Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Մովսես 7.22–47. Ենովքի տեսիլքը

«Մովսես 7.22–47. Ենովքի տեսիլքը», Հին Կտակարան․ Սեմինարիայի ուսուցչի ձեռնարկ (2026)

«Մովսես 7.22–47․ Ենովքի տեսիլքը», Հին Կտակարան․ Սեմինարիայի ուսուցչի ձեռնարկ

Մովսես 7. Դաս 17

Մովսես 7․22–47

Ենովքի տեսիլքը

Illustration depicting the City of Enoch being taken up.

Ե՞րբ եք զգացել Աստծո ողորմածությունը ձեր կյանքում: Տերը Ենովքին ցույց տվեց երկրի պատմության տեսիլքը՝ իր օրերից մինչև Հազարամյակ: Ենովքը խորապես ընկալեց Իր զավակների հանդեպ Երկնային Հոր անհատական սերը: Այս դասը կօգնի ուսանողներին զգալ Աստծո ողորմածությունն ու սերն Իր բոլոր զավակների հանդեպ:

Ուսանողի նախապատրաստում․ ուսանողներին առաջարկեք մտածել փորձառությունների և սուրբ գրությունների մասին, որոնք օգնում են իրենց իմանալ, թե ինչպիսին է Երկնային Հայրը: Նրանք կարող են նաև խնդրել ծնողներին, վստահելի ղեկավարներին կամ ընկերներին իրենց հետ կիսվել փորձառություններով կամ սուրբ գրություններով: Ուսանողներին առաջարկեք պատրաստված գալ՝ գաղափարներով կիսվելու համար:

Հնարավոր ուսումնական վարժություններ

Փորձեք զգալ Աստծո ողորմածությունն ու սերը

Որպեսզի նախապատրաստեք ուսանողներին ավելին իմանալու Աստծո և Նրա էության մասին, կարդացեք կամ ցուցադրեք հետևյալ սցենարները.

Կալեբը մտածում է՝ արդյոք Աստված հոգ է տանում միայն այն մարդկանց մասին, որոնք անում են այն, ինչ ճիշտ է։

Զոյեն անհանգստանում է, որ Աստված կզայրանա իր մտերիմ մարդու կատարած ընտրության համար: Նա անհանգստանում է, որ Նա կցանկանա պատժել նրան:

Օլիվիան չի կարծում, որ երբևէ զգացել է Աստծո սերը:

Այդ մարդիկ ինչո՞ւ կարող են այդպես մտածել։

Ընտրեք այդ սցենարներից մեկը, որպեսզի խորհեք դրա շուրջ այս դասի ընթացքում:

Որպեսզի օգնեք ուսանողներին ընկալել Սուրբ Հոգու ազդեցությունն այս դասի ընթացքում, խրախուսեք նրանց խորհել հետևյալ հարցերի շուրջ.

Ի՞նչ գիտեք Երկնային Հոր մասին, որը կարող է օգնել ձեզ, եթե նմանատիպ մտահոգություններ ունենաք:
Ի՞նչ հարցեր ունեք Երկնային Հոր մասին։

Օգնություն փնտրեք Տիրոջից, որպեսզի իմանաք և զգաք Նրա սերը ձեր և Իր բոլոր զավակների հանդեպ:

Ենովքի տեսիլքը նրանց մասին, ովքեր երկինք չեն վերցվել

Կարող եք ամփոփել հետևյալը ձեր բառերով.

Հիշեք, որ Տիրոջ օգնությամբ և առաջնորդությամբ Ենովքը հիմնեց Սիոն քաղաքը: Սիոնի ժողովուրդը միասնական էր Տիրոջով, նրանք ապրում էին արդարությամբ և հոգ էին տանում միմյանց մասին (տես Մովսես 7.16–19): Տեսիլքում Տերը ցույց տվեց Ենովքին, որ Սիոնի ժողովրդին կվերցնի երկինք՝ նրանց հավատքի և արդարության շնորհիվ (տես Մովսես 7.20–21): Ենովքը նաև «տեսավ մնացած մարդկանց» (Մովսես 7.22) արտահայտությունը վերաբերում է նրանց, ովքեր մնացել էին երկրի վրա, քանի որ չէին հետևել Փրկչին:

Կարդացեք Մովսես 7.23–26 հատվածները՝ փնտրելով, թե ինչ տեսավ Ենովքը:

Ի՞նչ եք սովորեցիք սատանայի մասին։
Ըստ ձեզ, ինչո՞ւ է կարևոր իմանալ այդ բաները սատանայի մասին։

