Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Mōsese 6:1–39: Ko Hono Ui ʻo ʻĪnoké

“Mōsese 6:1–39: Ko Hono Ui ʻo ʻĪnoké,” Fuakava Motuʻá – Tohi Lēsoni maʻá e Faiako Seminelí (2026)

“Mōsese 6:1–39: Ko Hono Ui ʻo ʻĪnoké,” Fuakava Motuʻá – Tohi Lēsoni maʻá e Faiako Seminelí

Sēnesi 5; Mōsese 6: Lēsoni 13

Mōsese 6:1–39

Ko Hono Ui ʻo ʻĪnoké

Ko hono malangaʻi ʻe ʻĪnoke ʻa e fakatomalá

ʻI he taimi naʻe ui ai ʻa ʻĪnoke ke ne malanga ʻaki ʻa e fakatomalá ki ha falukunga kakai faiangahalá, naʻá ne ongoʻi taʻefeʻunga. Naʻe tokoniʻi mo fakamālohia ia ʻe he ʻEikí ke ne lavaʻi ʻa e meʻa naʻá ne pehē he ʻikai ke ne lava ʻo faí. ʻE lava ke tokoniʻi ʻe he lēsoni ko ʻení ʻa e kau akó ke nau ongoʻi loto-falala ki he ʻEikí mo Hono mālohi ke tokoniʻi mo fakamālohia kinautolú.

Teuteu ʻa e tokotaha akó: Fakaafeʻi ʻa e kau akó ke fakakaukau ki ha ngaahi taimi naʻe aʻusia ai ʻe he kakaí ʻa e mālohi ʻo e ʻEikí ʻi Heʻene tokoniʻi kinautolu ke nau ikunaʻi ha ngaahi faingataʻa. Poupouʻi kinautolu ke kumi ha ngaahi tefitoʻi moʻoni ʻi he folofolá.

Ngaahi ʻEkitivitī Ako ʻOku Ala Fakahokó

Ngaahi ongoʻi taʻefeʻunga

Fakakaukau ke fakaʻaliʻali ha ngaahi fakamatala hangē ko ʻení ʻi he palakipoé: He ʻikai ke u lava. ʻOku ʻikai ke u feʻunga. ʻOku fuʻu faingataʻa.

Ko e hā ha ngaahi tūkunga ʻe ala aʻusia ai ʻe he toʻu tupú ʻa e faʻahinga ongo ko ʻení?

ʻE lava ke ke hiki ha lisi ʻi he palakipoé ʻo e ngaahi tūkunga ʻoku vahevahe ʻe he kau akó.

Fakakaukau ki ha tūkunga ʻi hoʻo moʻuí ʻe ala tupu ai haʻo ongoʻi taʻefeʻunga pe ongoʻi lōmekina. Fakaʻaongaʻi ha kiʻi taimi ke fakalaulauloto ki he fehuʻi ko ʻení:

ʻOkú ke ongoʻi loto-falala fēfē ʻe tokoniʻi koe ʻe he ʻEikí ʻi he tūkunga ko ʻení?

Poupouʻi ʻa e kau akó ke fakakaukau ki honau ngaahi tūkungá ʻi heʻenau ako ʻa e uiuiʻi ʻo ʻĪnoke ke hoko ko ha palōfitá. Fakaafeʻi kinautolu ke fekumi ki he tataki ʻa e Laumālie Māʻoniʻoní ke fakatupulaki ʻenau loto-falala ki he malava ʻa e ʻEikí ke tokoniʻi mo fakamālohia kinautolú.

Ko e aʻusia ʻe ʻĪnoke ʻa e mālohi ʻo e ʻEikí

Hili ha ngaahi toʻu tangata siʻi meia ʻĀtama, naʻe moʻui ha taha ʻo hono hakó, ʻĪnoke, ʻi he lotolotonga ʻo ha kakai loto-fefeka mo faiangahala. Lau ʻa e Mōsese 6:26–28, ʻo kumi ʻa e meʻa naʻe ui ʻe he ʻEikí ʻa ʻInoke ke ne faí.

Naʻá ke mei ongoʻi fēfē nai kapau ko ʻInoke koe? Ko e hā hono ʻuhingá?

