Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Mose 7:1–21: “Sa Ta’ua e le Alii Lona Nuu o Siona”

“Mose 7:1–21: ‘Na Ta’ua e le Alii Lona Nuu o Siona,’” Tusi Lesona a le Faiaoga Seminare o le Feagaiga Tuai (2026)

“Mose 7:1–21: ‘Na Ta’ua e le Alii Lona Nuu o Siona,’” Tusi Lesona a le Faiaoga Seminare o le Feagaiga Tuai

Mose 7: Lesona 16

Mose 7:1–21

“Sa Ta’ua e le Alii Lona Nuu o Siona”

A painting by Del Parson showing Enoch surrounded by the people of his city on a large cloud being raised into the air.

Na valaauina e le Atua ia Enoka o se perofeta e talai atu le savali o le talalelei. O tagata na filifili e mulimuli ia Enoka sa faapotopoto faatasi, ma sa puipuia i latou e le Alii mai le amioleaga na siomia ai i latou. Na iu lava ina latou faatuina se aai fiafia ma le paia na ta’ua e le Alii o “Siona” (Mose 7:18). O lenei lesona e mafai ona fesoasoani i tagata aoga e atiina ae ai uiga faaKeriso na i ai ia Enoka ma lona nuu.

Sauniuniga a le tagata aoga: Valaaulia tagata aoga e mafaufau e uiga i o latou aso faatoa na muamua atu ma le aafiaga atonu na i ai i isi tagata ona o a latou faatinoga.

Gaoioiga e ono Mafai ona Fai e Aoao Ai

Malosiaga e ala i a’a fesootai

Mafaufau i se auala e amata ai le lesona e ala i le fesoasoani i tagata aoga ia iloa le malosi lea e mafai ona oo mai mai le lotogatasi ma isi. O se tasi nei o auala e mafai ona e faatinoina ai.

O le a le umi e te manatu e mafai ai ona tupu le ituaiga laau aupito maualuga?

O laau aupito sili ona maualuga i le lalolagi o laau e ta’ua o redwood. E mafai ona latou tuputupu ae i le silia ma le 300 futu (92 m) le maualuga.

Ina ia lagolagoina se laau umi faapena, o le a sou manatu e faape’ī aa o se laau redwood?

O le mea e ofo ai, o aa o laau redwood e na o le 3–6 futu (1–2 m) le loloto. Peitai, o nei a’a e sosolo mafala e silia ma le selau futu (e silia ma le 100 m) ma femilosa’i ai ma a’a o isi laau. O lenei fesootaiga [o a’a] ua mafai ai e redwoods ona tutu malosi mo le fiaselau tausaga e ui i le lotolotoi o matagi ma lologa (tagai i le Richard H. Winkel, “Web of Friendship,” New Era, Aug. 2003, 10–11).

Illustration of redwood tree roots below ground.

O le a sou manatu o le a se mea e mafai ona tatou aoao mai i redwoods e mafai ona tosina ai o tatou aiga, a’oga, ma uarota po o paranesi?
Aisea e te manatu ai e finagalo le Alii ia tatou maua le malosi faatasi ma isi o siomia ai i tatou faapea foi ia te Ia?

Ina ia fesoasoani i tagata aoga e iloilo po o le a le lelei o o latou lagona faalefesootaiga i tagata o siomia i latou, valaaulia tagata aoga e tali fesili nei i a latou api talaaga mo suesuega:
E faapefea ona fesoasoani ma lagolagoina oe e isi, aemaise lava i au taumafaiga e faalatalata atili atu i le Faaola? (E mafai ona i ai lenei mea i lou aiga, uarota po o le paranesi, vaega o uo, nuu, ma isi mea faapena.)
E faapefea ona e taumafai e lagolago atu i isi ma fesoasoani ia latou lagona le latalata atili i le Faaola?

A o suesueina e tagata aoga lenei lesona, valaaulia i latou ia mataala i uunaiga a le Agaga Paia. E mafai e le Agaga Paia ona aoao i latou i le auala latou te ono faateleina ai le malosi latou te lagonaina faatasi ma le Atua ma tagata o siomia i latou.

Malosiaga i Siona

I se faaaliga vaaia, na valaauina ai e le Alii le perofeta o Enoka e talai atu le salamo ma le papatisoga i le tele o aai. O tagata na mulimuli ia Enoka sa faapotopoto faatasi.

Faitau le Mose 7:13, 16–17, ma vaavaai mo le eseesega i le va o tagata o e sa taumafai e mulimuli i le Alii ma tagata sa tau faasaga ia i latou.

O le a se mea na faagaeetia ai oe e uiga i faamanuiaga na tuuina mai e le Alii i tagata o e taumafai e mulimuli ia te Ia?

Ina ia malamalama atili i le mea na tulagaese ai le nuu o le Alii, faitau le Mose 7:18–21. (Atonu e fesoasoani le ta’u atu e faapea o le fetuuina o lona uiga o le taofia o faamanuiaga ona o le amioletonu. Tagai foi “Fetuu, O Fetuu“ i le Taiala i Tusitusiga Paia.)

