Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Moises 7:53–69: Pangangalagaan ng Hari ng Sion ang Kanyang mga Tao

“Moises 7:53–69: Pangangalagaan ng Hari ng Sion ang Kanyang mga Tao,” Manwal ng Titser ng Seminary para sa Lumang Tipan (2026)

“Moises 7:53–69: Pangangalagaan ng Hari ng Sion ang Kanyang mga Tao,” Manwal ng Titser ng Seminary para sa Lumang Tipan

Moises 7: Lesson 18

Moises 7:53–69

Pangangalagaan ng Hari ng Sion ang Kanyang mga Tao

Jesus Christ is standing on a hill over looking a river

Ang isa sa mga titulo ng Tagapagligtas ay “ang Hari ng Sion” (Moises 7:53). Binabantayan Niya ang Kanyang mga tao, at sa mga huling araw ay pangangalagaan Niya sila mula sa matitinding paghihirap na mangyayari. Ang lesson na ito ay makatutulong sa mga estudyante na makilala at mapahalagahan ang ginawa ng Panginoon upang tulungan silang madaig ang mga pagsubok sa ating kasalukuyang panahon.

Paghahanda ng estudyante: Sabihin sa mga estudyante na pumasok sa klase na handang magbahagi ng isang talata mula sa Aklat ni Mormon na nakatulong sa kanila noong naharap sila sa mga pagsubok.

Mga Posibleng Aktibidad sa Pag-aaral

Matitinding paghihirap sa mga huling araw

Sabihin sa mga estudyante na isipin na kunwari ay may isang malaking bagyo na mananalasa sa inyong lungsod. Kung kapaki-pakinabang, maaari kang magpakita ng larawan ng isang malakas na bagyo.

Ano ang ilan sa malalaking pagsubok o paghihirap sa mga huling araw? Paano maikukumpara ang mga pagsubok at paghihirap na ito sa isang bagyo?
Ano ang ilang paraan upang maging ligtas sa mga bagyong ito?

Sabihin sa mga estudyante na pagnilayan ang mga nadarama nila tungkol sa mga bagyong ito at ang kanilang mga pagsisikap na maging ligtas. Ang sumusunod na self-assessment ay isang paraan upang magawa mo ito:

Pagnilayan kung gaano katotoo sa iyo ang mga sumusunod na pahayag:

Alam ko kung ano ang ginawa ng Panginoon upang matulungan ako sa mga unos (mga pagsubok at paghihirap) na kinakaharap ko.
Pinahahalagahan ko ang nagawa ng Panginoon at tunay na hinahangad ko ang Kanyang tulong.

Sabihin sa mga estudyante na maghangad ng inspirasyon mula sa Espiritu Santo habang nag-aaral sila. Maituturo ng Espiritu Santo ang mga paraan na matutulungan ng Panginoon ang mga estudyante sa mga unos na kinahaharap nila.

Ang Hari ng Sion

Itinayo ni Enoc at ng kanyang mga tao “ang Lunsod ng Kabanalan, maging ang Sion” (Moises 7:19). Nangako ang Panginoon na sila ay “mamumuhay sa kaligtasan magpakailanman” (Moises 7:20). Pagkatapos ay nakita at tinangisan ni Enoc ang pagkawasak na darating sa panahon ng Baha. Dahil naghahangad ng kapanatagan, itinanong ni Enoc kung kaaawaan ng Panginoon ang mga taong dumating pagkatapos ng Baha. Bilang tugon, itinuro at ipinakita ng Panginoon kay Enoc ang Tagapagligtas at ang Kanyang Pagbabayad-sala (tingnan sa Moises 7:42–57).

Basahin ang Moises 7:53, at alamin kung paano inilarawan ng Tagapagligtas ang Kanyang sarili.

Paano mapapanatag si Enoc ng mga bagay na ibinahagi ng Panginoon sa talatang ito?

Sabihin sa mga estudyante na markahan at talakayin ang iba’t ibang titulo at tungkulin ni Jesucristo sa talata 53. Ang lesson na ito ay magtutuon sa Kanyang titulong “Hari ng Sion.” Maaari kang magtanong pa tungkol sa titulong ito tulad ng:

Paano natutulad si Jesucristo sa isang makapangyarihan at mapagmahal na hari sa atin?
Anong iba pang mga parirala mula sa talatang ito ang naglalarawan ng mga pagpapalang nanaisin ninyo mula sa pagsunod sa Hari ng Sion?

Maaari mong ipaalala sa mga estudyante na ang Sion ay binubuo ng sinuman na, tulad ng mga tao ni Enoc, ay “may dalisay na puso” (Doktrina at mga Tipan 97:21)—mga taong katulad ng Panginoon.

Pangangalagaan ng Panginoon ang Kanyang mga tao

Itinanong ni Enoc sa Panginoon kung Siya ay paparitong muli sa mundo. Ipinakita ng Panginoon kay Enoc ang mga huling araw at ang mga bagay na gagawin Niya para sa mga taong nagsisikap na sumunod sa Kanya.

Basahin ang Moises 7:60–61, at alamin ang ipinangakong gagawin ng Panginoon.

Ano sa palagay ninyo ang ibig sabihin ng “pangangalagaan” ng Panginoon ang mga taong nagsisikap na sumunod sa Kanya?

Habang binabasa ng mga estudyante ang Moises 7:62 ayon sa tagubilin sa ibaba, maaari mo silang tulungang makita kung gaano kasigasig ang Diyos sa pangangalaga sa Kanyang mga tao. Ang isang paraan upang magawa ito ay sabihin sa mga estudyante na bigyang-pansin ang bawat paggamit ng salitang Ako at ang mga pandiwang kasunod nito. Maaari mo ring sabihin sa kanila na pansinin kapag ginagamit ng Panginoon ang salitang akin o ko at ang mga salitang nauugnay sa mga ito.

Bagama’t nakita ni Enoc sa pangitain ang nakapanlulumong baha sa mga araw ni Noe, ipinakita ng Panginoon kay Enoc ang mga paraan na titipunin Niya ang mga tao sa Kanya at pangangalagaan sila.

Basahin ang Moises 7:62, at alamin kung ano ang gagawin ng Diyos upang mapangalagaan ang Kanyang mga tao.

Ano ang ilan sa mga bagay na gagawin ng Panginoon upang mapangalagaan ang Kanyang mga tao?

Isulat sa pisara ang sumusunod na parirala: Upang mapangalagaan ang Kanyang mga tao sa mga huling araw, ang Panginoon ay …

Habang sumasagot ang mga estudyante, isulat ang mga sumusunod na parirala sa pisara:

magpapadala ng kabutihan mula sa langit.

magpapadala ng katotohanan mula sa lupa.

titipunin ang Kanyang mga tao sa Sion (tingnan din sa Doktrina at mga Tipan 115:6).
Ano ang ilang paraan na tinutupad ng Panginoon ang propesiyang ito sa ating kasalukuyang panahon?

Kabutihan mula sa langit at katotohanan mula sa lupa upang tipunin tayo sa Sion

Upang matulungan ang mga estudyante na maunawaan ang tatlong magkakaibang aspeto ng katotohanang ito, maaari mong isulat sa pisara ang “Kabutihan mula sa langit,” “Katotohanan mula sa lupa,” at “Sion” sa magkakahiwalay na column. Ang sumusunod ay mga pangungusap at larawan na nauugnay sa bawat aspeto. Isulat ang bawat pangungusap sa magkakahiwalay na papel o ipakita ang mga larawan. Pagkatapos ay maaaring itugma ng mga estudyante ang pangungusap o larawan sa isa sa mga heading sa pisara.

Kabutihan mula sa langit

Natanggap ni Joseph Smith ang Unang Pangitain.

Painting of the first vision by Walter Rane. The Father and Son appear to Joseph Smith in the sacred grove.

Ipinagkaloob ni Juan Bautista ang Aaronic Priesthood kay Joseph Smith.

John the Baptist laying his hands on a kneeling Joseph Smith conferring the Aaronic Priesthood on him. Oliver Cowdery is kneeling with him. They are in a grove of trees.

Ipinagkaloob nina Pedro, Santiago, at Juan ang Melchizedek priesthood kay Joseph Smith.

Peter, James, and John conferring Melchizedek Priesthood upon Joseph Smith, with Oliver Cowdery kneeling at Joseph Smith's side. They are in a grove of trees and plants.

Inihayag ng Panginoon ang Doktrina at mga Tipan.

Inihahayag ng Panginoon ang Kanyang salita sa pamamagitan ng mga makabagong propeta.

The assembly hall of the Conference Center during a General Conference session.

Katotohanan mula sa lupa

Nakuha at isinalin ni Joseph Smith ang mga laminang ginto.

Joseph Smith kneeling and holding the gold plates in his hands. He is looking up at the angel Moroni who stands in the air above him. Moroni is dressed in white. A square hole is in the ground in front of Joseph Smith.

Sion

Lahat tayo ay bahagi ng isang ward o branch.

Tulungan ang mga estudyante na pagnilayan ang kahalagahan ng nagawa ng Panginoon. Ang isang paraan upang magawa ito ay sa pamamagitan ng pag-anyaya sa mga estudyante na kumpletuhin ang sumusunod sa kanilang study journal. Kung ginamit mo ang nakaraang aktibidad, maaaring pumili ang mga estudyante ng isang bagay mula sa listahan sa pisara.

Tumukoy ng dalawang paraan na pinangangalagaan ng Panginoon ang Kanyang mga tao mula sa mga paghihirap sa ating kasalukuyang panahon at sagutin ang mga sumusunod na tanong. Kung maaari, mag-isip ng isang partikular na halimbawa. Maaari mong banggitin ang isang karanasan sa priesthood, isang passage mula sa Aklat ni Mormon, isang karanasan sa iyong ward o branch, at iba pa.

Paano ka natulungan ng halimbawang ito na mas makilala ang Tagapagligtas?
Paano ito nakatulong o makatutulong sa mga paghihirap sa mga huling araw?

Karagdagang Resources

Mapangangalagaan ba ang bawat matwid na tao mula sa lahat ng paghihirap sa mga huling araw?

Itinuro ni Propetang Joseph Smith (1805–1844):

Ipinaliwanag [ko] ang pagparito ng Anak ng Tao; gayundin na maling isipin na matatakasan ng mga Banal ang lahat ng paghatol, habang nagdurusa ang masasama; sapagkat ang lahat ng laman ay kailangang magdusa, at ‘ang mabubuti ay bahagyang makakatakas’ [tingnan sa D&T 63:34]; gayunman maraming Banal ang makakatakas, sapagkat ang mga matwid ay mabubuhay sa pamamagitan ng pananampalataya [tingnan sa Habakuk 2:4]; subalit maraming mabubuting magiging biktima ng sakit, salot, at kung anu-ano pa, dahil sa kahinaan ng laman, subalit maliligtas sa Kaharian ng Diyos. (Mga Turo ng mga Pangulo ng Simbahan: Joseph Smith [2007], 294)

Paano magpapadala ang Diyos ng kabutihan mula sa langit at katotohanan mula sa lupa?

Itinuro ni Pangulong Ezra Taft Benson (1899–1994):

Ang Aklat ni Mormon ay lumabas mula sa lupa, puno ng katotohanan, na nagsisilbing “pinakasaligang bato ng ating relihiyon” (tingnan sa Pambungad sa Aklat ni Mormon). Ang Diyos ay nagpadala rin ng kabutihan mula sa langit. Ang Ama mismo kasama ang Kanyang Anak ay nagpakita kay Propetang Joseph Smith. Ang anghel na si Moroni, sina Juan Bautista, Pedro, Santiago, at maraming iba pang mga anghel ay inatasan ng langit na ipanumbalik ang mga kinakailangang kapangyarihan sa kaharian. Bukod pa rito, tumanggap si Propetang Joseph Smith ng patuloy na mga paghahayag mula sa kalangitan sa kritikal na unang mga taon ng pag-unlad ng Simbahan. Ang mga paghahayag na ito ay iningatan para sa atin sa Doktrina at mga Tipan.

Ang dalawang dakilang gawaing ito ng banal na kasulatan, kung gayon, ay nagiging pangunahing kasangkapan sa kamay ng Panginoon para mapangalagaan ang Kanyang mga tao sa mga huling araw. (“The Gift of Modern Revelation,” Ensign, Okt. 1986, 79–80)

Paano ako pagpapalain sa pagtitipon sa Sion at sa kanyang mga stake?

Itinuro ni Pangulong Dallin H. Oaks ng Unang Panguluhan:

17:25

Sa paglikha ng mga stake at pagtatayo ng mga templo sa maraming bansa na marami ang mga miyembro ng Simbahan, ang utos ngayon ay huwag magtipon sa iisang lugar lang kundi magtipon sa mga stake sa sarili nating bayan. Doo’y matatamasa ng matatapat ang buong biyaya ng kawalang-hanggan sa bahay ng Panginoon. Doon, sa sarili nilang bayan, masusunod nila ang utos ng Panginoon na lawakan ang hangganan ng Kanyang mga tao at patatagin ang kanyang mga stake (tingnan sa Doktrina at mga Tipan 101:21; 133:9, 14). Sa gayon, ang mga stake ng Sion ay para maging “tanggulan, at isang kanlungan mula sa bagyo, at mula sa poot sa panahong ito [na] ibubuhos nang walang halo sa buong lupa” (Doktrina at mga Tipan 115:6). (“Paghahanda para sa Ikalawang Pagparito,” Liahona, Mayo 2004, 8)

Ipinahayag ni Elder D. Todd Christofferson ng Korum ng Labindalawang Apostol:

Dapat nating kilalanin na ang pagtatayo ng Sion ay nagaganap sa magugulong panahon—“isang araw ng poot, isang araw ng pagsunog, isang araw ng kapanglawan, ng pagtangis, ng pagdadalamhati, at ng pananangis; at gaya ng isang ipu-ipo ito ay darating sa balat ng lupa, wika ng Panginoon” [Doktrina at mga Tipan 112:24]. Kaya, ang pagtitipon sa mga stake ay nagiging “isang tanggulan, at isang kanlungan mula sa bagyo, at mula sa poot sa panahong ito ay ibubuhos nang walang halo sa buong lupa” [Doktrina at mga Tipan 115:6]. …

Ang dakila at huling dispensasyong ito ay tuluy-tuloy ang paglago patungo sa kasukdulan nito—Sion sa lupa, na sasamahan ng Sion mula sa itaas sa maluwalhating pagbabalik ng Tagapagligtas. Ang Simbahan ni Jesucristo ay inatasang maghanda—at inihahanda nito—ang mundo para sa araw na iyon. (“Paghahanda para sa Pagbabalik ng Panginoon,” Liahona, Mayo 2019, 84)

Moises 7:62. Paano tayo makatutulong na “umabot sa mundo gaya ng isang baha” ang kabutihan at katotohanan?

Nag-anyaya si Elder David A. Bednar ng Korum ng Labindalawang Apostol:

2:57

Ang nagawa na sa dispensasyong ito sa pagbabahagi ng mga mensahe ng ebanghelyo sa pamamagitan ng social media ay isang magandang simula—ngunit isang maliit na patak pa lamang. Ngayon [ay] inaanyayahan ko kayo na tumulong na gawing malaking baha ang isang patak. Simula sa araw na ito, pinapayuhan ko kayo na ipalaganap sa mundo ang mga mensaheng puno ng kabutihan at katotohanan—mga mensaheng tunay, nagpapasigla, at maipagkakapuri—at literal na paabutin sa buong mundo gaya ng isang baha (tingnan sa Moises 7:59–62). (“Punuin ang Mundo sa pamamagitan ng Social Media,” Liahona, Agosto 2015, 53)

Mga Karagdagang Aktibidad sa Pag-aaral

Moises 7:53. “Ang Bato ng Langit”

Kung sa palagay mo ay makikinabang ang iyong mga estudyante sa pag-aaral ng titulo at tungkulin ng Tagapagligtas bilang Bato ng Langit, pag-isipan mo ang sumusunod. Maaari mong gamitin ang 2 Nephi 31:17–20 upang matulungan ang mga estudyante na maunawaan ang pariralang “sinuman ang papasok sa pasukan at aakyat sa pamamagitan ko ay hindi kailanman babagsak” (Moises 7:53). Matutuklasan ng mga estudyante kung ano ang pasukan, ano ang landas, at kung paano ito humahantong kay Jesucristo. Maaari mo ring gamitin ang Helaman 5:12 upang talakayin kung paano tayo hindi babagsak kapag itinayo natin ang ating saligan kay Jesucristo.

Ibahagi ang ebanghelyo ng Tagapagligtas sa pamamagitan ng social media

Maaari mong ipakita ang pahayag mula kay Elder David A. Bednar sa Karagdagang Resources o ipanood ang video na “To Sweep the Earth as with a Flood” (2:56). Itanong sa mga estudyante kung anong katibayan ang nakikita nila sa mga mensahe ng ebanghelyo sa social media na umaabot sa mundo gaya ng isang baha. Bigyan ng oras ang mga estudyante sa klase na gumawa at magbahagi ng isang mensahe sa social media tungkol sa ebanghelyo ni Jesucristo. Anyayahan ang ilang estudyante na ibahagi sa klase ang mensaheng ginawa nila. Maaari mo ring anyayahan ang mga estudyante na subaybayan ang mga social media account ng Unang Panguluhan, ng Korum ng Labindalawang Apostol, at iba pang lider ng Simbahan. Maaaring makita ng mga estudyante ang mga halimbawa kung paano ibinabahagi ng mga lider na ito ang ebanghelyo ng Tagapagligtas gamit ang social media.

Moises 7:62. “Sapagkat doon ang aking magiging tabernakulo”

Maaaring makinabang ang mga estudyante kung mauunawaan nila kung paano itatatag ng Panginoon ang Kanyang tabernakulo sa Bagong Jerusalem. Talakayin ang kahalagahan ng templo sa Sion at ang kaligtasang matatagpuan natin sa bahay ng Panginoon. Maaari mong gamitin ang pahayag mula kay Pangulong Dallin H. Oaks sa Karagdagang Resources bilang bahagi ng talakayan.