Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Mōsese 7:53–69: ʻE Maluʻi ʻe he Tuʻi ʻo Saioné ʻa Hono Kakaí

“Mōsese 7:53–69: ʻE Maluʻi ʻe he Tuʻi ʻo Saioné ʻa Hono Kakaí,” Fuakava Motuʻá – Tohi Lēsoni ʻa e Faiako Seminelí (2026)

“Mōsese 7:53–69: ʻE Maluʻi ʻe he Tuʻi ʻo Saioné ʻa Hono Kakaí,” Fuakava Motuʻá – Tohi Lēsoni ʻa e Faiako Seminelí

Mōsese 7; Lēsoni 18

Mōsese 7:53–69

ʻE Maluʻi ʻe he Tuʻi ʻo Saioné ʻa Hono Kakaí

Jesus Christ is standing on a hill over looking a river

Ko e taha ʻo e ngaahi huafa ʻo e Fakamoʻuí ko e “Tuʻi ʻo Saioné” (Mōsese 7:53). ʻOkú Ne tokangaʻi Hono kakaí, pea ʻi he ngaahi ʻaho fakaʻosí te Ne maluʻi kinautolu mei he ngaahi faingataʻa lahi ʻe hokó. ʻE lava ke tokoni ʻa e lēsoni ko ʻení ki he kau akó ke nau fakatokangaʻi mo fakahoungaʻi ʻa e meʻa kuo fai ʻe he ʻEikí ke tokoniʻi kinautolu ke ikunaʻi ʻa e ngaahi ʻahiʻahi ʻo hotau kuongá.

Teuteu ʻa e tokotaha akó: Fakaafeʻi ʻa e kau akó ke omi mateuteu ke vahevahe ha potufolofola mei he Tohi ʻa Molomoná kuó ne tokoniʻi kinautolu ʻi he taimi ne nau fehangahangai ai mo e ngaahi ʻahiʻahí.

Ngaahi ʻEkitivitī Ako ʻOku Ala Fakahokó

Ngaahi faingataʻa lahi ʻi he ngaahi ʻaho fakaʻosí

Fakaafeʻi e kau akó ke fakakaukauloto ki ha matangi mālohi ʻoku haʻu ki homou koló. Kapau ʻe ʻaonga, te ke lava ʻo fakaʻaliʻali ha ʻīmisi ʻo ha matangi mālohi.

Ko e hā ha niʻihi ʻo e ngaahi ʻahiʻahi pe faingataʻa lahi ʻo e ngaahi ʻaho fakaʻosí? ʻE lava fēfē ke fakafehoanaki ʻa e ngaahi ʻahiʻahi mo e ngaahi faingataʻa ko ʻení ki ha matangi mālohi?
Ko e hā ha ngaahi founga ke malu ai mei he ngaahi matangi ko ʻení?

Fakaafeʻi e kau akó ke fakalaulauloto ki heʻenau ngaahi ongo fekauʻaki mo e ngaahi matangi ko ʻení mo ʻenau fāifeinga ke malú. Ko e ʻekitivitī siviʻi fakaekita ko ʻení ko ha founga ia ʻe taha ke fakahoko ai ʻeni:

Fakalaulauloto ki hono moʻoni ʻo e ngaahi fakamatala ko ʻení kiate koé:

ʻOku ou ʻiloʻi ʻa e meʻa kuo fai ʻe he ʻEikí ke tokoniʻi au ʻi he ngaahi matangi (ngaahi ʻahiʻahi mo e ngaahi faingataʻa) ʻoku ou fehangahangai mo iá.
ʻOku ou houngaʻia ʻi he meʻa kuo fai ʻe he ʻEikí pea ʻoku ou fiemaʻu moʻoni ʻEne tokoní.

Fakaafeʻi e kau akó ke fekumi ki ha ueʻi fakalaumālie mei he Laumālie Māʻoniʻoní ʻi heʻenau akó. ʻE lava ke akoʻi ʻe he Laumālie Māʻoniʻoní ha ngaahi founga ʻe lava ke tokoniʻi ai ʻe he ʻEikí ʻa e kau akó ʻi he ngaahi matangi ʻoku nau fehangahangai mo iá.

Ko e Tuʻi ʻo Saioné

Naʻe langa ʻe ʻĪnoke mo hono kakaí ʻa e “Kolo ʻo e Māʻoniʻoní, ʻa ia ko Saione” (Mōsese 7:19). Naʻe talaʻofa ʻe he ʻEikí te nau “nofo malu … ʻo taʻengata” (Mōsese 7:20). Naʻe mamata leva ʻa ʻĪnoke mo tangi koeʻuhí ko e fakaʻauha ʻe hoko lolotonga ʻa e Lōmakí. ʻI he fekumi ʻa ʻĪnoke ki ha fakafiemālié, naʻá ne kole pe ʻe lava ke ʻaloʻofa ʻa e ʻEikí ki he kakai ʻe hoko mai hili ʻa e Lōmakí. Ko e talí, naʻe akoʻi mo fakahā ai ʻe he ʻEikí kia ʻĪnoke ʻa e Fakamoʻuí mo ʻEne Fakaleleí (vakai, Mōsese 7:42–57).

Lau ʻa e Mōsese 7:53, ʻo kumi e founga naʻe fakamatalaʻi ʻaki ʻe he Fakamoʻuí Iá.

ʻE lava fēfē ke fakafiemālieʻi ʻa ʻĪnoke ʻe he ngaahi meʻa naʻe vahevahe ʻe he ʻEikí ʻi he veesi ko ʻení?

Fakaafeʻi e kau akó ke fakaʻilongaʻi mo aleaʻi e ngaahi huafa mo e ngaahi fatongia kehekehe ʻo Sīsū Kalaisi ʻi he veesi 53. ʻE nofotaha ʻa e lēsoni ko ʻení ʻi Hono huafa ko e “Tuʻi ʻo Saioné.” ʻE lava ke ke fai ha ngaahi fehuʻi vakaiʻi fekauʻaki mo e huafa ko ʻení hangē ko e:

ʻOku tatau fēfē ʻa Sīsū Kalaisi mo ha tuʻi mālohi mo ʻofa kiate kitautolu?
Ko e hā mo ha ngaahi kupuʻi lea kehe mei he veesi ko ʻení ʻokú ne fakamatalaʻi e ngaahi tāpuaki te ke fiemaʻu mei hoʻo muimui ki he Tuʻi ʻo Saioné?

Fakakaukau ke fakamanatu ki he kau akó ʻoku faʻu ʻa Saione ʻe ha taha pē ʻoku, hangē ko e kakai ʻo ʻĪnoké, “loto-maʻa” (Tokāteline mo e Ngaahi Fuakava 97:21)—kakai ʻoku nau hangē ko e ʻEikí.

ʻE maluʻi ʻe he ʻEikí Hono kakaí

Naʻe fehuʻi ʻe ʻĪnoke ki he ʻEikí pe te Ne toe hāʻele mai ki he māmaní. Naʻe fakahā ʻe he ʻEikí kia ʻĪnoke ʻa e ngaahi ʻaho fakaʻosí mo e ngaahi meʻa te Ne fai maʻá e kakai ʻoku feinga ke muimui kiate Iá.

Lau ʻa e Mōsese 7:60–61, ʻo kumi ʻa e meʻa naʻe talaʻofa ʻe he ʻEikí te Ne faí.

ʻOkú ke pehē ʻoku ʻuhinga ki he hā ke “maluʻi” ʻe he ʻEikí ʻa e kakai ʻoku fāifeinga ke muimui kiate Iá?

ʻI hono lau ʻe he kau akó ʻa e Mōsese 7:62 ʻo fakatatau mo e fakahinohino ʻi laló, mahalo te ke fiemaʻu ke tokoniʻi kinautolu ke nau sio ki he mālohi ʻo e ʻOtuá ʻi hono maluʻi Hono kakaí. Ko e founga ʻe taha ke fai ai ʻení ko hono fakaafeʻi e kau akó ke nau tokanga ki hono fakaʻaongaʻi kotoa pē ʻo e foʻi lea ko e te ú pea mo e ngaahi lea ngāue ʻoku muimui aí. Te ke lava foki ʻo fakaafeʻi kinautolu ke nau fakatokangaʻi e taimi ʻoku fakaʻaongaʻi ai ʻe he ʻEikí ʻa e hokú pe ʻekú pea mo e ngaahi lea ʻoku fekauʻaki mo iá.

Neongo naʻe mamata ʻa ʻĪnoke ʻi ha meʻa-hā-mai ki he lōmaki fakalilifu ʻi he kuonga ʻo Noá, ka naʻe fakahā ʻe he ʻEikí kia ʻĪnoke ha ngaahi founga te Ne tānaki ai ʻa e kakaí kiate Ia mo maluʻi kinautolú.

