Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Ny drafitry ny famonjena: Ny Mpamonjy no ivon’ny drafitry ny Ray

“Ny drafitry ny famonjena: Ny Mpamonjy no ivon’ny drafitry ny Ray,” Torolalana ho an’ny Mpampianatra Semineran’ny Testamenta Taloha (2026)

“Ny drafitry ny famonjena: Ny Mpamonjy no ivon’ny drafitry ny Ray,” Torolalana ho an’ny Mpampianatra Semineran’ny Testamenta Taloha

Tonga soa eto amin’ny Testamenta Taloha: Lesona 2

Ny drafitry ny famonjena

Ny Mpamonjy no ivon’ny drafitry ny Ray

Hand of Christus statue, against creation mural at the Mesa Arizona Temple Visitors' Center. (horiz)

Tany amin’ny tontolo nisy antsika talohan’ny fiainana an-tany, dia “nihobim-pifaliana isika” (Joba 38:7) rehefa nianatra momba ny drafitry ny Ray any An-danitra ho an’ny fivoarantsika mandrakizay. Voafidy ho Mpamonjy sy Mpanavotra antsika i Jehovah, ka nanokatra lalana ho antsika mba hiverenana amin’ny Ray sy ho tonga tahaka Azy. Afaka manampy ny mpianatra hahatakatra momba ny drafitry ny famonjen’ny Ray any An-danitra sy ny anjara asa fototr’i Jesoa Kristy ity lesona ity.

Fanomanana ny mpianatra: Asao ny mpianatra hisaintsaina ny zavatra fantatr’izy ireo momba ny drafitry ny famonjen’ny Ray any An-danitra sy ny anjara asa fototra sahanin’ny Mpamonjy eo amin’ny fivoarantsika mandrakizay. Azon’ny mpianatra atao ny manoratra singa vitsivitsy amin’ny drafitry ny famonjena izay fantatr’izy ireo ary manao fanazaran-tena manazava izany amin’ny olona iray anisan’ny fianakaviany na namany.

Sahanasa fianarana azo atao

Famaliana ireo fanontaniana mikasika ny fiainana

Ho fanombohana ny fotoam-pianarana, dia asehoy sy zarao ity manaraka ity.

Manatona anao dia manontany anao i Jonathan namanao hoe:

Avy aiza isika?
Inona no tanjon’ny fiainana?
Inona no mitranga aorian’ny fahafatesantsika?

Asao ny mpianatra hisaintsaina ny zavatra efa fantatr’izy ireo momba ny drafitry ny fahasambaran’ny Ray any An-danitra. Fomba iray ahafahanao manao izany ity sahanasa atao ao anatin’ny diary fandalinana soratra masina manaraka ity. Ataovy izay hahahatakaran’ny mpianatra fa hanana fotoana izy ireo hanao fanazaran-tena hamaly ireo fanontanian’i Jonathan any aoriana any ao amin’ny lesona.

Valio ao amin’ny diary fandalinanao ireto fanontaniana manaraka ireto mba hanampiana anao hisaintsaina ny zavatra efa takatrao momba ny drafitry ny famonjen’ny Ray any An-danitra.

Hatraiza ny fahatokianao ny fahaizanao mamaly ny fanontanian’i Jonathan?
Inona no fanontaniana anananao momba ny drafitry ny Ray An-danitra?

Rehefa mandalina ny lesona ianao anio dia katsaho ny fitarihan’ny Fanahy Masina mba hanampy amin’ny fampitomboana ny fahatakaranao ny drafitry ny Ray any An-danitra sy ny anjara asa fototra sahanin’ny Mpamonjy.

I Jesoa Kristy no ivon’ny drafitry ny fahasambaran’ny Ray

Ny Filoha Dallin H. Oaks ao amin’ny Fiadidiana Voalohany dia nanazava ny anjara asan’ny Mpamonjy eo amin’ny drafitry ny famonjen’ny Ray any An-danitra:

Inona no nataon’i Jesoa Kristy ho antsika tsirairay avy? Nanao ny zavatra rehetra izay ilaina amin’ny diantsika amin’ny mandritra ny fiainana an-tany mankany amin’ilay toerana hahatongavana voalaza ao amin’ny drafitry ny Raintsika any An-danitra Izy. … Ny Zanany Lahitokana, Jesoa Kristy, no mitana ny anjara asa fototra. (“Inona no nataon’ny Mpamonjintsika ho antsika?,” Liahona, mey 2021, 75)

Ahoana no hamintinanao ny fampianaran’ny Filoha Oaks mba ho lasa fehezan-teny hoenti-manambara fahamarinana?

Ampio ny mpianatra hamantatra fahamarinana iray toy ny hoe i Jesoa Kristy no ivon’ny drafitry ny famonjen’ny Ray any An-danitra sy ny fivoarantsika mandrakizay. Mety hanampy ny fanoratana ity fahamarinana ity eny amin’ny solaitrabe.

Ny drafitry ny Ray any An-danitra sy ny anjara asa fototra sahanin’ny Mpamonjy

Rehefa mandalina momba ny drafitry ny famonjen’ny Ray any An-danitra ianao dia tadiavo ireto manaraka ireto:

Ahoana no fomba andraisan’i Jesoa Kristy anjara fototra amin’ny drafitry ny famonjen’ny Ray any An-danitra.
Fahamarinana azonao zaraina amin’i Jonathan mba hamaliana ny fanontaniany.

Raketo an-tsoratra ao anatin’ny diary fandalinanao ireo hevitra hitanao.

Rehefa avy nandalina ny mpianatra, dia omeo fahafahana izy ireo hizara ny hevi-baovao sy fahatakarana izay azon’izy ireo. Afaka manao fanazaran-tena mizara ny zavatra nianarany amin’ny alalan’ny filalaovana an-tsehatra ny fomba hamalian’izy ireo ny fanontaniana telo tsirairay napetrak’i Jonathan ny mpianatra. Azonao asaina koa izy ireohifanakalo hevitra momba ireto fanontaniana manaraka ireto miaraka amina namana iray na miaraka amin’ny iray kilasy.

Inona no nianaranao momba ny anjara asa fototra tanan’i Jesoa Kristy ao amin’ny drafitry ny famonjen’ny Ray any An-danitra?
Inona avy no fahamarinana na fampianarana azonao zaraina amin’i Jonathan ka afaka manampy amin’ny famaliana ny fanontaniany?

Eritrereto ny zavatra nianaranao

Hevero ny hamarana ny lesona amin’ny fanasana ny mpianatra hisaintsaina mangina ny zavatra tsapan’izy ireo momba ny Ray any An-danitra sy i Jesoa Kristy ary ny drafitry ny famonjena. Asao izy ireo handinika izay zavatra tsapan’izy ireo avy amin’ny fitaomam-panahy fa mila ataony. Azony atao ny mirakitra an-tsoratra ny heviny sy ny fahatsapana ara-panahy ao amin’ny diary fandalinany.

Loharanom-pitaovana fanampiny

Ahoana no nanehoako ny finoako an’i Jesoa Kristy talohan’ny nahaterahako?

Nampianatra ny Filoha Dallin H. Oaks ao amin’ny Fiadidiana Voalohany hoe:

16:4

Nandritra ny Filankevitra tany An-danitra dia nampahafantarina an’ireo fanahy rehetra zanak’ Andriamanitra ilay drafitry ny Ray, tafiditra ao anatin’izany ireo vokany sy ireo fitsapana entiny ety an-tany, ireo fanampiana avy any an-danitra ho azo avy amin’izany ary ilay anjara feno voninahitra hoentin’izany. Hitantsika tany am-piandohana ny fiafarany. Ireo olombelona rehetra maro sesehena izay efa teraka teto amin’ity tany ity dia nisafidy ny drafitry ny Ray ary niady ho an’izany nandritra ilay ady tany an-danitra taorian’izany. Maro koa no nanao fanekempihavanana tamin’ny Ray mikasika izay hataony mandritra ny fiainana an-tany. (“Ilay drafitra lehibe,” Liahona, mey 2020, 93)

Toy ny ahoana ny tontolon’ny fanahy?

Nanazava toy izao ny Filoha Dallin H. Oaks:

14:48

Marina fa fantatsika avy amin’ny soratra masina fa manohy miaina amin’ny maha-fanahy antsika isika any amin’ny tontolon’ny fanahy aorian’ny hahafatesan’ny vatantsika. Mampianatra koa ny soratra masina fa io tontolon’ny fanahy io dia mizara roa eo amin’ireo izay “marina” nandritra ny fiainana sy ireo izay ratsy fanahy. Ny soratra masina koa dia mitantara ny fomba nampianaran’ireo fanahy mahatoky ny filazantsara tamin’ireo izay ratsy fanahy na mpikomy (jereo ny 1 Petera 3:19; Fotopampianarana sy Fanekempihavanana 138:19–20, 29, 32, 37). Fa ny manan-danja indrindra dia manambara ny fanambarana maoderina fa mitohy any amin’ny tontolon’ny fanahy ny asa famonjena (jereo ny Fotopampianarana sy Fanekempihavanana 138:30–34, 58), ary na dia entanina aza isika mba tsy hanemotra ny fibebahantsika mandritra ny fiainana an-tany (jereo ny Almà 13:27), dia ampianarina isika fa mbola misy fibebahana azo atao any (jereo ny Fotopampianarana sy Fanekempihavanana 138:58). (“Matokia ny Tompo,” Liahona,, nôv. 2019, 26)

Mety ho azo heverina ve ny handraisako ireo fitahian’ny fisandratana?

Nijoro ho vavolombelona ny Loholona J. Devn Cornish ao amin’ny Fitopololahy hoe:

Mijoro ho vavolombelona aminareo aho fa raha miezaka marina ianareo sy tsy manamarin-tena na mikomy—mibebaka sy mangataka ny fahasoavan’i Kristy na ny fanampiany—dia tena hanana “fahatsarana ampy” ianareo, izany hoe, azo ekena eo anatrehan’ny Tompo. Ho tonga any amin’ny fanjakana selestialy ianareo satria lavorary ao amin’i Kristy. Ary hahazo ireo fitahiana sy voninahitra ary fifaliana izay irin’ Andriamanitra ho an’ny zanany sarobidy tsirairay ianareo—tafiditra manokana ao anatin’izany izaho sy ianao. (“Manana fahatsarana ampy ve aho? Ho tonga any ve aho?,” Liahona, nôv. 2016, 32)

Aiza no ahafahako mianatra bebe kokoa momba ny drafitry ny famonjena?

