“K’a’ru ninb’aanu sa’ xhoonal li tzolok aatinob’aal wulaj wulaj?,” Hu re tzolok sa’ EnglishConnect choq’ reheb’ li misioneer

“Li tzolok aatinob’aal wulaj wulaj,” Hu re tzolok sa’ ECM

K’a’ru ninb’aanu sa’ xhoonal li tzolok aatinob’aal wulaj wulaj?

Xtaaqenkil li na’leb’ sa’ Predicad Mi Evangelio

Predicad Mi Evangelio naxk’ut chawu chan ru taakawresi aawib’ sa’ musiq’ej ut taachaab’ilob’resi laa tzolb’al. Tatxtenq’a ajwi’ chixnawb’al chan ru taasik’ li maatan re li jalanil aatinob’aal ut taawoksi li na’leb’ chirix li tzolok aatinob’aal. Chi kok’ aj xsa’, tz’ileb’ rix li na’leb’ k’utb’ileb’ sa’ Predicad Mi Evangelio, ch’ol 7 ut taaqeheb’ a’an naq yooqat chixtzolb’al li aatinob’aal.

Xk’uub’ankil jun na’leb’ re tzolok aatinob’aal

“Jun k’uub’anb’il na’leb’ re tzolok aatinob’aal naxtenq’a jun misioneer chixjayalinkil rib’ rik’in li naru chixb’aanunkil wulaj wulaj re xchaab’ilob’resinkil lix seeb’al” (Predicad Mi Evangelio, 141). Naru nakawoksi li na’leb’ re xxaqanb’ankileb’ li meta li k’utb’il sa’ Predicad Mi Evangelio, ch’ol 8, re aatenq’ankil chixtzolb’al li Ingles.

Xaqab’eb’ li meta rajlal xamaan chirix xtzolb’al li Ingles.
Tz’iiba’ b’ar wankeb’ li tzolok, li hu, ut li k’anjeleb’aal re tzolok li taawoksi, jo’q’e taawoksi, ut chan ru naq taab’aanu a’an rik’in laa wochb’een.
K’anjela li nakak’uub’.
Tz’il rix li xab’aanu. Tz’il rix laa k’uub’anb’il na’leb’ re tzolok chi kok’ aj xsa’ re xk’eeb’al reetal ma yoo chi k’anjelak.

Oksiheb’ li na’leb’ sa’ Predicad Mi Evangelio, ch’ol 7, re roksinkil li aatinob’aal wulaj wulaj ut xsik’b’al li maatan re li jalanil aatinobʼaal. Naru nakawileb’ li na’leb’ a’in li truuq tate’xtenq’a sa’ li tasal wankat wi’:

Tz’il rix li xab’aanu

Naq ak xab’aanu jun reheb’ li kok’ k’anjel sa’ junaq tzolok, oksi li tz’ilok-ix wan sa’ li tzolok re xk’eeb’al reetal b’ar wankat. Naq ak xab’aanu chixjunileb’ li kok’ k’anjel sa’ junaq grado, b’aanu li tz’ilok-ix choq’ re li grado a’an. Naq kaw tz’aqal aach’ool, naru nakatxik sa’ li junaq chik grado. Eb’ li tz’ilok-ix ut eb’ li kok’ k’anjel naru neke’tawman sa’ missionary.englishconnect.org. Chi jo’q’ehaq, k’e reetal chan ru naru nakawoski li na’leb’ sa’ Predicad Mi Evangelio, ch’ol 7, re xchaab’ilob’resinkil laa tzolb’al.

Chan ru tink’e reetal lin k’iijik?

Chirix xnumik kaahib’ po, taak’ul jun correo electronico li tatxb’oq chixtz’ilb’al rix laa seeb’al rik’in li Ingles. Chirix xb’aanunkil li tz’ilok-ix, taak’ul jun hu li tixk’ut chawu b’ar wankat. Li hu a’an tatxtenq’a chixk’eeb’al reetal laa k’iijik ut chan ru naq toj tatchaab’ilo’q. Chiru li cambio sa’ xraqik laa mision, taab’aanu jun chik tz’ilok-ix ut taak’ul laa certificado. Naru taawileb’ li tz’ilok-ix ak aab’aanuhom sa’ li perel chirix xtzolb’al li aatinob’aal sa’ li Portal Misional re xk’eeb’al reetal b’ar wankat.