Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Մովսես 6.1–39. Ենովքի կանչը

«Մովսես 6.1–39․ Ենովքի կանչը», Հին Կտակարան․ Սեմինարիայի ուսուցչի ձեռնարկ (2026)

«Մովսես 6.1–39․ Ենովքի կանչը», Հին Կտակարան․ Սեմինարիայի ուսուցչի ձեռնարկ

Ծննդոց 5, Մովսես 6․ Դաս 13

Մովսես 6․1–39

Ենովքի կանչը

Երբ Ենովքը կանչվեց ամբարիշտ մարդկանց խմբին ապաշխարություն քարոզելու, նա իրեն անհամապատասխան էր զգում այդ գործի համար։ Տերն օգնեց և զորացրեց նրան, որպեսզի նա իրականացնի այն, ինչն, ըստ իրեն, չէր կարող անել: Այս դասը կօգնի ուսանողներին վստահություն զգալ Տիրոջ հանդեպ, ինչպես նաև իրենց օգնելու և զորացնելու Նրա կարողության հանդեպ։

Ուսանողի նախապատրաստում․ ուսանողներին առաջարկեք մտածել այն դեպքերի մասին, երբ մարդիկ զգացել են Տիրոջ զորությունը, երբ նա օգնել է իրենց հաղթահարել դժվարությունները: Խրախուսեք նրանց օրինակներ փնտրել սուրբ գրություններում:

Հնարավոր ուսումնական վարժություններ

Անհամապատասխանության զգացում

Կարող եք գրատախտակին ցուցադրել հետևյալ խոսքերը. Ես չեմ կարող: Ես բավականաչափ լավը չեմ։ Դա շատ դժվար է։

Ո՞ր իրավիճակներում են երիտասարդներն ունենում այս տեսակի զգացումներ:

Կարող եք գրատախտակին գրել այն իրավիճակները, որոնցով ուսանողները կիսվում են:

Մտածեք ձեր կյանքում եղած մի իրավիճակի մասին, որը ստիպել է ձեզ անհամապատասխան կամ ճնշված զգալ: Մի պահ դադար տվեք և խորհեք այս հարցի շուրջ.

Որքանո՞վ եք վստահ, որ Տերը կօգնի ձեզ այս իրավիճակում:

Խրախուսեք ուսանողներին մտածել իրենց իրավիճակների մասին՝ ուսումնասիրելով Ենովքի կանչը որպես մարգարե: Առաջարկեք նրանց փնտրել Սուրբ Հոգու առաջնորդությունը՝ մեծացնելու իրենց վստահությունն իրենց օգնելու և զորացնելու Տիրոջ կարողության հանդեպ։

Ենովքը զգում է Տիրոջ զորությունը

Ադամից մի քանի սերունդ անց նրա հետնորդներից մեկը՝ Ենովքը, ապրում էր կարծրասիրտ և ամբարիշտ մարդկանց միջավայրում։ Կարդացեք Մովսես 6․26–28 հատվածները՝ փնտրելով, թե Տերն ինչու կանչեց Ենովքին:

Ինչպե՞ս կզգայիք ձեզ, եթե Ենովքի տեղը լինեիք: Ինչո՞ւ։

Ուսանողներին ժամանակ տրամադրեք կիսվելու, թե ինչ են սովորել իրենց ուսումնասիրությունից և քննարկումից, ներառյալ այն ճշմարտությունները, որոնք նշել են Ուսումնական վարժություն 4-ում: Իրենց բառերով ուսանողները կարող են նշել հետևյալ ճշմարտությունը. եթե մենք հավատարմորեն անենք այնպես, ինչպես Տերն է պատվիրում, Նա մեզ օգնություն և զորություն կտա:

Տիրոջ օգնությունն ու զորությունը ձեր կյանքում

Ինչպե՞ս եք տեսել կամ զգացել ձեր կյանքում օգնություն և ուժ տվող Տիրոջ զորությունը:

Կարող եք կիսվել Տիրոջ զորության հետ առնչվելու ձեր անձնական փորձառություններով:

Խորհեք ձեր սովորածի շուրջ

Ուսանողներին ժամանակ տրամադրեք մտածելու այն մասին, թե իրենք այսօր ինչ են սովորել և զգացել սուրբ գրություններից, միմյանցից և Հոգուց: Դրա համար կարող եք ցուցադրել հետևյալ հարցը և ուսանողներին ժամանակ տրամադրել գրել իրենց պատասխաններն իրենց օրագրերում:

Ի՞նչ եմ ես զգացել կամ սովորել այսօր Տիրոջ մասին, որը կօգնի ինձ, երբ ես անհամապատասխան, հուսահատված կամ ոչ բավականաչափ ուժեղ լինեմ:

Մի քանի պատրաստակամ ուսանողի առաջարկեք կիսվել իրենց գրածով դասարանի հետ: Վկայեք Փրկչի և մեզ ուժ և օգնություն տվող Նրա զորության մասին:

Լրացուցիչ նյութեր

Արդյո՞ք այսօր ինձ վերաբերում են Ենովքին տված Տիրոջ խոստումները:

Նախագահ Ռասսել Մ. Նելսոնը խոստացել է․

30:35

Ձեզ կառաջարկվի ընդունել դժվարին հանձնարարություններ և դառնալ գործիք Տիրոջ ձեռքում: Եվ Նա հնարավորություն կընձեռի ձեզ իրականացնել անհնարինը:

Ինչպե՞ս կարող եք իրականացնել անհնարինը: Անելով այն ամենը, ինչ կպահանջվի ձեր հավատքն առ Հիսուս Քրիստոս զորացնելու համար, մեծացնելով Նրա վերականգնված Եկեղեցու վարդապետության ձեր ըմբռնումը և անխոնջ որոնելով ճշմարտությունը: …

… Երբ դուք ավելի ճշգրիտ պահեք ձեր ուխտերը և պաշտպանեք Եկեղեցին ու Աստծո արքայությունը երկրի վրա այսօր, Տերը կօրհնի ձեզ ուժով և իմաստությամբ՝ անհնարինն իրականացնելու համար: («Դառնալ հազարամյակի ճշմարիտ սերունդ» [Համաշխարհային հոգևոր հավաք չափահաս երիտասարդների համար, հունվարի 10, 2016], Gospel Library)

Ինչո՞ւ է Աստված ինձ այլ կերպ տեսնում, քան ես ինձ:

Տասներկու Առաքյալների Քվորումից երեց Ջոզեֆ Բ. Վիրթլինն (1917–2008) ուսուցանել է.

Օ, հրաշալի է իմանալ, որ մեր Երկնային Հայրը սիրում է մեզ, նույնիսկ մեր բոլոր թերություններով հանդերձ: Նրա սերն այնպիսին է, որ նույնիսկ եթե մենք հրաժարվենք ինքներս մեզնից, Նա երբեք դա չի անի:

Մենք մեզ տեսնում ենք երեկվա և այսօրվա տեսանկյունից։ Մեր Երկնային Հայրը մեզ տեսնում է հավերժության հեռանկարից: Թեև մենք կարող ենք բավարարվել քչով, Երկնային Հայրը դրան չի համաձայնի, քանի որ Նա մեր մեջ տեսնում է այն փառավոր էակներին, որոնք մենք կարող ենք դառնալ:

Հիսուս Քրիստոսի ավետարանը վերափոխման ավետարան է: Այն զտում է մեզ՝ որպես աշխարհիկ տղամարդկանց և կանանց և դարձնում տղամարդիկ և կանայք՝ հավերժության համար։ («Մեծ պատվիրան», Լիահոնա, նոյ. 2007, 29–30)

Մովսես 6.34։ Ինչպե՞ս կարող եմ հետևել Տիրոջ խորհրդին՝ «մնալ Նրա հետ» և «քայլել Նրա հետ»:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Ենովքն ի վերջո, դարձավ հզոր մարգարե և գործիք Աստծո ձեռքերում՝ մեծ գործ իրականացնելու համար, սակայն նա այդպիսին չէր իր ծառայության սկզբում։ Նրա կարողությունը ժամանակի ընթացքում մեծացավ, երբ նա սովորեց մնալ և քայլել Աստծո Որդու հետ։ …

… [Մ]ենք մնում ենք Քրիստոսի հետ, քանի որ ամուր և հաստատուն ենք մեր նվիրվածության մեջ առ Քավիչը և Նրա սուրբ նպատակները՝ ինչպես լավ, այնպես էլ վատ ժամանակներում։ …

Փրկչի հետ քայլելը և Նրա հետ մնալն ընդգծում է աշակերտության երկու կողմերը՝ (1) հնազանդվել Աստծո պատվիրաններին և (2) հիշել ու պատվել սրբազան ուխտերը, որոնք կապում են մեզ Հոր և Որդու հետ։ …