Ենովքը տեսնում է, թե ինչպես է Աստված արձագանքում ամբարշտությանը

Այնուհետև Ենովքը գորովագութ փորձառություն ունեցավ՝ տեսնելով, թե Աստված ինչպես է նայում այն մարդկանց, որոնք որոշել էին չհնազանդվել Իրեն:

Կարող եք բացատրել, որ Ենովքը տեսավ Եհովային կամ Հիսուս Քրիստոսին։ Ադամի Անկումից ի վեր Եհովան հայտնվում և խոսում է մարգարեների հետ։ Այս դեպքերում Նա հաճախ այնպես է խոսում, կարծես Նա էր Հայրը: Հոր և Որդու միասնությունն այնպիսին է, որ Փրկչի և Հոր զգացմունքները մեկտեղված են: Հետևաբար, Ենովքի և Եհովայի այս տեսիլքի մասին ուսումնասիրությունը կօգնի ուսանողներին իմանալ նաև Երկնային Հոր մասին:

Հետևյալ հատվածները կարդալիս խրախուսեք ուսանողներին կարդալ դանդաղ, դադարներով, որպեսզի խորհեն իրենց կարդացածի մասին և, անհրաժեշտության դեպքում, կարդան այդ հատվածները մի քանի անգամ: Այս եղանակով կարդալը կօգնի ուսանողներին հրավիրել Հոգուն՝ իրենց Երկնային Հոր մասին ավելին ուսուցանելու համար:

Կարդացեք Մովսես 7.28–33 հատվածները և նշեք բառեր կամ արտահայտություններ, որոնք կօգնեն ձեզ ավելի լավ ճանաչել և հասկանալ Երկնային Հորը:

Ի՞նչ սովորեցիք Աստծո մասին այս հատվածներից:

Կարող եք գրատախտակին գրել «Աստված …» անավարտ նախադասությունը և խնդրեք ուսանողներին ավարտել այն ըստ իրենց սովորածի: Խրախուսեք նրանց ներկայացնել տարբեր պատասխաններ: Որոշ պատասխաններ կարող են ներառել.

խորապես սիրում է մեզ (հատվածներ 28–33):
ստեղծել է տիեզերքը, որն այնուամենայնիվ, հասանելի է մեզ (հատված 30):
արդար է, ողորմած և բարի (հատված 30):
տվել է մեզ կամքի ազատություն (հատված 32):
ցանկանում է, որ մենք սիրենք միմյանց (հատված 33):
ցանկանում է, որ մենք ընտրենք Իրեն (հատված 33):

Երբ ուսանողները կիսվեն իրենց գտած նյութով, տվեք հետևյալ լրացուցիչ հարցերը.

Երկնային Հոր մասին այդ ճշմարտությունն ինչո՞ւ է իմաստալից ձեզ համար:
Այդ ճշմարտության իմացությունն ինչպե՞ս կօգնի ձեր ընտրած իրավիճակում հայտնված մարդուն: Ինչպե՞ս կարող է դա օգնել ձեզ։

Օգտագործելով Ենովքի փորձառությունը՝ Տասներկու Առաքյալների Քվորումի նախագահ Ջեֆրի Ռ. Հոլլանդն ուսուցանել է, որ Փրկիչը ցույց է տալիս մեզ, թե ինչպիսին է Երկնային Հայրը և որքան է Նա սիրում մեզ: Նա կիսվել է Երկնային Հոր մասին հետևյալ գաղափարներով.

Մարդկությանը հայտնի մեծագույն տեսիլքներից մեկում, երբ Ենովքին տրվեց տեսնելու մահկանացու կյանքի թե օրհնությունները և թե մարտահրավերները, նա իր հայացքը սևեռեց Հորը և ցնցվեց, երբ տեսավ Նրան արտասվելիս։ Նա զարմացած ու հիացած հարցնում է տիեզերքի ամենազոր Էակին․ «Ինչպե՞ս է, որ դու արտասվում ես»: …

Լոկ այդ գրավիչ տեսարանն ավելին է ուսուցանում Աստծո ճշմարիտ էության մասին, քան որևէ աստվածաբանական քննախոսություն երբևէ կարող է հաղորդել։ …