ʻOange ha taimi ki he kau akó ke vahevahe ʻa e meʻa ne nau ako mei heʻenau akó mo e fealeaʻakí, kau ai ʻa e ngaahi moʻoni ne nau ʻilo ʻi he ʻEkitivitī Ako 4. ʻI hono fakaʻaongaʻi ʻa e lea pē ʻanautolú, mahalo naʻe ʻilo ʻe he kau akó ha moʻoni hangē ko ʻení: Kapau te tau fakahoko faivelenga ʻa e ngaahi fekau ʻa e ʻEikí, te Ne ʻomi ha tokoni mo ha mālohi kiate kitautolu.

Ko e tokoni mo e ivi ʻo e ʻEikí ʻi hoʻo moʻuí

Kuó ke mamata pe aʻusia fēfē ʻa e mālohi ʻo e ʻEikí ke foaki ha tokoni mo ha mālohi ʻi hoʻo moʻuí?

Fakakaukau ke vahevahe hoʻo ngaahi aʻusia fakataautaha ʻi he mālohi ʻo e ʻEikí.

Fakakaukauloto ki he meʻa kuó ke akó

ʻOange ha taimi ki he kau akó ke nau fakakaukau ki he meʻa kuo nau ako mo ongoʻi ʻi he ʻahó ni mei he folofolá, ʻiate kinautolu pē, pea mo e Laumālié. Ko e founga ʻe taha ʻe lava ke fai ai ʻení ko hono fakaʻaliʻali ʻa e fehuʻí ni pea ʻoange ha taimi ki he kau akó ke lekooti ʻenau ngaahi talí ʻi heʻenau tohinoa akó.

Ko e hā kuó u ako pe ongoʻi ʻi he ʻahó ni fekauʻaki mo e ʻEikí te ne lava ʻo tokoniʻi au ʻi he taimi ʻoku ou ongoʻi taʻefeʻunga, loto-foʻi, pe ʻikai mālohi feʻunga aí?

Fakakaukau ke fakaafeʻi ha kau ako ke vahevahe ʻa e meʻa ne nau tohí mo e kalasí. Fakamoʻoni ki he Fakamoʻuí mo Hono mālohi ke foaki mai ha ivi mo ha tokoni kiate kitautolú.

Ngaahi Maʻuʻanga Tokoni Kehé

ʻOku kaunga nai ʻa e ngaahi talaʻofa ʻa e ʻEikí kia ʻĪnoké kiate au ʻi he ʻahó ni?

Naʻe palōmesi ʻa Palesiteni Lāsolo M. Nalesoni ʻo pehē:

30:35

ʻE kole atu ke mou tali ha ngaahi ngāue faingataʻa naʻe vahe atu ke fakahoko pea hoko ko ha meʻangāue ʻi he toʻukupu ʻo e ʻEikí. Pea te Ne ʻai ke ke malava ʻo fakahoko ʻa e meʻa ʻoku taʻe-malavá.

Te ke fakahoko fēfē ʻa e meʻa ʻoku taʻe-malavá? ʻI hono fakahoko ha meʻa pē ʻoku fiemaʻú ke fakamālohia hoʻo tui kia Sīsū Kalaisí, ʻi hono fakatupulaki ʻa e mahino ʻokú ke maʻu ki he tokāteline naʻe akoʻi ʻi Hono Siasi kuo fakafoki maí, pea mo fekumi taʻetuku ki he moʻoní. …

… ʻI hoʻo tauhi ho ngaahi fuakavá ʻo fai pau matematé ki aí, pea ʻi hoʻo taukaveʻi ʻa e Siasí mo e puleʻanga ʻo e ʻOtuá ʻi he māmaní ʻi he ʻaho ní, ʻe faitāpuekina koe ʻe he ʻEikí ʻaki ʻa e mālohi mo e poto ke fakahoko ʻa e meʻa ʻoku taʻe-malavá. (“Hoko ko ha Kau Nofotuʻi Moʻoni” [fakataha lotu fakaemāmani lahi maʻá e kakai lalahi kei talavoú, 10 Sānuali, 2016], Gospel Library)

ʻOku kehe fēfē ʻa e ʻafio mai ʻa e ʻOtuá kiate aú mei he anga ʻeku vakai kiate aú?

Naʻe akonaki ʻa ʻEletā Siosefa B. Uefilini (1917–2008) ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Ko ha meʻa fakaʻofoʻofa ke ʻiloʻi ʻoku ʻofa ʻetau Tamai Hēvaní ʻiate kitautolu—neongo ʻetau ngaahi tōnounou kotoa pē! ʻOku aʻu ʻEne ʻofá ki he taimi kuo tau loto-foʻi ai ʻiate kitautolu peé, he ʻikai ke Ne teitei foʻi.

