Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Փրկության ծրագիրը. Փրկիչն առանցքային դեր ունի Հոր ծրագրում

«Փրկության ծրագիրը. Փրկիչն առանցքային դեր ունի Հոր ծրագրում» Հին Կտակարան․ Սեմինարիայի ուսուցչի ձեռնարկ (2026)

«Փրկության ծրագիրը. Փրկիչն առանցքային դեր ունի Հոր ծրագրում» Հին Կտակարան․ Սեմինարիայի ուսուցչի ձեռնարկ

Բարի գալուստ Հին Կտակարան․ Դաս 2

Փրկության ծրագիրը

Փրկիչն առանցքային դեր ունի Հոր ծրագրում

Hand of Christus statue, against creation mural at the Mesa Arizona Temple Visitors' Center. (horiz)

Մեր նախաերկրային կյանքում մենք «ուրախությունից ցնծացինք» (Հոբ 38․7) երբ իմացանք մեր հավերժական առաջընթացի համար Երկնային Հոր ծրագրի մասին։ Եհովան ընտրվեց լինել մեր Փրկիչը և Քավիչը՝ մեզ հնարավորություն տալով վերադառնալ Հոր մոտ և դառնալ այնպիսին, ինչպիսին Նա է: Այս դասը կօգնի ուսանողներին հասկանալ Երկնային Հոր փրկության ծրագիրը և Հիսուս Քրիստոսի առանցքային դերը:

Ուսանողի նախապատրաստում․ առաջարկեք ուսանողներին խորհել, թե ինչ գիտեն Երկնային Հոր փրկության ծրագրի և մեր հավերժական առաջընթացի մեջ Փրկչի առանցքային դերի մասին: Ուսանողները կարող են գրի առնել փրկության ծրագրի տարրերը, որոնց ծանոթ են, և փորձեն բացատրել դրանք ընտանիքի որևէ անդամի կամ ընկերոջ:

Հնարավոր ուսումնական վարժություններ

Պատասխանել կյանքի հարցերին

Դասը սկսելու համար կարող եք ցուցադրել և կիսվել հետևյալով:

Ձեր ընկեր Ջոնաթանը մոտենում է ձեզ և հարցնում.

Որտեղի՞ց ենք մենք գալիս:
Ո՞րն է կյանքի նպատակը:
Ի՞նչ է պատահում, երբ մենք մահանում ենք:

Հրավիրեք ուսանողներին խորհել այն մասին, ինչ իրենք արդեն գիտեն Երկնային Հոր երջանկության ծրագրի մասին: Ուսումնասիրության օրագրի հետևյալ վարժությունը դա անելու եղանակներից մեկն է: Ուսանողներին ասեք, որ իրենք հնարավորություն կունենան պատասխանել Ջոնաթանի հարցերին ավելի՝ ուշ դասի ընթացքում:

Ձեր ուսումնասիրության օրագրում պատասխանեք ստորև բերված հարցերին, որոնք կօգնեն ձեզ խորհել այն մասին, ինչ արդեն գիտեք Երկնային Հոր փրկության ծրագրի մասին:

Որքանո՞վ եք վստահ, որ կարող եք պատասխանել Ջոնաթանի հարցերին:
Ի՞նչ հարցեր ունեք Երկնային Հոր փրկության ծրագրի մասին։

Այսօրվա ուսումնասիրության ընթացքում փնտրեք Սուրբ Հոգու առաջնորդությունը, որը կօգնի մեծացնել ձեր հասկացողությունը Երկնային Հոր ծրագրի և Փրկչի առանցքային դերի մասին:

Հիսուս Քրիստոսի դերն առանցքային է Երկնային Հոր երջանկության ծրագրում

Առաջին Նախագահությունից նախագահ Դալլին Հ. Օուքսը բացատրել է Փրկչի դերը Երկնային Հոր փրկության ծրագրում.

