Katak im Bujen Ko 94–97

• Ekōjkan am̧ maron̄ kōjerbal m̧ool ko kar katakin ilo Katak im Bujen Ko 95 im 97 n̄an im̧we ro uwaan kūlaaj eo n̄an kōļapļo̧k tiljek n̄an kappukot kōjeraam̧m̧an ko an tampeļ? Juon wāween ej n̄an likūt juon pija in tampeļ ilo ioļapļap in boot eo im kajjitōk ippān ro uwaan kūlaaj eo etke rej ļōmņak Irooj ej kakien Armej ro Rekwojarjar An n̄an kalōk tampeļ ko. Ro uwaan kūlaaj eo remaron̄ pukot jet uwaak ko ilo Katak im Bujen Ko 95:8; 97:10–17 im je ta eo rej loe ioon boot eo itōrerein wōt pija in tampeļ eo. (Remaron̄ lo uwaak ko jet ilo “Why Latter-day Saints Build Temples” [temples.ChurchofJesusChrist.org].) Ekōjkan an jibadbad kein kar kūrm̧ool ilo mour ko ad? Ekōjkan ad maron̄ kōm̧m̧an bwe tampeļ en juon m̧ōttan eo eaorōkļo̧k ilo mour ko ad?

• Kabun̄ in ej letok elōn̄ kein jipan̄ ko me rej katakin kōn tampeļ ko. Ļōmņak kōn ekōjkan am̧ maron̄ kōjerbal jet iaer n̄an kōkōm̧anm̧anļo̧k juon iien ekōnono an kūlaaj eo kōn Katak im Bujen Ko 95 im 97 im im̧we ro uwaan kūlaaj eo n̄an tiljekļo̧k ilo kappukot kōjeraam̧m̧an ko an tampeļ. N̄an waanjon̄ak, m̧okta jān kūlaaj kwomaron̄ kajjitōk ippān jet ro uwaan kūlaaj eo n̄an etale kein jipan̄ ko ilo temples.ChurchofJesusChrist.org ak Temples of The Church of Jesus Christ of Latter-day Saints (unin kōnono ejeņoļo̧k an Ensign ak Liahona, Oct. 2010). Kajjitōk ippān rein uwaan kūlaaj eo n̄an pojaktok n̄an kwaļo̧k jet men rekar ekkatak me ej rie katak ko ilo jekjōn 95 im 97.

  Eļan̄n̄e kwoj katakin jodikdik ro, kwomaron̄ kajjitōk ippāer n̄an riiti “Making the Temple a Part of Your Life” (ilo Temples of The Church of Jesus Christ of Latter-day Saints, 77–78) im kwaļo̧k ekōjkan aer kōm̧m̧an bwe tampeļ eo en juon men aorōk tata ilo mour ko aer.

  Pija in alooj ko “Two Apostles Lead a Virtual Tour of the Rome Italy Temple” and “Temples” (ChurchofJesusChrist.org) remaron̄ jipan̄ ro me rej m̧aanjabpopo n̄an etal n̄an tampeļ.

  Kwomaron̄ barāinwōt al ippān doon juon al kōn tampeļ ko im ekōnono kōn ta eo ej katakin (lale unin kōnono ko ilo index eo ilo Hymns).

• Ta eo jej ekkatak jān Katak im Bujen Ko 97:8 kōn ta meļeļein an Irooj m̧ōņōņō ippād? Ekōjkan an menin oktak jān wāween ko jet me jet iien jej kappukot m̧ōņōņō eo an laļ in? Ta kōjeraam̧m̧an ko kar kallim̧ur kaki ilo eoon 9 n̄an ro me Irooj ekar m̧ōņōņō kake er? Ro uwaan kūlaaj eo remaron̄ barāinwōt etale ennaan eo an Elder Erich W. Kopischke “Kar Bōke jen Irooj” (Ensign ak Liaona, Māe 2013, 104–6) im kwaļo̧k ekōjkan an jipan̄ er meļeļe eoon kein. Ennaan eo ilo “Kein Jipan̄ ko Jet” ekoba kajjitōk eo an Elder Kopischke n̄an kappukot m̧ōņōņō eo an Irooj ilo mour ko ad.

• N̄an jipan̄ ro uwaan kūlaaj eo ļōmņak kōn ta eo Zaion, kwomaron̄ je ioon boot eo Ta in Zaion? im kajjitōk ippāer n̄an kappukot uwaak ko ilo Katak im Bujen Ko 97:19 im 21 (lale barāinwōt Moses 7:18; Gospel Topics, “Zion,” topics.ChurchofJesusChrist.org). Emaron̄ lukkuun jipan̄ n̄an ekōnono kōn ekōjkan an Rilo̧mo̧o̧r jipan̄ kōj “erreo [buruōd].” Ta eo kar im̧we kōj n̄an kōm̧m̧ane n̄an kalōk Zaion ilo mour ko ad? ilo ward im branch eo ad? ilo jukjukin pād eo ad?

  

• Irooj ekar katakin kōn Zaion ālkin an kar jinoin kakien Armej ro Rekwojarjar n̄an kalōk juon tampeļ “kōn lo̧mo̧o̧r eo an Zaion” (lale Katak im Bujen Ko 97:12, 18–28). Etke tampeļ eo ej juon m̧ōttan eo aorōk ilo kalōk Zaion? Ekōjkan an kallim̧ur ko Irooj ekar kōm̧m̧ani kōn Zaion ilo eoon 18–28 kar kūrm̧ool ilo tōre kein ad?

Kōnono kōn “jon̄ak eo eļam waan” kar katakin ilo Katak im Bujen Ko 97:8, Elder Erich W. Kopischke ekar katakin:

“Kappukot im bōk kōmālim eo an Irooj enaaj tōlļo̧k n̄an jeļāļo̧kjeņ eo ke jej ro me kar kāālet kōj im kar kōjeram̧m̧an kōj jān E. Jenaaj bōk eļapļo̧k lōke ke Enaaj tōlļo̧k kōj im jineete kōj n̄an em̧m̧an. An tūriam̧o ejouj enaaj meļeļe ilo būruwōd, ilo mour ko ad, im ilo baam̧le ko ad.

“Kōn aolepān būruwō ij kūr kom̧ n̄an pukot an Irooj m̧ōņōņō im lem̧ōņōņō kōn kōjeram̧m̧an ko An kar kallim̧ur kaki. Ilo ad ļoor jon̄ak in eļam waan Irooj eaar letok, jenaaj jeļā bwe Ekar m̧ōņōņō kōn kōj, jekdo̧o̧n jerbal ta ko ad, taitōļ ta, jekjek rot ko jepād ie ilo mour in” (“Kar Bōke jen Irooj,” Ensign ak Liaona, Māe 2013, 106).