ʻOku tau vakai kiate kitautolu ʻi he tuʻunga ʻo e ʻaneafí mo e ʻaho ní. ʻOku ʻafioʻi kitautolu ʻe heʻetau Tamai Hēvaní ʻi he tuʻunga ʻo e taʻengatá. Neongo te tau fiemālie ʻi ha meʻa siʻi ange, ka ʻoku ʻikai pehē ʻa e Tamai Hēvaní, ʻokú Ne ʻafioʻi ʻa e kakai nāunauʻia te tau lava ʻo hokosiá.

Ko e ongoongolelei ʻo Sīsū Kalaisí ko ha ongoongolelei ia ʻo e liliu. ʻOkú ne toʻo kitautolu ko e kakai tangata mo e kakai fefine ʻo e māmaní pea fakaleleiʻi kitautolu ke tau hoko ko e kakai tangata mo e kakai fefine ki he ngaahi taʻengatá. (“The Great Commandment,” Liahona, Nov. 2007, 29–30)

Mōsese 6:34. Te u muimui fēfē ki he faleʻi ʻa e ʻEikí ke “nofo maʻu” mo “ʻaʻeva” mo Iá?

Naʻe akonaki ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Naʻe faifai ʻo hoko ʻa ʻĪnoke ko ha palōfita maʻongoʻonga mo ha meʻangāue ʻi he toʻukupu ʻo e ʻOtuá ke fakahoko ha ngāue lahi, ka naʻe ʻikai kamata ʻene ngāué ʻi he founga ko iá! Ka naʻe fakalahi hono tuʻunga malavá ʻi he fakalau ʻa e taimí, ʻi heʻene ako ke nofo mo ʻaʻeva mo e ʻAlo ʻo e ʻOtuá. …

… [ʻO]ku tau nofo ʻia Kalaisi ʻi heʻetau taʻefeliliuaki mo tuʻu maʻu ʻi heʻetau līʻoa ki he Huhuʻí mo ʻEne ngaahi taumuʻa māʻoniʻoní, ʻi he ngaahi taimi leleí mo e ʻikai leleí fakatouʻosi. …

ʻOku fakamamafaʻi ʻe he ʻaʻeva mo e Fakamoʻuí ha ongo tafaʻaki mahuʻinga ʻe ua ʻo e tuʻunga fakaākongá: (1) ko e talangofua ki he ngaahi fekau ʻa e ʻOtuá, mo hono (2) manatuʻi mo tauhi ʻa e ngaahi fuakava toputapu ʻoku fakafetuʻutaki ai kitautolu ki he Tamaí mo e ʻAló. …

… Kapau te tau nofo ʻiate Ia, te Ne nofo ʻiate kitautolu. Pea ʻi heʻetau ʻaʻeva mo Iá, ʻe tāpuekina kitautolu ke fakatupu ha fua lahi. (“Nofo ʻiate Au, pea mo Au ʻiate Koe; Ko Ia Ke Ke ʻAʻeva mo Au,” Liahona, Mē 2023, 123–24, 125)

Ngaahi ʻEkitivitī Fakalahi ki he Akó

Ko hono fakahoungaʻi ʻa e liliu ʻa Siosefa Sāmita ʻo e Tohi Tapú

Ke tokoni ke ʻilo ʻe he kau akó ʻa e lahi ʻo e tokoni ʻa e Palōfita ko Siosefa Sāmitá ki heʻetau ʻilo ki he moʻui mo e ngaahi akonaki ʻa ʻĪnoké, fakakaukau ke fakaʻaongaʻi ʻa e ʻekitivitī ko ʻení. Fakaafeʻi ʻa e kau akó ke fakafehoanaki ʻa e faikehekehe ʻi he Sēnesi 5:18–19, 21–24 mo e Mōsese 6:21–68; 7:1–69; 8:1. ʻE lava ke fakafehoanaki ʻe he kau akó ʻa e faikehekehé ʻaki hono lau ʻo e ngaahi vēsí pe ngaahi pēsí pe ko hono fua hono lahí ʻaki honau foʻi tuhú, pe ko hoʻo paaki ʻa e ongo seti veesi ko ʻení ke fakaʻaliʻali ki he kau akó ʻa e faikehekehe ʻi hona lahí.

