորհել և դասի ընթացքում կիսվել, թե որոշակի պատվիրանն ինչպես է ցույց տալիս Երկնային Հոր սերը մեր հանդեպ և մեզ պաշտպանելու Նրա ցանկությունը:

Հնարավոր ուսումնական վարժություններ

Աստծո պատվիրանները

Կարող եք դասը սկսել՝ խրախուսելով ուսանողներին խորհել, թե ինչու է մեր սիրող Երկնային Հայրը մեզ պատվիրաններ տալիս: Դա անելու համար ցուցադրեք հետևյալ նկարները և ստորև ներկայացված հարցերի միջոցով քննարկում ծավալեք: Մեկ այլ եղանակն այն է, որ ուսանողները կիսվեն այն կանոններով, որոնք իրենց ծնողները սահմանել են՝ իրենց երեխաներին պաշտպանելու համար։

A young man Starting a campfire at Burraston Ponds, Utah

A group of little boys and girls play together outside.

Պատկերացրեք, որ դուք հոգ եք տանում փոքր երեխաների մեծ խմբի մասին՝ վրանային ճամբարում:

Ի՞նչ հատուկ կանոններ կարող եք սահմանել երեխաների համար, որպեսզի պաշտպանեք նրանց:
Եթե երեխաները զայրանան ձեզ վրա՝ կանոններ սահմանելու համար, ի՞նչ կբացատրեք նրանց:

Ուսանողներին առաջարկեք կիսվել զուգընկերոջ հետ, թե իրենք ինչպես կարող են համեմատել այս իրավիճակը Երկնային Հոր կողմից մեզ համար պատվիրաններ սահմանելու հետ:

Այնուհետև ուսանողներին առաջարկեք իրենց ուսումնասիրության օրագրերում գրել Աստծո և Նրա պատվիրանների մասին իրենց զգացմունքները՝ օգտագործելով հետևյալ հուշումները: Մի քանի կամավորի առաջարկեք կիսվել իրենց գրածով:
Ըստ ձեզ, Աստված ինչո՞ւ է ցանկանում, որ դուք անձնապես պահեք Իր պատվիրանները:
Որքանո՞վ եք պատրաստ անել այն, ինչ Աստված է ցանկանում, նույնիսկ եթե չեք հասկանում պատվիրանի պատճառը: Ինչո՞ւ։

Մարդիկ Նոյի ժամանակներում

Դասի սկզբում ցուցադրեք Նոյի նկարը: Խնդրեք ուսանողներին կիսվել հետևյալ հասկացությունների մասին իրենց իմացածով: Անհրաժեշտության դեպքում առաջարկեք նրանց օգտագործել առաջարկվող սուրբ գրությունների հատվածները:

Մարդկանց հոգևոր վիճակը Նոյի ժամանակներում և այն, թե Աստված ինչ արեց դրա արդյունքում (տես Մովսես 8.17, 20, 22, 28–29)
Այն, ինչ Աստված պատվիրեց Նոյին անել՝ հնազանդներին փրկելու համար (տես Մովսես 7.43)

Ուսումնասիրության ընթացքում ուսանողներին խրախուսեք փնտրել Սուրբ Հոգու ազդեցությունը, որպեսզի հասկանան Աստծո սերը մեր հանդեպ: Այն ամենը, ինչ անում է Աստված, այդ թվում ջրհեղեղը, բխում են սիրուց (տես 2 Նեփի 26.24): Որպեսզի ուսանողները կարողանան սովորել և ապաշխարել հոգիների աշխարհում, օգնեք նրանց հասկանալ, որ Հիսուս Քրիստոսը տառապել է ջրհեղի ժամանակ կործանված մարդկանց մեղքերի համար (տես Մովսես 7.38–40, Ա Պետրոս 3.18–20): Ջրհեղեղն ուղարկելու Աստծո ընտրությունը պաշտպանեց նաև Իր մյուս հոգևոր զավակներին նման վտանգավոր և ամբարիշտ հանգամանքներում ծնվելուց (տես Ջոն Թեյլոր, Journal of Discourses, 19.158–59):

