“Li taak’ulmanq sa’ EnglishConnect choq’ reheb’ li misioneer,” Hu re tzolok sa’ EnglishConnect choq’ reheb’ li misioneer

“Li taak’ulmanq,” Hu re tzolok sa’ ECM

Li taak’ulmanq sa’ EnglishConnect choq’ reheb’ li misioneer

EnglishConnect naru nakatxtenq’a chixtzolb’al li Ingles “rik’in li tzolok ut rik’in ajwi’ li paab’aal” (Tzol’leb’ ut Sumwank 88:118).

Chan ru xtikib’ankil

xjalam-uuch jun misioneer ixq rik’in lix celular

Sa’ li CCM: Tatwulaq sa’ jun ch’utam ut taak’uleb’ li hu EnglishConnect 1 ut 2. Wi maji’ nakak’uleb’ laa hu, aatinan rik’in laa jolominel re mision.
Li 12 xamaan sa’ xtiklajik li mision: Taatz’aqob’resi ru “Steps for Success” sa’ missionary.englishconnect.org/missionary.

Li tzolok aatinob’aal

xjalam-uucheb’ li misioneer ixq yookeb’ chi aatinak

Oksi laa hoonal re tzolok aatinob’aal re xtzolb’al li Ingles aajunes ut rik’in laa wochb’een. Naru nakawoksi EnglishConnect rik’in laa wochb’een, maak’a’ naxye ma naxnaw li Ingles malaj ink’a’.

Oksiheb’ li hu ut li k’anjeleb’aal re xb’aanunkileb’ li kok’ k’anjel aajunes ut rik’in laa wochb’een. Chi’ilmanq “K’a’ru ninb’aanu sa’ xhoonal li tzolok aatinob’aal wulaj wulaj?”
Yal roksinkil li Ingles chiru li kutan jo’ ajwi’ sa’ laa apartamento.

Xk’eeb’al reetal laa k’iijik

xjalam-uuch jun misioneer li na’aatinak chiru jun ulul ch’iich’

B’aanuheb’ li tz’ilok-ix chirix li tzolok aatinob’aal li wankeb’ sa’ li calendario.
Oksiheb’ li tz’ilok-ix a’an re xk’eeb’al reetal laa k’iijik ut chan ru naru nakatchaab’ilo’.

Li certificado

xjalam-uuch jun misioneer li naxchap lix certificado re EnglishConnect

Chiru li jun cambio sa’ xraqik li mision: B’aanu xraqik li tz’ilok-ix, k’ul li certificado re laa grado sa’ Ingles, ut, wi nakawaj, tz’iib’a aawib’ sa’ BYU–Pathway Worldwide.
Naq tatsutq’iiq sa’ laa wochoch: Oksi li certificado sa’ laa curriculum ut naq yooqat chixsik’b’al laa trab’aaj.