۲ کُرنتھِیوں ۸–۱۳

دُنیا بھر میں بہت سارے ضرورت مند لوگ ہیں۔ ہماری کوششوں سے ممکنہ طور پر کیسے فرق پڑ سکتا ہے؟ بزرگ جیفری آر ہالینڈ نے یہ مشورت پیش کی: ”امیر یا غریب دُوسروں کی ضرورت کے وقت ’جو کُچھ ہم کرسکیں ہمیں وہ کرنا چاہیے‘ [دیکھیں مرقس ۱۴: ۶، ۸]۔ … [خُدا] آپ کی مدد کرے گا اور شاگِردی کے رحم دِلانہ کاموں میں آپ کی راہ نمائی کرے گا اگر آپ دیانت داری کے ساتھ خواہش رکھتے اور دُعا مانگتے ہیں اور اُس حکم کی فرمان برداری کرنے کے طریقے تلاش کرتے ہیں جو اُس نے ہمیں بار بار دیا ہے“ (”کیا ہم سب محتاج نہیں؟“ انزائن یا لیحونا، نومبر ۲۰۱۴، ۴۱)۔

اُن اُصولوں کا مشاہدہ کرتے ہوئے جو پَولُس نے غُربا اور ضرورت مندوں کی دیکھ بھال کے بارے میں سِکھائے تھے آپ ۲ کُرنتھِیوں ۸: ۱–۱۵؛ ۹: ۶–۱۵ پڑھیں۔ آپ کو پَولُس کی مشورت کے بارے میں کون سی بات متاثر کرتی ہے؟ آپ راہ نمائی کے لیے دُعا کرسکتے ہیں کہ کسِی ضرورت مند کو برکت دینے کے لیے آپ کیا کرسکتے ہیں۔ حاصل ہونے والے تاثرات کو یقینی طور پر قلمبند کریں اور اُن پر عمل کریں۔

مزید دیکھیں مضایاہ ۴: ۱۶–۲۷؛ ایلما ۳۴: ۲۷–۲۹؛ ہنری بی آئرنگ، ”Is Not This the Fast That I Have Chosen؟“ انزائن یا لیحونا، مئی ۲۰۱۵، ۲۲–۲۵؛ لِنڈا کے برٹن، ”I Was a Stranger،“ انزائن یا لیحونا، مئی ۲۰۱۶، ۱۳–۱۵۔

اِس باب کو سمجھنے سے آپ کو یہ جاننے میں مدد مل سکتی ہے کہ کرُنتھُس کے مُقدّسین کے درمیان ”جھُوٹے رَسُول“ اُٹھ کھڑے ہوئے تھے (۲ کُرنتھِیوں ۱۱: ۱۳)۔ آیات ۱۳–۱۵ سے آپ اُن لوگوں کے بارے میں کیا سیکھتے ہیں جو جھُوٹے عقائد کی تعلیم دیتے ہیں؟ جب آپ مسِیح کے خادِم کے طور پر پَولُس کے تجربات کے بارے میں پڑھتے ہیں تو آپ سَچّے نبِیوں کے بارے میں کیا سیکھتے ہیں؟ (دیکھیں آیات ۲۳–۳۳)۔

کیونکہ آج بہت سارے ایسے لوگ موجود ہیں جو چاہتے ہیں کہ ہم ”اُس خُلُوص اور پاکدامنی سے ہٹ جائیں جو مسِیح کے ساتھ ہونی چاہِئے“ (۲ کُرنتھِیوں ۱۱: ۳)، آپ کو شاید پَولُس کی دعوت قبول کرنے کی ضرورت ہے کہ ”تُم [اپنے آپ] کو آزماؤ، کہ اِیمان پر ہو یا نہِیں“ (۲ کُرنتھِیوں ۱۳: ۵)۔ مثال کے طور پر، آپ اِس بات پر غور کریں کہ آپ اپنی زِندگی میں سے کون سی چِیز کو نکال سکتے ہیں جو آپ کو مسِیح پر توجہ مرکوز کرنے میں مدد دے گی، یا آپ میری اِنجیل کی منادی کرو، میں صفحہ ۱۲۶ ”Attribute Activity“ کو مکمل کرسکتے ہیں۔

اِن آیات میں، پَولُس براہ راست اپنا تذکرہ کیے بغیر، اپنے بارے میں ہی بات کر رہا تھا—شاید اُس غیر معمولی رویا کے بارے میں شیخی مارنے سے بچنے کے لیے۔ ”تِیسرے آسمان“ سے مراد سیلیسٹیل بادشاہی ہے (دیکھیں عقائد اور عہود ۷۶: ۹۶–۹۸)۔

ہم نہیں جانتے کہ پَولُس کے جِسم میں کون سا ”کانٹا چُبھویا گیا“ تھا، لیکن اِس سے چھٹکارا پانے کی اُس کی خواہش کو ہم جان سکتے ہیں۔ ہم سب ایسی چنوتیوں اور مشکلات کا سامنا کرتے ہیں جنھیں خُداوند ہماری زِندگیوں سے دُور رکھنا مناسب نہیں سمجھتا ہے۔ ۲ کُرنتھِیوں ۱۲: ۵–۱۰ کو پڑھتے ہوئے اپنی چنوتیوں کے بارے میں سوچیں۔ پَولُس کمزوری کے بارے میں کیا سِکھاتا ہے؟ آپ کے نزدیک اِس قول کی کیا اہمیت ہے کہ خُدا کا فضل آپ کے لیے کافی ہے؟ آپ نے خُدا کی مضبوطی بخشنے والی قوت کا کِس طرح سے تجربہ کیا ہے؟

مزید دیکھیں مضایاہ ۲۳: ۲۱–۲۴؛ ۲۴: ۱۰–۱۵؛ عیتر ۱۲: ۲۷؛ مرونی ۱۰: ۳۲–۳۳۔

پرانے عہد نامہ کے اوقات میں، کسی پر الزام عائد کرنے کے لیے دو یا تین گواہوں کی ضرورت پڑتی تھی (دیکھیں اِستثنا ۱۹: ۱۵)۔ کرُنتھُس میں اپنے تیسرے دورے کی بات کرتے ہوئے پَولُس نے اِس مشق کا حوالہ دیا۔ متعدد گواہوں کے اِس اُصول کی جدید مثالوں میں مورمن کی کتاب کے تین گواہ، بائبل مُقدّس اور مورمن کی کتاب کی جانب سے دی گئیں یِسُوع مسِیح کی گواہیاں، اور مبلغین کی مصاحبت میں گواہی دینے کی مشق شامل ہیں۔

اِن ابواب میں ایسی کون سی چِیزیں ہیں جو آپ کے خاندان کو غُربا اور ضرورت مندوں تک پہنچنے کی ترغیب دیتی ہیں؟ خاندان کی حیثیت سے کسی ضرورت مند کی خدمت کرنے کے لیے منصوبہ بنانے کا یہ ایک اچھا وقت ہوسکتا ہے۔

کیا آپ کا خاندان کسی ایسے شَخص کو جانتا ہے جسے ”خُوشی سے دینے والا“ کہا جاسکتا ہے؟ ہم کیسے دُوسروں کی خدمت کو زیادہ خُوش و خرم بنا سکتے ہیں؟

آپ اپنے خاندان کو بدی کے خلاف ہماری ”جنگ“ کے بارے میں کِس طرح تعلیم دے سکتے ہیں؟ کیا آپ کا خاندان کرسیوں اور کمبلوں سے بنائی گئی دِیواروں یا قلعوں سے لطف اندوز ہوسکتا ہے؟ یہ گفتگو کی راہ نمائی اُس جانب کر سکتا ہے کہ اُن چیزوں کو کِس طرح ڈھانا ہے جو ہمیں خُدا سے دور کر دیتی ہیں اور کیسے ”ہر ایک خیال کو قَید کر کے مسِیح کا فرمان بردار [بنانا]“ ہے۔ ہم اپنے خیالات پر قابو پانے کے لیے کون سے ”رُوحانی ہتھیار“ استعمال کرتے ہیں؟ (دیکھیں اِفسیوں ۶: ۱۱–۱۸)۔

آپ کا خاندان ”خُلُوص اور پاکدامنی جو مسِیح کے ساتھ ہونی چاہِئے“ اِس پر زیادہ توجہ دینے کے لیے کیا کرسکتا ہے؟