Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 131 – Doktrina e Besëlidhje 121–123: “Paqe i Qoftë Shpirtit Tënd”

“Mësimi 131– Doktrina e Besëlidhje 121–123: ‘Paqe i Qoftë Shpirtit Tënd’” Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 121–123”, Manuali i Mësuesit të Seminarit për Doktrinën e Besëlidhjet

Mësimi 131: Doktrina e Besëlidhje 121–123

Doktrina e Besëlidhje 121–123

“Paqe i Qoftë Shpirtit Tënd”

Pasi u tradhtua dhe u arrestua me akuza të rreme, Profeti Jozef Smith dhe udhëheqës të tjerë të Kishës u burgosën në një burg të vogël në Liberti të Misurit. Gjatë dimrit të viteve 1838–1839, shenjtorët në Misuri iu nënshtruan kushteve të tmerrshme dhe vuajtën shumë. Në mes të kësaj vuajtjeje, Zoti i ngushëlloi ata me këshillë të dhembshur dhe njohuri nga qielli. Ky mësim mund t’i ndihmojë nxënësit të kuptojnë se si Perëndia mund të na ndihmojë nëpër sprovat tona.

Veprimtari të Mundshme të të Mësuarit

“O Perëndi, ku je ti?”

Përpara orës mësimore, merreni parasysh t’i paraqitni pyetjet vijuese që nxënësit t’i shohin ndërsa mbërrijnë. Ndërsa fillon ora mësimore, ftojini nxënësit të tregojnë situata reale që mund ta shtyjnë një person të bëjë pyetje si këto.

“O Perëndi, ku je ti?” (Doktrina e Besëlidhje 121:1)
“O Zot, për sa kohë do t’i vuaj[m]ë këto gabime … ?” (Doktrina e Besëlidhje 121:3)

Pasi nxënësit të kenë folur, ftojini ata të reflektojnë për sfidat me të cilat po përballen aktualisht ata ose njerëzit e tyre të dashur. Nxitini nxënësit ta shënojnë çdo mendim ose ndjenjë që mund të kenë për sfidat e tyre, duke përfshirë nëse kanë pasur pyetje si ato të paraqitura në tabelë.

Ndërsa nxënësit e vazhdojnë studimin e tyre, nxitini ta ftojnë Frymën e Shenjtë që t’i ndihmojë ata të përcaktojnë parime hyjnore, të cilat mund t’u ofrojnë paqe dhe ngushëllim vetjak gjatë sprovave të tyre.

Konteksti historik

pjesa e jashtme dhe e brendshme e Burgut të Libertisë

Për t’i ndihmuar nxënësit ta kuptojnë kontekstin historik të seksioneve që do të studiojnë, merreni parasysh ta shfaqni materialin filmik “Lessons from Liberty Jail” nga Plaku Xhefri R. Holland, i Kuorumit të Dymbëdhjetë Apostujve, në dispozicion te ChurchofJesusChrist.org, nga kodi kohor 3:00 deri në 8:49. Paraqitja e figurave të Burgut të Libertisë mund t’i ndihmojë nxënësit ta kuptojnë atë që po kalonin Jozef Smithi dhe të burgosurit e tjerë.

Përndryshe, mund t’i organizoni nxënësit në grupe me nga tre veta dhe t’i jepni njërën nga përmbledhjet vijuese secilit nxënës në grup. Ftojini ata që t’i lexojnë me radhë përmbledhjet e tyre dhe ta tregojnë atë që mund të mendonin ose ndienin nëse do të vendoseshin në rrethana të ngjashme.

44:26

Përmbledhja 1: Më 31 tetor 1838, Xhorxh Hinkli, anëtar i Kishës dhe kolonel në milicinë e shtetit të Misurit, e tradhtoi Profetin Jozef Smith. Hinkli i tha Jozef Smithit se anëtarë të milicisë së Misurit, të cilët i kishin rrethuar shenjtorët në Far‑Uest të Misurit, dëshironin të takoheshin dhe t’i diskutonin kushtet e paqes. Kur arritën në takim nën flamurin e armëpushimit, Jozefi dhe udhëheqës të tjerë të Kishës u arrestuan me forcë si të burgosur lufte.

Përmbledhja 2: Gjatë muajit në vijim, Jozefi dhe të njohurit e tij u keqtrajtuan dhe u zhvendosën nga njëri burg në tjetrin ndërsa prisnin një gjyq të bazuar në akuza të rreme. Më 1 dhjetor 1838, burrat u burgosën në burgun e vogël në Liberti të Misurit. Gjatë katër muajve pasues, Jozef Smithi, vëllai i tij, Hajrëmi, Aleksandër Mek‑Rei, Liman Uajti dhe Kejlëb Bolduini u mbajtën në birucën e poshtme të burgut të Libertisë gjatë një dimri hidhësisht të ftohtë. Sidni Rigdoni ishte gjithashtu me ta për njëfarë kohe, por një gjykatës autorizoi lirimin e tij në fund të janarit të vitit 1839.

Përmbledhja 3: Përmasat e birucës ishin afërsisht 14 këmbë me 14 këmbë (4,3 metra me 4,3 metra) dhe tavani ishte nga 6 deri në 6,5 këmbë i lartë (nga 1,8 deri në 2 metra). E vetmja dritë natyrale ose ajër i pastër vinin nga dy dritare të vogla me hekura afër tavanit. Nga jashtë këtyre dritareve, njerëzit shpesh i tallnin dhe i fyenin të burgosurit. Burrat ishin të detyruar të flinin në dysheme me vetëm pak kashtë të pistë për shtrojë dhe iu qe dhënë një mbrojtëse shumë e lehtë nga i ftohti. Biruca kishte një kovë të vetme për jashtëqitjet dhe ushqimi i paktë i ofruar ishte aq i shpifur, saqë burrat mund ta hanin vetëm për shkak të urisë së dëshpëruar. Herë pas here, ushqimi ishte i helmuar. Të burgosurit kishin mall të fortë për shokët dhe familjet e tyre dhe ndien hidhërim të thellë kur dëgjuan rreth shenjtorëve të përvuajtur që u dëbuan nga Misuri gjatë dimrit të ftohtë.

Ju mund të vini në dukje se Doktrina e Besëlidhje 121–123 përmban përzgjedhje të një letre nga Profeti Jozef për shenjtorët. Ai e shkroi atë afër fundit të burgosjes së tij në Burgun e Libertisë pas muajsh vuajtjeje. Letra përfshinte disa kërkesa plot lutje të Jozefit dhe këshillën e përzemërt të Shpëtimtarit.

Mësime nga Burgu i Libertisë

Lexo te Doktrina e Besëlidhje 121:1–6, duke kërkuar pyetjet dhe përgjërimet që Jozef Smithi ia shprehu Zotit.

Te cilat pyetje ose kërkesa nga Jozef Smithi mund ta gjesh veten?
Si e treguan fjalët e Jozef Smithit besimin e tij dhe nderimin për Perëndinë?

Merreni parasysh t’i ftoni nxënësit t’i vendosin një faqeje bosh në ditarin e tyre, titullin “Mësime nga Burgu i Libertisë”. Ndërsa e studiojnë përgjigjen e Perëndisë për lutjet e Jozefit, nxitini të bëjnë një listë të të vërtetave që ata i zbulojnë.

Lexo te Doktrina e Besëlidhje 121:7–9, 26, 33; 123:17, duke kërkuar këshillë nga Perëndia që mund ta ndihmojë dikë gjatë një sprove të vështirë.

Pasi anëtarët e klasës t’i mbarojnë së hartuari listat e tyre të të vërtetave, sugjeroni që të zgjedhin dy që u pëlqejnë vërtet, dhe t’i shkruajnë ato në një fletë letre të veçantë. Vërini nxënësit t’i shkëmbejnë letrat me dikë që është i ulur afër tyre. Ftojini nxënësit të rrethojnë një fjalë ose frazë të parapëlqyer në letrat që morën, dhe të shkruajnë një përshkrim të shkurtër të arsyes se përse e pëlqejnë atë. Ky proces mund të përsëritet shumë herë me nxënës të ndryshëm. Kur nxënësit i marrin sërish letrat e tyre, nxitini ata që t’i shtojnë pikëpamjet që mësuan nga të tjerët, në faqet e ditarit të tyre të studimit.

Ftojini disa nxënës ta shkruajnë një të vërtetë nga lista e tyre në tabelë. Sa vijon janë shembuj të parimeve që ata mund t’i japin: Në planin e përjetshëm të Perëndisë, sprovat e të drejtëve do të jenë veç një çast i vogël; Nëse ne i durojmë mirë sprovat tona, Perëndia do të na ekzaltojë lart; Perëndia mund të na japë paqe mes sprovave tona. Merreni parasysh t’i bëni dikujt pyetje për diskutim si ato në vijim.

Po të kishe qenë në Burgun e Libertisë, cili parim do të kishte qenë më ngushëllues për ty? Përse?
Cilat janë disa mënyra se si Perëndia të ka bekuar me paqe dhe ngushëllim gjatë një sprove?
Si mendon, cili është ndryshimi ndërmjet durimit të një sprove dhe durimit mirë të një sprove?
Çfarë mund të mësojmë nga mënyra se si Jezu Krishti i duroi vetë sprovat dhe vështirësitë e Tij?

Për t’i ndihmuar nxënësit ta kuptojnë më tej se si Zoti mund t’i ndihmojë ata nëpër sprova të vështira, merreni parasysh të jepni thënien vijuese nga Plaku Xhefri R. Holland, i Kuorumit të Dymbëdhjetë Apostujve.

44:26

Plaku Xhefri R. Holland, i Kuorumit të Dymbëdhjetë Apostujve, dha mësim:

“Mësimet e dimrit të vitit 1838–1839 na mësojnë se çdo përvojë mund të bëhet një përvojë shëlbuese nëse ne mbetemi të lidhur me Atin tonë në Qiell përmes saj. Këto mësime të vështira na mësojnë se kur njeriu gjendet në zgrip, Perëndia ka një mundësi dhe nëse do të jemi vërtet të përulur e besnikë, nëse do të jemi besues dhe nuk do ta mallkojmë Perëndinë për problemet tona, Ai mund t’i kthejë burgjet e padrejta, çnjerëzore dhe shkatërruese të jetës sonë … në një rrethanë që mund të na sjellë ngushëllim e zbulesë, shoqërim hyjnor dhe paqe.” (Jeffrey R. Holland, “Lessons from Liberty Jail”, Ensign, shtator 2009, f. 28)

Si e ke parë të vërtetën e thënies së Plakut Holland në jetën tënde ose në jetën e dikujt që ti e njeh?

Për ta mbyllur, ftojini nxënësit të plotësojnë sa vijon në ditarët e tyre të studimit. Mund t’u kërkoni vullnetarëve ta tregojnë atë që shkruan.

Mendo rreth sfidave për të cilat reflektove në fillim të mësimit. Përzgjidh të paktën një të vërtetë nga lista jote “Mësime nga Burgu i Libertisë” që mund të të ndihmojë ty ose të tjerët në një sprovë të tanishme. Shpjegoje shkurtimisht se si Zoti mund të të bekojë dhe forcojë për të vepruarit me besim në këtë të vërtetë.

Veprimtari Plotësuese të të Mësuarit

Përmasat e Burgut të Libertisë

Për t’i ndihmuar nxënësit të krijojnë një ide për kushtet e ashpra me të cilat u përballën Profeti dhe miqtë e tij, ndërkohë që ishin në Burgun e Libertisë, nëse doni, mund të përdorni shirit ngjitës ose disa mjete të tjera për të shënuar një katror në dysheme që është 4,3 metra me 4,3 metra. Ftojeni të gjithë klasën të qëndrojë në këmbë në katror dhe të qëndrojë aty gjatë pjesës së parë të mësimit ndërkohë që ata mësojnë kontekstin historik për këto seksione.

Përmbledhje historike shtesë

Nëse e lejon koha, përmbledhja historike vijuese mund të vendoset në mësim ndërmjet përmbledhjeve 1 dhe 2.

Ndërkohë që ishte në burgun në Riçmond të Misurit, Jozef Smithi dhe udhëheqësit e tjerë të Kishës i dëgjuan rojat e burgut të përshkruanin, me një gjuhë të ndyrë, shumë prej veprave të tmerrshme që ishin kryer kundër shenjtorëve të ditëve të Mëvonshme. Këto veprime të padrejta përfshinin plaçkitjen, dëmtimin e pronës, përdhunimin dhe vrasjen. Parli P. Prati solli ndër mend reagimin e Jozef Smithit pasi i dëgjoi me dhembje këto përshkrime të tmerrshme.

“Befas [Jozefi] u ngrit në këmbë dhe foli me një zë bubullime, apo si luani që buçet, duke shqiptuar, me aq sa mund të kujtoj, fjalët e mëposhtme:

‘QETËSI, ju djaj të humnerës së skëterrës. Në emrin e Jezu Krishtit unë ju qortoj dhe ju urdhëroj të heshtni; nuk do të jetoj asnjë minutë tjetër dhe të dëgjoj fjalë të tilla. Ndërpriteni këtë të folur, ose o unë o ju do të vdesim KËTË ÇAST!’

Rojat ‘i kërkuan falje dhe ndenjën të heshtur derisa u ndërruan rojat’. Parli më vonë kujtoi për këtë përvojë: ‘I kam parë shërbestarët e drejtësisë … në gjykatat e Anglisë; kam dëshmuar një Kongres në sesionin solemn për të dhënë ligjet e kombeve; … por dinjitet dhe madhështi kam parë vetëm një herë, teksa qëndronte në zinxhirë, në mesnatë, në një bodrum, në një fshat të panjohur të Misurit’” (Autobiography of Parley P. Pratt, red. Parley P. Pratt Jr. [1938], f. 211; shih edhe faqen 210).

Doktrina e Besëlidhje 121:1. “Dhe ku është tenda që mbulon vendin tënd të fshehjes?”

Ndërsa nxënësit studiojnë dhe përsiatin disa prej pyetjeve të shtruara nga Jozef Smithi në Burgun e Libertisë, ata mund të pyesin veten rreth kuptimit të pyetjes së tij të dytë në vargun 1. Shpjegoni se tenda është një ndërtesë ose strukturë që ofron mbulim. Profeti Jozef mund të jetë ndier i larguar nga Perëndia dhe të ketë pyetur veten përse Ai qëndroi i fshehur ose i mbuluar për njëfarë kohe. Merreni parasysh të jepni shpjegimin vijues nga Presidenti Henri B. Ajring, i Presidencës së Parë:

18:15

Doktrina e Besëlidhje 121:7–8. Parimet e marrjes së njohurisë shpirtërore

Nxënësit mund të kenë dobi nga përdorimi i parimeve të marrjes së njohurisë shpirtërore për të analizuar përgjigjen e Shpëtimtarit për Jozef Smithin në Burgun e Libertisë. Për shembull, pasi të lexojnë te Doktrina e Besëlidhje 121:7–8, ju mund të bëni disa pyetje si ato në vijim:

Cilët janë disa parime të marrjes së njohurisë shpirtërore që i shihni në vargjet 7–8?
Si mundet të parit e vështirësive dhe mundimeve tona me një këndvështrim të përjetshëm të ofrojë lehtësim dhe të sjellë paqe në shpirtin tonë?
Si mund të na ndihmojë mirëbesimi te Jezu Krishti dhe të vepruarit me besim që t’i durojmë mirë sprovat?

Doktrina e Besëlidhje 123:11–14. Të ndihmuarit e të tjerëve që të gjejnë të vërtetën

Për t’i ndihmuar nxënësit ta kuptojnë më mirë detyrën e tyre për t’i ftuar të gjithë të vijnë te Jezu Krishti, merreni parasysh t’i shkruani fragmentet vijuese të shkrimit të shenjtë në tabelë:

Mateu 5:14–16
Marku 16:15–16
Doktrina e Besëlidhje 123:11–14

Ftojini tre nxënës që të lexojë secili njërin nga fragmentet e shkrimit të shenjtë me zë të lartë. Ftojini anëtarët e mbetur të klasës të shpjegojnë se si ata mendojnë se fragmentet e shkrimit të shenjtë lidhen me njëri‑tjetrin. Merreni parasysh të bëni pyetje si vijueset:

Çfarë mendoni se do të thotë që shumë njerëz në tokë janë “të verbuar nga dinakëria e hollë e njerëzve”? (Doktrina e Besëlidhje 123:12.)
Si mundet që shpërndarja e dritës së Shpëtimtarit dhe predikimi i ungjillit të Tij t’i ndihmojnë të tjerët ta dallojnë të vërtetën?

Ftojini nxënësit të kërkojnë fjalë dhe fraza te Doktrina e Besëlidhje 123:11–14 të cilat e theksojnë rëndësinë e ndihmës ndaj të tjerëve për të gjetur të vërtetën dhe për të ardhur te Jezu Krishti. Nxitini nxënësit t’i shenjojnë këto fraza në shkrimet e tyre të shenjta dhe t’i renditin disa parime në tabelë. Shembuj të parimeve mund të përfshijnë sa vijon: Ne kemi një detyrë thelbësore që t’i ndihmojmë të tjerët ta gjejnë të vërtetën; Ne duhet ta shpenzojmë dhe përdorim jetën tonë për të shpërndarë dritën e Shpëtimtarit; Ne duhet të bëjmë detyrën tonë për ta predikuar ungjillin me zell të madh.

Kujtojuni nxënësve se ka të ngjarë të ketë shumë njerëz që ata i njohin, të cilët nuk janë në dijeni të mesazhit të Rivendosjes. Nxitini ata të mbledhin disa ide lidhur me mënyrën se si ta reflektojnë më mirë dritën e Jezu Krishtit dhe t’i ftojnë njerëzit që ata i njohin, të vijnë tek Ai.