یعقُوب

عام طور پر یہ خیال کیا جاتا ہے کہ یعقُوب کے خط کا مصنف اُس مریم کا بَیٹا تھا، جو یِسُوع مسِیح کی ماں تھی، اور اِسی وجہ سے مُنّجی کا سوتیلا بھائی تھا۔ یعقُوب کا ذکر متّی ۱۳: ۵۵؛ مرقس ۶: ۳؛ اعمال ۱۲: ۱۷؛ ۱۵: ۱۳؛ ۲۱: ۱۸؛ اور گلتیوں ۱: ۱۹؛ ۲: ۹ میں ہوا ہے۔ اِن صحائف سے یہ ظاہر ہوتا ہے کہ یعقُوب یروشلِیم میں ایک کلیسیائی راہ نما تھا اور اُسے رَسُول کی بُلاہٹ حاصل تھی (دیکھیں گلتیوں ۱: ۱۹)۔

”انتظار کرنا مشکل ہوسکتا ہے،“ صدر ڈیٹئر ایف اوکڈورف نے سِکھایا۔ ”ہم جو چاہتے ہیں وہ ہمیں چاہیے، اور ابھی چاہیے۔ لہذا، صبر کا خیال نہایت ناخوشگوار معلوم ہوسکتا ہے“ (”Continue in Patience،“ انزائن یا لیحونا، مئی ۲۰۱۰، ۵۶)۔ یعقُوب ۱: ۲–۴؛ ۵: ۷–۱۱ کو پڑھنے کے بعد، آپ یعقُوب کے صبر سے متعلق اہم پیغام کے بارے میں کیا خیال کرتے ہیں؟ صدر اوکڈورف کے بقیہ پیغام کو پڑھنے کے بعد آپ مزید کیا بصیرت حاصل کرتے ہیں؟ آپ خُداوند کے سامنے صبر کرنے کی اپنی آمادگی کا اظہار کیسے کرسکتے ہیں؟

آپ یہ کیسے جان سکتے ہیں کہ آپ یِسُوع مسِیح پر اِیمان رکھتے ہیں؟ آپ کے کام خُدا پر آپ کے اِیمان کیسے ظاہر کرتے ہیں؟ اِیمان سے متعلق یعقُوب کی تعلیمات کا مُطالعہ کرتے ہوئے اِن سوالات کے بارے میں سوچیں۔ ابرؔہام اور راحب کے بارے میں بھی پڑھنا دلچسپ ہوسکتا ہے، جن دو مثالوں کا ذکر یعقُوب نے کیا (دیکھیں پیَدایش ۲۲: ۱–۱۲؛ یشُوع ۲)۔ اُنھوں نے خُدا پر اپنے اِیمان کا اِظہار کیسے کیا؟

یعقُوب ۱: ۳–۸، ۲۱–۲۵؛ ۲: ۱۴–۲۶؛ ۴: ۱۷ کو پڑھنے سے آپ کو اُن طریقوں کے بارے میں سوچنے میں مدد مِل سکتی ہے جن کے باعِث آپ کلام پر عمل کرنے والے بن سکتے ہیں۔ کسی بھی قسم کے حاصل ہونے والے تاثرات کو قلمبند کریں، اور اِن پر عمل کرنے کے منصوبے بنائیں۔

مزید دیکھیں ایلما ۳۴: ۲۷–۲۹؛ ۳ نیفی ۲۷: ۲۱۔

یعقُوب نے اپنے پورے خط میں بھرپور منظر کشی کا استعمال کیا ہے، زبان سے متعلق اُس کی مشورت میں کچھ انتہائی واضح زبان پائی جاتی ہے۔ اُن انداز کی ایک فہرست بنانے پر غور کریں جن سے یعقُوب نے زبان یا مُنہ کی وضاحت کی۔ ہر موازنہ یا شبیہہ ہمارے کہے گئے اِلفاظ کے بارے میں کیا تجویز کرتی ہے؟ کسی کو اپنے اِلفاظ سے برکت دینے کے بارے کچھ کرنے کے متعلق سوچیں (دیکھیں عقائد اور عہود ۱۰۸: ۷)۔

