Kūrijm̧ōj

• Men̄e Kūrijm̧ōj jeļā kake āinwōt juon tōre in lan̄lōn̄, elōn̄ ro me jekjek ko aer rekōm̧m̧an an pen n̄an lo lan̄lōn̄, jekdo̧o̧n ilo tōre in ilo iiō. Juon ennaan aorōk an Kūrijm̧ōj ej bwe Rilo̧mo̧o̧r eo emaron̄ kōmeraikļo̧k eddo ko ad im jipan̄ kōj lo aenōm̧m̧an im em̧ool lan̄lōn̄. N̄an kwaļo̧k ennaan in, kwomaron̄ je ioon boot eo eoon in jipan̄ kein rej ellaajrak: Sam Ko 35:9; Aiseia 25:8–9; 44:21–24; 51:11; Zepanaia 3:14–20; Moses 5:5–11. Innām kwomaron̄ je ioon boot eo juon kajjitōk n̄an ro uwaan kūlaaj eo n̄an kejekļo̧jeņ kake ilo aer riiti eoon ko, āinwōt Ta un ko eoon in jeje ko rekwojarjar rej litok n̄an erom lan̄lōn̄? Kajjitōk ippāer n̄an kwaļo̧k ta eo rej loe. Bōlen kwomaron̄ barāinwōt leļo̧k n̄an ro uwaan kūlaaj eo iien n̄an je kōn lan̄lōn̄ eo aer make ilo Rilo̧mo̧o̧r eo. Remaron̄ lo elōn̄ļo̧k kōļmenļo̧kjeņ ko jān ennaan eo an Būreejtōn Russell M. Nelson ilo “Kein Jipan̄ ko Jet.”

• Kūrijmōj ej letok iien ko rem̧m̧an n̄an kajeded lan̄lōn̄ eo an Kraist kōn̄ jerbal n̄an ro jet. M̧okta wōt jān kūlaaj, kwomaron̄ kajjitōk ippān juon uwaan kūlaaj eo n̄an etale ennaan eo an Elder Ulisses Soares “A Modern Angelic Host” (First Presidency Christmas devotional, Dec.8, 2019, broadcasts.ChurchofJesusChrist.org) im pojaktok n̄an kwaļo̧k ekōjkan an jerbal in jipan̄ kar jipan̄ Elder Soares im baam̧le eo an en̄jake lan̄lōn̄ eo an Kūrijm̧ōj. Kwomaron̄ barāinwōt kwaļo̧k jijidikdik in ennaan eo an ilo kūlaaj eo. Ro uwaan kūlaaj eo remaron̄ kwaļo̧k en̄jake ko aer make kōn leļo̧k ak bōk jerbal in jipan̄ eo ilo iien Kūrijm̧ōj. Ekōjkan ad maron̄ jerbale kajjitōk eo an Elder Saores n̄an ļoor “waanjon̄ak eo eweppān an iakwe im jouj n̄an armej” an Rilo̧mo̧o̧r eo?

• Laajrak eo an wiik in ilo Itok, Ļoor Eō—N̄an Kajjojo Armej im Baam̧le ko kōllaajrak jet kakōļļe ko ilo Kallim̧ur M̧okta me ej katakin kōn Jisōs Kraist. Ro uwaan kūlaaj eo remaron̄ kwaļo̧k ta eo raar ekkatak kōn Rilo̧mo̧o̧r eo jān eoon kein im kakōļļe ko jet rekar loi ilo ekkatak eo aer. Ta eo jaar ekkatak kōn kappukōt Rilo̧mo̧o̧r eo ilo jeje ko rekwojarjar? Ta en̄jake ko rekar katakin kōj bwe “aolep men otemjeļo̧k rej ejaak im kōm̧anm̧an n̄an kam̧ool kōn [E]”? (Moses 6:63).

• Menin leļo̧k ej juon m̧antin Kūrijm̧ōj ilo elōn̄ m̧anit ko. Kwomaron̄ tōl juon iien ekōnono ippān ro uwaan kūlaaj eo kōn menin letok ko Anij ekar litok n̄an kōj, eļap tata menin letok eo an Nejin, Jisōs Kraist. N̄an kōm̧m̧ane menin, kwomaron̄ kwaļo̧k pija in alooj eo “He Is the Gift” (ChurchofJesusChrist.org) im kajjitōk ippān ro uwaan kūlaaj eo n̄an kwaļo̧k ta menin letok eo an Rilo̧mo̧o̧r meļeļe in n̄an er. Ekōjkan ad maron̄ kwaļo̧k n̄an Jemedwōj Ilan̄ kam̧m̧oolol eo ad kōn menin letok in?

  

  2:43

• Rikanaan Aiseia ekar kōjerbal elōn̄ āt ko im taitōļ ko n̄an kōmeļeļeik Messia eo, eo enaaj kar ļotak ilo Bethlehem (lale n̄an waanjon̄ak, Aiseia 7:14; 9:6). Bōlen ro uwaan kūlaaj eo renaaj lan̄lōn̄ ilo ekkatak eļapļo̧k kōn Rilo̧mo̧o̧r eo im mijen eo An jān ekkatak kōn taitōļ kein. Remaron̄ in bōk juon taitōļ im kappukōt eoon in jeje ko rekwojarjar me ejipan̄ er meļeļe ta meļeļe in. N̄an waanjon̄ak, remaron̄ ekkatak eļapļo̧k kōn taitōļ eo “Irooj in Aenōṃṃan” (Aiseia 9:6) jān riiti Sam Ko 85:8; Aiseia 52:7; Luk 2:14; ak Jon 16:33. N̄an jipan̄ ro uwaan kūlaaj eo lo eoon ko jet, elmakote bwe ren lale ilo Unin Tōl eo n̄an Jeje Ko Rekwōjarjar (scriptures.ChurchofJesusChrist.org). Ta eo taitōļ kein rej elmakote kōn Rilo̧mo̧o̧r eo im ta eo E ekar kōm̧m̧ane n̄an kōj?

Būreejtōn Russell M. Nelson ekar katakin:

“N̄e mour ko ad ilo karōk in lo̧mo̧o̧r eo an Anij … im Jisōs Kraist im gospel eo An, jemaron̄ en̄jake m̧ōņōņō jekdo̧o̧n ta eo ej waļo̧k—ak ejjab waļo̧k—ilo mour ko ad. Lan̄lōn̄ ej itok jān im kōn E. E ej unjen aolep m̧ōņōņō. Jej en̄jake ilo iien Kūrijm̧ōj ilo ad al, ‘Joy to the world, the Lord is come’ [Hymns, no.201]. Im jemaron̄ en̄jake aolepen iiō in. N̄an Armej ro Rekwojarjar, Jisōs Kraist ej m̧ōņōņō!”

“Āinwōt an Rilo̧mo̧o̧r eo letok aenōm̧m̧an eo me ‘eḷḷā jān jeḷā otemjej’ [Pilippai 4:7], Ej barāinwōt letok kajoor, ājmour, im menwar kōn m̧ōņōņō eo epen kōmeļeļeki” (“Lan̄lōn̄ im Mour ilo Jetōb,” Kweilo̧k eo Eļap, Nob. 2016,82).