Տապանը

Ուսանողների փոքր խմբերին տրամադրեք թուղթ և խնդրեք նրանց կարճ ժամանակում միասին կատարել հետևյալ վարժությունը: (Ուշադիր եղեք, որ այս վարժությունից հետո ժամանակ խնայեք, որպեսզի ուսանողները քննարկեն իրենց սովորածը և խորհեն, թե ինչպես է այն առնչվում իրենց կյանքի հետ:)

Կարդացեք Ծնունդ 6.14–22, 7․1–12, 23, 8.13–17 հատվածները՝ փնտրելով, թե այս պատմությունն ինչ է ուսուցանում Աստծո մասին, և ինչ կարող ենք սովորել Նոյից:
Նկարեք կատարվածի պարզ նկարը:
Նկարում ներառեք մեկական բան, որ սովորեցիք Աստծո մասին և Նոյի օրինակից։

Խմբերին առաջարկեք մեկ այլ խմբի ցուցադրել և բացատրել իրենց նկարները (նույնիսկ եթե դրանք անավարտ են): Այնուհետև խմբերին առաջարկեք կիսվել դասարանի հետ, թե ինչ սովորեցին Աստծո մասին և Նոյի օրինակից:

Ճշմարտություններից մեկը, որն ուսանողները կարող են նշել այս պատմությունից, այն է, որ երբ մենք հավատքով հնազանդվենք Տիրոջը, Նա կօրհնի և կպաշտպանի մեզ։

Կարող եք ցուցադրել հետևյալ խոսքերը և առաջարկել խմբերին կարդալ և քննարկել, թե ինչպես է այն վերաբերում մեզ այսօր:

Նախագահ Սպենսեր Վ. Քիմբալը (1895–1985) կիսվել է որոշ պատճառներով, թե Նոյին և նրա ընտանիքին ինչու էր անհրաժեշտ հավատքն առ Քրիստոս, որպեսզի կատարի տապանը կառուցելու պատվիրանը:

Դեռ անձրև չկար և չկար ջրհեղեղ: [Նոյի] ժողովրդը ծաղրում էր նրան ու հիմար անվանում: Նրա քարոզները չէին հասնում խուլ ականջներին: Նրա նախազգուշացումներն անմիտ էին թվում: Երբևէ այդպիսի նախադեպ չէր եղել, երբ անձրևի տարափը [կամ ջրհեղեղը] ծածկեր երկիրը: Ինչ հիմարություն էր տապան կառուցելը չոր հողի վրա, երբ արևը փայլում է և կյանքը սովորականի նման առաջ է ընթանում։ (Եկեղեցու Նախագահների ուսմունքները․ Սպենսեր Վ․ Քիմբալ [2006], 140–41)

Տիրոջ ո՞ր պատվիրաններն են այսօր մարդիկ անտեսում կամ ծաղրում:
Ի՞նչ գիտեք Աստծո և Նրա մարգարեների մասին, որոնք կարող են օգնել մեզ հնազանդվել Տիրոջը, չնայած ընդդիմությանը:

Ուսանողներին առաջարկեք կիսվել պատվիրաններով, որոնք, ըստ իրենց, Աստծո սիրող պաշտպանությունն են:

Հնազանդվել Աստծուն մեր կյանքում

Կարող եք ցուցադրել հետևյալ խոսքերը ստորև ներկայացված անհատական մտորումների վերաբերյալ հուշումների հետ միասին:

Նախագահ Թոմաս Ս. Մոնսոնը (1927–2018) կիսվել է մեծագույն դասերից մեկով, որ կարող ենք սովորել մեր կյանքում:

Նոյը Տիրոջ պատվիրաններին հետևելու անսասան հավատք ուներ: Թող որ մենք ևս այդպես վարվենք: Եկեք հիշենք, որ Աստծո իմաստությունը երբեմն անհիմն է թվում մարդկանց, բայց մեծագույն դասը, որը մենք կարող ենք սովորել մահկանացու կյանքում, հետևյալն է. երբ Աստված խոսում է և մենք հնազանդվում ենք, մենք միշտ ճիշտ ենք: («Models to Follow», Լիահոնա, նոյ. 2002, 61)

Գրեք ձեր ուսումնական օրագրում.

Այն, թե ինչպես եք դուք ընկալում Նախագահ Մոնսոնի խոսքերը կապված է ձեր կյանքի իրավիճակների կամ պատվիրանների հետ:
Այն, ինչ դուք սովորեցիք կամ զգացիք այսօր Երկնային Հոր և Նրա պատվիրանների մասին:
Այն, ինչ ըստ ձեզ, Երկնային Հայրը ցանկանում է, որ դուք անեք, որպեսզի հետևեք Նոյի հավատարիմ հնազանդության օրինակին:

Կարող եք ավարտել դասը՝ առաջարկելով ուսանողներին նշել Նոյի օրինակը Ծնունդ 7.5 հատվածում և խաչաձև հղումով այն կապել Մովսես 4.2 հատվածի՝ Փրկչի նախաերկրային օրինակի հետ։ Կարող եք վկայել, որ Աստված կօրհնի ձեր ուսանողներին՝ Փրկչի հնազանդության օրինակին հետևելու իրենց հավատարիմ ջանքերի համար:

Լրացուցիչ նյութեր

Ինչպե՞ս կարող եք այսօրվա աշխարհի պայմանները համեմատել ջրհեղեղի հետ։

Առաջին Նախագահության նախագահ Հենրի Բ. Այրինգը սեմինարիայի և ինստիտուտի ուսուցիչներին բացատրել է հետևյալը.

Աշխարհը, որտեղ ապրում են երիտասարդները, արագորեն փոխվում է։ Երբ նրանց ավագ եղբայրներն ու քույրերն այցելում են նույն դպրոցներն ու համալսարանները, որտեղ սովորել են, նրանք հայտնվում են արմատապես տարբեր բարոյական մթնոլորտում: Խոսելու եղանակը միջանցքներում և հանդերձարաններում կոպտացել է։ Հագուստն այնքան էլ համեստ չէ: Պոռնոգրաֆիան ակնհայտորեն ազատականացվել է: Ամբարշտության նկատմամբ հանդուրժողականությունը ոչ միայն ավելացել է, այլև սխալների մեծ մասն այլևս չի դատապարտվում և կարող է հիացմունք առաջացնել նույնիսկ Վերջին Օրերի Սրբերի մեր երիտասարդների մոտ: …

… Չափից շատ [երիտասարդներ], չափազանց շատ, ասում են. «… Ես շարժվում եմ հոսանքի հետ»։

Ինչևիցե, հոսանքը դարձավ ջրհեղեղ և շուտով կհեղեղի ամեն ինչ։ Այն կդառնա հնչյունների, տեսարանների ու սենսացիաների հոսանք, որը տանում են գայթակղության և վիրավորում Աստծո Հոգին: («We Must Raise Our Sights» Ensign, սեպտեմբեր 2004, 14)

Ի՞նչ կարող ենք սովորել այն բանից, որ մարդիկ մերժեցին Նոյի նախազգուշացումները։

Առաջին Նախագահությունից նախագահ Հենրի Բ. Այրինգն ասել է.

