Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Մովսես 7․1–21․ «Տերը Իր ժողովրդին կոչեց Սիոն»

«Մովսես 7․1–21․«Տերը Իր ժողովրդին կոչեց Սիոն», Հին Կտակարան․ Սեմինարիայի ուսուցչի ձեռնարկ (2026)

«Մովսես 7․1–21․ «Տերը Իր ժողովրդին կոչեց Սիոն», Հին Կտակարան․ Սեմինարիայի ուսուցչի ձեռնարկ

Մովսես 7. Դաս 16

Մովսես 7.1–21

«Տերը Իր ժողովրդին կոչեց Սիոն»

A painting by Del Parson showing Enoch surrounded by the people of his city on a large cloud being raised into the air.

Աստված Ենովքին կանչեց որպես մարգարե, որպեսզի նա քարոզի ավետարանի ուղերձը: Մարդիկ, որոնք որոշեցին հետևել Ենովքին, հավաքվեցին միասին, և Տերը պաշտպանեց նրանց իրենց շրջապատող ամբարշտությունից: Նրանք ի վերջո ստեղծեցին երջանիկ և սուրբ քաղաք, որը Տերը կոչեց «Սիոն» (Մովսես 7.18): Այս դասը կօգնի ուսանողներին զարգացնել քրիստոսանման հատկանիշներ, որ ունեին Ենովքը և նրա ժողովուրդը:

Ուսանողի նախապատրաստում․ առաջարկեք ուսանողներին մտածել իրենց նախորդ օրվա մասին և այն մասին, թե իրենց գործողություններն ինչպես կարող են ազդել այլ մարդկանց վրա։

Հնարավոր ուսումնական վարժություններ

Զորություն՝ փոխկապակցված արմատների միջոցով

Կարող եք դասը սկսել՝ օգնելով ուսանողներին ճանաչել այն զորությունը, որը կարող է գալ ուրիշների հետ միասնությունից: Դա անելու եղանակներից մեկը ներկայացված է ստորև:

Ըստ ձեզ, ինչպիսի՞ բարձրության կարող է հասնել ամենաբարձր ծառատեսակը:

Աշխարհի ամենաբարձր ծառերը կարմրափայտ ծառերն են: Դրանք կարող են հասնել մինչև ավելի քան 300 ֆուտ (92 մ) բարձրության։

Ձեր կարծիքով, ինչպիսի՞ն պետք է լինեն կարմրափայտ ծառի արմատները, որպեսզի սնուցեն այդպիսի բարձրահասակ ծառը։

Զարմանալի է, սակայն կարմրափայտ ծառի արմատներն ընդամենը 3–6 ֆուտ (1–2 մ) խորություն ունեն։ Այնուամենայնիվ այդ արմատները տարածվում են մի քանի հարյուր ֆուտ տարածքի վրա (ավելի քան 100 մետր) և միահյուսվում են այլ ծառերի արմատներին: Այս փոխկապակցումը հնարավորություն է տալիս կարմրափայտ ծառերին հարյուրամյակներ ամուր կանգնել քամիների և ջրհեղեղների դեմ (տես Ռիչարդ Հ. Վինքել, «Web of Friendship», New Era, օգոստոս 2003 թ․, 10–11)։

Illustration of redwood tree roots below ground.

Ըստ ձեզ, ի՞նչ կարող ենք սովորել կարմրափայտ ծառից, որը կարող է ազդել մեր ընտանիքների, դպրոցների և ծխերի կամ ճյուղերի վրա:
Ըստ ձեզ, ինչո՞ւ է Տերը ցանկանում, որ մենք զորություն գտնենք ոչ միայն Իր մեջ, այլ նաև մեզ շրջապատող մարդկանց մեջ:

Որպեսզի օգնեք ուսանողներին գնահատել, թե որքան լավ են կապված իրենք շրջապատող մարդկանց հետ, առաջարկեք նրանց պատասխանել հետևյալ հարցերին իրենց օրագրերում.
Ինչպե՞ս են ուրիշներն օգնում և աջակցում ձեզ, հատկապես Փրկչին ավելի շատ մոտենալու ձեր ջանքերում: (Դա կարող է լինել ձեր ընտանիքում, ծխում կամ ճյուղում, ընկերների շրջապատում, համայնքում և այլն:)
Ինչպե՞ս եք փորձում աջակցել ուրիշներին և օգնել նրանց ավելի շատ մոտենալ Փրկչին:

Երբ ուսանողներն ուսումնասիրեն այս դասը, առաջարկեք նրանց ուշադիր լինել Սուրբ Հոգուց ստացած տպավորությունների հանդեպ: Սուրբ Հոգին կարող է ուսուցանել նրանց, թե ինչպես կարող են մեծացնել իրենց զորությունն Աստծո և իրենց շրջապատող մարդկանց հետ միասին:

Զորությունը Սիոնում

Տեսիլքում Տերը կանչեց Ենովք մարգարեին՝ մի քանի քաղաքներում ապաշխարություն և մկրտություն քարոզելու համար: Մարդիկ, որոնք հետևեցին Ենովքին, հավաքվեցին միասին։

Կարդացեք Մովսես 7.13, 16–17 հատվածները՝ փնտրելով հակադրություններ Տիրոջը հետևել ձգտող մարդկանց և նրանց դեմ պայքարող մարդկանց միջև։

Ի՞նչ տպավորություններ ունեցաք այն օրհնություններից, որոնք Տերը տվել էր այն մարդկանց, որոնք ջանում էին հետևել Իրեն:

Որպեսզի ավելի լավ հասկանաք, թե ինչով էր առանձնանում Տիրոջ ժողովրդը, կարդացեք Մովսես 7.18–21 հատվածները։ (Օգտակար կլինի նշել, որ լինել անիծված նշանակում է զրկվել օրհնություններից՝ ոչ արդար լինելու պատճառով: Տես նաև «Անեծք, անեծքներ» Սուրբ գրքերի ուղեցույցում:)

Մովսես 7.18 հատվածը վարդապետության սերտման հատված է: Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել:

Օգնեք ուսանողներին հասկանալ, իրենց սովորածը: Դա անելու համար կարող եք առաջարկել նրանց իրենց օրագրերում նկարել հատված 18-ում իրենց սովորածի պարզ պատկերը։ Այնուհետև ուսանողները կարող իրենց դասընկերների, փոքր խմբերի կամ դասարանի հետ կիսվել, թե ինչ են նկարել և ինչու են դա նկարել:

Ի՞նչ սովորեցիք Տիրոջ ժողովրդի մասին հատված 18-ում:
Ըստ ձեզ, ի՞նչ է նշանակում «մեկ սիրտ և մեկ միտք ունենալ»:

Օգնեք ուսանողներին բացահայտել հետևյալ ճշմարտությունը՝ Տիրոջ ժողովրդը ձգտում է միասնական լինել, արդար ապրել և հոգ տանել իրենց մեջ գտնվող աղքատների մասին։ Կարող եք նշել, որ դրանք նաև Փրկչի հատկանիշներն են: Դառնալ Տիրոջ ժողովուրդը նշանակում է ավելի շատ նմանվել Նրան:

Դառնալ Տիրոջ ժողովուրդը

Որպեսզի օգնեք ուսանողներին ավելի լավ հասկանալ, թե ինչպես լինել միասնական, արդար ապրել և հոգ տանել կարիքի մեջ գտնվող մարդկանց մասին, խնդրեք նրանց փոքր խմբերով աշխատել հետևյալ աշխատաթերթի վրա: Նրանք կարող են օգնել և աջակցել միմյանց վարժությունը կատարելու ողջ ընթացքում: Ստորև բերված են աշխատաթերթն օգտագործելու երկու եղանակ.

Ուսանողներին առաջարկեք բաժանել աշխատաթերթի հատվածներն իրենց խմբի անդամների միջև, որպեսզի յուրաքանչյուր ուսանող ինքնուրույն ուսումնասիրի իր հատվածը: Իրենց հատվածի ուսումնասիրությունն ավարտելուց հետո ուսանողները կարող են կիսվել իրենց սովորածով:
Աշխատաթերթի հատվածների պատճենները փակցրեք պատերին և առաջարկեք փոքր խմբերով շրջել սենյակով՝ միասին ուսումնասիրելով յուրաքանչյուր հատված:

Մի քանի ուսանողի առաջարկեք կիսվել իրենց սովորածով և ուսումնասիրածով, որը կարևոր էր իրենց համար: Կարող եք նաև հարցնել, թե խմբերով աշխատելն ինչպես է մեծացնում ուսանողների հասկացողությունը:

Փրկիչն ինչպե՞ս Սիոնի հատկանիշների օրինակ հանդիսացավ Իր կյանքի ընթացքում։

Սիոնի քրիստոսանման հատկանիշների օրինակ ցուցադրելու համար կարող եք կիսվել «Charity: An Example of the Believers» (4:50) տեսանյութով, որը հասանելի է Gospel Library հավելվածում: Կարող եք առաջարկել ուսանողներին փնտրել, թե ինչպես այդ երիտասարդ կանայք Սիոնի օրինակ հանդիսացան:

4:50

Ծրագիր կազմեք

Ուսանողներին առաջարկեք մտածել այն տպավորությունների մասին, որ ունեցան դասի ընթացքում և գրել հետևյալ հարցերի պատասխաններն իրենց օրագրերում.

Ըստ ձեզ, Սիոնի ո՞ր քրիստոսանման հատկանիշը կարող եք զարգացնել ձեր կյանքում: (Դա կարող է լինել տանը, եկեղեցում կամ այլ մարդկանց հետ:)
Ի՞նչ եք անելու այս շաբաթ, որպեսզի ամրապնդեք քրիստոսանման այդ հատկանիշը: (Դա կարող է Երեխաների և երիտասարդների զարգացման ծրագրում ձեր մասնակցության և նպատակների մաս կազմել:)

Մտապահեք

Կարող եք օգնել ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: «Մովսես 7.18» հատվածի սուրբգրային հիմնական արտահայտությունն է՝ «Տերը իր ժողովրդին կոչեց Սիոն, որովհետև նրանք մեկ սիրտ և մեկ միտք ունեին»: Մտապահելու համար նախատեսված վարժությունների վերաբերյալ գաղափարները ներկայացված են հավելվածում՝ «Վարդապետության սերտման կրկնության վարժություններ» բաժնում:

Լրացուցիչ նյութեր

Ինչպե՞ս կարող ենք միասնական լինել, եթե չենք զգում, որ համապատասխանում ենք:

Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել է.

Պատկանելության զգացումը կարևոր է մեր ֆիզիկական, մտավոր և հոգևոր բարեկեցության համար: Այնուամենայնիվ, միանգամայն հնարավոր է, որ երբեմն մեզանից յուրաքանչյուրը կարող է համարել, որ մենք չենք համապատասխանում։ Վհատեցնող պահերին մենք կարող ենք կարծել, որ երբեք չենք համապատասխանի Տիրոջ բարձր չափանիշներին կամ ուրիշների ակնկալիքներին։ Ուրիշներին կամ նույնիսկ ինքներս մեզ մենք կարող ենք ակամա պարտադրել ակնկալիքներ, որոնք Տիրոջ ակնկալիքները չեն: Մենք կարող ենք նուրբ ձևով հաղորդել, որ հոգու արժեքը հիմնված է որոշակի ձեռքբերումների կամ կոչումների վրա, սակայն դրանցով չի չափվում մեր դիրքը Տիրոջ աչքում: «Տերը սրտին է նայում» [Ա Թագավորաց 16․7]։ Նրա համար կարևոր են մեր ցանկությունները և ձգտումները և այն, թե ինչ ենք մենք դառնում։ …

Պատկանելության վարդապետության մի … կողմը կապված է մեր սեփական ներդրման հետ: Թեև մենք հազվադեպ ենք մտածում այդ մասին, մեր պատկանելության մեծ մասը գալիս է մեր ծառայությունից և այն զոհաբերություններից, որոնք մենք կատարում ենք ուրիշների և Տիրոջ համար: Մեր անձնական կարիքներին կամ մեր հարմարավետությանը մեծ ուշադրություն դարձնելը կարող է խաթարել պատկանելության այդ զգացումը: («Պատկանելության վարդապետությունը», Լիահոնա, նոյեմբեր 2022, 54, 55)

Ինչպե՞ս կարող ենք մենք միասնական լինել՝ անկախ մեր տարաձայնություններից:

Տասներկու Առաքյալների Քվորումից երեց Քվենթին Լ Քուքն ուսուցանել է.

