Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Մովսես 8. Հետևեք Փրկչին ամբարիշտ աշխարհում

«Մովսես 8. Հետևեք Փրկչին ամբարիշտ աշխարհում», Հին Կտակարան․ Սեմինարիայի ուսուցչի ձեռնարկ (2026)

«Մովսես 8. Հետևեք Փրկչին ամբարիշտ աշխարհում», Հին Կտակարան․ Սեմինարիայի ուսուցչի ձեռնարկ

Ծնունդ 6–11, Մովսես 8․ Դաս 19

Մովսես 8

Հետևեք Փրկչին ամբարիշտ աշխարհում

Jesus Christ walking along a path by a river. There are a number of sheep following him.

Տերը կանչեց Նոյին որպես մարգարե այն ժամանակ, երբ մարդիկ «միշտ չար էին» (Մովսես 8․22)։ Նույնիսկ այս չափի հասնող ամբարշտության պարագայում Նոյն ու նրա որդիները որոշեցին հետևել Հիսուս Քրիստոսին։ Այս դասը կօգնի ուսանողներին ավելի լավ հետևել Փրկչին՝ ապրելով ամբարիշտ աշխարհում:

Ուսանողի նախապատրաստում․ ուսանողներին առաջարկեք մտածել այն մարտահրավերների կամ դժվարությունների մասին, որոնց նրանք բախվում են՝ Հիսուս Քրիստոսին հետևելիս այսօր աշխարհում: Խնդրեք նրանց պատրաստվել և դասի ընթացքում կիսվել, թե ինչն է օգնել իրենց հաղթել աշխարհին և հետևել Հիսուս Քրիստոսին:

Հնարավոր ուսումնական վարժություններ

Լինել աշխարհում, բայց ոչ աշխարհից

Դասը սկսեք՝ ցույց տալով ուսանողներին մի դույլ ջուր և մի փոքրիկ չոր առարկա:

Հնարավո՞ր է, որ առարկան չոր մնա, եթե այն գտնվում է ջրով դույլի մեջ: Ինչպե՞ս։

Երբ ուսանողները հնարավորություն ունենան կիսվել իրենց մտքերով, տեղադրեք առարկան պոլիէթիլենային տոպրակի կամ փակ տարայի մեջ և դրեք այն ջրով դույլի մեջ:
Ինչպե՞ս կարող է այս առարկայական դասը կապված լինել ամբարիշտ աշխարհում արդար մնալու մեր ջանքերի հետ:

Որպեսզի օգնեք ուսանողներին գնահատել ամբարիշտ աշխարհում արդար ապրելու իրենց ներկայիս կարողությունը, կարող եք ցուցադրել հետևյալ խոսքերը։ Ուսանողներին առաջարկեք խորհել, թե յուրաքանչյուր խոսք որքանով է ճշմարիտ իրենց համար:

Ինձ համար դժվար է դիմադրել աշխարհի գայթակղություններին և հետևել Հիսուս Քրիստոսին:

Ես գիտեմ, թե ուր կարող եմ դիմել օգնության համար, որպեսզի հավատարիմ մնամ ամբարիշտ աշխարհում:

Ես ամեն օր ժամանակ եմ հատկացնում՝ ձգտելով ավելին իմանալ Հիսուս Քրիստոսի մասին և հետևել նրան:

Հիշեցրեք ուսանողներին, որ Սուրբ Հոգին ցույց կտա մեզ, թե ինչ պետք է անենք (տես 2 Նեփի 32.5): Ուսանողներին առաջարկեք ոգեշնչում փնտրել, որպեսզի իմանան, թե ինչ կարող են անել՝ աճող ամբարշտության աշխարհում արդար մնալու համար:

Ամբարիշտ աշխարհ

Երբ Տերը երկինք վերցրեց Ենովքին և նրա քաղաքը (տես Մովսես 7.69), Ենովքի արդար որդին՝ Մաթուսաղան, մնաց երկրի վրա (տես Մովսես 8.2): Մաթուսաղայի թոռը՝ Նոյը և Նոյի երեք որդիները «քայլում է[ին] Աստծո հետ» (Մովսես 8.27), իսկ երկրի վրա մնացած մարդկանց մեծ մասն ընտրեց ամբարշտությունը:

Գրատախտակին ցուցադրեք հետևյալ ցուցումները և աղյուսակը: Ուսանողներին առաջարկեք իրենց ուսումնասիրության օրագրերում նկարել աղյուսակը։ Ուսանողները կարող են լրացնել աղյուսակը փոքր խմբերով:

Կարդացեք Մովսես 8.12–22, 28–29 հատվածները՝ փնտրելով մարդկանց հոգևոր վիճակը Նոյի ժամանակներում։

Այնուհետև գտեք նմանությունները Նոյի ժամանակներում և մեր ժամանակներում մարդկանց հոգևոր վիճակի միջև։

Շատ մարդկանց հոգևոր վիճակը Նոյի ժամանակներում	Նմանությունները Նոյի ժամանակների և մեր ժամանակների միջև

Խմբերին առաջարկեք կիսվել իրենց գտածով այլ խմբերի հետ: Ուսանողներին խրախուսեք իրենց աղյուսակներում ավելացնել այն, ինչով կիսվում են իրենց դասընկերները:

Եթե ուսանողներն օգնության կարիք ունենան, կարող եք նշել հետևյալ նմանությունները.

1. Նոյի թոռնուհիների նման որոշ մարդիկ այսօր կորցնում են այն օրհնությունները, որ Աստված առաջարկում է նրանց հավերժական ամուսնության ուխտի միջոցով (տես հատվածներ 12–15):

2. Որոշ մարդիկ այսօր նույնպես պայքարում են մարգարեի դեմ և մերժում են նրա խորհուրդը (տես հատվածներ 18–20):

Կրկնեք Մովսես 8.16–17 հատվածները, որպեսզի տեսնեք, թե Տերն ինչ ասաց Նոյին, որը տեղի կունենա, եթե մարդիկ չապաշխարեն:

Որքա՞ն ժամանակ տվեց Տերը մարդկանց՝ ապաշխարելու համար:
Ի՞նչ կարող է սա մեզ ուսուցանել Աստծո էության մասին:

Հետևեք Փրկչին ամբարիշտ աշխարհում

Որպեսզի օգնեք ուսանողներին հուսալ, որ իրենք կարող են հետևել Փրկչին ամբարիշտ աշխարհում, ուսանողներից մեկին առաջարկեք կարդալ հետևյալ խեսքերը:

Նախագահ Ռասել Մ. Նելսոնը կիսվել է, թե ինչպես է հնարավոր հաղթել այս անկում ապրած աշխարհին.

Քանի որ Հիսուս Քրիստոսը հաղթեց այս անկում ապրած աշխարհին, և քանի որ Նա քավություն գործեց յուրաքանչյուրիս համար, դուք ևս կարող եք հաղթել մեղքով հագեցած, եսակենտրոն և հաճախ հոգնեցնող այս աշխարհին: («Հաղթել աշխարհին և հանգստություն գտնել», Լիահոնա, նոյ. 2022, 96)

Նախագահ Նելսոնի ո՞ր խոսքերը կօգտագործեիք, որպեսզի օգնեիք մարդուն, որն իրեն ճնշված է զգում իրեն շրջապատող ամբարշտությունից:

Գրատախտակին գրեք հետևյալ անավարտ ճշմարտությունը։ Ուսանողներին առաջարկեք մտածել, թե ինչպես կարող են այն ավարտել:

Ես կարող եմ իմ ընտրությամբ հետևել Փրկչին ամբարիշտ աշխարհում …

Ընտրելով հետևյալ նյութերից մեկը՝ ձեր ուսումնասիրության օրագրում գրեք, թե մենք ինչ կարող ենք անել, որպեսզի հետևենք Հիսուս Քրիստոսին, չնայած մեզ շրջապատող ամբարշտությանն ու գայթակղություններին:

Խորհեք, թե ինչ եք արել, որպեսզի օգնեք ձեզ հաղթահարել ձեզ շրջապատող ամբարշտությունը: Այս գործողությունները կարող են լինել՝ փոքր և պարզ բաները, որոնք դուք պարբերաբար անում եք, նպատակները, որոնց վրա աշխատել եք Երեխաների և երիտասարդների ծրագրի շրջանակներում կամ այլ փորձառություններ:

Ի՞նչ եք արել, որպեսզի օգնեք ձեզ ավելի լավ հետևել Փրկչին և հաղթահարել ձեզ շրջապատող ամբարշտությունը:
Եղե՞լ են խոչընդոտներ, որոնց հանդիպել եք ձեր ջանքերում: Եթե այդպես է, ապա ի՞նչ եք արել կամ կարող էիք անել՝ այդ խոչընդոտները հաղթահարելու համար: Ի՞նչ խորհուրդ կտաք ուրիշներին:

Հիսուս Քրիստոսին հետևելու իմ ծրագիրը

Օգնեք ուսանողներին մտածել այն մասին, թե ինչպես կարող են հետևել Հիսուս Քրիստոսին: Կարող եք դա անել՝ առաջարկելով նրանց պատասխանել հետևյալ հարցերին: Խրախուսեք ուսանողներին գրել իրենց պատասխաններն այնտեղ, որտեղ կարող են հաճախ տեսնել դրանք կամ կիսվել իրենց ծրագրով վստահելի ընկերների, ընտանիքի անդամների կամ Եկեղեցու ղեկավարների հետ: Այդ առաջարկները կարող են հիշեցնել ուսանողներին իրենց սովորածը և այն, թե ինչ են ուզում անել:

Այսօր ի՞նչ եք ոգեշնչվել անել:
Այս տպավորություններին հետևելն ինչպե՞ս կավելացնի Փրկչին հետևելու և աշխարհին հաղթելու ձեր կարողությունը:

Կարող եք դասն ավարտել ուսանողների վկայություններով այն մասին, թե ինչ սովորեցին և զգացին այսօր, նաև, թե Փրկչին հետևելն ինչպես կօգնի իրենց հաղթել աշխարհին: Դուք նույնպես կարող եք կիսվել ձեր վկայությամբ։

Լրացուցիչ նյութեր

Մովսես 8․18 Ի՞նչ կարող է նշանակել «հսկաներ կային երկրի վրա» արտահայտությունը։

Ծնունդ 6․4 և Մովսես 8․18 հատվածների «հսկաներ» բառի եբրայերեն նեֆիլիմ անունը բխում է նաֆալ բառից, որը նշանակում է «ընկնել»։ Հետևաբար, դրանք կարող էին լինել այն մարդիկ, որոնք ուրացել կամ հեռացել էին ճշմարիտ կրոնից:

Մովսես 8․25 Ի՞նչ է նշանակում «Նոյը զղջաց, և նրա սիրտը ցավեց» արտահայտությունը։

Այս հատվածը Ծնունդ 6․6 հատվածի կարևոր և ոգեշնչված շտկումն է, որտեղ ասվում է. «Եվ Տերը զղջաց, որ մարդ է ստեղծել երկրի վրա, և իր սրտի մեջ տրտմեց»: Այստեղ օգտագործվող եբրայերեն բառը, որն Աստվածաշնչում թարգմանված է որպես ապաշխարել, նահամ բառն է (naw-kham), որը նշանակում է «ափսոսալ» կամ «զղջալ»։

Պատմելով ուրիշներին, թե ինչին եմ ես հավատում, կարո՞ղ եմ օգնել ինձ արդար ապրել ամբարիշտ աշխարհում:

Յոթանասունից երեց Պիտեր Ֆ. Մըրսը կիսվել է.