Mba hianarana bebe kokoa momba ny drafitry ny famonjena, dia halalino ny “Toko 3: Lesona 2, Ny drafitry ny famonjen’ny Ray any An-danitra” ao amin’ny Torio ny Filazantsarako: Torolalana ho an’ny fizarana ny filazantsaran’i Jesoa Kristy (2023).

Sahanasa fianarana fanampiny

Safidy hafa hanombohana ny lesona

Mba hanampiana ny mpianatra hahita ny fomba anomezan’ny drafitry ny famonjen’ny Ray any An-danitra tari-dalana eo amin’ny fiainantsika, dia azonao atao ny mampiseho sarina lalana iray miaraka amina fanoroan-dalana banga manondro lalana samy hafa.

Asao ny mpianatra haka sary an-tsaina ny fanaovan’izy ireo dia ka tonga teo amina fanoroan-dalana banga iray manondro lalana samy hafa. Azon’ny mpianatra atao ny mifanakalo hevitra ny maha-sarotra an’io toe-javatra io sy ny hoe inona no fampahalalana mety hanamora ny dia. Afaka mametraka fanontaniana entina hifanakalozan-kevitra toy izao ianao:

Amin’ny fomba ahoana izany toe-javatra izany no fampitahana momba ny olona iray izay tsy mahafantatra ny drafitry ny fahasambarana an’ny Ray any An-danitra? Inona no fanontaniana mety hapetrak’io olona io?

Nanazava toy izao ny Loholona David A. Bednar ao amin’ny Kôlejin’ny Apôstôly Roambinifolo:

Ny drafitry ny fahasambarana an’ny Ray dia natao mba hanome torolalana ho an’ireo zanany, mba hanampiana azy ireo hahatsapa fifaliana maharitra, ary hitondrana azy ireo hiverina soa aman-tsara any Aminy miaraka amin’ny vatana nitsangana tamin’ny maty sy nasandratra. (“Hiambina amim-bavaka lalandava,” Liahona, nôv. 2019, 33–34)

Afaka manao fanazaran-tena ny mpianatra hanazava ny fomba hanomezan’ny drafitry ny famonjena an’ny Ray any An-danitra tari-dalana sy tanjona ho antsika eo amin’ny fiainantsika.

Ny anjara asan’i Jesoa Kristy ao amin’ny drafitry ny Ray any An-danitra

Mba hanampiana ny mpianatra hahatakatra ny anjara asan’ny Mpamonjy ao anatin’ny singa tsirairain’ny drafitry ny Ray, dia azonao atao ny manasa azy ireo handika ity tabilao manaraka ity ao amin’ny diary fandalinan’izy ireo. Azon’ny mpianatra atao ny mandalina ny soratra masina ao amin’ny fizarana tsirairay, ka hitady fahamarinana momba ny anjara asan’ny Mpamonjintsika ao anatin’ny singa tsirairain’ilay drafitra. Azonao atao ny manasa ny mpianatra hanoratra fehezan-teny enti-manambara fahamarinana eo ambanin’ny lohateny tsirairay ao amin’ilay tabilao.

Ny drafitry ny Ray any An-danitra sy ny anjara asan’i Jesoa Kristy
Ny drafitry ny Ray any An-danitra sy ny anjara asan’i Jesoa Kristy Ny anjara asan’i Kristy talohan’ny fiainana an-tany	Jaona 1:3; Mosesy 4:1–2; Abrahama 3:24-27
Ny drafitry ny Ray any An-danitra sy ny anjara asan’i Jesoa Kristy Ny anjara asan’i Kristy eo amin’ny fiainana an-tany	Isaia 53:3–5; Jaona 13:15; Almà 7:11–13
Ny drafitry ny Ray any An-danitra sy ny anjara asan’i Jesoa Kristy Ny anjara asan’i Kristy ao amin’ny tontolon’ny fanahy sy ny voninahitra mandrakizay	1 Korintiana 15:22; Môrmôna 3:20; Fotopampianarana sy Fanekempihavanana 138:57–58

Ny mpianatra dia mety hahita fahamarinana toy ny hoe i Jesoa Kristy no Mpahary. I Jesoa Kristy no ohatra tonga lafatra ho antsika. Nanao sorona fanavotana ho an’ny fahotantsika i Jesoa Kristy. Nandresy ny fahafatesana ho an’ny olombelona rehetra i Jesoa Kristy amin’ny alalan’ny fitsanganana amin’ny maty.

Asao ny mpianatra hifantina iray amin’ireo fahamarinana hitan’izy ireo ary hizara amin’ny namana iray na ny iray kilasy ny fomba ahafahan’izany fahamarinana izany manampy tanora iray eo anatrehan’ireo olana amin’ny fiainana.