“Sahil k’ulunik choq’ aawe sa’ EnglishConnect choq’ reheb’ li misioneer,” Hu re tzolok sa’ EnglishConnect choq’ reheb’ li misioneer
“Sahil k’ulunik choq’ aawe,” Hu re tzolok sa’ ECM
Sahil k’ulunik choq’ aawe sa’ EnglishConnect choq’ reheb’ li misioneer
“Wi ink’a’ nakanaw li Ingles, us naq taatzol naq wankat sa’ li mision. Xb’aanunkil a’an tatrosob’tesi sa’ laa mision ut chiru laa yu’am. Xtzolb’al li Ingles taarosob’tesi ajwi’ laa junkab’al” (Predicad Mi Evangelio, 140).
K’a’ru rajb’al
Wan li hu EnglishConnect choq’ reheb’ li misioneer re aatenq’ankil chixtzolb’al li Ingles “rik’in li tzolok ut rik’in ajwi’ li paab’aal” (Tzol’leb’ ut Sumwank 88:118). EnglishConnect naru tatxtenq’a:
-
Chixnimob’resinkil laa paab’aal chirix li Jesukristo ut li qaChoxahil Yuwa’.
-
Chiroksinkil li musiq’ejil na’leb’ chirix xtzolb’al jun aatinob’aal.
-
Chixnimob’resinkil laa seebʼal chiroksinkil li Ingles.
Li Ingles naru nakatrosob’tesi jo’ misioneer, ut chirix laa mision naru nakatxtenq’a chi k’anjelak chiruheb’ laa was aawiitz’in, chixtawb’al laa trab’aaj, ut chi tzolok—sa’ ajwi’ BYU–Pathway Worldwide.
Chi’ilmanq “Chan ru naq xtzolb’al li Ingles tatxtenq’a” re xtzolb’al xkomon chik aana’leb’.
Eb’ li tasal sa’ EnglishConnect
Sa’ EnglishConnect choq’ reheb’ li misioneer wankeb’ junqaqeb’ li tasal re aatenq’ankil chi chaab’ilo’k: EnglishConnect choq’ reheb’ li toj ak’, EnglishConnect 1, EnglishConnect 2, ut EnglishConnect 3. Sa’ li junjunq chi tasal wankeb’ li k’anjeleb’aal re tzolok aajunes ut rik’in laa wochb’een. Wi maji’ nakak’uleb’ laa k’anjeleb’aal, aatinan rik’in laa jolominel re mision.
Li tzolok aatinob’aal wulaj wulaj
Eb’ li misioneer neke’tzolok aatinob’aal chiru 30–60 k’asal wulaj wulaj (chi’ilmanq Normas misionales para los discípulos de Jesucristo, 2.4.2). Jo’kan ajwi’, naru nakawoksi li aatinob’aal re laa mision malaj li Ingles rik’in laa wochb’een chiru li kutan.
Naru nakawoksi EnglishConnect choq’ reheb’ li misioneer sa’ xhoonalil li tzolok aatinob’aal re tat-osob’tesiiq sa’ laa mision ut chiru laa yu’am.
Chi’ilmanq “Li taak’ulmanq sa’ EnglishConnect choq’ reheb’ li misioneer”
Oksiheb’ li na’leb’ sa’ Predicad Mi Evangelio, ch’ol 7, re roksinkil li aatinob’aal wulaj wulaj ut xsik’b’al li maatan re li jalanil aatinobʼaal.
“Chiwanq aakuyum naq rik’in tijok yookat chixtzolb’al ut chiroksinkil li aatinob’aal. Chapaab’ naq li Musiq’ej tatxtenq’a naq yooqat chixyalb’al aaq’e. Chapaab’ naq truuq taak’ul li maatan re li jalanil aatinob’aal” (Predicad Mi Evangelio, 143).