ʻOku fakahaaʻi ʻe he ngaahi veesi ko ʻení ʻa e faikehekehe ʻi he lahi ʻo e fakamatala ʻoku tau maʻu fekauʻaki mo ʻĪnoke mei he Tohi Tapú pea mo e lahi naʻe fakahā ʻe he ʻEikí ki he Palōfita ko Siosefa Sāmitá ʻi heʻene ngāue ki hono liliu fakalaumālie ʻo e Tohi Tapú.

Ko e hā ʻoku akoʻi atu ʻe he fakaikiiki ko ʻení fekauʻaki mo e Palōfita ko Siosefa Sāmitá?
Ko e hā ‘oku akoʻi atu ʻe he fakaikiiki ko ʻení fekauʻaki mo e ʻEikí?

Ko hono vakaiʻi ʻa e meʻa naʻe hohaʻa ki ai ʻa ʻĪnoké mei he fakakaukau ʻa e ʻEikí

Ko e taha ʻo e ngaahi pōtoʻi ngāue ʻoku tokoni ke tau vakaiʻi ai ʻa e ngaahi fakakaukaú mo e ngaahi fehuʻí mei ha fakakaukau ʻoku taʻengatá, ko hono toe fakalea ʻa e ngaahi fehuʻí mo e ngaahi hohaʻá. Ke fakaʻaliʻali ki he kau akó ʻa e founga ke toe fakalea ai ʻa e ngaahi fehuʻí, fakakaukau ke mamata ʻi he “Examining Questions with an Eternal Perspective” (2:59) ʻi he ChurchofJesusChrist.org. ʻE lava ke akoako ʻe he kau akó hono toe fakalea ʻa e ngaahi fehuʻí pe ngaahi hohaʻá ʻaki hono fakaʻaongaʻi ʻa e sīpinga ʻa ʻĪnoké. Fakaafeʻi ʻa e kau akó ke nau lau ʻa e Mōsese 6:31, ʻo kumi ʻa e ngaahi mahalo naʻe maʻu ʻe ʻĪnoke fekauʻaki mo ia, kakai kehé, pe ko e ʻEikí. Lau leva ʻa e Mōsese 6:32–39, ʻo sio ki he ngaahi fakakaukau tatau ko iá mei he vakai ʻa e ʻEikí. Tokoniʻi ʻa e kau akó ke nau fakatokangaʻi ʻa e ngaahi lelei ʻo e vakai ki he ngaahi fakakaukaú mo e ngaahi fehuʻí ʻo hangē ko e ʻEikí pea ʻi loto ʻi he ʻuhinga ʻo ʻEne palaní. ʻE lava ke tokoniʻi kitautolu ʻe he fakakaukau ko ʻení ke tau maʻu ha ngaahi tali, loto-falala lahi ange, mo e melino.

2:56

Nofo maʻu ʻia Kalaisi pea ʻaʻeva mo Ia

Mahalo ʻe tokoni ke tuku ha taimi lahi ange ke ako ʻa e folofola ʻa e Fakamoʻuí kia ʻĪnoke ʻi he fakaʻosinga ʻo e veesi 34. Ke tokoni ke mahino lahi ange ki he kau akó ʻa e ngaahi fakaafe ʻa e Fakamoʻuí ke nofo ʻiate Ia mo ʻaʻeva mo Iá, fakakaukau ke fakaʻaongaʻi ʻa e lea ʻa ʻEletā Tēvita A. Petinā ʻi he “Ngaahi Maʻuʻanga Tokoni Kehé.” Te ke lava foki ʻo aleaʻi ha niʻihi pe kotoa ʻo e ngaahi fehuʻi ko ʻení:

ʻOkú ke pehē ʻe fēfē ki ha tokotaha taʻu hongofulu tupu ke nofo maʻu mo ʻaʻeva mo e Fakamoʻuí?
Kiate koé, ko e hā ha faikehekehe ʻoku hoko ʻi hoʻo ʻiloʻi ʻoku finangalo ʻa e ʻEikí ke nofo ʻiate koe mo ʻaʻeva mo koe ʻi hoʻo fehangahangai mo e ngaahi faingataʻa ʻi hoʻo moʻuí?
Ko e fē ha taimi kuó ke ongoʻi ai ʻoku kau ʻa e Fakamoʻuí mo koe pe ʻaʻeva mo koe ʻi hoʻo feinga ke muimui kiate Iá?