Pene 15
Te vahine i te apoo pape
Ua faaru‘e Iesu i Ierusalema no te haere i Galilea. Ua ratere Oia na Samaria e tae atu ra i te hoê apoo pape ra.
Ioane 4:3–6
Ua rohirohi Oia, e ua faafaaea ihora i piha‘iho i te apoo pape. Haere maira te hoê vahine samaria e taipu i te pape. Ani atu ra Iesu ia’na ia horo‘a mai i te tahi pape Na’na ra.
Ioane 4:6–7
No te mea ho‘i e, aita te Ati Iuda e paraparau i to Samaria, ua hitimahuta te vahine ra.
Ioane 4:9
Ua parau atu ra Iesu i te vahine ra e, e nehenehe Ta’na e horo‘a i te hoê pape eita roa oia e po‘ihâ faahou. Ua faaite atu Oia e, o Oia te Faaora. Te pape Ta’na e horo‘a na’na ra e « pape ora » ïa o te ora mure ore.
Ioane 4:28–30, 39–42
Haere atu ra te vahine ra i te oire e faaite i te mau taata e rave rahi no ni‘a ia Iesu. Haere ana‘e maira ratou i te apoo pape ra e faaroo ratou iho ia Iesu. E rave rahi o ratou tei ti‘aturi i Ta’na mau parau.
Ioane 4:28–30, 39–42