۱ کُرنتھِیوں ۱–۷

ہم کُرنتھِیوں کے مُقدّسین میں اتحاد کی کمی کے بارے میں تمام تفصیلات نہیں جانتے، لیکن ہم اپنے تعلقات میں اتحاد کی کمی سے باخبر ہیں۔ اپنی زِندگی میں اَیسے رشتے کے بارے میں سوچیں جو مزید اتحاد سے فائدہ اُٹھا سکے؛ پھر ۱ کُرنتھِیوں ۱: ۱۰–۱۷؛ ۳: ۱–۱۱ میں دیکھیں کہ پَولُس نے کُرنتھِیوں کے مُقدّسین میں اتحاد کی کمی کے بارے میں کیا تعلیم دی۔ دُوسروں کے ساتھ مزید متحد ہونے کے بارے میں آپ کیا بصیرت حاصل کرسکتے ہیں؟

مزید دیکھیں مضایاہ ۱۸: ۲۱؛ ۴ نیفی ۱: ۱۵–۱۷؛ عقائد اور عہود ۳۸: ۲۳–۲۷؛ ۱۰۵: ۱–۵۔

جبکہ یہ اچھا ہے—یہاں تک کہ اِس کی حوصلہ افزائی کی جاتی ہے—کہ جہاں بھی میسر ہو حِکمت کی تلاش کریں (دیکھیں ۲ نیفی ۹: ۲۹؛ عقائد اور عہود ۸۸: ۱۱۸)، پَولُس نے خراب اِنسانی حِکمت سے متعلق چند سخت اِلفاظ میں خبردار کیا، جسے اُس نے ” دُنیا کی حِکمت“ کا نام دیا۔ جب آپ ۱ کُرنتھِیوں ۱: ۱۷–۲۵ پڑھیں تو، غور کریں کہ اِس قول کا کیا مطلب ہوسکتا ہے۔ آپ کے خیال میں ” خُدا کی حِکمت“ سے پَولُس کا کیا مطلب تھا؟ ہمیں خُدا کے کام کو پورا کرنے کے لیے خُدا کی حِکمت کی کیوں ضرورت ہے؟

خُدا کے کام کو پورا کرنے میں اپنی ذمہ داریوں کو نبھانے کی آپ کی کوششوں کے دوران، کیا آپ نے کبھی کُرنتھِیوں کے مُقدّسین کو تعلیم دیتے ہوئے پَولُس کی مانند ”خَوف، اور … بہُت تھرتھرانے“ کی حالت کا تجربہ کیا ہے؟ (۱ کُرنتھِیوں ۲: ۳)۔ آپ کو ۱ کُرنتھِیوں ۲: ۱–۵ میں اَیسا کیا مِلتا ہے جو آپ کو تقویت بخشتا ہے؟ غور کریں کہ آپ کِس طرح اِس چِیز کا اِظہار کرسکتے ہیں کہ آپ کا بھروسا ”اِنسان کی حِکمت“ پر نہِیں بلکہ ”خُدا کی قُدرت“ پر مَوقُوف ہے۔

مزید دیکھیں عقائد اور عہود ۱: ۱۷–۲۸۔

اگر آپ موٹر گاریوں کی میکانیات یا قرون وسطی کے فنِ تعمیر سے متعلق مزید جانناچاہیں، تو آپ اِس کا علم کیسے حاصل کریں گے؟ ۱ کُرنتھِیوں ۲: ۹–۱۶ کے مطابق، ”اِنسان کی باتیں“ سیکھنے سے ”خُدا کی باتیں“ سیکھنا کیسے مختلف ہے؟ خُدا کی باتوں کو سمجھنے کے لیے ہمیں رُوحُ الُقدس کی کیوں ضرورت ہوتی ہے؟ اِن آیات کو پڑھنے کے بعد، آپ کو کیا لگتا ہے کہ آپ کو رُوحانی چِیزوں کو زیادہ اچھی طرح سے سمجھنے کے لیے کیا کرنا چاہیے؟ پَولُس کے اِلفاظ کسی اَیسے شَخص کی مدد کیسے کرسکتے ہیں جو اپنی گواہی پانے کے لیے سخت محنت کر رہا ہو؟