Ինչպիսի անմոռանալի փաստ, որ Աստված ներգրավված է մեր կյանքում։ Ինչպիսի տառապանք ծնողի համար, երբ Նրա զավակները չեն ընտրում Իրեն, ոչ էլ «Աստծո ավետարանը», որը Նա ուղարկել է։ [Հռովմեացիներին 1․1] Որքան հեշտ է սիրել մեկին, ով այդքան շատ է սիրում մեզ։ …

Այս օրը ես վկայում եմ անձնական և ապրող Աստծո մասին, ով գիտի մեր անունները, լսում և պատասխանում է աղոթքներին և հավերժ փայփայում է մեզ՝ Իր ոգու զավակներին: («The Grandeur of God», Լիահոնա, նոյ. 2003, 72)

Ուսանողներին առաջարկեք կիսվել, թե նախագահ Հոլլանդի խոսքերից ինչը տպավորեց իրենց։

Կարող եք գրատախտակին գրել հետևյալ հարցերը։ Ուսանողներին առաջարկեք քննարկել հետևյալ հարցերը փոքր խմբերով։ Նրանց առաջարկեք նաև քննարկել, թե այս գաղափարներն ինչպես կարող են կիրառել դասի սկզբում ընտրված սցենարների համար: Երբ ուսանողները պատասխանեն, շրջեք սենյակով և լսեք նրանց պատասխաններից մի քանիսը:

Ըստ ձեզ, ինչո՞ւ է Երկնային Հայրն արտասվում, երբ մենք չենք սիրում միմյանց:
Նա ինչո՞ւ է արտասվում, երբ մենք չենք ընտրում հետևել և սիրել Իրեն:
Սատանան ո՞ր ստերին կցանկանար, որ մենք հավատայինք մեր հանդեպ Աստծո զգացմունքների վերաբերյալ:

Երբ ուսանողները քննարկեն այս հարցերը, կարող եք հարցնել, թե դրանց վերաբերյալ ինչ են իրենք լսել մեկ այլ ուսանողից, որն օգտակար կլինի կիսվել ամբողջ դասարանի հետ: Դա թույլ կտա ուսանողներին վերանայել պատասխանները՝ նաև գովելով միմյանց իրենց պատասխանների համար: Կարող եք նաև նշել ձեր լսած օգտակար պատասխանները:

Ենովքը տեսնում է Փրկչի կյանքն ու առաքելությունը

Այնուհետև Տերը ցույց տվեց Ենովքին, որ երկրի վրա մնացած մարդիկ, որոնք չեն ապաշխարել, կկործանվեն ջրհեղեղից (տես Մովսես 7.34–44): Ի պատասխան, Ենովքն արտասվեց։ Այնուհետև Տերը մխիթարեց Ենովքին՝ ասելով. «Բարձրացրու սիրտդ և ուրախացիր. և նայիր» (Մովսես 7.44):

Կարդացեք Մովսես 7.44–47 հատվածները՝ փնտրելով, թե Տերն ինչ ցույց տվեց Ենովքին՝ նրան մխիթարելու համար: Օգտակար կլինի իմանալ, որ «Արդարը» (հատվածներ 45 և 47) տիտղոս է Հիսուս Քրիստոսի համար:

Ըստ ձեզ, այս բաները տեսնելով, Ենովքի հոգին ինչո՞ւ պետք է ուրախանար (հատված 47):
Ուղարկելով Հիսուս Քրիստոսին՝ Հայրն ինչպե՞ս է ցույց տալիս Իր ողորմածությունն ու սերը:

Եթե օգտակար լինի, կարող եք քննարկել, թե Փրկիչն ինչպես է օգնելու Աստծո բոլոր զավակներին, նույնիսկ այն մարդկանց, որոնք ամբարիշտ էին և կործանվեցին ջրհեղեղի ժամանակ: Օգնեք ուսանողներին հասկանալ, որ թեև ամբարիշտները կործանվեցին ջրհեղեղի ժամանակ և պետք է տառապեն իրենց մեղքերի համար հոգիների աշխարհում, իրենք դեռ կարող են ապաշխարել Փրկչի միջոցով (տես Մովսես 7.38–39, Ա Պետրոս 3.18–20):

Զգացեք Աստծո սերը

Դասի ավարտին ուսանողներին առաջարկեք փնտրել Սուրբ Հոգու օգնությունը՝ հետևյալ վարժությունները կատարելիս: Որպես այլընտրանք, ուսանողները կարող են գրել իրենց ծանոթ մարդուն, որին անհրաժեշտ է զգալ Երկնային Հոր ողորմածությունն ու սերը:

Նամակ գրեք՝ օգնելու դասի սկզբում ձեր ընտրած սցենարի մարդուն: Ձեր նամակում ներառեք հետևյալը.