Համաձայն իմ փորձառության, ամբարիշտ աշխարհում գոյատևելու բանալին է՝ թույլ տալ մեր ընկերներին և գործընկերներին իմանալ, թե ինչին ենք մենք հավատում: Ինձ բազմիցս պաշտպանել են իմ ընկերները, որոնք գիտեն, որ ես Վերջին Օրերի Սուրբ եմ և գիտեն, թե ինչ համոզմունքներ ունեմ: («Արդար ապրել ամբարիշտ աշխարհում», Ensign, փետր. 2018, 51)

Ինչպե՞ս է Աստված վերաբերվում իմ անկեղծ ապաշխարությանը:

Տասներկու Առաքյալների Քվորումից երեց Դեյլ Գ. Ռենլանդը բացատրել է.

13:49

Երբ մենք հայտնաբերում ենք, որ արահետից դուրս ենք եկել, մենք կարող ենք մնալ դրսում կամ Հիսուս Քրիստոսի Քավության շնորհիվ կարող ենք փոխել մեր քայլերը և հետ դառնալ: …

Անկախ նրանից, թե որքան ժամանակ ենք արահետից դուրս եղել և որքան հեռու ենք թափառել, այն պահին, երբ մենք որոշում ենք փոխվել, Աստված օգնում է մեզ վերադառնալ: Աստծո տեսանկյունից անկեղծ ապաշխարության միջոցով և անսասան առաջ մղվելով Քրիստոսում, երբ վերադառնանք արահետ, կլինի այնպես, կարծես երբեք չէինք հեռացել: Փրկիչը վճարում է մեր մեղքերի համար և ազատում մեզ երջանկության և օրհնությունների նշմարվող նվազումից: («Ընտրեք այս օրը», Լիահոնա, նոյեմբեր 2018, 106)

Լրացուցիչ ուսումնական վարժություններ

Հետևեք Փրկչին

Ուսանողները կարող են փնտրել Երիտասարդներին զորացնելու համար․ Ընտրություններ կատարելու ուղեցույցի մի քանի բաժին, որպեսզի բացահայտեն այն սկզբունքները, որոնք կարող են առաջնորդել իրենց ընտրել Հիսուս Քրիստոսին: Կարող եք սա օգտագործել դասում որպես լրացուցիչ ուսումնասիրության գաղափար՝ աշխատաթերթի հետ միասին:

Տերը կատարում է Իր ուխտերը

Որպեսզի օգնեք ուսանողներին տեսնել օրինակը, թե ինչպես է Տերը կատարում Իր զավակների հետ կապած ուխտերը, առաջարկեք նրանց կարդալ Մովսես 7.50–52 հատվածները՝ փնտրելով, թե ինչ է Տերը խոստացել (տես հատված 52): Անհրաժեշտության դեպքում բացատրեք, որ Տերը Ենովքի քաղաքը վերցրեց երկինք՝ մարդկանց արդարակեցության շնորհիվ (տես Մովսես 7.69): Այնուհետև կարող եք կարդալ Մովսես 8.1–2 հատվածները, որպեսզի տեսնեք, թե Տերը ինչպես կատարեց Իր խոստումը: (Տերը երկինք չվերցրեց Մաթուսաղա անունով արդար մարդուն, որպեսզի Ենովքի սերունդից ծնվեր Նոյը։)

Կարող եք առաջարկել ուսանողներին կիսվել, թե ինչպես են իրենք տեսել, որ Տերը կատարել է Իր տված խոստումներն իրենց կյանքում: Կարող եք նաև առաջարկել ուսանողներին կարդալ Վարդապետություն և Ուխտեր 1.38 հատվածը և այն կապել Մովսես 8.1–2 հատվածների հետ:

Տեսանյութի տարբերակ

Կարող եք կիսվել «Dare to Stand Alone» (4:20) տեսանյութով, որպեսզի օգնեք ուսանողներին տեսնել այսօր աշխարհում Հիսուս Քրիստոսին հետևող մարդկանց օրինակները:

4:20