یعقُوب نے مُقدّسین کو خاص طور پر امیروں کی حمایت کرنے اور غریبوں کو حقیر جاننے کے خلاف خبردار کیا ہے، لیکن اُس کی یہ انتباہ دُوسروں کے ساتھ کسی قسم کے تعصب یا جانبداری برتنے پر بھی لاگو ہوسکتی ہے۔ اُن طریقوں کو پہچاننا مشکل ہوسکتا ہے جن کی بدولت ہم دُوسروں کو منفی طور پر چانچتے ہیں، لیکن خُداوند نے وعدہ کیا ہے کہ وہ ضرورت کے مطابق بہتر بننے میں ہماری مدد کرے گا (دیکھیں عیتر ۱۲: ۲۷)۔ دُعاگو ہو کر یعقُوب ۲: ۱–۹ کا مُطالعہ کرتے ہوئے، اپنے ہی دِل میں تلاش کریں اور رُوحُ الُقدس کی سرگوشیوں کو سُنیں۔ کیا دُوسروں کے ساتھ اپنے سلوک یا اُن کے بارے میں اپنی سوچ کے انداز میں آپ کو تبدیلیاں لانے کی ضرورت ہے؟

یعقُوب ۱: ۵ کو پڑھنے اور خاندان کے ایک فرد کو پہلی رویا کا خلاصہ بیان کرنے کی دعوت دینے پر غور کریں (دیکھیں جوزف سمتھ—تاریخ ۱: ۸–۱۳۔ خاندان کے اَرکان کو دعوت دیں کہ وہ جوزف سمتھ اور اُن تجربات سے متعلق اپنی گواہیوں کا اشتراک کریں جب آسمانی باپ نے اُن کی دُعاؤں کا جواب دیا۔

پھر یعقُوب کی خالِص دِینداری کی تعریف کو پڑھیں اور اُن طریقوں پر گفتگو کریں جو آپ کے خاندان کی مذہبی روش کو مزید خالِص بنا سکتے ہیں۔

آپ کے خاندان کو شریں زبان پانے سے متعلق یادگار عملی اسباق کی حوصلہ افزائی دینے کے لیے یعقُوب ۳ میں بہت ساری شبیہیں شامل ہیں۔ مثال کے طور پر، آپ اِس بات پر تبادلہ خیال کرسکتے ہیں کہ ایک چھوٹی سی چنگاری یا ماچس کی تیلی سے کِس طرح بڑی آگ لگ سکتی ہے، اور خاندانی اَرکان ایسے اوقات کے بارے میں سوچ سکتے ہیں جب کوئی بے رحم لفظ کسی پریشانی کا سبب بنا تھا (دیکھیں آیات ۵–۶)۔ یا آپ کسی میٹھی چیز میں کھٹی یا کڑوی چیز مِلا کر کھانے کے لیے پیش کرسکتے ہیں—جیسا کہ شہد کے برتن میں لیموں کا رس۔ ایسا کرنے سے اِس بات کو یقینی بنانے کے بارے میں گفتگو ہوسکتی ہے کہ ہمارے اِلفاظ شریں اور حوصلہ افزا ہونے چاہیے (دیکھیں آیات ۹–۱۴)۔

آزمائش کا سامنا کرتے وقت ہمیں کیوں”خُدا کے نزدِیک“ ہونا چاہیے؟

شاید کہانتی برکت حاصل کرنے کے بارے میں ذاتی تجربہ کا اشتراک کرنے سے خاندانی اَرکان کی حوصلہ افزائی ہوسکتی ہے کہ ”جب [اُنھیں] رُوحانی طاقت کی ضرورت ہو تو وہ کہانتی برکت مانگ سکتے ہیں“ (ڈیلن ایچ اوکس، ”The Importance of Priesthood Blessings،“ New Era، جولائی ۲۰۱۲، ۴)۔