Lau ʻa e Mōsese 7:62, ʻo kumi e meʻa ʻe fai ʻe he ʻEikí ke maluʻi Hono kakaí.

Ko e hā ha niʻihi ʻo e ngaahi meʻa ʻe fai ʻe he ʻEikí ke maluʻi ʻaki Hono kakaí?

Hiki ʻa e kupuʻi lea ko ʻení ʻi he palakipoé: Ke maluʻi Hono kakaí ʻi he ngaahi ʻaho fakaʻosí, ʻe hanga ʻe he ʻEikí ʻo …

ʻI he tali ʻa e kau akó, hiki e ngaahi kupuʻi lea ko ʻení he palakipoé:

fekau hifo ʻa e māʻoniʻoní mei he langí.

ʻohake ʻa e moʻoní mei he kelekelé.

tānaki fakataha Hono kakaí ki Saione (vakai foki, Tokāteline mo e Ngaahi Fuakava 115:6).
Ko e hā ha ngaahi founga ʻoku fakahoko ai ʻe he ʻEikí ʻa e kikite ko ʻení ʻi hotau kuongá?

Ko e māʻoniʻoni mei he langí mo e moʻoni mei he kelekelé ke tānaki fakataha kitautolu ki Saione

Ke tokoni ke mahino ki he kau akó ʻa e tafaʻaki kehekehe ʻe tolu ʻo e moʻoni ko ʻení, te ke lava ʻo tohiʻi ʻa e “Māʻoniʻoni mei he langí,” “Moʻoni mei he kelekelé,” mo e “Saione” ʻi he palakipoé ʻi ha ngaahi kōlomu kehekehe. Ko ha ngaahi sētesi mo ha ngaahi ʻīmisi ʻeni ʻoku fekauʻaki mo e tafaʻaki takitaha. Hiki ʻa e sētesi takitaha ʻi ha laʻipepa mavahevahe pe fakaʻaliʻali ʻa e ngaahi ʻatá. ʻE lava leva ke fakatauhoa ʻe he kau akó ʻa e sētesí pe fakatātaá ki ha taha ʻo e ngaahi ʻuluʻi tohi ʻi he palakipoé.

Māʻoniʻoni mei he langí

Naʻe maʻu ʻe Siosefa Sāmita ʻa e ʻUluaki Mata Meʻa-Hā-Maí.

Painting of the first vision by Walter Rane. The Father and Son appear to Joseph Smith in the sacred grove.

Naʻe foaki ʻe Sione Papitaiso ʻa e Lakanga Taulaʻeiki Faka-ʻĒloné kia Siosefa Sāmita.

John the Baptist laying his hands on a kneeling Joseph Smith conferring the Aaronic Priesthood on him. Oliver Cowdery is kneeling with him. They are in a grove of trees.

Naʻe foaki ʻe Pita, Sēmisi, mo Sione ʻa e Lakanga Taulaʻeiki Faka-Melekisētekí kia Siosefa Sāmita.

Peter, James, and John conferring Melchizedek Priesthood upon Joseph Smith, with Oliver Cowdery kneeling at Joseph Smith's side. They are in a grove of trees and plants.

Naʻe fakahā ʻe he ʻEikí ʻa e Tokāteline mo e Ngaahi Fuakavá.

ʻOku fakahā ʻe he ʻEikí ʻEne folofolá ʻo fakafou ʻi he kau palōfita ʻo onopōní.

The assembly hall of the Conference Center during a General Conference session.

Moʻoni mei he kelekelé

Naʻe maʻu mo liliu ʻe Siosefa Sāmita ʻa e ʻū lauʻi peleti koulá.

Joseph Smith kneeling and holding the gold plates in his hands. He is looking up at the angel Moroni who stands in the air above him. Moroni is dressed in white. A square hole is in the ground in front of Joseph Smith.

Saione

ʻOku tau kau kotoa ki ha uooti pe kolo.

Tokoniʻi e kau akó ke nau fakalaulauloto ki he mahuʻinga ʻo e meʻa kuo fai ʻe he ʻEikí. Ko e founga ʻe taha te ke lava ʻo fakahoko ai ʻení ko hono fakaafeʻi e kau akó ke fakakakato ʻeni ʻi heʻenau tohinoa akó. Kapau naʻá ke fakaʻaongaʻi ʻa e ʻekitivitī kimuʻá, ʻe lava ke fili ʻe he kau akó ha meʻa mei he lisi ʻi he palakipoé.

Feinga ke ʻiloʻi ha founga ʻe ua ʻoku maluʻi ai ʻe he ʻEikí Hono kakaí mei he ngaahi faingataʻa ʻo hotau kuongá pea tali e ngaahi fehuʻi ko ʻení. Kapau ʻe lava, fakakaukau ki ha sīpinga pau. Te ke lava ʻo fakamatala ki ha aʻusia ʻi he lakanga fakataulaʻeikí, ko ha potufolofola mei he Tohi ʻa Molomoná, ko ha aʻusia ʻi ho uōtí pe koló, mo e alā meʻa pehē.

Kuo tokoniʻi fēfē koe ʻe he sīpinga ko ʻení ke ke ʻiloʻi lelei ange ʻa e Fakamoʻuí?
Kuo tokoni fēfē nai pe ʻe lava nai ke tokoni ʻi he ngaahi faingataʻa ʻo e ngaahi ʻaho fakaʻosí?

Ngaahi Maʻuʻanga Tokoni Kehé

ʻE maluʻi nai ʻa e tokotaha māʻoniʻoni kotoa pē mei he ngaahi faingataʻa kotoa pē ʻi he ngaahi ʻaho fakaʻosí?

Naʻe akoʻi ʻe he Palōfita ko Siosefa Sāmitá (1805–1844) ʻo pehē:

[Naʻá ku] fakamatala fekauʻaki mo e hāʻele mai ʻa e Foha ʻo e Tangatá; pea ko ha fakakaukau hala ia ʻa e pehē ʻe hao ʻa e Kāingalotú mei he ngaahi fakamāú kotoa, kae mamahi ʻa e kau angahalá; he ʻoku moʻulaloa ʻa e kakano kotoa pē ke mamahi, pea naʻa mo e ‘kau māʻoniʻoní foki ʻe ʻikai te nau meimei hao’ [vakai, T&F 63:34]; ka neongo ia ʻe ʻi ai ha Kāingalotu tokolahi ʻe hao, koeʻuhí he ʻe moʻui ʻa e kakai angatonú ʻi he tuí [vakai, Hapakuki 2:4]; ka ʻe kei ʻi ai pē ha kakai māʻoniʻoni ʻe niʻihi ʻe moʻulaloa ki he mahamahakí, ki he ngaahi meʻa fakamamahí, mo e alā meʻa pehē, koeʻuhí ko e vaivai ʻo e kakanó, neongo ia ʻe kei fakahaofi kinautolu ʻi he Puleʻanga ʻo e ʻOtuá. (Ngaahi Akonaki ʻa e Kau Palesiteni ʻo e Siasí: Siosefa Sāmita [2007], 291)

ʻE fekauʻi fēfē mai ʻe he ʻOtuá ʻa e māʻoniʻoní mei he langí mo e moʻoní mei he kelekelé?

Naʻe akonaki ʻa Palesiteni ʻEselā Tafu Penisoni (1899–1994) ʻo pehē:

Kuo tuku mai e Tohi ʻa Molomoná mei he kelekelé, kuo fonu ʻi he moʻoní, ʻo hoko ko e “maka-tuʻu-loto ia ʻo ʻetau tui fakalotú” (vakai, Talateu ʻo e Tohi ʻa Molomoná). Kuo fekauʻi hifo foki ʻe he ʻOtuá ʻa e māʻoniʻoní mei he langí. Naʻe hā tonu ʻa e Tamaí mo Hono ʻAló ki he Palōfita ko Siosefa Sāmitá. Naʻe tataki ʻe he langí e ʻāngelo ko Molonaí, Sione Papitaiso, Pita, Sēmisi, mo ha kau ʻāngelo kehe tokolahi ke fakafoki mai ʻa e ngaahi mālohi ʻoku fiemaʻu ki he puleʻangá. ʻIkai ngata aí, naʻe maʻu ʻe he Palōfita ko Siosefa Sāmitá mei he langí ha fakahā hili e fakahā, lolotonga e ngaahi fuofua taʻu faingataʻa ʻo e tupulaki ʻa e Siasí. Kuo maluʻi mai e ngaahi fakahā ko ʻení maʻatautolu ʻi he Tokāteline mo e Ngaahi Fuakavá.

ʻOku hoko leva ʻa e ongo ngāue maʻongoʻonga ko ʻeni ʻo e folofolá, ko ha meʻangāue mahuʻinga ʻi he toʻukupu ʻo e ʻEikí ki hono maluʻi Hono kakaí ʻi he ngaahi ʻaho kimui ní. (“The Gift of Modern Revelation,” Ensign, Oct. 1986, 79–80)

ʻE tāpuekina fēfē au ʻi heʻeku tānaki fakataha ki Saione mo hono ngaahi siteikí?

Naʻe akoʻi ʻe Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

17:25

ʻI hono fokotuʻu ko ʻeni ʻo e ngaahi siteikí mo langa ʻa e ngaahi temipalé ʻi ha ngaahi puleʻanga lahi mo ha kakai tui tokolahi feʻungá, ko e fekau leva ʻi he lolotonga ní ke ʻoua ʻe tānaki ki ha feituʻu pē ʻe taha ka ke tānaki ki he ngaahi siteiki ʻi hotau fonua totonú. ʻE lava ke maʻu ai ʻe he kau angatonú ʻa e ngaahi tāpuaki kakato ʻo ʻitānití ʻi ha fale ʻo e ʻEikí. Te nau lava ai pē ʻi honau takitaha fonua tupuʻá, ke talangofua ki he fekau ʻa e ʻEikí ke fakalahi ʻa e ngaahi fakangatangata ʻo Hono kakaí mo fakamālohia hono ngaahi siteikí (vakai, Tokāteline mo e Ngaahi Fuakava 101:21; 133:9, 14). ʻI he founga ko ʻení, ʻoku hoko e ngaahi siteiki ʻo Saioné “ko ha maluʻanga, pea ko ha ungaʻanga mei he afaá, pea mei he houhaú ʻo ka lilingi kakato atu ia ki he māmaní hono kotoa” (Tokāteline mo e Ngaahi Fuakava 115:6). (“Preparation for the Second Coming,” Liahona, Mē 2004, 8)

Naʻe fakahā ʻe ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá:

Kuo pau ke tau ʻiloʻi ko hono langa hake ko ia ʻo Saioné ʻoku hoko ia ʻi he ngaahi taimi faingataʻá—“ko ha ʻaho ʻo e houhau, ko ha ʻaho ʻo e tutu, ko ha ʻaho ʻo e fakaʻauha, ʻo e tangi, mo e tengihia, pea mo e tangilāulau; pea ʻe hoko mai ia ʻo hangē ko ha ʻahiohio ki he funga hono kotoa ʻo e māmaní, ʻoku folofola ʻe he ʻEikí” [Tokāteline mo e Ngaahi Fuakava 112:24]. Ko ia, ʻoku hoko e tānaki ki he ngaahi siteikí “ko ha maluʻanga, pea ko ha ungaʻanga mei he afaá, pea mei he houhaú ʻo ka lilingi kakato atu ia ki he māmaní hono kotoa” [Tokāteline mo e Ngaahi Fuakava 115:6]. …

ʻOku tupu māmālie ʻa e kuonga fakakosipeli fakaʻosi mo maʻongoʻonga ko ʻení ke aʻusia ʻa e taupotu tahá—Saione ʻi he māmaní, pea fakatahaʻi mo e Saione mei ʻolungá ʻi he toe hāʻele nāunauʻia mai ʻa e Fakamoʻuí. Kuo tuʻutuʻuni ʻa e Siasi ʻo Sīsū Kalaisí ke teuteu—pea ʻoku nau lolotonga teuteu—ʻa e māmaní ki heʻ aho ko iá. (“Teuteu ki he Toe Hāʻele Mai ʻa e ʻEikí,” Liahona, Mē 2019, 84)

Mōsese 7:62. Te tau tokoniʻi fēfē “ke tafiʻi ʻa māmani ʻe he māʻoniʻoní mo e moʻoní ʻo hangē ka fai ia ʻaki ʻa e lōmakí”?

Naʻe fakahoko ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ha fakaafe ʻo pehē:

2:57

Ko ha kamata lelei hono fakahoko ʻi he kuongá ni ʻa hono fevahevaheʻaki ʻo e pōpoaki ʻo e ongoongoleleí ʻo fakafou ʻi he ngaahi mītia fakasōsialé—ka ko ha kiʻi tulutā siʻisiʻi pē ia. ʻOku ou ʻoatu he taimí ni ʻa e fakaafe ke mou tokoni ke liliu ʻa e tulutā ko iá ko ha lōmaki. Kamata he ʻahó ni, ʻoku ou naʻinaʻi kiate kimoutolu ke fakafonu ʻa māmani ʻaki e ngaahi pōpoaki ʻoku fonu ʻi he māʻoniʻoní mo e moʻoní—ko e ngaahi pōpoaki ʻoku moʻoni, langaki moʻui, mo taau mo hono vikivikiʻí—pea ke tafiʻi ʻa māmani ʻo hangē ko ha lōmaki (vakai ki he Mōsese 7:59–62). (“Lōmakiʻi ʻa Māmani Fakafou ʻi he Mītia Fakasōsialé,” Liahona, ʻAokosi 2015, 53)

Ngaahi ʻEkitivitī Fakalahi ki he Akó

Mōsese 7:53. “Ko e Maka ʻo e Langí”

Kapau ʻokú ke ongoʻi ʻe ʻaonga ki hoʻo kau akó hono ako e huafa mo e fatongia ʻo e Fakamoʻuí ʻi heʻenau hoko ko e Maka ʻo e Langí, fakakaukau ki he ngaahi meʻá ni. Te ke lava ʻo fakaʻaongaʻi ʻa e 2 Nīfai 31:17–20 ke tokoni ke mahino ki he kau akó ʻa e kupuʻi lea “ko ia ia ʻe hū mai ʻi he matapaá, ʻo kaka hake ʻiate aú ʻe ʻikai te ne hinga” (Mōsese 7:53). ʻE lava ke ʻiloʻi ʻe he kau akó pe ko e hā ʻa e matapaá, ko e hā ʻa e halá, pea mo e founga ʻoku fakatau ai kia Sīsū Kalaisí. Te ke lava foki ʻo fakaʻaongaʻi ʻa e Hilamani 5:12 ke aleaʻi ʻa e founga he ʻikai ke tau lava ai ʻo hinga ʻi he taimi ʻoku langa ai hotau fakavaʻé ʻia Sīsū Kalaisí.

Vahevahe e ongoongolelei ʻo e Fakamoʻuí ʻo fakafou ʻi he mītia fakasōsialé

Te ke lava ʻo fakaʻaliʻali ʻa e lea meia ʻEletā Tēvita A. Petinā ʻi he Ngaahi Maʻuʻanga Tokoni Kehé pe huluʻi ʻa e vitiō “To Sweep the Earth as with a Flood” (2:56). Fehuʻi ki he kau akó pe ko e hā ha fakamoʻoni ʻoku nau mamata ki ai ʻi he ngaahi pōpoaki ʻo e ongoongoleleí ʻi he mītia fakasōsialé ʻokú ne tafiʻi ʻa e māmaní ʻo hangē ha lōmakí. ʻOange ha taimi ʻi he kalasí ki he kau akó ke nau faʻu mo vahevahe ha pōpoaki mītia fakasōsiale fekauʻaki mo e ongoongolelei ʻo Sīsū Kalaisí. Fakaafeʻi ha kau ako ke vahevahe mo e kalasí ʻa e pōpoaki ne nau faʻú. Te ke lava foki ʻo fakaafeʻi e kau akó ke nau muimui ʻi he ngaahi fakamatala mītia fakasōsiale ʻa e Kau Palesitenisī ʻUluakí, Kōlomu ʻo e Kau ʻAposetolo ʻe Toko Hongofulu Mā Uá, mo e kau taki kehe ʻo e Siasí. ʻE lava ke mamata e kau akó ki ha ngaahi sīpinga ʻo e founga ʻoku vahevahe ai ʻe he kau taki ko ʻení e ongoongolelei ʻa e Fakamoʻuí ʻo fakaʻaongaʻi e mītia fakasōsialé.

Mōsese 7:62. “Koeʻuhí ʻe ʻi ai ʻa hoku nofoʻangá”

Mahalo ʻe ʻaonga ki he kau akó ʻenau mamata ki he founga ʻe fokotuʻu ai ʻe he ʻEikí Hono nofoʻangá ʻi Selusalema Foʻoú. Aleaʻi e mahuʻinga ʻo e temipale ʻi Saioné pea mo e malu te tau lava ʻo maʻu ʻi he fale ʻo e ʻEikí. ʻE lava ke ke fakaʻaongaʻi e fakamatala meia Palesiteni Tāleni H. ʻOakesi ʻi he Ngaahi Maʻuʻanga Tokoni Kehé ko ha konga ʻo e fealēleaʻakí.