۲ کُرنتھِیوں ۱–۷

پَولُس کو اپنی خدمت کے دوران جتنی مُصِیبتوں کا سامنا کرنا پڑا تھا، یہ باعثِ حیرت نہیں کہ اُس نے مُصِیبتوں کے مقاصد اور برکتوں کے بارے میں بہت کچھ لکھا۔ ۲ کُرنتھِیوں ۱: ۳–۷؛ ۴: ۶–۱۰، ۱۷–۱۸؛ اور ۷: ۴–۷ کو پڑھتے ہوئے اُن طریقوں کے بارے میں سوچیں جن کی بدولت آپ کی آزمائشیں باعثِ برکت ثابت ہوسکتی ہیں۔ مثال کے طور پر، آپ غور کریں گے کہ کیسے خُدا ”[ہماری] سب مُصِیبتوں میں [ہم] کو تسلّی دیتا ہے“ اور اِس کے بدلے میں، آپ کیسے، ”اُن کو بھی تسلّی دے سکیں گے جو کِسی طرح کی مُصِیبت میں ہیں “(۲ کُرنتھِیوں ۱: ۴)۔ یا آپ یِسُوع مسِیح کے نُور پر توجہ مرکوز کرسکتے ہیں جو ”ہمارے دِلوں میں چمکا،“ حتّیٰ کہ جب آپ ”مُصِیبت اُٹھاتے“ اور ”حَیران“ ہوتے ہیں (۲ کُرنتھِیوں ۴: ۶–۱۰)۔

مزید دیکھیں مضایاہ ۲۴: ۱۳–۱۷۔

ہم اُس شَخص کے بارے میں زیادہ نہیں جانتے جس کا ذکر پَولُس نے ۲ کُرنتھِیوں ۲: ۵–۱۱ میں کیا ہے—صرف اِتنا ہی کہ وہ غم کا باعِث ہُؤا تھا (دیکھیں آیات ۵–۶) اور یہ کہ پَولُس چاہتا تھا کہ مُقدّسین اُسے مُعاف کریں (دیکھیں آیات ۷–۸)۔ جب کوئی ہماری دلآزاری کرتا ہے تو ہم کبھی کبھار اُس کے بارے میں ”[اپنی] محبّت کا فتویٰ“ دینے میں کیوں ناکام ہوتے ہیں؟ (آیت ۸)۔ مُعاف نہ کرنے کے باعِث دُوسروں اور خود کو کیا نقصان پہنچتا ہے؟ (دیکھیں آیات ۷، ۱۰–۱۱)۔ آپ کیا سمجھتے ہیں کہ دُوسروں کو مُعاف نہ کرنے سے کیسے ”شَیطان … ہم پر داؤ“ چلاتا ہے؟ (آیت ۱۱)۔

مزید دیکھیں عقائد اور عہود ۶۴: ۹–۱۱۔

پَولُس سے بہتر اور کوئی نہیں جان سکتا، کہ ”نئی مخلُوق“ بننے سے کیا مراد ہے۔ وہ مسِیحیوں کے ستانے والے سے مسِیح کا نڈر ایلچی بن گیا۔ وہ خود سے جانتا تھا کہ کِس طرح یِسُوع، جو ”گُناہ سے واقِف نہ تھا“، ہمارے گناہ مِٹا سکتا ہے اور ہمیں اپنی ”راست بازی“ دے سکتا ہے، خُدا سے ہمارا دوبارہ مِلاپ کراتے ہوئے۔ اِن آیات کو پڑھتے ہوئے اِس بارے میں سوچیں کہ کسی دُوسرے شَخص سے مِلاپ کرنے کا کیا مطلب ہے۔ یہ کِس طرح خُدا کے ساتھ مِلاپ کرنے کا مطلب سمجھنے میں آپ کی مدد کرتا ہے؟ غور کریں کہ آپ کو خُدا سے کون سی چِیز جدا کر رہی ہے۔ اُس کے ساتھ مکمل طور پر میل مِلاپ کے لیے آپ کو مزید کیا کرنے کی ضرورت ہے؟

مزید دیکھیں ۲ نیفی ۱۰: ۲۳–۲۵۔

ہم عام طور پر غم کو اچھی چیز نہیں سمجھتے، لیکن پَولُس نے تَوبہ کے ایک لازمی حصے کے طور پر ”خُدا پرستی کے غم“ کا بیان کیا ہے۔ خُدا پرستی کے غم کے بارے میں آپ درج ذیل سے کیا سیکھتے ہیں؟ ۲ کُرنتھِیوں ۷: ۸–۱۱؛ ایلما ۳۶: ۱۶–۲۱؛ مورمن ۲: ۱۱–۱۵۔ آپ نے کب خُدا پرستی کے غم کو محسوس کیا، اور آپ کی زِندگی میں اِس کا کیا اثر پڑا ہے؟

کیا آپ کے خاندان کے اَرکان نے کبھی کسی کو اپنے لیے، ملازمت یا سکول کی درخواست کے لیے، توصیہی خط لکھنے کو کہا ہے؟ اُنھیں اِس بارے میں گفتگو کرنے کو کہیں کہ وہ تجربہ کیسا تھا اور اُس خط میں اُن کے بارے میں کیا تحریر تھا۔ پَولُس نے سِکھایا کہ مُقدّسین کی زِندگیاں خود مسِیح کی جانب سے اِنجیل کی نیک نامی کے خطوط کی مانند ہیں، جو ”سیاہی سے نہِیں بلکہ زِندہ خُدا کے رُوح سے“ لکھی گئیں۔ جب آپ اکٹھے ۲ کُرنتھِیوں ۳: ۱–۳ کو پڑھتے ہیں، تو اِس بات پر گفتگو کریں کہ ہماری مثالیں کِس طرح اِنجیل کی نیک نامی کے خطوط کی مانند ہیں جو ”سب آدمِی جانتے اور پڑھتے ہیں۔“ شاید خاندان کا ہر فرد ایک ایسا خط یا ”مراسلہ“ لکھ سکتا ہے جس میں یہ وضاحت دی گئی ہو کہ کِس طرح خاندان کے کسی دُوسرے فرد نے یِسُوع مسِیح کے اعلیٰ شاگِرد ہونے کی ایک عمدہ مثال پیش کی۔ وہ اپنے خطوط کو پورے خاندان کے سامنے پڑھ سکتے ہیں اور اُس فرد کو دے سکتے ہیں جس کے بارے میں اُنھوں نے تحریر کیا تھا۔ یہ سمجھنا کیوں ضروری ہے کہ ہماری زِندگیاں ”مسِیح کے خط[خطوط]“ ہیں؟

اِس سے کیا مراد ہے کہ ہم ”اِیمان پر چلتے ہیں، نہ کہ آنکھوں دیکھے پر“؟ ہم یہ ظاہر کرنے کے لیے کیا کر رہے ہیں کہ ہمیں اُن چِیزوں پر یقین ہے جو ہم نہیں دیکھ سکتے؟

کیا آپ کا خاندان فطرت میں سے ایسی چِیزوں کی مثالیں—سوچ—یا ڈھونڈ سکتا ہے جو کہ قابلِ ذکر تبدیلیوں سے گزر کر نئی مخلوق بنتی ہیں؟ (اِس خاکہ کے ساتھ منسلِک تصاویر دیکھیں)۔ یہ مثالیں ہمیں کیا سِکھاتی ہیں کہ یِسُوع مسِیح کی اِنجیل ہمیں کیسے تبدیل کرسکتی ہے؟

اِن آیات کے مطابق، ”خُدا کے خادِم“ ہونے سے کیا مراد ہے؟

اپنے اِرد گِرد کے لوگوں کے سامنے بھی اچھی مثال بنتے ہوئے، ہم پَولُس کی مشورت کی پیروی کیسے کرسکتے ہیں کہ، ”اُن [ناراستوں] میں سے نِکل کر الگ رہو اور ناپاک چِیز کو نہ چھُوؤ“؟