Միասնությունն ամրապնդվում է, երբ մարդիկ միմյանց վերաբերվում են արժանապատվությամբ և հարգանքով, թեև նրանք տարբեր են իրենց արտաքին հատկանիշներով: …

Մենք կարող ենք միասնության օազիս լինել և ընդունել բազմազանությունը մեր համապարփակ վարդապետությունով։ Միասնությունն ու բազմազանությունը հակադրություններ չեն: Մենք կարող ենք հասնել ավելի մեծ միասնության, եթե ներառականության և հարգանքի մթնոլորտ խթանենք բազմազանության հանդեպ: …

Հիսուս Քրիստոսի ավետարանի մշակույթը չի … որոշվում մարդու մաշկի գույնով կամ բնակության վայրով: Թեև մենք ուրախ ենք ներառել տարբեր մշակույթներ, բայց պետք է շրջանցենք այդ մշակույթների այն տիրույթները, որոնք հակասում են Հիսուս Քրիստոսի ավետարանին: («Միավորել սրտերն արդարությամբ ու միությամբ», Լիահոնա, նոյեմբեր 2020, 18, 19, 21)

Օժանդակ ուսումնական վարժություններ

Դասը սկսելու այլընտրանքային եղանակ

Կարող եք առաջարկել ուսանողներին պատկերացնել, որ իրենց մոտակայքում կա դպրոց կամ մարդկանց մի խումբ, որտեղ բոլորն ընկերասեր են՝ անշահախնդիր, միասնական և արդար: Կարող եք քննարկել հետևյալը.

Նման դպրոցի կամ խմբի մաս լինելն ինչո՞ւ ձեզ համար հետաքրքիր կլիներ:
Ըստ ձեզ, այդ դպրոցը կամ խումբը կարո՞ղ է գոյություն ունենալ այսօր: Ինչո՞ւ այո, կամ ինչո՞ւ ոչ։

Ասացեք ուսանողներին, որ Տերն օգնեց Ենովք մարգարեին ստեղծել այդպիսի մարդկանց խումբ: Տերը նրանց կոչեց Սիոն: Կարող եք ուսանողներին տալ հետևյալ հարցերը․

Երբ լսում եք Սիոն բառը, ինչի՞ մասին եք մտածում:

Ձեր տունն ավելի շատ նմանեցրեք Սիոնին

Օգնեք ուսանողներին տեսնել, թե Սիոնի սկզբունքներն ինչպես կարող են կիրառվել իրենց տներում: Ուսանողներին առաջարկեք մտածել, թե ինչպես կարող են օգնել իրենց ընտանիքին (1) դառնալ միասնական՝ մեկ սրտով և մտքով, (2) բնակվել արդարության մեջ և (3) ավելի արդյունավետորեն հոգ տանել միմյանց մասին: Քննարկեք հետևյալ հարցը.

Ի՞նչ եղանակներով կարող եք ձեր տունն ավելի շատ նմանեցնել Սիոնին այս շաբաթ:

Կարող եք գրել Սիոնի երեք սկզբունքները գրատախտակին, իսկ ուսանողները կարող են գրել գաղափարները:

Համեմատեք Սիոնը 4 Նեփի 1 հատվածի մարդկանց հետ

Փրկչի այցից հետո նեփիացիներին և լամանացիներին, որը նկարագրված է Մորմոնի Գրքում, մարդիկ երկար տարիներ ապրեցին մի համայնքում, որը Սիոնի սկզբունքների օրինակ էր:

Ուսանողներին առաջարկեք իրենց օրագրերում ստեղծել աղյուսակ երեք սյունակներով՝ հետևյալ վերնագրերով․ միասնություն, արդարություն և հոգատարություն աղքատների հանդեպ։ Ուսանողները կարող են ուսումնասիրել 4 Նեփի 1.1–3, 11–18 հատվածները՝ փնտրելով, թե նեփիացիներն ու լամանացիներն ինչպես դրսևորեցին Սիոնի այդ հատկանիշները։ Նրանք կարող են իրենց գաղափարները գրել աղյուսակի համապատասխան սյունակում: