“Ko e Hā ʻOku Ou Fakahoko Lolotonga ʻa e Ako Lea Fakafonuá?,” Tohi Fakahinohino Ako EnglishConnect maʻá e Kau Faifekaú

“Ako Fakaʻaho ʻo e Lea Fakafonuá,” Tohi Fakahinohino Ako ECM

Ko e Hā ʻOku Ou Fakahoko Lolotonga ʻa e Ako Lea Fakafonuá?

Muimui ʻi he Ngaahi Tefitoʻi Moʻoni ʻi he Malanga ʻAki ʻEku Ongoongoleleí

ʻOku akoʻi koe ʻe he Malanga ʻAki ʻEku Ongoongoleleí ki he founga ke ke teuteu fakalaumālie aí mo ʻai ke ʻuhingamālie hoʻo akó. ʻE tokoni atu foki ia ke ke ako ʻa e founga ke fekumi ai ki he meʻafoaki ʻo e leá ʻi he ngaahi lea kehekehé mo fakaʻaongaʻi ʻa e ngaahi tefitoʻi moʻoni ʻo e ako lea fakafonuá. Toutou vakaiʻi e ngaahi tefitoʻi moʻoni ʻoku akoʻi ʻi he Malanga ʻAki ʻEku Ongoongoleleí, vahe 7 mo fekumi ke muimui kiate kinautolu lolotonga hoʻo ako lea fakafonuá.

Faʻu ha Palani ki Hono Ako ʻo e Leá

“ʻOku tokoni ha palani ki hono ako ʻo e leá ki he kau faifekau foʻoú mo e kau faifekau taukeí fakatouʻosi ke nau nofotaha ki he meʻa te nau lava ʻo fakahoko ʻi he ʻaho takitaha ke fakaleleiʻi ʻenau [tuʻunga] malavá” (Malanga ʻAki ʻEku Ongoongoleleí, 159). Fakakaukau ke fakaʻaongaʻi e founga fokotuʻu taumuʻa ʻoku akoʻi ʻi he Malanga ʻAki ʻEku Ongoongoleleí, vahe 8, ke tokoni atu ʻi hoʻo ako lea faka-Pilitāniá.

Fokotuʻu ha ngaahi taumuʻa fakauike mo fakaʻaho ki hono ako ʻo e lea faka-Pilitāniá.
Hiki mo fakataimi-tēpileʻi pe ko e fē ʻa e ngaahi lēsoni, tohi lēsoni ako, tohi ngāue, mo e meʻangāue fakaʻinitaneti EnglishConnect te ke fakaʻaongaʻí, ko e taimi ke ngāue ʻaki ai kinautolú, mo e founga ʻokú ke palani ke fakakau atu ai ho hoá.
Ngāueʻi hoʻo palaní.
Toe vakaiʻi mo muimuiʻi Toutou vakaiʻi hoʻo palani akó ke fakafuofuaʻi pe ʻoku ngāue lelei.

Fakaʻaongaʻi e ngaahi tefitoʻi moʻoni ʻi he Malanga ʻAki ʻEku Ongoongoleleí, vahe 7, ke fakatupulaki hoʻo akó. Vakai ki he sīpinga palani ako ko ʻení ki ha tokoni lahi ange ʻo makatuʻunga ʻi hoʻo tuʻunga akó:

Vakaiʻi mo Muimuiʻi

Hili hoʻo fakakakato ʻa e ngaahi ʻekitivitī ʻi ha lēsoni, fakaʻaongaʻi ʻa e lēsoni vakaiʻi fakaekitá ke siviʻi hoʻo akó. Hili hoʻo fakakakato ʻa e ngaahi ʻekitivitī kotoa ʻi ha tuʻunga fakaako, toʻo ʻa e sivi fakakātoa ki he tuʻunga fakaako ko iá. Ko hoʻo ongoʻi pē kuó ke mateuteú, te ke lava ʻo hiki ki he tuʻunga fakaako hokó. ʻE lava ke maʻu ʻa e ngaahi ʻekitivitī vakaiʻi pē ʻiate koé mo e fakaʻinitanetí ʻi he missionary.englishconnect.org. Tuku maʻu pē haʻo taimi pau ke vakaiʻi ʻa e founga te ke lava ʻo fakaʻaongaʻi ai ʻa e ngaahi tefitoʻi moʻoni ʻi he Malanga ʻAki ʻEku Ongoongoleleí, vahe 7, ke fakatupulaki hoʻo akó.

ʻE Founga Fēfē Haʻaku Vakaiʻi ʻEku Fakalakalaká?

ʻI he māhina ʻe fā kotoa pē, te ke maʻu ha ʻīmeili ʻo fakaafeʻi koe ke toʻo ha kiʻi sivi ki hoʻo tuʻunga malava ʻo lea faka-Pilitāniá. Hili hoʻo fakakakato ʻa e siví, te ke maʻu ha lipooti fakalakalaka. ʻE tokoni atu ʻa e līpooti ko ʻení ke ke vakaiʻi hoʻo fakalakalaká mo ako ha ngaahi founga ke toe lelei ange ai. Lolotonga hoʻo fehikitaki fakaʻosí, te ke fai ha sivi fakaʻosi mo maʻu ha tohi fakamoʻoni ako. Te ke lava ʻo maʻu hoʻo ngaahi siví ʻi he peesi ako lea fakafonua Missionary Portal ke vakaiʻi hoʻo fakalakalaká.