… Եթե մենք մնանք Նրա հետ, Նա էլ մեզ հետ կմնա։ Եվ եթե մենք քայլենք Նրա հետ և մնանք Նրա հետ, մենք կօրհնվենք՝ շատ պտուղներ տալու համար։ («Մնա ինձ հետ, և ես՝ քեզ հետ. ուստի քայլիր ինձ հետ», Լիահոնա, մայիս 2023, 123–24, 125)

Օժանդակ ուսումնական վարժություններ

Գնահատեք Աստվածաշնչի՝ Ջոզեֆ Սմիթի թարգմանությունը

Կարող եք կատարել հետևյալ վարժությունը, որպեսզի օգնեք ուսանողներին տեսնել, թե որքանով է Մարգարե Ջոզեֆ Սմիթը նպաստել Ենովքի կյանքի և ուսմունքների մասին մեր գիտելիքի հարստացմանը: Ուսանողներին առաջարկեք համեմատել Ծննդոց 5.18–19, 21–24 և Մովսես 6.21–68, 7․1–69, 8․1 հատվածների ծավալների տարբերությունը։ Ուսանողները կարող են համեմատել տարբերությունը՝ հաշվելով հատվածների կամ էջերի քանակը կամ կարող եք տպել այդ երկու հատվածները՝ ծավալների տարբերությունն ուսանողներին ցույց տալու համար:

Այդ հատվածները ցույց են տալիս տարբերությունն Աստվածաշնչից Ենովքի մասին մեր ունեցած տեղեկությունների և այն տեղեկությունների ծավալի միջև, որը Տերը հայտնել է Մարգարե Ջոզեֆ Սմիթին, երբ նա աշխատում էր Աստվածաշնչի իր ոգեշնչված թարգմանության վրա:

Այս մանրամասներն ի՞նչ են ուսուցանում ձեզ Մարգարե Ջոզեֆ Սմիթի մասին:
Այս մանրամասներն ի՞նչ են ուսուցանում ձեզ Տիրոջ մասին:

Քննեք Ենովքի մտահոգությունը Տիրոջ տեսանկյունից

Հմտություններից մեկը, որն օգնում է մեզ ուսումնասիրել հասկացությունները և հարցերը հավերժության հեռանկարից, հարցերն ու մտահոգությունները վերաձևակերպելն է: Որպեսզի ուսանողներին ցույց տաք, թե ինչպես վերաձևակերպել հարցերը, դիտեք «Քննել հարցերը հավերժության հեռանկարից» տեսանյութը (2:59), որը հասանելի է ChurchofJesusChrist.org կայքում։ Ուսանողները կարող են սովորել վերաձևակերպել հարցերը կամ մտահոգությունները՝ օգտագործելով Ենովքի օրինակը: Ուսանողներին առաջարկեք կարդալ Մովսես 6.31 հատվածը՝ փնտրելով Ենովքի եզրահանգումները իր, այլ մարդկանց կամ Տիրոջ մասին: Այնուհետև կարդացեք Մովսես 6.32–39 հատվածները՝ նայելով այդ նույն եզրահանգումներին Տիրոջ տեսանկյունից: Օգնեք ուսանողներին հասկանալ այդ հասկացությունները և հարցերը Տիրոջ հեռանկարից և Նրա ծրագրի համատեքստում տեսնելու օգուտները: Նմանատիպ հեռանկար ունենալը կօգնի մեզ գտնել պատասխաններ, ավելի մեծ վստահություն և խաղաղություն:

2:56

Մնալ Քրիստոսի հետ և քայլել Նրա հետ

Օգտակար կլինի ավելի շատ ժամանակ հատկացնել՝ ուսումնասիրելու հատված 34-ի վերջում Ենովքին ուղղված Փրկչի խոսքերը։ Որպեսզի օգնեք ուսանողներին ավելի լավ հասկանալ Փրկչի՝ Իր հետ մնալու և Իր հետ քայլելու հրավերները, կարող եք օգտագործել Երեց Դեյվիդ Ա. Բեդնարի խոսքերը «Լրացուցիչ նյութեր» բաժնից: Կարող եք ուսանողների հետ քննարկել նաև հետևյալ հարցերից մի քանիսը կամ բոլորը.

Ըստ ձեզ, դեռահասն ինչպե՞ս կարող է մնալ Փրկչի հետ և քայլել Նրա հետ:
Ի՞նչ տարբերություն եք զգում, երբ գիտեք, որ ձեր կյանքում դժվարությունների բախվելիս Տերը ցանկանում է մնալ և քայլել ձեզ հետ:
Ե՞րբ եք զգացել, որ Նրան հետևելու համար ջանքեր գործադրելիս Փրկիչը ձեզ հետ է կամ քայլում է ձեզ հետ: