Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Mose 7:53–69: O Le a Faasaoina e le Tupu o Siona Lona Nuu

“Mose 7:53–69: O Le a Faasaoina e le Tupu o Siona Lona Nuu,” Tusi Lesona a le Faiaoga Seminare o le Feagaiga Tuai (2026)

“Mose 7:53–69: O Le a Faasaoina e le Tupu o Siona Lona Nuu,” Tusi Lesona a le Faiaoga Seminare o le Feagaiga Tuai

Mose 7: Lesona 18

Mose 7:53–69

O Le a Faasaoina e le Tupu o Siona Lona Nuu

Jesus Christ is standing on a hill over looking a river

O se tasi o faalagiga o le Faaola o “le Tupu o Siona” (Mose 7:53). E leoleo e Ia Lona nuu, ma i aso e gata ai o le a Ia faasaoina i latou mai puapuaga tetele o le a tutupu. O lenei lesona e mafai ona fesoasoani i tagata aoga ia iloa ma talisapaia mea ua faia e le Alii e fesoasoani ai ia i latou e faatoilalo ia tofotofoga o o tatou taimi.

Sauniuniga a le tagata aoga: Valaaulia tagata aoga e o mai saunia e faasoa mai se fuaitau mai le Tusi a Mamona na fesoasoani ia i latou ina ua latou feagai ma tofotofoga.

Gaoioiga E Ono Mafai Ona Aoao Ai

O puapuaga tetele i aso e gata ai

Valaaulia tagata aoga e mafaufau faapea ua oo mai se afā tele i lo outou .nuu Afai e aoga, e mafai ona e faaali atu se ata o se afā tele.

O a nisi o tofotofoga maoae po o faigata o aso e gata ai? E mafai faapefea ona faatusatusa nei tofotofoga ma faigata i se afā?
O a nisi o auala e saili ai le saogalemu mai nei afā?

Valaaulia tagata aoga e mafaufau loloto i o latou lagona e uiga i nei afā ma a latou taumafaiga e saili ai le saogalemu. O le iloiloga patino lenei o se tasi lea o auala e mafai ona e faatinoina ai.

Mafaufau pe o le a le moni o faʻamatalaga nei ia te oe:

Ou te iloa le mea ua faia e le Alii e fesoasoani ai ia te au i afā (tofotofoga ma faigata) e feagai ma aʻu.
Ou te faafetai i mea ua faia e le Alii ma [ou te] manao faamaoni i Lana fesoasoani.

Valaaulia tagata aoga e saili musumusuga mai le Agaga Paia a o latou suesue. E mafai e le Agaga Paia ona aoao atu e uiga i auala e mafai ai e le Alii ona fesoasoani i tagata aoga i afā latou te feagai.

O Le Tupu o Siona

Sa fausia e Enoka ma lona nuu “le Aai Paia, o Siona lava” (Mose 7:19). Sa folafola atu e le Alii o le a latou “mau i le saogalemu e faavavau” (Mose 7:20). Ona vaai lea o Enoka ma tagi i le faatafunaga o le a oo mai i le taimi o le Lolo. I le saʻilia o le faamāfanafanaga, na fesili atu ai Enoka pe o le a alofa mutimutivale le Alii i tagata na ō mai ina ua mavae le Lolo. I le tali atu i ai, sa aoao atu ai le Alii e uiga, ma faaali atu ia Enoka le Faaola ma Lana Togiola (tagai Mose 7:42–57).

Faitau le Mose 7:53, ma vaavaai pe na faapefea ona faamatalaina e le Faaola o Ia lava.

E mafai faapefea e mea na faasoa mai e le Alii i lenei fuaiupu ona faamafanafanaina Enoka?

Valaaulia tagata aoga e maka ma talanoa i faalagiga ma matafaioi eseese a Iesu Keriso i le fuaiupu 53. O lenei lesona o le a taulai atu i Lona faalagiga “Tupu o Siona.” E mafai ona e fai atu ni fesili tulitatao e uiga i lenei faalagiga e pei o le:

E faapefea ona pei Iesu Keriso o se tupu mamana ma agaalofa ia i tatou?
O a isi fasifuaitau mai lenei fuaiupu o loo faamatala ai faamanuiaga o le a e manao i ai mai le mulimuli i le Tupu o Siona?

Mafaufau e faamanatu i tagata aoga o Siona e faia mai i soo se tasi o e, ua pei o le nuu o Enoka, o “e loto mama” (Mataupu Faavae ma Feagaiga 97:21)—o tagata e faapei o le Alii.

O le a faasaoina e le Alii Ona tagata.

Sa ole atu Enoka i le Alii pe o le a Ia toe afio mai i le lalolagi. Sa faaali atu e le Alii ia Enoka ia aso e gata ai ma mea o le a Ia faia mo tagata o e taumafai malosi e mulimuli ia te Ia.

Faitau le Mose 7:60–61, ma vaavaai mo mea na folafolaina e le Alii o le a Ia faia.

O le a sou manatu i le uiga o le “faasaoina” e le Alii tagata o loo taumafai malosi e mulimuli ia te Ia?

A o faitau e tagata aoga le Mose 7:62 e pei ona faatonuina ai i lalo, atonu e te manao e fesoasoani ia i latou ia iloa le malosi o loo i ai pea le Atua i le faasaoina o Lona nuu. O se tasi o auala e faia ai lenei mea o le valaaulia lea o tagata aoga e gauai i le faaaogaina uma o le upu Ou ma i veape o loo sosoo ane ai. E mafai fo’i ona e valaaulia i latou e maitau le taimi e faaaoga ai e le Alii le oʻu po o le lo’u/la’u ma po o a upu e fesootai iai.

E ui ina sa vaaia e Enoka i se faaaliga le lolo faataumaoi i ona po o Noa, ae sa faaali atu e le Alii ia Enoka auala o le a Ia faapotopoto ai tagata ia te Ia ma faasaoina i latou.

Faitau le Mose 7:62, ma vaavaai mo mea o le a faia e le Alii e faasaoina ai Lona nuu.

O a nisi o mea o le a faia e le Alii e faasaoina ai Ona tagata?

Tusi le fasifuaitau lenei i luga o le laupapa: Ina ia faasaoina e le Alii Lona nuu i aso e gata ai, o le a [Ia] …

A o tali mai ltagata aoga, tusi fasifuaitau nei i le laupapa:

auina atu e amiotonu mai le lagi.

auina mai le upumoni mai le lalolagi.

faapotopoto Lona nuu i Siona (tagai foi Mataupu Faavae ma Feagaiga 115:6).
O a nisi o auala ua faataunuuina ai e le Alii lenei valoaga i o tatou taimi?

O le amiotonu mai le lagi ma le upumoni mai le lalolagi e faapotopoto ai i tatou i Siona

Ina ia fesoasoani i tagata aoga ia malamalama i vaega eseese e tolu o lenei upumoni, e mafai ona e tusia le “Amiotonu mai le lagi,” “Upumoni mai le lalolagi,” ma le “Siona” i luga o le laupapa i koluma eseese. O fuaiupu ma ata nei e fesootai i vaega taitasi. Tusi fuaiupu taitasi i luga o se pepa ese pe faaali atu ata. Ona mafai lea e tagata aoga ona faafetaui le fuaiupu po o le ata i se tasi o ulutala i luga o le laupapa.

Amiotonu mai le lagi

Ua maua e Iosefa Samita le Uluai Faaaliga.

Painting of the first vision by Walter Rane. The Father and Son appear to Joseph Smith in the sacred grove.

Ua tuuina atu e Ioane le Papatiso le Perisitua Arona ia Iosefa Samita.

John the Baptist laying his hands on a kneeling Joseph Smith conferring the Aaronic Priesthood on him. Oliver Cowdery is kneeling with him. They are in a grove of trees.

Ua tuuina atu e Peteru, Iakopo, ma Ioane le Perisitua Mekisateko ia Iosefa Samita.

Peter, James, and John conferring Melchizedek Priesthood upon Joseph Smith, with Oliver Cowdery kneeling at Joseph Smith's side. They are in a grove of trees and plants.

Na faaali mai e le Alii le Mataupu Faavae ma Feagaiga.

E faaalia e le Alii Lona finagalo e ala mai i perofeta o aso nei.

The assembly hall of the Conference Center during a General Conference session.

Upumoni mai le lalolagi

Na mauaina ma faaliliuina e Iosefa Samita papatusi auro.

Joseph Smith kneeling and holding the gold plates in his hands. He is looking up at the angel Moroni who stands in the air above him. Moroni is dressed in white. A square hole is in the ground in front of Joseph Smith.

Siona

O i tatou uma o se vaega o se uarota po o se paranesi.

Fesoasoani i tagata aoga e mafaufau loloto i le taua o le mea na faia e le Alii. O se tasi auala e te faia ai lenei mea o le valaaulia lea o tagata aoga e faamae’a laasaga nei i a latou api talaaga mo suesuega. Afai na e faaaogaina le gaoioiga talu ai, e mafai e tagata aoga ona filifili se mea mai le lisi o i luga o le laupapa.

Faailoa mai ni auala se lua o loo faasaoina ai e le Alii Lona nuu mai puapuaga o o tatou taimi ma tali fesili nei. Afai e mafai, mafaufau i se faʻataʻitaʻiga faʻapitoa. Atonu e te ta’ua se aafiaga ma le perisitua, se fuaitau mai le Tusi a Mamona, se aafiaga i lau uarota po o le paranesi, ma isi mea faapena.

Ua faapefea ona fesoasoani lenei faataitaiga e te iloa atili ai le Faaola?
Na faapefea pe e mafai foi ona fesoasoani i faigata o aso e gata ai?

Punaoa Faaopoopo

Pe o le a faasaoina ea tagata amiotonu taitasi mai puapuaga uma i aso e gata ai?

Sa aoao mai le Perofeta o Iosefa Samita (1805–1844):

Sa [ou] faamatala atu e uiga i le afio mai o le Atalii o le Tagata; ma o se manatu sese foi le faapea o le a faasaoina le Au Paia mai faamasinoga uma, a o mafatia ai tagata amioleaga; auā o tagata uma lava e mafatia, ma ‘e tau lē mafai e ē amiotonu ona sosola ese mai’ [tagai MF&F 63:34]; ae o le toatele lava o le Au Paia o le a faasaoina mai, aua o le a ola le amiotonu i le faatuatua [tagai Hapakuka 2:4]; ae o le toatele o e amiotonu o le a pagatia i faama’i, i mea faalafua, ma isi, ona o le vaivai o le tino, ae o le a faaolaina [lava] i le Malo o le Atua. (Aoaoga a Peresitene o le Ekalesia: Iosefa Samita [2007], 253)

E faapefea ona auina mai e le Atua le amiotonu mai le lagi ma le upumoni mai le lalolagi?

Sa aoao mai Peresitene Ezra Taft Benson (1899–1994):

Ua sau le Tusi a Mamona mai le eleele, ua tumu i le upumoni, ua avea ma maa ’autu o la tatou tapuaiga” (tagai Folasaga i le Tusi a Mamona). Ua auina mai foi e le Atua le amiotonu mai le lagi. Sa faaali mai le Tama lava Ia ma Lona Alo i le Perofeta o Iosefa Samita. O le agelu o Moronae, Ioane le Papatiso, Peteru, Iakopo, ma le toatele o isi agelu na faatonuina e le lagi e toefuatai mai mana e tatau ai i le malo. E le gata i lea, sa maua e le Perofeta o Iosefa Samita lea faaaliga ma lea faaaliga mai le lagi i na uluai tausaga taua o le tuputupu a’e o le Ekalesia. O nei faaaliga ua faasaoina mo i tatou i totonu o le Mataupu Faavae ma Feagaiga.

O nei galuega maoae e lua o tusitusiga paia, o lea, na avea ai ma se meafaigaluega iloga i le aao o le Alii mo le faasaoina o Lona nuu i aso e gata ai. (“The Gift of Modern Revelation,” Ensign, Oke. 1986, 79–80)

O le a faapefea ona faamanuiaina a’u mo le faapotopoto atu i Siona ma ona siteki?

Sa aoao mai Peresitene Dallin H. Oaks o le Au Peresitene Sili:

17:25

Faatasi ai ma le faatuina o siteki ma le fausiaina o malumalu i le tele o atunuu, ma le faitau aofai tele o le au faatuatua, o le poloaiga i le taimi nei, e le o le faapotopoto i se nofoaga e tasi ae ia faapotopoto i siteki i o tatou lava atunuu. O iina o le a mafai ai ona olioli le au faatuatua i faamanuiaga atoatoa o le faavavau i se maota o le Alii. O iina, i o latou lava atunuu, e mafai ona latou usiusitai ai i le poloaiga a le Alii e faalautele tuaoi o Ona tagata ma faamalosia ana siteki (tagai Mataupu Faavae ma Feagaiga 101:21; 133:9, 14). I lenei auala, o siteki a Siona ua “mo se puipuiga, ma mo se sulufaiga mai le afā, ma mai le toasa pe a sasaa mai e aunoa ma le suia i luga o le lalolagi atoa” (Mataupu Faavae ma Feagaiga 115:6). (“Sauniuniga mo le Afio Mai Faalua,” Liahona, Me 2004, 8)

Na tautino mai e Elder D. Todd Christofferson o le Korama a Aposetolo e Toasefululua:

E tatau ona tatou faailoa atu e faapea, o le faatuina o Siona e tupu i taimi faigata—“o se aso o le toasa, o se aso o le susunuina, o se aso o le faatafunaga, o le tagituʼi, o le faanoanoa, ma o le auega; ma o le a oo mai i luga o le lalolagi atoa e pei o se asiosio, ua fetalai mai ai le Alii” [Mataupu Faavae ma Feagaiga 112:24]. O le mea lea, o le faapotopotoina i siteki e avea “mo se puipuiga, ma mo se sulufaiga mai le afā, ma mai le toasa pe a sasaa mai e aunoa ma le suia i luga o le lalolagi atoa” [Mataupu Faavae ma Feagaiga 115:6]. …

O loo fausia auaua’i lelei e lenei tisipenisione maoae ma le mulimuli agai atu i lona faatumutumuga—o le a tuufaatasia le Siona i le lalolagi ma Siona mai lugā i le toe afio mamalu mai o le Faaola. Ua poloaiina le Ekalesia a Iesu Keriso ia saunia—ma o loo saunia—le lalolagi mo lena aso. (“Saunia mo le Toe Afio Mai o le Alii,” Liahona, Me 2019, 84)

Mose 7:62. E mafai faapefea ona tatou fesoasoani i le amiotonu ma le upumoni ia “tafi le lalolagi e pei o se lolo”?

O Elder David A. Bednar o le Korama a Aposetolo e Toasefululua na ia valaaulia:

2:57

O mea ua ausia o le taimi nei i lenei tisipenisione i le fesootai atu o savali o le talalelei e ala i faasalalauga faaleagafesootai o se amataga lelei—ae ua na o se faatulutulu laitiiti. Ou te tuuina atu nei ia te outou le valaaulia e fesoasoani ina ia suia le faatulutulu i se lolo. E amata atu i le asō, ou te apoapoai atu ia te outou e tafi le lalolagi i savali ua faatumulia i le amiotonu ma le moni—savali ia e moni, faagaeetia, ma tauleleia—ma e moni lava e tafi le lalolagi e pei o se lolo (tagai i le Mose 7:59–62). (“Faalilofia le Lalolagi i Ala o Faasalalauga Faaleagafesootai,” Liahona, Aokuso 2015, 53)

Gaoioiga Faaopoopo e Aoao Ai

Mose 7:53. “O le Papa o le Lagi”

Afai e te lagona o le a manuia au tagata aoga mai le suesueina o le faalagiga ma le matafaioi a le Faaola o le Papa o le Lagi, mafaufau i mea nei. E mafai ona e faaaogaina le 2 Nifae 31:17–20 e fesoasoani ai i tagata aoga ia malamalama i le fasifuaitau “ai se e sau i totonu i le faitotoa ma a’e i luga e ala mai ia te au o le a le pa’ū lava” (Mose 7:53). E mafai e tagata aoga ona iloa po o le a le faitotoa, po o le a le ala, ma pe faapefea ona tau atu ia Iesu Keriso. E mafai foi ona e faaaogaina le Helamana 5:12 e talanoaina ai pe faapefea ona le mafai ona tatou pauu pe a tatou fausia o tatou faavae i luga o Iesu Keriso.

Faasoa atu le talalelei a le Faaola e ala i faasalalauga faaagafesootai

E mafai ona e faaali atu le saunoaga mai ia Elder David A. Bednar i Punaoa Faaopoopo pe faaali le vitio “Ia Tafi le Lalolagi e pei o se Lolo” (2:56). Fesili atu i tagata aoga po o le a se faamaoniga o latou vaaia o savali o le talalelei i luga o ala o faasalalauga faaagafesootai o loo tafia ai le lalolagi e pei o se lolo. Tuu atu i tagata aoga se taimi i le vasega e fatu ai ma faasoa mai se savali o ala o faasalalauga faaagafesootai e uiga i le talalelei a Iesu Keriso. Valaaulia ni nai tagata aoga e faasoa mai i le vasega le savali na latou fatuina. E mafai foi ona e valaaulia tagata aoga e mulimuli i tala o faasalalauga faaagafesootai a le Au Peresitene Sili, le Korama a Aposetolo e Toasefululua, ma isi taitai o le Ekalesia. E mafai e tagata aoga ona vaai i faataitaiga o auala e faasoa atu ai e nei taitai le talalelei a le Faaola e faaaoga ai ala o faasalalauga faaagafesootai.

Mose 7:62. “Ona o iina o le a i ai lo’u fale fetafa’i”

Atonu e manuia tagata aoga mai le vaaia o le ala o le a faatuina ai e le Alii Lona falefetafa’i i Ierusalema Fou. Talanoaina le taua o le malumalu i Siona ma le saogalemu e mafai ona tatou maua i totonu o le maota o le Alii. E mafai ona e faaaoga le faamatalaga mai ia Peresitene Daliin H. Oaks i le Punaoa Faaopoopo o se vaega o le talanoaga.