« ៣៧. ស្ដេក វួដ និងសាខាពិសេស » ជម្រើសចេញមកពីក្បួនខ្នាតទូទៅ ( ឆ្នាំ២០២៣ ) ។
« ៣៧. ស្ដេក វួដ និងសាខាពិសេស » ជម្រើសចេញមកពីក្បួនខ្នាតទូទៅ
៣៧.
ស្ដេក វួដ និងសាខាពិសេស
៣៧.០
សេចក្ដីផ្ដើម
ប្រធានស្តេកអាចស្នើសុំឲ្យបង្កើតស្តេក វួដ និងសាខាពិសេសដើម្បីបម្រើដល់សមាជិក ដូចដែលបានគូសបញ្ជាក់នៅក្នុងជំពូកនេះ ។
៣៧.១
វួដ និងសាខាដែលនិយាយភាសាបរទេស
ប្រធានស្តេកអាចស្នើបង្កើតវួដ ឬសាខាដែលនិយាយភាសាបរទេសសម្រាប់សមាជិកស្តេក (១) ដែលពុំចេះនិយាយភាសាកំណើតក្នុងមូលដ្ឋាន ឬ (២) ដែលប្រើភាសាគ ។
៣៧.៧
ក្រុមនៅក្នុងស្ដេក បេសកកម្ម និងតំបន់
ក្រុមគឺជាការប្រមូលផ្ដុំសមាជិកមួយក្រុមតូចដែលបានផ្ដល់សិទ្ធិអនុញ្ញាត ហើយមើលខុសត្រូវដោយប៊ីស្សព ប្រធានសាខា ឬប្រធានបេសកកម្ម ។ ប្រធានស្តេក ឬប្រធានបេសកកម្មអាចចេញអនុសាសន៍ឲ្យបង្កើតក្រុមមួយនៅក្នុងស្ថានភាពដូចតទៅនេះ ៖
-
ការធ្វើដំណើរសម្រាប់សមាជិកសក្ដានុពលរបស់ខ្លួន ដើម្បីជួបគ្នានៅវួដ ឬសាខាមានការលំបាក ។
-
សមាជិកមួយចំនួនតូចដែលនិយាយភាសាមួយខុសពីភាសារបស់សមាជិកនៅក្នុងវួដ ឬសាខានោះ ។
-
សមាជិកនៅក្នុងជួរកងទ័ពត្រូវបានបម្រើយ៉ាងល្អបំផុតដោយការស្ថិតនៅក្នុងក្រុម ។
ក្រុមមួយត្រូវតែមានសមាជិកយ៉ាងហោចណាស់ពីរនាក់ ។ សមាជិកម្នាក់ត្រូវតែជាសង្ឃដ៏ស័ក្ដិសមនៅក្នុងបព្វជិតភាពអើរ៉ុន ឬអ្នកកាន់បព្វជិតភាពម៉ិលគីស្សាដែកដ៏ស័ក្ដិសម ។
នៅក្នុងស្តេក ប្រធានស្តេកចាត់ប៊ីស្សព ឬប្រធានសាខាម្នាក់ឲ្យរៀបចំ ហើយគ្រប់គ្រងលើក្រុមនោះ ។ នៅក្នុងបេសកកម្ម ប្រធានបេសកកម្មចាត់ប្រធានសាខាឲ្យរៀបចំ ហើយគ្រប់គ្រងលើក្រុមនោះ ។
ប្រធានស្ដេក ប្រធានបេសកកម្ម ប៊ីស្សព ឬប្រធានសាខា ហៅអ្នកដឹកនាំក្រុមមួយរូប ហើយធ្វើពិធីញែកចេញដល់គាត់ ។ អ្នកដឹកនាំក្រុមរូបនោះរៀបចំ ហើយដឹកនាំការប្រជុំក្រុម ដែលរួមទាំងការគ្រប់គ្រងពិធីសាក្រាម៉ង់ផងដែរ ។
អ្នកដឹកនាំក្រុមមួយរូបពុំកាន់កូនសោទាំងឡាយនៃបព្វជិតភាពទេ ហើយគាត់ពុំត្រូវបានផ្ដល់សិទ្ធិអំណាចឲ្យ ៖
-
ទទួលដង្វាយមួយភាគក្នុងដប់ និងដង្វាយផ្សេងៗ ។
-
ប្រឹក្សាដល់សមាជិកអំពីអំពើបាបធ្ងន់ធ្ងរ ។
-
ផ្ដល់ការដាក់កំហិតផ្នែកសមាជិកភាពជាផ្លូវការ ឬក្រៅផ្លូវការ ។
-
បំពេញភារកិច្ចផ្សេងទៀតដែលតម្រូវឲ្យមានកូនសោទាំងឡាយនៃបព្វជិតភាព ។
ជាទូទៅ ក្រុមទាំងឡាយប្រើប្រាស់កម្មវិធីអង្គភាពមូលដ្ឋាន ។
កំណត់ត្រាសមាជិកភាពរបស់សមាជិកក្រុម ត្រូវបានរក្សាទុកនៅក្នុងសាខា ឬវួដដែលគ្រប់គ្រងក្រុមនោះ ។
ទីស្នាក់ការកណ្ដាលរបស់សាសនាចក្រពុំដាក់លេខអង្គភាពមួយឲ្យទៅក្រុមទេ ។