Chan ru naq xtzolb’al li Ingles tatxtenq’a?

“Wi ink’a’ nakanaw li Ingles, us naq taatzol naq wankat sa’ li mision. Xb’aanunkil a’an tatrosob’tesi sa’ laa mision ut chiru laa yu’am” (Predicad Mi Evangelio, 140). Rik’in xtzolb’al li Ingles sa’ laa mision, laa’at ut laa wochb’een naru nekekawresi ut neketenq’a eerib’ cherib’il eerib’. “Tenq’aheb’ laa wochb’een chi elk chi uub’ej ut chi kawuuk sa’ xch’ooleb’ sa’ xtzolb’al li aatinob’aal re li mision malaj xtzolb’al li Ingles. Chi kok’ aj xsa’ ut chi anchal aach’ool, chawaklesiheb’ laa wochb’een ut laa wech misioneeril rik’in laa waatin” (Predicad Mi Evangelio, 142). Naq tatsutq’iiq sa’ laa wochoch, naru nakawoksi li Ingles xatzol re k’anjelak chiruheb’ laa was aawiitz’in. “Maakanab’ roksinkil li aatinob’aal xatzol sa’ li mision chirix naq xatsuq’i sa’ laa wochoch. Naab’al xk’ehom li Qaawa’ aawe, ut a’an maare taaroksi laa seeb’al sa’ jalan chik li aatinob’aal moqon sa’ laa yu’am” (Predicad Mi Evangelio, 140).

Chixjunileb’ li saaj misioneer li yookeb’ chi raqe’k sa’ lix mision (jo’eb’ ajwi’ li neke’sutq’i rub’elaj xkutankil xsutq’ijikeb’ ut eb’ li misioneer aj tenq’anel) ak k’ulub’anb’ileb’ re ok sa’ BYU–Pathway Worldwide ut xk’ulb’al jun descuento de matricula. Naq jun misioneer naxtz’aqob’resi ru li curso re EnglishConnect 3 sa’ internet malaj chaab’il na’el sa’ li tz’ilok-ix chirix li Ingles, a’an ink’a’ chik tento tixb’aanu li tz’ilok-ix chirix li Ingles re ok sa’ BYU–Pathway Worldwide. BYU–Pathway Worldwide a’an jun k’anjeleb’aal li nak’ehok certificado ut titulo sa’ internet.

Xtzolb’al li Ingles naru tatxtenq’a chixtawb’al laa trab’aaj. Maare taataw a’an b’ar wi’ wankat malaj sa’ internet. Sa’eb’ li tenamit b’ar wi’ li xb’eenil aatinob’aal maawa’ li Ingles, eb’ li neke’xnaw Ingles neke’ru chik chixtawb’al li trab’aaj ut chixk’ulb’al xtojb’aleb’ li 30–50 porciento chik xk’ihal chiru xtojb’aleb’ li ani ink’a’ neke’xnaw Ingles.

Okan sa’ missionary.englishconnect.org re xtzolb’al xkomon chik li na’leb’.