Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Mōsese 7:1–21: “Naʻe Ui ʻe he ʻEikí ʻa Hono Kakaí ko Saione”

“Mōsese 7:1–21: ‘Naʻe Ui ʻe he ʻEikí ʻa Hono Kakaí ko Saione,’” Fuakava Motuʻá – Tohi Lēsoni maʻá e Faiako Seminelí (2026)

“Mōsese 7:1–21: ‘Naʻe Ui ʻe he ʻEikí ʻa Hono Kakaí ko Saione,’” Fuakava Motuʻá – Tohi Lēsoni maʻá e Faiako Seminelí

Mōsese 7; Lēsoni 16

Mōsese 7:1–21

“Naʻe Ui ʻe he ʻEikí ʻa Hono Kakaí ko Saione”

A painting by Del Parson showing Enoch surrounded by the people of his city on a large cloud being raised into the air.

Naʻe ui ʻe he ʻOtuá ʻa ʻĪnoke ko ha palōfita ke ne malanga ʻaki ʻa e pōpoaki ʻo e ongoongoleleí. Naʻe fakatahataha ʻa e kakai naʻa nau fili ke muimui ʻia ʻĪnoké, pea naʻe maluʻi kinautolu ʻe he ʻEikí mei he faiangahala ʻi honau ʻātakaí. Naʻe faifai pea nau fokotuʻu ha kolo fiefia mo māʻoniʻoni naʻe ui ʻe he ʻEikí ko “Saione” (Mōsese 7:18). ʻE lava ke tokoni ʻa e lēsoni ko ʻení ki he kau akó ke nau fakatupulaki ha ngaahi ʻulungaanga faka-Kalaisi naʻe maʻu ʻe ʻĪnoke mo hono kakaí.

Teuteu ʻa e tokotaha akó: Fakaafeʻi ʻa e kau akó ke fakakaukau ki honau ʻaho kimuʻá pea mo e ola ʻo ʻenau ngaahi ngāué ʻi he kakai kehé.

Ngaahi ʻEkitivitī Ako ʻOku Ala Fakahokó

Mālohi ʻo fakafou ʻi ha ngaahi aka ʻoku fehokotaki

Fakakaukau ki ha founga ke kamata ʻaki ʻa e lēsoní ʻaki hono tokoniʻi ʻa e kau akó ke nau ʻiloʻi ʻa e mālohi ʻe lava ke maʻu mei he uouangataha mo e niʻihi kehé. Ko ha founga ʻeni ʻe taha te ke lava ʻo fakahoko ai ʻeni.

ʻOkú ke pehē ko e hā ʻa e māʻolunga ʻe lava ke tupu ki ai ʻa e faʻahinga ʻakau lōloa tahá?

Ko e ʻuluʻakau lōloa taha ʻi he māmaní ko e ʻulu letiutí (redwood). Te nau lava ʻo tupu ʻo laka hake ʻi he fute ʻe 300 (mita ʻe 92) hono māʻolungá.

Ke tuʻu ha fuʻu ʻakau lahi pehē, ʻokú ke pehē ʻoku fēfē ʻa e ngaahi aka ʻo ha fuʻu letiuti?

Ko e meʻa fakaʻohovalé, ʻoku fute pē ʻe 3–6 (mita ʻe 1–2) hono loloto ʻo e ngaahi aka ʻo e letiutí. Ka neongo ia, ʻoku mofele e ngaahi aka ko ʻení ʻi ha fute ʻe laungeau (laka hake he mita ʻe 100) pea tuifio mo e ngaahi aka ʻo e ʻuluʻakau kehé. ʻOku hanga ʻe he fehokotaki ko ʻení ʻo ʻai ke tuʻu mālohi ʻa e ʻulu letiutí ʻi ha taʻu ʻe laungeau ʻi he lotolotonga ʻo e ngaahi matangí mo e tāfeá (vakai, Richard H. Winkel, “Web of Friendship,” New Era, Aug. 2003, 10–11).

Illustration of redwood tree roots below ground.

ʻOkú ke pehē ko e hā te tau lava ʻo ako mei he ngaahi fuʻu letiuti te ne lava ʻo tākiekina hotau fāmilí, ʻapiakó, uōtí pe koló?
ʻOkú ke pehē ko e hā ʻoku finangalo ai ʻa e ʻEikí ke tau fekumi ki ha mālohi mei he niʻihi kehe ʻoku tau feohí pea pehē foki meiate Iá?

Ke tokoni ke fakafuofuaʻi ʻe he kau akó ʻa e tuʻunga lelei ʻo ʻenau ongo ki he kakai ʻoku nau feohí, fakaafeʻi ʻa e kau akó ke tali ʻa e ngaahi fehuʻi ko ʻení ʻi heʻenau tohinoa akó:
ʻOku tokoniʻi mo poupouʻi fēfē nai koe ʻe he niʻihi kehé, tautautefito ʻi hoʻo ngaahi feinga ke ofi ange ki he Fakamoʻuí? (ʻE lava ke fakahoko ʻeni ʻi hoʻo fāmilí, uōtí pe koló, ngaahi kulupu kaungāmeʻá, koló, mo e ngaahi meʻa peheé.)
ʻOkú ke feinga fēfē ke poupouʻi ʻa e niʻihi kehé mo tokoniʻi kinautolu ke nau ongoʻi ofi ange ki he Fakamoʻuí?

ʻI hono ako ʻe he kau akó ʻa e lēsoni ko ʻení, fakaafeʻi kinautolu ke nau ongoʻingofua ʻa e ngaahi ueʻi ʻa e Laumālie Māʻoniʻoní. ʻE lava ke akoʻi kinautolu ʻe he Laumālie Māʻoniʻoní ʻi he founga te nau lava ai ʻo fakatupulaki ʻa e mālohi ʻoku nau ongoʻi ʻi he ʻOtuá pea mo e kakai ʻoku nau feohí.

Mālohi ʻi Saione

Naʻe ui ʻe he ʻEikí ʻa e palōfita ko ʻĪnoké ʻi ha mata meʻa-hā-mai ke ne malanga ʻaki ʻa e fakatomalá mo e papitaisó ki ha ngaahi kolo lahi. Naʻe fakatahataha ʻa e kakai naʻe muimui ʻia ʻĪnoké.

Lau ʻa e Mōsese 7:13, 16–17, ʻo kumi ʻa e faikehekehe ʻo e kakai naʻa nau feinga ke muimui ki he ʻEikí mo e kakai naʻa nau tauʻi kinautolú.

Ko e hā naʻe makehe kiate koe ʻi he ngaahi tāpuaki naʻe foaki ʻe he ʻEikí ki he kakai naʻa nau feinga ke muimui kiate Iá?

Ke mahino lelei ange ʻa e meʻa naʻá ne fakafaikehekeheʻi ʻa e kakai ʻo e ʻEikí, lau ʻa e Mōsese 7:18–21. (Mahalo ʻe tokoni ke fakamahinoʻi ange ʻoku ʻuhinga ʻa e fakamalaʻiaʻí ki hano taʻofi ʻo e ngaahi tāpuakí koeʻuhí ko e taʻemāʻoniʻoní. Vakai foki, “Fakamalaʻiá, Fakamalaʻiaʻí, Ngaahi Fakamalaʻiá” ʻi he Fakahinohino ki he Ngaahi Folofolá.)

Ko e Mōsese 7:18 ko ha potufolofola fakataukei fakatokāteline ia. Fakakaukau ke fakaafeʻi ʻa e kau akó ke fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻu ngofua kinautolu.

Tokoni ke mahino ki he kau akó ʻa e meʻa naʻa nau akó. Ke fai iá, te ke lava ʻo fakaafeʻi kinautolu ke tā ʻi heʻenau tohinoá ha kiʻi fakatātā faingofua ʻo e meʻa ne nau ako mei he veesi 18. Hili iá, ʻe lava ke vahevahe ʻe he kau akó ʻa e meʻa naʻa nau taá mo e ʻuhinga naʻa nau tā ai iá mo ha ngaahi hoa, fanga kiʻi kulupu iiki, pe ko e kalasí.

Ko e hā ʻokú ke ako fekauʻaki mo e kakai ʻa e ʻEikí mei he veesi 18?
ʻOkú ke pehē ko e ʻuhinga ki he hā ʻa e “loto-taha mo fakakaukau tahá”?

Tokoniʻi ʻa e kau akó ke nau ʻiloʻi ha foʻi moʻoni hangē ko e ʻoku feinga ʻa e kakai ʻa e ʻEikí ke nau uouangataha, moʻui angatonu, mo tokangaʻi ʻa e masiva ʻiate kinautolú. Te ke lava ʻo fakamahinoʻi ange ko ha ngaahi ʻulungaanga foki ʻeni ʻo e Fakamoʻuí. ʻOku ʻuhinga ʻa e hoko ko e kakai ʻa e ʻEikí ke hoko ʻo hangē ange ko Iá.

Hoko ko e kakai ʻa e ʻEikí

Ke tokoni ke mahino lelei ange ki he kau akó ʻa e founga ke uouangataha, moʻui angatonu, mo tokangaʻi ai ʻa e kakai faingataʻaʻiá, fakakaukau ke kole ki he kau akó ke nau ngāueʻi ʻa e laʻipepa tufa ko ʻení ʻi ha fanga kiʻi kulupu iiki. Te nau lava ʻo feinga ke fetokoniʻaki mo fepoupouaki lolotonga ʻa e ʻekitivitií. ʻOku ʻoatu ʻi lalo ha founga ʻe ua te ke lava ai ʻo fakaʻaongaʻi ʻa e laʻipepa tufá:

Fakaafeʻi ʻa e kau akó ke vahevahe ʻa e ngaahi konga ʻo e laʻipepa tufá ʻi he kau mēmipa ʻo ʻenau kulupú pea ako ʻiate kinautolu pē ʻenau kongá. Hili hono fakakakato ʻenau kongá, ʻe lava ke vahevahe ʻe he kau akó ʻa e meʻa naʻa nau akó.
Tepiʻi ha ngaahi tatau ʻo e ngaahi konga ʻo e laʻipepa tufá ʻi he holisí pea fakaafeʻi ʻa e fanga kiʻi kulupu īkí ke nau takai holo ʻi he lokí ʻo fakakakato fakataha ʻa e konga takitaha.

Fakaafeʻi ha kau ako ke vahevahe ʻa e meʻa ne nau ako naʻe ʻuhingamālie kiate kinautolú. Te ke lava foki ʻo fehuʻi ange ʻa e founga naʻe fakatupulaki ai ʻa e mahino ʻa e kau akó ʻi he ngāue fakakulupu ko ʻení.

Naʻe fakahaaʻi fēfē ʻe he Fakamoʻuí ʻa e ngaahi ʻulungaanga ʻo Saioné lolotonga ʻEne moʻuí?

Ke fakatātaaʻi ha sīpinga ʻo e ngaahi ʻulungaanga faka-Kalaisi ʻo Saioné, te ke lava ʻo vahevahe ʻa e vitiō “ʻOfa Faka-Kalaisí: Ko ha Faʻifaʻitakiʻanga ʻo e Kakai Tuí” (4:50), ʻoku maʻu ʻi he Gospel Library. Fakakaukau ke fakaafeʻi ʻa e kau akó ke nau kumi ʻa e founga naʻe hoko ai ʻa e kau finemui ko ʻení ko ha sīpinga ʻo Saioné.

4:50

Faʻu ha palani

Fakaafeʻi ʻa e kau akó ke fakakaukau ki he ngaahi ongo ne nau maʻu lolotonga ʻa e lēsoní pea hiki ʻa e tali ki he ngaahi fehuʻi ko ʻení ʻi heʻenau tohinoa akó:

Ko e hā ha ʻulungaanga faka-Kalaisi ʻe taha ʻo Saione ʻokú ke ongoʻi te ke lava ʻo fakatupulaki ʻi hoʻo moʻuí? (ʻE lava ke hoko ʻeni ʻi ʻapi, ʻi he lotú, pe fakataha mo e niʻihi kehé.)
Ko e hā ha meʻa te ke kamata fakahoko ʻi he uiké ni ke fakamālohia ʻa e ʻulungaanga faka-Kalaisi ko iá? (ʻE lava ke hoko ʻeni ko ha konga hoʻo ngaahi taumuʻa ki he polokalama Fānaú mo e Toʻu Tupú.)

Ako Ma‘uloto

Mahalo te ke fie tokoni ki he kau akó ke ako maʻuloto ʻa e potufolofola fakataukei fakatokāteliné mo e kupuʻi lea folofola mahuʻingá lolotonga ʻa e lēsoni ko ʻení pea toe fakamanatu ia ʻi he ngaahi lēsoni ʻi he kahaʻú. Ko e kupuʻi lea folofola mahuʻinga ki he “Mōsese 7:18” ko e “Naʻe ui ʻe he ʻEikí ʻa hono kakaí ko Saione, koeʻuhí he naʻa nau loto-taha pē mo fakakaukau taha.” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahi ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

ʻE lava fēfē ke tau uouangataha kapau ʻoku ʻikai ke tau ongoʻi ʻoku tau feʻunga ke kau atu?

Naʻe akonaki ʻa ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku mahuʻinga ʻa e ongo ʻo e kau maí ki heʻetau moʻui lelei fakatuʻasinó, fakaeʻatamaí mo e fakalaumālié. Ka, ʻoku malava pē ke tau takitaha ongoʻi ʻi he taimi ʻe niʻihi ʻoku ʻikai ke tau kau mai. ʻI he ngaahi taimi fakalotosiʻí, ʻe lava ke tau ongoʻi ai he ʻikai ke tau teitei taau feʻunga ki he ngaahi tuʻunga moʻui māʻolunga ʻa e ʻEikí pe ko e ngaahi fiemaʻu ʻa e niʻihi kehé. Mahalo te tau fāinoa ʻo ʻamanaki ki ha ngaahi meʻa mei he niʻihi kehé—pe naʻa mo kitautolu—ʻa ia ʻoku ʻikai ko e ngaahi ʻamanaki ia ʻa e ʻEikí. Mahalo te tau fetuʻutaki ʻi ha ngaahi founga fakapoto ko e mahuʻinga ʻo ha laumālie ʻoku makatuʻunga ia ʻi ha ngaahi lavameʻa pe uiuiʻi pau, ka ʻoku ʻikai ko e founga ʻeni ia ʻoku fua ʻaki ʻe he ʻEikí hotau tuʻunga tāú. “ʻOku ʻafioʻi ʻe [he ʻEikí] ʻa e lotó” [1 Samuela 16:7]. ʻOkú Ne tokanga ki heʻetau ngaahi fiemaʻú mo e ngaahi holí pea mo e meʻa tuʻunga ʻoku tau hoko ki aí. …

Ko e tafaʻaki … ʻo e tokāteline ʻo e kau maí ʻoku fekauʻaki ia mo ʻetau ngaahi tokoní. Neongo ʻoku ʻikai ke tau faʻa fakakaukau ki ai, ka ko e konga lahi ʻo ʻetau kau maí ʻoku tupu ia mei heʻetau ngāue tokoni mo e ngaahi feilaulau ʻoku tau fai maʻá e niʻihi kehé pea maʻá e ʻEikí. ʻE lava ke hoko ʻa e hulutuʻa ʻo e tokanga ki heʻetau ngaahi fiemaʻu fakatāutahá pe ko e fiemālie pē ʻatautolú ke fakafeʻātungiaʻi ai ʻa e ongoʻi kau maí. (“Ko e Tokāteline ʻo e Kau Maí,” Liahona, Nōvema 2022, 54, 55)

ʻE lava fēfē ke tau uouangataha neongo hotau ngaahi faikehekehé?

Naʻe akoʻi ʻe ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku tupulaki ʻa e uouangatahá ʻi he taimi ʻoku tauhi ai ʻa e kakaí ʻaki ʻa e ngeia mo e fakaʻapaʻapa neongo ʻoku kehekehe honau ʻulungāngá. …

ʻE lava ke tau hoko ko ha maʻuʻanga ivi ʻo e uouangatahá pea fiefia ʻi he ngaahi faikehekehé koeʻuhí ko ʻetau tokāteliné ʻoku kau mai ʻa e taha kotoa pē. ʻOku ʻikai ke fehangahangai ʻa e uouangatahá mo e faikehekehé. ʻE lava ke tau maʻu ha uouangataha lahi ange ʻi heʻetau fakatupulaki ha ʻātakai ʻo e kau maí pea fakaʻapaʻapaʻi ʻa e ngaahi faikehekehé. …

Ko e tukufakaholo ʻo e ongoongolelei ʻo Sīsū Kalaisí ʻoku ʻikai … ke makatuʻunga ia mei he lanu ʻo e kilí pe feituʻu ʻoku nofo ai ha tahá. Neongo ʻetau fiefia ʻi ha ngaahi tukufakaholo mahuʻinga, ka ʻoku totonu ke tau tukuange ʻa e ngaahi konga ʻo e tukufakaholó ʻa ia ʻoku fepaki mo e ongoongolelei ʻo Sīsū Kalaisí. (“Taha Honau Lotó ʻi he Māʻoniʻoni mo e Uouangataha,” Liahona, Nōvema 2020, 18, 19, 21)

Ngaahi ʻEkitivitī Fakalahi ki he Akó

Fetongitongi ʻa e founga kamata ʻo e lēsoní

Te ke lava ʻo fakaafeʻi ʻa e kau akó ke nau fakakaukauloto ʻoku ʻi ai ha ʻapiako pe ha falukunga kakai ofi kiate kinautolu ʻa ia ʻoku anga fakakaumeʻa, taʻesiokita, uouangataha, mo māʻoniʻoni ai ʻa e tokotaha kotoa pē. ʻE lava ke mou aleaʻi ʻa e ngaahi meʻá ni:

Ko e hā ka ke fie kau ai ki ha ʻapiako pe kulupu pehení?
ʻOkú ke pehē ʻe lava ke ʻi ai ha ʻapiako pe kulupu peheni ʻi he ʻahó ni? Ko e hā hono ʻuhinga ʻoku ʻio pe ʻikai aí?

Talaange ki he kau akó naʻe tokoniʻi ʻe he ʻEikí ʻa e palōfita ko ʻĪnoké ke fokotuʻu ha falukunga kakai hangē ko ʻení. Naʻe ui kinautolu ʻe he ʻEikí ko Saione. Te ke ala fai ʻa e fehuʻi ko ʻení:

ʻI he taimi ʻokú ke fanongo ai ki he foʻi lea Saioné, ko e hā ʻoku haʻu ki hoʻo fakakaukaú?

Ko hono ngaohi homou ʻapí ke hangē ko Saioné

Mahalo te ke fie tokoni ki he kau akó ke nau vakai ki he founga ʻe lava ke fakaʻaongaʻi ai ʻa e ngaahi tefitoʻi moʻoni ʻo Saioné ʻi honau ngaahi ʻapí. Fakaafeʻi ʻa e kau akó ke nau fakakaukau ki he founga te nau lava ai ʻo tokoniʻi honau fāmilí (1) ke nau hoko ʻo taha ʻi he loto mo e ʻatamai, (2) nofo ʻi he māʻoniʻoni, pea (3) fetauhiʻaki lelei ange ʻiate kinautolu. Aleaʻi ʻa e fehuʻi ko ʻení:

Ko e hā ha ngaahi founga te ke lava ai ʻo ngaohi hoʻo ʻapí ke hangē ko Saioné ʻi he uiké ni?

Te ke lava ʻo hiki ʻa e ngaahi tefitoʻi moʻoni ʻe tolu ʻo Saioné ʻi he palakipoé, pea ʻe lava ke lisi ai ʻe he kau akó ha ngaahi fakakaukau.

Fakafehoanaki ʻo Saione ki he kakai ʻi he 4 Nīfai 1

Hili ʻa e ʻaʻahi ʻa e Fakamoʻuí ki he kau Nīfaí mo e kau Leimaná ʻi he Tohi ʻa Molomoná, naʻe moʻui ʻa e kakaí ʻi ha ngaahi taʻu lahi ʻi ha kolo naʻa nau moʻui ʻaki ʻa e ngaahi tefitoʻi moʻoni ʻo Saioné.

Fakaafeʻi ʻa e kau akó ke faʻu ha tēpile ʻi heʻenau tohinoá mo ha kōlomu ʻe tolu ʻo fakahingoa ko e Uouangatahá, Anga-māʻoniʻoní, mo e Tokangaekina ʻo e masivá. ʻE lava ke ako ʻe he kau akó ʻa e 4 Nīfai 1:1–3, 11–18, ʻo kumi ʻa e founga naʻe fakahaaʻi ai ʻe he kau Nīfaí mo e kau Leimaná ʻa e ngaahi ʻulungaanga ko ʻeni ʻo Saioné. Te nau lava ʻo lekooti ʻa e ngaahi fakakaukaú ʻi he kōlomu totonú ʻi heʻenau tēpilé.