“Te u Kamata Fēfē Nai?,” Tohi Fakahinohino Ako EnglishConnect maʻá e Kau Faifekaú
“Kamata Leva,” Tohi Fakahinohino Ako ECM
Te u Kamata Fēfē Nai?
Fakakakato ʻa e “Ngaahi Sitepu ki he Lavameʻá” ʻi he missionary.englishconnect.org/missionary. ʻE tokoni atu ʻa e ngaahi sitepú ni ke ke fokotuʻu haʻo ngaahi taumuʻa, fili hoʻo tuʻunga akó, mo ako ke fakaʻaongaʻi ʻa e ngaahi maʻuʻanga tokoni akó.
Fili Hoʻo Tuʻunga Akó
Lau fekauʻaki mo e ngaahi tuʻunga ʻo e EnglishConnect pea fili pe ko fē ʻoku totonu ke ke kamata aí.
-
EnglishConnect maʻá e Kau Toki Kamatá: ʻOku ou ʻilo ha lea faka-Pilitānia siʻisiʻi pē pe ʻikai ʻilo ha lea.
-
EnglishConnect 1: ʻOku ou maheni mo e mataʻitohi faka-Pilitāniá pea lava ʻo puʻaki ʻa e ngaahi lea tefitó pe ngaahi kupuʻi lea kuo ako maʻuloto.
-
EnglishConnect 2: ʻOku ou lava ʻo faʻu ha ngaahi sētesi tefito ka ʻoku ou faʻa faingataʻaʻia ʻi he taimi ʻe niʻihi ʻi hano fakahoko ʻo ha fepōtalanoaʻaki faingofua.
-
EnglishConnect 3: ʻOku ou lava ʻo talanoa fakanatula pea lava ʻo laukonga mo tohi ha ngaahi sētesi tefito.
Muimui ʻi he Palani Ako ki Ho Tuʻungá
Fakaʻaongaʻi ʻa e ngaahi tefitoʻi moʻoni ako lea fakafonua ʻi he Malanga ʻAki ʻEku Ongoongoleleí, vahe 7, ʻi hoʻo akoako fakaʻaho mo fekumi ki he meʻafoaki ʻo e lea ʻi he ngaahi lea kehekehé.
“Ko e konga ʻo e fekumi ki he meʻafoaki ʻo e lea ʻi he ngaahi lea kehekehé ko e ngāue mo e fakahoko ʻa e meʻa kotoa ʻokú ke lavá ke ako ʻa e lea fakafonuá. Faʻa kātaki ʻi hoʻo ako ʻi he faʻa lotu mo ako fakahoko ʻa e lea fakafonuá. Falala ʻe tokoniʻi koe ʻe he Laumālié ʻi hoʻo feinga faivelengá” (Malanga ʻAki ʻEku Ongoongoleleí, 162).