O leMose 7:18 o se fuaitau o le atamai i aoaoga faavae. Mafaufau e valaaulia tagata aoga e faailoga ia fuaitau o le atamai i aoaoga faavae i se auala e iloga ina ia mafai ona latou mauaina gofie.

Fesoasoani i tagata aoga ia malamalama i mea sa latou suesueina. Ina ia faia, e mafai ona e valaaulia i latou e tusi ata i a latou api talaaga se faatusa faigofie o mea sa latou aoaoina mai le fuaiupu 18. Ona mafai lea e tagata aoga ona faasoa mai mea na latou tusia ma pe aisea foi na latou tusia ai i paga, vaega toalaiti, po o le vasega.

O le a se mea ua e aoaoina e uiga i tagata o le Alii mai le fuaiupu 18?
O le a sou manatu i le uiga o le “tasi o le loto ma tasi le mafaufau”?

Fesoasoani i tagata o le vasega e faailoa mai se upumoni e talitutusa ma le o le nuu o le Alii e taumafai ina ia lotogatasi, ola amiotonu, ma tausia e matitiva o faatasi ma i latou. E mafai ona e ta’u atu e faapea o uiga foi nei o le Faaola. O le avea ai ma nuu o le Alii o lona uiga o le avea atili e faapei o Ia.

Avea ai ma tagata o le Alii

Ina ia fesoasoani i tagata aoga ia malamalama atili pe faapefea ona lotogatasi, ola amiotonu, ma tausia tagata e manaomia le fesoasoani, mafaufau e fai atu i tagata aoga e galulue i le pepa e tufa atu lenei i ni vaega toalaiti. E mafai ona latou taumafai e fesoasoani ma lagolago e le tasi le isi i le gaoioiga atoa. O loo i lalo ni auala se lua e mafai ona e faaaogaina ai le pepa e tufa atu:

Valaaulia tagata aoga e vaevae vaega o le pepa e tufa atu i le va o tagata o a latou vaega ma suesue e i latou lava a latou vaega. A maea la latou vaega, e mafai e tagata aoga ona faasoa mai mea na latou aoaoina.
Faapipii kopi o vaega o pepa e tufa atu i luga o puipui ma valaaulia vaega toalaiti e feoa’i faataamilo i le potu e faamaea faatasi vaega taitasi.

Valaaulia ni nai tagata aoga e faasoa mai mea ua latou aoaoina ma pe aisea e taua ai ia i latou. E mafai foi ona e fesili atu pe na faapefea e le galulue ai i vaega ona faateleina le malamalama o tagata aoga.

Na faapefea ona faataitaia e le Faaola uiga o Siona i Lona soifuaga?

Ina ia faapupula se faataitaiga o uiga faaKeriso o Siona, e mafai ona e faasoa atu le vitio “Alofa: O se Fa’aa’oa’oga o e Fa’atuatua” (4:50), o loo maua i le Gospel Library. Mafaufau e valaaulia tagata aoga e vaavaai pe na faapefea ona faataitaia e nei tamaitai talavou ia Siona.

4:50

Fai se fuafuaga

Valaaulia tagata aoga e mafaufau e uiga i uunaiga atonu na latou maua i le taimi o le lesona ma tusifaamaumau tali i fesili nei i a latou api talaaga mo suesuega:

O le a se uiga se tasi faaKeriso o Siona e te lagona e mafai ona e faaleleia i lou olaga? (E mafai ona faia lenei mea i le fale, i le lotu, po o ma isi.)
O le a se mea o le a amata ona e faia i lenei vaiaso e faamalosia ai lena uiga faaKeriso? (E mafai ona avea lenei mea ma se vaega o au sini mo le polokalama a Tamaiti ma le Autalavou.)

Tauloto

Atonu e te manao e fesoasoani i tagata aoga e tauloto le mau faasino o le atamai i aoaoga faavae ma le fuaitau autu o le mau i le taimi o lenei lesona ma toeiloilo i latou i lesona i le lumanai. O le fuaitau autu o le mau, “Mose 7:18” o se “Sa taʼua e le Alii lona nuu o Siona, ona sa tasi o latou loto ma tasi le mafaufau.” O manatu mo gaoioiga o le taulotoina o loo i ai i le vaega faaopoopo i lalo o le “Gaoioiga o le Iloiloga o le Atamai i Aoaoga Faavae.

O Punaoa Faaopoopo

E mafai faapefea ona tatou lotogatasi pe afai tatou te le lagonaina le pei tatou te fetaui i ai?

Na aoao mai Elder D. Todd Christofferson o le Korama a Aposetolo e Toasefululua e faapea:

O se faalogona o le avea ai ma ni ō e taua i lo tatou ola manuia faaletino, faalemafaufau, ma le faaleagaga. Peitai, e mafai lava i nisi taimi e ono lagona ai e i tatou taitoatasi le le taliaina o i tatou. I taimi e faalotovaivaia ai, tatou te ono lagonaina ai e pei o le a tatou le agavaa lava mo tulaga faatonuina maualuluga a le Alii po o faamoemoega o isi. Atonu tatou te faifaamalosi ma le faatalale faamoemoega i luga o isi—pe o i tatou lava—ae e le o ni faamoemoega o le Alii. Atonu tatou te fesootai i ni auala faaleiloga faapea o le taua o le agaga e faavae i luga o ni ausiaga patino po o ni valaauga, ae e le o mea ia e fua iai lo tatou tulaga i le silafaga a le Alii. “A e vaai le Alii i le loto” [1 Samuelu 16:7]. E amanaia e Ia o tatou naunauga ma moomooga ma mea ua avea ai i tatou ma ni ō.

O se vaega e lua o le aoaoga faavae autu o le avea ai ma ni ō, e fua lea i a tatou lava saofaga. E ui ina seāseā tatou mafaufau i ai, ae o le tele o le avea ai o i tatou ma ni ō e sau mai a tatou auaunaga ma osigataulaga tatou te faia mo isi ma mo le Alii. O le soona taulai atu i o tatou manaoga faaletagata lava ia po o lo tatou lava sologa lelei e mafai ona le taulau ai lena faalogona o le avea ai ma ni ō. (“O Le Aoaoga Faavae o le Auai,” Liahona, Nov. 2022, 54, 55)

E mafai faapefea ona tatou lotogatasi e ui i o tatou eseesega?

Na aoao mai Elder Quentin L. Cook o le Korama a Aposetolo e Toasefululua:

E faaleleia le lotogatasi pe a taulimaina ma le mamalu ma le faaaloalo tagata e ui lava ina eseese o latou uiga faaalia.

Faatasi ma a tatou aoaoga faavae e faaaofia ai tagata uma, e mafai ona avea i tatou ma punavai o le lotogatasi ma patipatia le eseesega o tagata lanu ma aganuu. O le lotogatasi ma le eseesega o tagata lanu ma aganuu e lē feteenai. E mafai ona tatou ausia le lotogatasi sili atu pe a tatou faafaileleina se siosiomaga o le faaaofia uma ma le faaaloalo mo le eseesega o tagata lanu ma aganuu.

O le aganuu o le talalelei a Iesu Keriso e le … filimaotiina i le lanu o le pa’u o se tagata po o fea e nofo ai se tagata. A o tatou olioli ai i aganuu tulagaese, e tatau ona tatou tuuese vaega o na aganuu e feteenai ma le talalelei a Iesu Keriso. (“E Lalagaina Loto i le Amiotonu ma le Lotogatasi,” Liahona, Nov. 2020, 18, 19, 21)

Gaoioiga Faaopoopo e Aoao Ai

O se isi faiga e amataina ai le lesona

E mafai ona e valaaulia tagata aoga e mafaufau faapea o loo i ai se aoga po o se vaega o tagata e latalata ane ia i latou lea e lotofaauo tagata uma, le manatu faapito, lotogatasi, ma amiotonu. E ono mafai ona e talanoaina mea nei:

Aisea e te ono fiafia ai i le avea ai ma se vaega o se aoga po o se vaega faapenei?
E te manatu e mafai ona i ai lenei aoga po o le vaega i nei aso? Aisea pe aisea e leai ai?

Ta’u atu i tagata aoga na fesoasoani le Alii i le perofeta o Enoka e faavae se vaega o tagata faapenei. Sa ta’ua i latou e le Alii o Siona. Atonu e te tuuina atu le fesili lenei:

Pe a e faalogo i le upu Siona, o le a se mea e oo mai i lou mafaufau?

Faia o lou aiga ia avea atili e pei o Siona

Atonu e te manao e fesoasoani i tagata aoga ia iloa pe mafai faapefea ona faaaoga mataupu faavae o Siona i o latou aiga. Valaaulia tagata aoga e mafaufau pe mafai faapefea ona latou fesoasoani i o latou aiga ia (1) avea ia tasi i le loto ma le mafaufau, (2) nonofo i le amiotonu ma le (3) fetausiai le tasi ma le isi. Talanoaina le fesili lenei:

O a nisi o auala e mafai ona e faia ia atili avea ai lou aiga faapei o Siona i lenei vaiaso?

E mafai ona e tusia mataupu faavae e tolu o Siona i luga o le laupapa, ma e mafai e tagata aoga ona lisi ni manatu.

Faatusatusaina o Siona i tagata i le 4 Nifae 1

Ina ua mavae le asiasiga a le Faaola i sa Nifae ma sa Lamana i le Tusi a Mamona, sa ola tagata mo le tele o tausaga i se nuu na avea ma faataitaiga o mataupu faavae o Siona.

Valaaulia tagata aoga e fatu se siata faipotu i a latou api talaaga ma ni koluma se tolu ua faaigoaina Lotogatasi, Amiotonu, ma le Tausia o e matitiva. E mafai e tagata aoga ona suesue le 4 Nifae 1:1–3, 11–18, ma vaavaai pe na faapefea ona faaalia e sa Nifae ma sa Lamana nei uiga o Siona. E mafai ona latou faamaumauina malamalamaaga i le koluma talafeagai i a latou siata faipotu.