Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 4 – Doktrina e Besëlidhje 1: “Zëri i Zotit Shkon te Fundet e Dheut”

“Mësimi 4 – Doktrina e Besëlidhje 1: ‘Zëri i Zotit Shkon te Fundet e Dheut’”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 1”, Manuali i Mësuesit të Seminarit për Doktrinën e Besëlidhjet

Mësimi 4: Doktrina e Besëlidhje 1

Doktrina e Besëlidhje 1

“Zëri i Zotit Shkon te Fundet e Dheut”

Përpara shtypjes së Librit të Urdhërimeve, i cili më vonë u bë pjesë e librit Doktrina e Besëlidhje, Profeti Jozef Smith i bëri kërkesë Zotit për një parathënie për librin. Në përgjigje, Zoti zbuloi atë që tani është Doktrina e Besëlidhje seksioni 1 si një hyrje në zbulesat drejtuar botës. Ky mësim mund t’i ndihmojë nxënësit të kuptojnë përse Zoti i jep paralajmërime botës.

Veprimtari të Mundshme të të Mësuarit

“Zëri i paralajmërimit”

Merreni parasysh të përdorni skenarin vijues ose diçka që u përshtatet më mirë nevojave të nxënësve tuaj për t’i ndihmuar të përgatiten për të përsiatur arsyen pse dikush mund ta paralajmërojë dikë tjetër.

Imagjino sikur një shok ose shoqe po merr një vendim që do të çojë në pasoja negative.

Ftojini nxënësit të tregojnë shembuj realë se çfarë vendimi mund të jetë ky. Disa shembuj mund të jenë të gënjesh prindërit, të shkelësh Fjalën e Urtësisë, të kopjosh në shkollë ose të largohesh nga Kisha.

Përse do të doje ta paralajmëroje shokun ose shoqen tënde për këtë vendim?

Shpëtimtari gjithashtu jep një “zë … paralajmërimi” (Doktrina e Besëlidhje 1:4). Përsiati pyetjet vijuese:

Përse mund të na paralajmërojë Shpëtimtari ne? Përse Ai mund të të paralajmërojë ty personalisht? Si?
Çfarë të mëson kjo për Të?

Ndërsa e studion këtë mësim, kërko përgjigje për këto pyetje.

Zëri i paralajmërimit i Zotit është për të gjithë njerëzit

Informacioni vijues mund t’i ndihmojë nxënësit të kuptojnë historinë se si u mor parathënia për librin Doktrina e Besëlidhje.

Deri në nëntor të vitit 1831, Profeti Jozef Smith kishte shënuar më shumë se 60 zbulesa nga Zoti. Megjithatë, pak anëtarë të Kishës kishin kopje të zbulesave. Nën drejtimin e Profetit, zbulesat u përpiluan në një vëllim të ri shkrimesh të shenjta të quajtur Libri i Urdhërimeve, i cili më vonë u bë pjesë e librit Doktrina e Besëlidhje. Kur libri ishte gati për t’u shtypur, Jozefi i bëri kërkesë Zotit në lutje për një parathënie për librin. Në përgjigje, ai mori nëpërmjet zbulesës seksionin 1, të cilin Zoti e quajti “parathënia ime” (Doktrina e Besëlidhje 1:6) për këtë libër të ri shkrimi të shenjtë.

Merrni parasysh t’i shkruani pyetjet dhe referencat vijuese në tabelë. Nxënësit mund t’i gjejnë përgjigjet individualisht ose në grupe të vogla. Nëse po punojnë në grupe të vogla, nxënësit, nëse dëshirojnë, mund ta përmbledhin atë që gjejnë në grupet e tyre, përpara se t’ia tregojnë klasës.

Përdorni shkrimet tuaja të shenjta për t’iu përgjigjur pyetjeve të mëposhtme:

Kë paralajmëron Shpëtimtari sot? (Shih te Doktrina e Besëlidhje 1:1–4, 34–36; mund të jetë e dobishme të dish se një “i paanshëm” [vargu 35] është dikush që nuk favorizon një person para një tjetri.)
Si e jep Zoti mesazhin e Tij? (Shih te Doktrina e Besëlidhje 1:4–6.)

Ndërsa nxënësit marrin parasysh përgjigjet e tyre, mund të jetë e dobishme ta shkruani pohimin vijues në tabelë: Zëri i paralajmërimit i Shpëtimtarit është për të gjithë njerëzit.

Zëri i paralajmërimit i Zotit është provë e dashurisë së Tij

Te Doktrina e Besëlidhje 1, Shpëtimtari zbulon disa arsye pse Ai i jep paralajmërime botës. Teksa studion, përsiat se si mund të jenë këto arsye provë e faktit që Shpëtimtari na bekon.

Lexo te Doktrina e Besëlidhje 1:11–17, 21–28 dhe kërko arsyet pse Zoti na jep paralajmërime.