Մեկ այլ մոլորություն է մտածել, որ մարգարեների խորհուրդներն ընդունելը կամ չընդունելը ոչ այլ ինչ է, եթե ոչ լավ խորհուրդն ընդունելը և օգուտ քաղելը կամ նույն տեղում մնալը։ Սակայն մարգարեական խորհուրդը չընդունելու ընտրությունը փոխում է հենց այն հողը, որի վրա մենք կանգնած ենք։ Այն դառնում է ավելի վտանգավոր։ Մարգարեական խորհրդին չհետևելը թուլացնում է հետագայում ոգեշնչված խորհուրդ ընդունելու զորությունը։ Լավագույն ժամանակը, երբ Տերը որոշեց օգնել Նոյին կառուցել տապանը, այն ժամանակն էր, երբ նա առաջին անգամ խնդրեց Տիրոջը։ Դրանից հետո յուրաքանչյուր խնդրանք, յուրաքանչյուր ձախողում կթուլացներ Հոգին զգալու նրա կարողությունը։ Ուստի, ամեն անգամ նրա խնդրանքն ավելի հիմար կթվար, մինչև անձրևները սկսվեին։ Իսկ հետո ուշ կլիներ։ («Անվտանգություն գտնենք խորհրդի մեջ», Ensign, մայիս 1997, 25)

Ի՞նչ էր նշանակում ծիածանը ջրհեղեղից հետո:

«Ծիածանը» նշան է, որ Աստված այլևս երբեք չի հեղեղի ողջ երկիրը (տես Ծնունդ 9.13–15): Այնուամենայնիվ, այն ուխտը, որն Աստված կապել էր Նոյի հետ, ավելին էր նշանակում։ Ջոզեֆ Սմիթի Թարգմանությունն օգնում է մեզ հասկանալ, որ Աստված նորոգում էր նույն ուխտը, որը Նա կապել էր Ենովքի հետ (տես Ջոզեֆ Սմիթի Թարգմանություն, Ծնունդ 9.21–25, Աստվածաշնչի հավելված): Այս ուխտը ներառում էր խոստում, որ երբ Նոյի հետնորդները հնազանդվեն Աստծո բոլոր պատվիրաններին, երկինքն ու երկիրը կցնծան և Ենովքի Սիոն քաղաքը կրկին կվերադառնա երկրի վրա:

Ի՞նչ չափսեր ուներ տապանը։

Սուրբ գրություններում տապանը չափվում է կանգուններով: Մեկ կանգունը հիմնականում 18-22 դույմ է (46–56 սանտիմետր)։ 18 դյույմ մեկ կանգուն օգտագործելու դեպքում տապանի երկարությունը կկազմի 450 ֆուտ (մոտ 138 մետր), 75 ֆուտ՝ լայնությունը (մոտ 23 մետր) և 45 ֆուտ՝ բարձրությունը (մոտ 14 մետր)։ Օգտակար կլինի տապանի չափը կապել ձեզ ծանոթ որևէ բանի հետ: Օրինակ՝ պրոֆեսիոնալ ֆուտբոլի դաշտն ունի 330–360 ֆուտ երկարություն (մոտ 100–110 մետր) և 210–240 ֆուտ լայնություն (մոտ 64–73 մետր): Տապանն ավելի երկար կլիներ, քան ֆուտբոլի դաշտը, սակայն՝ դաշտի լայնության մոտ մեկ երրորդը։

Օժանդակ ուսումնական վարժություններ

Դասը սկսելու այլընտրանքային տարբերակ

Որպեսզի օգնեք ուսանողներին կենտրոնանալ այն բանի վրա, թե Փրկիչը և Նրա ավետարանն ինչպես կարող են պաշտպանել իրենց վերջին օրերի ամբարշտությունից, կարող եք սկսել դասը՝ ցուցադրելով նախագահ Այրինգի առաջին ելույթը «Լրացուցիչ նյութեր» բաժնում: Ուսանողներին խնդրեք կիսվել, թե ինչ են մտածում այս ելույթի մասին: Նրանք կարող են կիսվել, թե ամբարշտությունն ու գայթակղություններն ինչպես են հեղեղի նման բախվում իրենց։

Ուսանողներին առաջարկեք ոգեշնչում փնտրել այսօր այն բանի համար, թե ինչ կարող են անել, որպեսզի ստանան Աստծո օրհնությունները և պաշտպանված լինեն մեր ժամանակների ամբարշտության և գայթակղությունների հեղեղից:

Ծնունդ 6․14 «Պատեք այն ներսից և դրսից»

Ուսանողների համար օգտակար կլինի ուսումնասիրել, թե Աստված ինչպես կարող է մեզ պաշտպանել մեզ շրջապատող գայթակղություններից և մեղքերից: Առաջարկեք նրանց կարդալ այն ցուցումները, որոնք Աստված տվել է հետևյալ երկու մարգարեներին, որպեսզի պաշտպանեն իրենց ընտանիքների նավակները ջրով լցվելուց: Այնուհետև ուսանողներին առաջարկեք քննարկել ստորև ներկայացված հարցերը դասընկերոջ հետ:

Նոյ․ Ծնունդ 6․14 (Նշում. Դա խեժանման նյութ է, որն օգտագործվում է ջրամեկուսացման համար):
Հարեդի եղբայրը․ Եթեր 2.17
- Ըստ ձեզ, այս մարգարեներին տրված Աստծո ցուցումներն ինչպե՞ս կարող են օգնել մարդուն, որը փորձում է հետ պահել մեղքի ներթափանցումն իր կյանք:
- Մենք ինչպե՞ս կարող ենք հոգևորապես «պատել [մեր կյանքը] ներսից և դրսից», որպեսզի մեղքը չխորտակի մեզ:

Կարող եք նաև առաջարկել ուսանողներին կարդալ հետևյալ բանաստեղծությունը, որը մեջբերում է Տասներկու Առաքյալների Քվորումի նախագահ Բոյդ Կ. Փաքերի ելույթից (1924–2015): Ուսանողներին խնդրեք գրել բանաստեղծությունն իրենց սուրբ գրություններում՝ Ծնունդ 6.14 հատվածի կողքին։ Խնդրեք նրանց կիսվել, թե, ըստ իրենց, ինչպես է դա վերաբերում իրենց կյանքին:

Աշխարհի ամբողջ ջուրը,

Ինչքան էլ փորձի,

Երբեք չի կարող խորտակել ամենափոքր նավը

Եթե ներս չթափանցի:

Եվ աշխարհի բոլոր չարիքները,

Մեղքի ամենասև տեսակը,

Երբեք չի կարող ձեզ մի փոքր անգամ վնասել

Եթե միայն ներս չթողնես այն։

(Անհայտ հեղինակ։ Մեջբերումը՝ Բոյդ Ք. Փաքերի, «The Spirit of Revelation,» Ensign, նոյ. 1999, 24)

Ջրհեղեղի խորհրդանիշները

Օգնեք ուսանողներին հասկանալ խորհրդանիշները սուրբ գրություններում՝ անելով համեմատություններ: Ուսանողներին առաջարկեք դասընկերոջ հետ լրացնել հետևյալ բաց թողնված տեղերը:

«Ջրհեղեղը կարելի է համեմատել մկրտության հետ, քանի որ ___________»:

«Նոյի կառուցած տապանը հիշեցնում է ինձ Հիսուս Քրիստոսի մասին, քանի որ _____________»:

Այնուհետև խնդրեք ուսանողներին լինել ստեղծագործ և կիսվել, թե Նոյի և տապանի պատմությունն ինչպես կարող է ուսուցանել իրենց ավետարանի որևէ այլ սկզբունքների մասին, օրինակ՝ հավատքի, ապաշխարության, տաճարային երկրպագության, միսիոներական աշխատանքի, մարգարեների և այլն:

Առաջարկեք ուսանողներին կիսվել, թե ինչ սովորեցին Հիսուս Քրիստոսի ուսմունքներից, ով Նոյի ժամանակներում ջրհեղեղին նախապատրաստվելը համեմատեց Երկրորդ Գալուստին նախապատրաստվելու հետ (տես Մատթեոս 24.36–39):