Ijtō

Kōnke rainin ej Ijtō Jabōt, ļōmņak in etale bwebwenato ko ilo jeje ko rekwojarjar kōn Ijtō eo jinointata—Jerkakpeje eo an Jisōs Kraist (lale Jon 20:1–17). Komaron̄ kajjitōk ippān juon iaan ro uwaan kūlaaj n̄an kwaļo̧k bwebwenato eo ilo naan ko an make. Komaron̄ barāinwōt kwaļo̧k pijaan alooj eo “He Is Risen” (ChurchofJesusChrist.org). Ro uwaan kūlaaj remaron̄ barāinwōt m̧ōņōņō in al al ko kōn Rilo̧mo̧o̧r eo im riiti eoon ke rej ekkejel (eoon in jipan̄ ko rej laajrak ilo tulaļ in kajjojo al ilo Al Ko). Innām ro uwaan kūlaaj remaron̄ kwaļo̧k eoon ko rem̧m̧antata ippāer jān al ko im en̄jake ko aer kōn Rilo̧mo̧o̧r.

N̄an jipan̄ kūlaaj eo am̧ kam̧m̧oolol wāween an Kallim̧ur M̧okta kam̧ool kōn Jisōs Kraist, komaron̄ kajjitōk ippāer n̄an etale eoon ko jān jeje ko rekwojarjar ilo tābōļ eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko im bar naan ko ilo Bok in Mormon me rej etal wōt ippān tābōļ eo. Ta ko jej ekkatak kōn Rilo̧mo̧o̧r eo im mijen eo An jān eoon kein? Etke eaorōk n̄an jeļā kōn kanaan kein?

Laajrak eo an wiik in ilo Itok, Ļoor Eō—N̄an Kajjojo Armej im Baam̧le ko ekutbuuj juon laajrak in jeje ko rekwojarjar me ej kōmeļeļeik aenōm̧m̧an im lem̧ōņōņō eo me ej itok jān Jisōs Kraist. Eļan̄n̄e ro uwaan kūlaaj eo rej riiti eoon kein ilo m̧ōko, kōketak er n̄an kwaļo̧k ļōmņak ko aer im en̄jake ko aer kaki. Ak kom maron̄ riiti jejjo eoon āinwōt juon kūlaaj im kōnono kōn aenōm̧m̧an im lem̧ōņōņō eo jej en̄jake kōnke kōn Rilo̧mo̧o̧r im Pinmuur eo An. Ewi wāween ad kwaļo̧k kōjeraam̧m̧an kein ippān armej ro me remaron̄ pen aer lo aenōm̧m̧an im lem̧ōņōņō ilo mour ko aer? Komaron̄ kūr juon iaan ro uwaan kūlaaj n̄an riiti ennaan eo an Būreejtōn Russell M. Nelson “Lan̄lōn̄ im Mour ilo Jetōb” (Kweilo̧k eo Eļap, Nob 2016, 81–84) ilo wiik eo m̧okta jān kūlaaj im itok im pojak n̄an kwaļo̧k ta eo ennaan in ej katain kōn kappukōt lan̄lōn̄ ilo Rilo̧mo̧o̧r eo.

Komaron̄ bar en̄jake im̧we n̄an tōl juon kōmeļeļe kōn ewi wāween ad jipan̄ ro jet lo aenōm̧m̧an im lem̧ōņōņō ilo Kraist. Komaron̄ kajjitōk ippān ro uwaan kūlaaj n̄an ļōmņak kōn juon eo rejeļā kajeen—bōlen juon eo rej jerbal in karejar n̄an e—eo emaron̄ aikuj aer rie, jipan̄ eo aer, ak emaron̄ n̄an ron̄ naan in kam̧ool ko kōn Kraist im Pinmuur eo An. Kōketak ro uwaan kūlaaj n̄an lale jeje ko rekwojarjar (āinwōt ko ilo “Kakobaba in Kein Jipan̄”) ilo aer ļōmņak jerbal in jipān̄ ta eo remaron̄ kōm̧m̧ane ak naan in kam̧ool remaron̄ kwaļo̧k n̄an kōkajoor ro ipeļaakier. Kajjitōk ippān jejjo ro uwaan kūlaaj eo bwe ren kwaļo̧k ļōmņak ko aer ikkijeen jerbal in jipan̄ āinwōt an Jisōs kar kōm̧m̧an.

Juon wāween n̄an jipan̄ ro uwaan kūlaaj lin̄ūr kōjeram̧m̧an ko me rej itok jān Pinmuur eo an Rilo̧mo̧o̧r emaron̄ n̄an je ioon bo̧o̧t naan kein Jerawiwi, Mej, Mālijjon̄, im Mōjņo̧ ko. Kajjojo ro uwaan kūlaaj eo remaron̄ riiti juon iaan eoon kein laajraki ilo “Kakobaba in Kein Jipan̄” im lin̄ūri ekōjkan an Rilo̧mo̧o̧r jipan̄ kōj eļļā jān men kein laajraki ioon bo̧o̧t. Ro uwaan kūlaaj remaron̄ jei eoon in jipan̄ ko aer ium̧min bar juon laajrak ioon bo̧o̧t eo im kwaļo̧k naan in kam̧ool ko aer kōn Rilo̧mo̧o̧r im Pinmuur eo An.

Bwebwenato ko im waanjon̄ak ko remaron̄ jipan̄ kōj meļeļe kōn Pinmuur eo an Jisōs Kraist. N̄an waanjon̄ak, komaron̄ kajjitōk ippān juon uwaan kūlaaj n̄an kwaļo̧k juon iaan bwebwenato ko ak wanjon̄ak ko ilo ennaan eo an Elder Walter F. González’s “The Savior’s Touch” (Liaona, Nob. 2019, 90–92) ak ennaan eo an Sister Neill F. Marriott “Abiding in God and Repairing the Breach” (Liaona, Nob. 2017, 10–12). What ko bwebwenato kein ak wanjon̄ak ko rej katakin kōj kōn Pinmuur eo an Kraist? Kajjitōk ippān ro uwaan kūlaaj n̄an jerbal ippān doon ruo ļo̧k iaan n̄an ļōmņak kōn bwebwenato im wanjon̄ak ko aer make.

Ta ko jej ekkatak jān eoon kein kōn jon̄an an Jisōs Kraist kar kōļļā n̄an lo̧mo̧o̧r eo ad: Aiseia 53:3–5; Mosaia 3:7; Katak im Bujen Ko 19:16–19? Ta wōņāān eo Jemedwōj Ilan̄ eaar kōļļā? (lale Jon 3:16).

Aiseia 61:1–3

Ezekiel 36:26–28

Matu 11:28–30

Luk 1:46–55

Rom 8:35–39

Alma 7:10–13

Alma 11:42–45

Moronai 10:32–33

Katak im Bujen Ko 19:15–19

Moses 5:9–12