Merreni parasysh ta ndani klasën në dy pjesë. Caktojini njërës pjesë të lexojë vargjet 11–17 dhe pjesës tjetër të lexojë vargjet 21–28. Nëse nxënësit kanë nevojë për më tepër drejtim, mund të krijoni një tabelë me dy kolona. Përfshijini vargjet në kolonën e parë dhe lejojini nxënësit të shkruajnë arsyen e paralajmërimit në kolonën e dytë. Nxënësit mund të gjejnë përgjigje si vijueset:

1:12 që të na përgatitë për atë që do të vijë
1:15–17 që të na paralajmërojë për sfidat dhe mëkatet e kohës sonë
1:21 që të na e rritë besimin
1:22 që besëlidhja e përjetshme e Zotit të mund të themelohet
1:26 që të na udhëzojë
1:27 që të na ndëshkojë dhe korrigjojë kur mëkatojmë
1:27 që të na ndihmojë të pendohemi
1:28 që të na japë dituri

Merreni parasysh të ftoni disa nxënës që të tregojnë atë që kanë mësuar duke përdorur nxitjen vijuese.

Zgjidh një nga arsyet që gjete pse Zoti na flet dhe përgjigju për një ose dy nga pyetjet vijuese:

Në ç’mënyrë është kjo arsye provë e dashurisë së Shpëtimtarit? Në ç’mënyrë mund të konsiderohet një bekim kjo arsye?
Kur e ke përjetuar këtë bekim, ose pse mund ta dëshirosh këtë bekim në jetën tënde?
Pse ka nevojë e gjithë bota për këtë bekim?

Si na paralajmëron Shpëtimtari në kohën tonë?

Sa vijon mund t’i ndihmojë nxënësit të tregojnë atë që kanë mësuar. Nëse dëshironi, mund të jepni letra ose t’i ftoni nxënësit të përdorin ditarët e tyre të studimit. Inkurajojini nxënësit të jenë krijues në mënyrën se si i japin mesazhet e tyre. Mund t’u siguroni material për vizatim sipas atyre që keni në dispozicion.

Imagjino për mësimin tënd këtë të diel, sikur mësuesi/ja yt/jote të fton të shpenzosh disa minuta për të treguar pse Zoti na paralajmëron sot. Merr parasysh se si do t’ia jepje këtë mesazh klasës sate në një mënyrë kuptimplotë. Përgatit një fletushkë, meme, afishe ose metodë tjetër krijuese për t’ia dhënë këtë mesazh klasës sate. Të lutemi, përfshi sa vijon:

Një varg nga Doktrina e Besëlidhje 1 ku tregohet të paktën një arsye pse Zoti i paralajmëron të gjithë njerëzit
Një shembull të paralajmërimit të Zotit ndaj nesh në kohën tonë (Nëse zgjodhe që Zoti na paralajmëron për sfidat dhe mëkatet e botës [shih te Doktrina e Besëlidhje 1:15–17], mund të tregosh një varg nga shkrimet e shenjta ose fjalët e një profeti bashkëkohor, i cili na paralajmëron për tundimet bashkëkohore.)
Mendimet dhe ndjenjat e tua për dhënien e mesazheve paralajmëruese nga Zoti për ne sot. Mund të përfshish edhe një përvojë.

Burime Shtesë

Çfarë është Libri i Urdhërimeve?

Në vitet e para të Kishës, disa anëtarë mund të kishin qasje te zbulesat e Zotit drejtuar Profetit Jozef Smith vetëm nëpërmjet kopjeve të shkruara me dorë në fletë të palidhura që qarkullonin mes shenjtorëve. Në një zbulesë që mori Jozefi në një konferencë në vitin 1831, Zoti e miratoi përpilimin e zbulesave dhe përpara shtypjes zbuloi një parathënie për librin që do të dilte. Ai do të përmbante variante të më pak se gjysmës së zbulesave që aktualisht janë te Doktrina e Besëlidhje. Shtypja filloi në vitin 1832 në një shtypshkronjë në Indipendëns të Misurit, por një turmë e ndali përpjekjen. Këto dhe zbulesa të tjera u shtypën me sukses në vitin 1835 si Doktrina e Besëlidhje e Kishës së Shenjtorëve të Ditëve të Mëvonshme. Për më shumë informacion, shihni Saints: The Story of the Church of Jesus Christ in the Latter Days [Shenjtorët: Historia e Kishës së Jezu Krishtit në Ditët e Mëvonshme], vëll. 1, The Standard of Truth [Standardi i së Vërtetës], 1815–1846 (2018), f. 141–143.

Pse profetët dhe apostujt ndonjëherë japin mesazhe që nuk pranohen gjerësisht?

Presidenti Rasëll M. Nelson dha mësim:

“Nganjëherë ne si udhëheqës të Kishës kritikohemi ngaqë qëndrojmë të palëkundur ndaj ligjeve të Perëndisë, duke e mbrojtur doktrinën e Shpëtimtarit dhe duke u bërë qëndresë trysnive shoqërore të kohës sonë. Por porosia jonë si apostuj të shuguruar është ‘të shk[ojmë] në gjithë botën për t’i[a] predikuar ungjillin [e Tij] çdo krijese’ [Doktrina e Besëlidhje 18:28]. Kjo do të thotë që ne urdhërohemi ta japim mësim të vërtetën.

Prej bërjes së kësaj, nganjëherë na akuzojnë se jemi të pandjeshëm kur i japim mësim kërkesat e Atit për ekzaltim në mbretërinë çelestiale. Por a nuk do të ishte shumë më e pandjeshme po të mos e thoshim të vërtetën – të mos e jepnim mësim atë që Perëndia ka zbuluar?

Është pikërisht sepse interesohemi thellësisht rreth të gjithë fëmijëve të Perëndisë, që e shpallim të vërtetën e Tij. Ne mund të mos u themi njerëzve gjithnjë atë që duan të dëgjojnë. Profetët rrallëherë admirohen në masë. Por ne gjithmonë do të japim mësim të vërtetën!” (Russell M. Nelson, “The Love and Laws of God” [takim shpirtëror në Universitetin “Brigam Jang”, 17 shtator 2019], f. 3, speeches.byu.edu)

Veprimtari Plotësuese të të Mësuarit

Një fillim i ndryshëm

Ftojeni një nxënës t’i mbyllë sytë e tij ose të saj ose të lidhë sytë dhe të ecë ngadalë nga fundi i dhomës deri në pjesën e përparme pa u përplasur me ndonjë bankë ose karrige. (Nëse do të donit, mund t’i ftoni nxënësit t’i lëvizin së pari bankat ose karriget e tyre që të krijojnë pengesa duke lënë ndërkohë një rrugëkalim deri në pjesën e përparme.) Më pas ftoni disa nxënës ta paralajmërojnë nxënësin/en me sy të lidhur nëse ai ose ajo për pak do të përplaset me një pengesë. Kërkojuni nxënësve të përmendin shembuj të rasteve kur ata mund t’i paralajmërojnë të tjerët ose kur duan që të paralajmërohen vetë.

Shpërfillja e zërit të Zotit ka pasoja

Nxënësit shpesh e kanë të vështirë t’i kuptojnë pasojat e shpërfilljes së zërit të Zotit. Për ta rritur kuptueshmërinë e tyre, mund t’i ftoni nxënësit t’u referohen paralajmërimeve që klasa i diskutoi në fillim të mësimit. Kërkojini klasës të tregojë shkurtimisht pasojat e ndryshme për shpërfilljen e paralajmërimeve të Shpëtimtarit. Ndihmojini nxënësit të kuptojnë se mosbindja ndaj ligjeve hyjnore të Shpëtimtarit, u sjell pasoja shpirtërore negative atyre që zgjedhin të mos pendohen.

Referojini nxënësit te Doktrina e Besëlidhje 1:14 dhe kërkojuni atyre të përcaktojnë pasojat që vijnë kur nuk i vihet veshi zërit të Zotit ose zërit të shërbëtorëve të Tij. Mund të jetë e dobishme të shpjegoni që të “shfarose[sh]” nga populli i Perëndisë është të ndahesh nga të drejtët. Të “shfarose[sh]” do të thotë gjithashtu të ndahesh nga fuqia, mbrojtja, ndikimi, bekimet dhe përfundimisht nga prania e Tij.

Klasa mund të ketë dobi nga leximi i thënies vijuese nga Presidenti Rasëll M. Nelson:

“Vëllezërit dhe motrat e mia të dashura, ligjet hyjnore janë dhuratat e Perëndisë për fëmijët e Tij. Ashtu sikurse rregullat e familjes sonë i mbrojtën fëmijët tanë ndërsa arritën moshën madhore, ashtu sikurse ligjet hyjnore që qeverisin zemrën dhe fluturimin e aeroplanëve, ju mbrojnë [respektivisht] në një tavolinë operimi ose ndërkohë që udhëtoni, respektimi i ligjeve të Perëndisë do t’ju mbrojë ndërsa përparoni drejt ekzaltimit përfundimtar. …

… Bekimet më të mëdha të Perëndisë rezervohen për ata të cilët u binden ligjeve të Tij, sikurse shpjegoi Ai: ‘Sepse të gjithë ata që dëshirojnë të kenë bekim nga dora ime, duhet t’i binden ligjit që u caktua për atë bekim dhe kushteve të tij’ [Doktrina e Besëlidhje 132:5]. Ligjet e Perëndisë nxiten tërësisht nga dashuria e Tij e pafundme për ne dhe nga dëshira e Tij që ne të bëhemi gjithçka që mund të bëhemi.” (Russell M. Nelson, “The Love and Laws of God” [takim shpirtëror në Universitetin “Brigam Jang”, 17 shtator 2019], f. 3, speeches.byu.edu) 

Zëri i Shpëtimtarit na mbron

Për t’i ndihmuar nxënësit të bëjnë lidhje mes bindjes së tyre ndaj zërit të Zotit dhe mbrojtjes së Tij hyjnore, merreni parasysh të shfaqni materialin filmik “Follow the Prophet” [“Ndiqni Profetin”] (4:16).

4:16