کرُنتھُس میں زیادہ تر لوگ محسوس کرتے تھے کہ جنسی بے حیائی قابلِ قبول ہے اور اُن کے جسم بنیادی طور پر تفریح کے لیے بنائے گئے ہیں۔ دُوسرے اِلفاظ میں، کرُنتھُس آج کی دُنیا سے اتنا مختلف نہیں تھا۔ پَولُس نے ۱ کُرنتھِیوں ۶: ۱۳–۲۰ میں اَیسا کیا سکھایا جو آپ کی دُوسروں کو یہ سمجھانے میں مدد کرسکتا ہے کہ آپ پاکیزہ زِندگی کیوں گزارنا چاہتے ہیں؟

یہ دیکھنا بھی دلچسپ ہوسکتا ہے کہ کیسے، پَولُس کی مانند، بہن وینڈی ڈبلیو نیلسن نے مُقدّسین کو اپنے خطاب ”Love and Marriage“ میں پاکیزہ رہنے کی ترغیب دی (Worldwide Devotional for Young Adults، جنوری. ۸، ۲۰۱۷، broadcasts.ChurchofJesusChrist.org)۔ بہن نیلسن کی جانب سے بیان کردہ محبّت اور قربت سے متعلق سَچّائیاں دُنیا کے پیغامات سے کِس طرح مختلف ہیں؟

مزید دیکھیں رُومِیوں ۱: ۲۴–۲۷۔

۱ کُرنتھِیوں ۷ کی متعدد آیات یہ تجویز کرتی ہیں کہ شادی قابلِ قبول ہے، جبکہ اکیلے رہنے اور جنسی تعلقات سے مکمل پرہیز کو ترجیح دی جاتی ہے۔ البتّہ، ترجمہ برائے جوزف سمتھ، ۱ کُرنتھِیوں ۷: ۲۹–۳۳ (دیکھیں بائبل کا ضمیمہ) ہمیں یہ سمجھنے میں مدد کرتا ہے کہ پَولُس اُن لوگوں کا حوالہ دے رہا تھا جنھیں کُل وقتی مبلغ کے طور پر بلاہٹ دی گئی تھی، یہ مشاہدہ کرتے ہوئے کہ کنوارے دنوں میں لوگ بہتر طور پر خُدا کی خدمت اور منادی کا کام کرنے میں کامیاب ہوتے ہیں۔ خُداوند نے اپنے بندوں کے ذریعہ سے، بمشول پَولُس، یہ تعلیم دی ہے کہ شادی اُس کے ابدی منصوبے کا ایک حصّہ ہے اور سرفرازی حاصل کرنے کے لیے ضروری رسم ہے (دیکھیں ۱ کُرنتھِیوں ۱۱:۱۱؛ عقائد اور عہود ۱۳۱: ۱–۴)۔

جب آپ کے خاندان کے افراد اِن آیات کو پڑھیں تو، اُنھیں اَیسی بصیرت تلاش کرنے کی دعوت دیں جس سے اُنھیں زیادہ متحد ہونے میں مدد مِل سکے۔

شاید آپ اِن آیات کو دودھ یا گوشت کی کوئی چیز کھاتے ہوئے پڑھ سکتے ہیں، اور ہماری رُوحانی بڑھوتی کے طریقے کا بچّوں کی بڑھوتی کے عمل کے ساتھ موازنہ کرسکتے ہیں۔

پَولُس نے اپنی تبلیغی کوششوں کا موازنہ درخت لگانے سے کیا۔ اُس کا موازنہ کیا تجویز پیش کرتا ہے کہ ہمیں دُوسروں کے ساتھ کِس طرح سے اِنجیل کا اشتراک کرنا چاہیے؟

ہمارے بَدَنوں کا ہَیکلوں کے ساتھ موازنہ کرنا، جیسا کہ پَولُس نے کیا، ہمارے بَدَنوں کے تقدس کے بارے میں تعلیم دینے کا ایک مؤثر طریقہ ہوسکتا ہے۔ شاید آپ اِس خاکہ کے ساتھ منسلک ہَیکلوں کی تصاویر دکھا سکتے ہیں۔ ہَیکلیں کیوں مُقدّس سمجھی جاتی ہیں؟ ہمارے بَدَن ہَیکل کی مانند کیسے ہیں؟ ہم اپنے بَدَنوں کے ساتھ ہَیکل جیسا سلوک روا رکھنے کے لیے کیا کرسکتے ہیں؟ (مزید دیکھیں ”Sexual Purity،“ مضبوطی برائے نوجوانان، ۳۵–۳۷۔) اگر ممکن ہو تو، اکٹھے ہَیکل یا ہَیکل کے میدانوں میں جائیں؛ اِیسا کرنے سے ہَیکل اور ہمارے بَدَن کی تقدیس کے بارے میں آپ کی گفتگو کو تقویت مِل سکتی ہے۔