Հիսուս Քրիստոսն ի՞նչ է արել մեզանից յուրաքանչյուրի համար։ Նա արել է այն ամենը, ինչն առանցքային է մեր երկրային ճամփորդության համար դեպի այն ճակատագիրը, որը նախանշված է մեր Երկնային Հոր ծրագրում։ … Կենտրոնում կանգնած է Նրա Միածին Որդին՝ Հիսուս Քրիստոսը։ («Մեր Փրկիչն ի՞նչ է արել մեզ համար», Լիահոնա, մայիս 2021, 75)

Ինչպե՞ս կամփոփեիք նախագահ Օուքսի ուսմունքը՝ որպես ճշմարտության դրույթ:

Օգնեք ուսանողներին նշել մի ճշմարտություն, օրինակ՝ Հիսուս Քրիստոսն առանցքային դեր ունի Երկնային Հոր փրկության ծրագրում և մեր հավերժական առաջընթացում։ Օգտակար կլինի այդ ճշմարտությունը գրել գրատախտակին։

Երկնային Հոր ծրագիրը և Փրկչի առանցքային դերը

Երկնային Հոր փրկության ծրագիրն ուսումնասիրելիս փնտրեք հետևյալը.

Ինչպե՞ս է Հիսուս Քրիստոսն առանցքային դեր խաղում Երկնային Հոր փրկության ծրագրում:
Ճշմարտություններ, որոնցով դուք կարող եք կիսվել Ջոնաթանի հետ, և որոնք կօգնեն պատասխանել նրա հարցերին:

Ձեր գաղափարները գրանցեք ձեր օրագրում:

Երբ ուսանողներն ավարտեն ուսումնասիրությունը, հնարավորություն տվեք նրանց կիսվելու իրենց ձեռք բերած գաղափարներով և հասկացողությամբ: Ուսանողները կարող են կիսվել իրենց սովորածով՝ դերախաղի միջոցով ներկայացնելով, թե ինչպես կպատասխանեն Ջոնաթանի երեք հարցերից յուրաքանչյուրին: Կարող եք նաև առաջարկել նրանց քննարկել հետևյալ հարցերը դասընկերոջ հետ կամ ամբողջ դասարանով։

Ի՞նչ սովորեցիք Հիսուս Քրիստոսի առանցքային դերի մասին Երկնային Հոր փրկության ծրագրում:
Ի՞նչ ճշմարտություններով կամ ուսմունքներով կարող եք կիսվել Ջոնաթանի հետ, որոնք կարող են օգնել պատասխանել նրա հարցերին:

Խորհեք ձեր սովորածի շուրջ

Կարող եք ավարտել դասը՝ առաջարկելով ուսանողներին հանգիստ մտածել այն մասին, թե ինչ զգացին Երկնային Հոր, Հիսուս Քրիստոսի և փրկության ծրագրի վերաբերյալ: Առաջարկեք նրանց նշել ցանկացած գործողություն, որն անելու հուշում են զգացել իրենք։ Նրանք կարող են իրենց օրագրերում գրանցել իրենց մտքերն ու հոգևոր տպավորությունները։

Լրացուցիչ նյութեր

Ինչպե՞ս եմ ես ցույց տվել իմ հավատքն առ Հիսուս Քրիստոս՝ նախքան իմ ծնվելը:

Առաջին Նախագահությունից նախագահ Դալլին Հ. Օուքսն ուսուցանել է.

16:4

Երկնային խորհրդում Աստծո բոլոր հոգևոր զավակները ծանոթացել են Հոր ծրագրին՝ մահկանացու լինելու հետևանքներին ու փորձություններին, երկնային օգնությանը և փառահեղ ճակատագրին: Մենք տեսնում էինք վերջն ի սկզբանե: Այս երկրի վրա մահկանացու ծնունդ ստացած մարդիկ ընտրել են Հոր ծրագիրը և պաշտպանել այն խորհրդին հաջորդած պայքարում: Շատերը նաև ուխտ են կապել Հոր հետ, թե ինչ են անելու մահկանացու կյանքում։ («Մեծ ծրագիրը», Լիահոնա, մայիս 2020, 93)

Ինչպիսի՞ն է հոգիների աշխարհը։

Նախագահ Դալլին Հ. Օուքսը բացատրել է․

14:48

Իհարկե, սուրբ գրություններից սովորում ենք, որ մեր մարմնական մահից հետո, մենք՝ որպես հոգիներ, շարունակում ենք ապրել հոգիների աշխարհում: Սուրբ գրությունները նաև սովորեցնում են, որ հոգիների աշխարհը բաժանված է այս կյանքում արդար ապրած կամ արդարակյաց և ամբարիշտ մարդկանց միջև: Նրանք նաև նկարագրում են, թե ինչպես են հավատարիմ հոգիներից ոմանք ավետարանն ուսուցանում նրանց, ովքեր ամբարիշտ կամ ըմբոստ կյանքով են ապրել (տես Ա Պետրոս 3․19, Վարդապետություն և Ուխտեր 138․19–20, 29, 32, 37)։ Ինչն ամենակարևորն է, ժամանակակից հայտնությունը բացահայտում է, որ փրկության աշխատանքը շարունակվում է հոգիների աշխարհում (տես Վարդապետություն և Ուխտեր 138․30–34, 58), և չնայած որ մեզ հորդորում են չհետաձգել մեր ապաշխարությունը մահկանացու կյանքում (տես Ալմա 13․27), մենք սովորում ենք, որ այնտեղ ևս ապաշխարության հնարավորություն կա (տես Վարդապետություն և Ուխտեր 138․58)։ («Տիրոջն ապավինիր», Լիահոնա, նոյեմբեր 2019, 26)

Հնարավո՞ր է, որ ես ստանամ վեհացման օրհնությունները:

Յոթանասունից երեց Ջ. Դեվն Քորնիշը վկայել է․

Ես վկայում եմ ձեզ, որ եթե դուք իսկապես ջանք թափեք և ոչ թե ձեզ արդարացնեք կամ ապստամբեք, այլ հաճախ ապաշխարեք և աղերսեք Քրիստոսի շնորհը կամ օգնությունը, դուք միանշանակ «բավականաչափ լավը», այսինքն՝ Տիրոջ առջև ընդունելի կլինեք. դուք կհասնեք սելեստիալ արքայություն՝ կատարյալ լինելով Քրիստոսով, և դուք կստանաք օրհնությունները և փառքը և ուրախությունը, որ Աստված ցանկանում է Իր թանկագին զավակներից յուրաքանչյուրի, հատկապես ձեզ և ինձ համար: («Արդյո՞ք ես բավականաչափ լավն եմ։ Արդյոք ես կհասնե՞մ սելեստիալ արքայություն», Լիահոնա, նոյեմբեր 2016, 32)

Որտեղի՞ց կարող եմ ավելին սովորել փրկության ծրագրի մասին:

Փրկության ծրագրի մասին ավելին իմանալու համար կարող եք ուսումնասիրել «Գլուխ 3. Դաս 2. Երկնային Հոր Փրկության ծրագիրը» հետևյալ ձեռնարկից՝ Քարոզիր Իմ ավետարանը. Հիսուս Քրիստոսի ավետարանով կիսվելու ուղեցույց (2023)։

Օժանդակ ուսումնական վարժություններ

Դասը սկսելու այլընտրանքային տարբերակ

Որպեսզի օգնեք ուսանողներին տեսնել, թե ինչպես է Երկնային Հոր փրկության ծրագիրն ուղղություն տալիս մեր կյանքին, կարող եք ցուցադրել արահետի կամ ճանապարհի պատկեր՝ դատարկ ցուցանակով, որը ցույց է տալիս տարբեր ուղղություններ:

Առաջարկեք ուսանողներին պատկերացնել, որ իրենք ճամփորդում են և հայտնվել են տարբեր ուղղություններ ցույց տվող դատարկ ցուցանակի առաջ: Ուսանողները կարող են քննարկել, թե ինչը կարող է դժվարացնել այս իրավիճակը և ո՞ր տեղեկությունները կհեշտացնեն ճամփորդությունը: Քննարկման համար կարող եք տալ նմանատիպ հարց․

Ինչպե՞ս կարող է այս իրավիճակը նման լինել մի մարդու իրավիճակի, որը չգիտի Երկնային Հոր երջանկության ծրագիրը: Ի՞նչ հարցեր կարող է տալ այդ մարդը:

Տասներկու Առաքյալների Քվորումից Երեց Դեյվիդ Ա. Բեդնարը բացատրել է.

Հոր երջանկության ծրագիրը կոչված է ուղղություն տալ Իր զավակներին, օգնել նրանց զգալ հարատև ուրախություն և հարություն առած, վեհացված մարմիններով նրանց ապահով տուն բերել՝ Իր մոտ: («Շարունակ արթուն եղեք աղոթքում», Լիահոնա, նոյեմբեր 2019, 33–34)

Ուսանողները կարող են փորձել բացատրել, թե ինչպես է Երկնային Հոր փրկության ծրագիրն ուղղություն և նպատակ տալիս մեր կյանքին:

Հիսուս Քրիստոսի դերը Երկնային Հոր ծրագրում

Որպեսզի օգնեք ուսանողներին հասկանալ Փրկչի դերը Հոր ծրագրի յուրաքանչյուր մասում, կարող եք առաջարկել նրանց արտագրել հետևյալ աղյուսակն իրենց ուսումնասիրության օրագրում: Ուսանողները կարող են ուսումնասիրել յուրաքանչյուր բաժնի սուրբ գրությունները՝ փնտրելով ճշմարտություններ մեր Փրկչի դերի մասին ծրագրի յուրաքանչյուր մասում։ Կարող եք առաջարկել ուսանողներին գրել մի ճշմարտության հայտարարություն աղյուսակի յուրաքանչյուր վերնագրի տակ:

Երկնային Հոր ծրագիրը և Հիսուս Քրիստոսի դերը
Երկնային Հոր ծրագիրը և Հիսուս Քրիստոսի դերը Քրիստոսի նախաերկրային դերը	Հովհաննես 1․3, Մովսես 4․1–2, Աբրահամ 3.24–27
Երկնային Հոր ծրագիրը և Հիսուս Քրիստոսի դերը Քրիստոսի դերը մահկանացու կյանքում	Եսայիա 53.3–5, Հովհաննես 13.15, Ալմա 7.11–13
Երկնային Հոր ծրագիրը և Հիսուս Քրիստոսի դերը Քրիստոսի դերը հոգիների աշխարհում և հավերժական փառքում	Ա Կորնթացիս 15.22, Մորմոն 3․20, Վարդապետություն և Ուխտեր 138․57–58

Ուսանողները կարող են նշել նմանատիպ ճշմարտություններ․ Հիսուս Քրիստոսն Արարիչն է։ Հիսուս Քրիստոսը կատարյալ օրինակ է մեզ համար։ Հիսուս Քրիստոսը քավեց մեր մեղքերը։ Հիսուս Քրիստոսը հարության միջոցով հաղթեց մահին ողջ մարդկության համար:

Առաջարկեք ուսանողներին ընտրել իրենց բացահայտած ճշմարտություններից մեկը և կիսվել դասընկերոջ կամ դասարանի հետ, թե այդ ճշմարտությունն ինչպես կարող է օգնել երիտասարդ մարդուն դիմակայել կյանքի դժվարություններին։

Փրկության ծրագրի վերաբերյալ տեսանյութերի տարբերակներ

Ամփոփելու համար կարող եք առաջարկել ուսանողներին նկարել կամ գրել այն տարրերը, որոնք իրենք հիշում են Երկնային Հոր փրկության ծրագրի վերաբերյալ: Այնուհետև ուսանողները կարող են դիտել «What is the Purpose and Meaning of Life? Now You Know» (7:43) տեսանյութը։ Կարող եք առաջարկել ուսանողներին կիսվել, թե իրենց կարծիքով ինչ են բաց թողել՝ ծրագրի տարրերը գրելիս կամ նկարելիս:

7:43

Փրկության ծրագրի յուրաքանչյուր տարր ուսումնասիրելու համար կարող եք կիսվել հետևյալ տեսանյութերով:

Նախաերկրային կյանք․ որպեսզի ուսանողները հասկանան Երկնային Հոր ծրագիրը և պատկերավոր տեսնեն Փրկչի նախաերկրային դերն այդ ծրագրում, կարող եք ցուցադրել «Introduction: Our Heavenly Father’s Plan» տեսանյութի 0:00–2:16 հատվածը:

4:8

Մահկանացու կյանք․ որպեսզի ուսանողները հասկանան, որ Հիսուս Քրիստոսը կարող է օգնել մեզ մեր կյանքի ցանկացած հանգամանքներում, կարող եք ցուցադրել «Why We Need a Savior» տեսանյութը (2:15):

2:15

Հետմահկանացու կյանք․ որպեսզի ուսանողները հասկանան, թե ինչ է տեղի ունենում, երբ մենք մահանում ենք, և ինչպես է Փրկիչն օգնում մեզ հաղթել մահին, կարող եք ցուցադրել «Ի՞նչ է պատահում, երբ մենք մահանում ենք» տեսանյութը (1:40):

1:42