Այն, ինչ սովորեցիք Մովսես 7 գլխից Երկնային Հոր ողորմածության և սիրո մասին: Ներառեք հատուկ արտահայտություններ կամ հատվածներ, որոնք, ըստ ձեզ, հատկապես կարևոր կլինեն նրա համար:
Այլ սուրբ գրություններ կամ փորձառություններ, որոնք օգնել են ձեզ զգալ Աստծո ողորմածությունն ու սերը:
Այն լրացուցիչ գաղափարները, որոնք, ըստ ձեզ, կարող են օգնել այդ մարդուն զգալ Աստծո սերը:

Ավարտեք՝ առաջարկելով ուսանողներին կիսվել իրենց մտքերով, փորձառություններով և զգացմունքներով: Կարող եք ավելացնել Աստծո սիրո մասին ձեր վկայությունը:

Լրացուցիչ նյութեր

Ո՞ւմ տեսավ Ենովքը:

Ենովքը տեսավ, որ Եհովան կամ Հիսուս Քրիստոսը գործում է Հոր համար։ Անկման հետևանքներից մեկն այն էր, որ մարդկությունը հեռացվեց Հոր ներկայությունից (տես Մովսես 4.29, 31, 5.1, 4): Իր Որդուն ներկայացնելուց բացի, Հոր հայտնությունը մարդուն կլինի Որդու միջոցով (տես Ջոզեֆ Ֆիլդինգ Սմիթ, Փրկության վարդապետություններ, 1.27): Միայն Որդու՝ Հիսուս Քրիստոսի աշխատանքի շնորհիվ մարդկությունը կարող է կրկին վերագտնել Հոր ներկայությունը (տես Ալմա 11.44, Հելաման 14.15–17, Ջոզեֆ Սմիթի թարգմանություն, Հովհաննես 1․19):

Տասներկու Առաքյալների Քվորումի նախագահ Ջեֆրի Ռ. Հոլլանդը բացատրել է.

Հոր (Էլոհիմի) կողմից տրված առաջնորդության և իշխանության ներքո Որդին (Եհովան/Հիսուսը) կարող է հանդես գալ որպես Հայր։ … Քրիստոսը կարող է ցանկացած ժամանակ և ցանկացած վայրում խոսել և գործել Հոր անունից՝ «աստվածայնորեն սահմանված իշխանության» ուժով, որը տվել է նրան Հայրը: (Christ and the New Covenant: The Messianic Message of the Book of Mormon [1997], 183–184)

Մովսես 7․28 Ինչո՞ւ է Աստված արտասվում:

Տասներկու Առաքյալների Քվորումի նախագահ Մ. Ռասսել Բալլարդն (1928–2023) ուսուցանել է.

Մենք Աստծո զավակներն ենք։ Մեզանից յուրաքանչյուրը թանկ է Աստծո համար այն աստիճանի, որ Տեր Աստված Ամենակարողին ուրախության լրիվություն է պարգևում, երբ մենք հավատարիմ ենք Իրեն կամ արտասուք՝ երբ հավատարիմ չենք: («The Atonement and the Value of One Soul», Լիահոնա, մայիս 2004, 87)

Որքա՞ն է Աստված սիրում մեզ:

Նախկինում Առաջին Նախագահությունից նախագահ Դիտեր Ֆ․ Ուխդորֆն ուսուցանել է.

Մտածեք ամենամաքուր, ամենաուժեղ սիրո մասին, որը կարող եք պատկերացնել: Հիմա բազմապատկեք այդ սերն անսահման քանակությամբ՝ սա է Աստծո սիրո չափը ձեզ համար [տես Եսայիա 54.10, Երեմիա 31․3]։

… Թեև մենք անթերի չենք, Աստված սիրում է մեզ լիարժեքորեն: Թեև մենք կատարյալ չենք, Աստված սիրում է մեզ կատարելապես: Թեև կարող ենք մեզ մոլորված ու անպարփակ զգալ, Աստծո սերը պարփակում է մեզ ամբողջությամբ:

Նա սիրում է մեզ, քանի որ լցված է անսահման սուրբ, մաքուր և աննկարագրելի սիրով: Մենք կարևոր ենք Աստծո համար ոչ թե մեր նվաճումների, այլ նրա համար, որ Նրա զավակներն ենք: Նա սիրում է մեզանից յուրաքանչյուրին, նույնիսկ նրանց, ովքեր անկատար են, մերժված, տկար, տխուր կամ կոտրված են: Աստծո սերն այնքան մեծ է, որ Նա սիրում է նույնիսկ հպարտներին, եսասերներին, ամբարտավաններին և ամբարիշտներին:

Դա նշանակում է, որ, անկախ մեր ներկայիս վիճակից, մեզ համար հույս կա։ Անկախ մեր տառապանքից, վշտից, սխալներից, մեր անսահման կարեկից Երկնային Հայրը ցանկանում է, որ մենք մոտենանք Իրեն, որպեսզի Նա կարողանա մոտենալ մեզ [տես Վարդապետություն և Ուխտեր 88.63]: («The Love of God,» Լիահոնա, նոյեմբեր 2009, 22)

Մովսես 7.30 Ի՞նչ է նշանակում «և դու, այնուամենայնիվ, այնտեղ ես» արտահայտությունը:

Տասներկու Առաքյալների Քվորումից երեց Նիլ Ա. Մաքսվելը (1926–2004) բացատրել է.

Ենովքը, որին Տերը շատ բաներ բացահայտեց, գովաբանում էր Աստծուն Նրա հսկայական արարչագործությունների համար, բացականչելով. «Դու, այնուամենայնիվ, այնտեղ ես» (Մովսես 7.30, տես նաև Երեմիա 10.12):

Այս նույն հատուկ հավաստիացումը մեզանից յուրաքանչյուրը կարող է տեսնել մեր կյանքի բոլոր ժամանակներում և հանգամանքներում: Տիեզերական Աստվածը իրականում կապված է մեր փորձառության փոքր, անհատական տիեզերքների հետ: Իր հսկայական տիրապետությունների հետ միասին, սակայն, Նա հաշվում է մեզ, ճանաչում ու սիրում է մեզ կատարելապես (տես Մովսես 1.35, Հովհաննես 10.14): («Yet Thou Art There,» Ensign, նոյ. 1987, 30)

Լրացուցիչ ուսումնական վարժություններ

Աղյուսակ, որը համեմատում է սատանային և Աստծուն

Եթե ուսանողներին օգտակար կլինի տեսնել սատանայի և Աստծո միջև հակադրությունը, կարող եք կազմել հետևյալ աղյուսակը: Ուսանողները դասի ընթացքում կարող են աղյուսակում լրացնել սատանայի և Աստծո մասին իրենց սովորածը:

սատանա	Աստված

Կարող եք առաջարկել ուսանողներին հակադրել լրացված սյունակները և կիսվել, թե ինչպես կարող է փոխվել իրենց կյանքը, երբ հասկանան այս բաները սատանայի և Երկնային Հոր մասին:

Փրկչի տիտղոսները

Ուսանողներին առաջարկեք գտնել Փրկչի տիտղոսները Մովսես 7.39, 45, 47 հատվածներում և ուսումնասիրել կամ խորհել, թե ինչ են նշանակում դրանք: Հարցրեք ուսանողներին, թե իրենք ինչ սովորեցին Փրկչի մասին և ինչու է դա կարևոր իրենց համար:

Ենովքի առաջընթացը

Ուսանողներին առաջարկեք կիսվել, թե ինչու են իրենք ցանկանում ավելի նմանվել Երկնային Հորը և Հիսուս Քրիստոսին: Բացատրեք, որ երբ Ենովքը տեսավ և խոսեց Հիսուս Քրիստոսի կամ Եհովայի հետ, որը խոսում էր Երկնային Հոր անունից և ներկայացնում էր Նրան, Ենովքն ավելի նմանվեց Նրանց: Կարդացեք Մովսես 7.28–52 հատվածները՝ փնտրելով, թե Ենովքն ինչպես սկսեց զգալ և գործել Երկնային Հոր և Հիսուս Քրիստոսի նման: Որոշ գաղափարներ ներառում են, որ Ենովքն Աստծո պես արտասվեց այն մարդկանց համար, որոնք մեղք էին գործել (տես Մովսես 7.41, 44) և ուրախացավ նրանց համար Հիսուս Քրիստոսի Քավության շնորհիվ (տես Մովսես 7.45–47): Նա նաև ողորմություն խնդրեց մարդկանց համար և խնդրեց Աստծուն, որ Նոյից հետո ևս մեկ ջրհեղեղ չուղարկի։ Աստված պատրաստակամորեն համաձայնեց (տես Մովսես 7.50–51):