Seminare
Atamai i Aoaoga Faavae: Eperu 12:9

Atamai i Aoaoga Faavae: Eperu 12:9

O le Tama Faalelagi O “le Tamā o Agaga”

O se alii talavou o loo faitauina tusitusiga paia.

I lau suesuega o le Eperu 12:9, sa e aoao ai e uiga i lou sootaga ma le Atua, o lē “o le Tama o agaga,” ma pe mafai faapefea e lenei mea ona aafia ai lou olaga. O lenei lesona o le a fesoasoani ia te oe e tauloto ai mau faasino o le atamai i aoaoga faavae ma le fasifuaitau autu o le mau mo le Eperu 12:9, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga moni o le olaga.

Faamatala ma tauloto

I le lesona talu ai na e aoaoina ai o le Atua o le Tama o o tatou agaga. Vaai faalemafaufau faapea o loo e talanoa ma se uo o loo fesiligia po o ai i latou. Faaaoga le Eperu 12:9 e fesoasoani ai ia i latou. A o e taliina a latou fesili pe talanoaina o latou atugaluga, mafaufau e faaaofia ai mea nei:

  • O le a le uiga e faapea, o i tatou o fanau a le Atua ma pe aisea e taua ai le iloa o lenei mea

  • E faapefea e le malamalama po o le le malamalama i lenei upumoni ona mafai ona aafia ai lo tatou faasinomaga ma le taua faaletagata lava ia

  • O auala e taumafai ai le lalolagi e uunaia lo tatou malamalama e uiga po o ai i tatou faapea ma o tatou sootaga ma le Atua, ma pe aisea o le a tatou mananao ai e tetee atu i nei faatosinaga

I lau api faamaumau mo suesuega, tusi ai le mataitusi muamua o upu taitasi i le fuaitau o le mau Eperu 12:9 ma lana fasifuaitau autu o le mau, “O le Tama Faalelagi o ‘le Tama o agaga.’” Toe fai le fuaitau ma le fasifuaitau, e faaaoga ai na o mataitusi muamua o upu taitasi o ni faaiteite. Faitau pe fia le aofai o taimi e manaomia ona e fai ma toe fai seia e lagona ua e taulotoina.

Faataitai le faaaogaina

Ina ia fesoasoani ia te oe e toe faamanatu mataupu faavae e tolu o le mauaina o le malamalama faaleagaga, mafaufau i upu autu nei:

  • Faatuatua

  • Vaaiga Manino

  • Punaoa

Tusitusi i luga o se fasipepa i se peni po o se penitala. 1. Faamaea le mea lenei i totonu o lau api faamaumau mo suesuega:

Tali fesili nei. A manaomia, e mafai ona e toe faasino i parakalafa 5–12 o le vaega o le “Mauaina o le Malamalama Faaleagaga” i le Pepa Autu o le Atamai i Aoaoga Faavae (2022).

  • E faapefea ona fesootai nei upu taitasi i mataupu faavae e tolu o le mauaina o le malamalama faaleagaga?

  • Aisea e taua ai le malamalama ma faaaoga nei mataupu faavae?

Tusitusi i luga o se fasipepa i se peni po o se penitala. 2. Fatu se vaaiga e faataitai ai le faaaogaina o mataupu faavae o le mauaina o le malamalama faaleagaga e ala i le faamaeaina o le faaiteitega lenei i lau api faamaumau mo suesuega.

(Igoa) o se tagata talavou o lē (tulaga po o le faafitauli). O lenei mea ua ia lagona ai .____________________________________________________________. E faatatau i lona sootaga ma le Atua, ua manatu o ia .___________________________________________________________________________________________________________________________________________________________________________________________________________________________________________________________.

Mo se faataitaiga, e ono foliga faapea se vaaiga faataitai e tasi ua maea:

O Leslie o se tagata talavou e tulaga maoae i le tele o gaoioiga eseese ma o se taitai i lana tupulaga. O lenei mea na te lagona ai le fiafia. E tusa ai ma lana sootaga i le Atua, ua manatu o ia ua matua lelei lava lona olaga lea na te le o vaaia ai lava se manaomia ona soona taulai atu ai ia te Ia.

Tusitusi i luga o se fasipepa i se peni po o se penitala. 3. I le faaaogaina o le vaaiga na e fatuina, tali i lau api faamaumau mo suesuega ia le itiiti ifo ma le tasi o fesili mai vaega taitasi nei.

Iloilo mataupu ma fesili i se vaaiga e faavavau

  • O le a sou manatu e tusa ai ma le silasila a le Tama Faalelagi i lenei tagata? Aisea o le a taua ai mo lenei tagata le iloa pe faapefea ona silasila le Tama Faalelagi ia te ia?

  • E mafai faapefea e se malamalama sili atu i lo latou faasinomaga paia o se atalii/afafine o le Atua ona aafia ai le tagata i lenei tulaga?

Saili le malamalama atili e ala i punaoa mamana filifilia

  • O le a se mea ua e aoaoina mai lau suesuega o le Eperu 12:9 e mafai ona fesoasoani i lenei tulaga?

  • O a isi punaoa e mafai e le tagata i lau ata faataitai ona suesue e i latou lava ina ia maua ai se malamalamaaga faaopoopo?

Faatino i le faatuatua

  • O a ni aafiaga, a le patino pe i se isi tulaga, e oo mai i lou mafaufau pe a e mafaufau e uiga i le faatinoina i le faatuatua? E mafai faapefea ona e faaaogaina nei mea e fesoasoani ai i le tagata i lau ata faataitai?

  • O a ni fautuaga e mafai ona e tuuina atu i le tagata i lau ata faataitai e fesoasoani ai ia i latou e faatino i le faatuatua?