رُومِیوں ۷–۱۶

حتّیٰ کہ بپتِسمہ کی رسم کے وسِیلہ ”نئی زِندگی“ میں داخل ہونے کے بعد بھی (رُومِیوں ۶: ۴)، شاید آپ نے رُومِیوں ۷ میں بیان کردہ اندرونی تنازعہ کو محسوس کیا ہو—نفسانی آدمِی اور ہماری نیک خواہشات کے درمیان ”لڑائی“ (رُومِیوں ۷: ۲۳)۔ لیکن پَولُس نے رُومِیوں ۸: ۲۳–۲۵​میں اُمِید کی بات بھی کی تھی۔ اِس اُمِید کی کون سی وجوہات آپ کو باب ۸ میں ملتی ہیں؟ آپ اُن نَعمتوں کی تلاش بھی کرسکتے ہیں جو اِس سبب سے حاصل ہوتی ہیں کہ ”خُدا کا رُوح تُم میں بسا ہُؤا ہے“ (رُومِیوں ۸: ۹)۔ آپ اپنی زِندگی میں رُوحُ الُقدس کی رفاقت کے مزید خواہاں کیسے ہوسکتے ہیں؟

پَولُس کے یہ خط لکھنے کے چند ہی سال بعد، روؔمہ کے مُقدّسین کو خوفناک ظلم و ستم کا سامنا کرنا پڑا۔ رُومِیوں ۸: ۱۷–۳۹ کے مطابق کون سی چِیز ظلم و ستم کا سامنا کرتے وقت اِن مُقدّسین کی مدد کرسکتی تھی؟ یہ اِلفاظ آپ پر اور اُن آزمائشوں پر کس طرح لاگو ہوسکتے ہیں جن کا آپ کو موجوہ طور پر سامنا ہے؟

اِن آیات اور بہن لِنڈا ایس ریوز کی مشورت کے درمیان روابط تلاش کریں: ”میں نہیں جانتی کہ ہم اتنی زیادہ آزمائشوں کا سامنا کیوں کرتے ہیں، لیکن یہ میرا ذاتی خیال ہے کہ اِس کا انعام نہایت عظیم، نہایت ابدی اور لازوال، نہایت خوش کن اور ہماری سمجھ سے بالاتر ہے کہ بخشش کے دن، ہم اپنے مہربان، پیارے باپ سے کہنا محسوس کر سکتے ہیں، ’کیا یہ سب ضروری تھا؟‘ مجھے یقین ہے کہ اگر ہم اپنے آسمانی باپ اور نِجات دہندہ کی محبّت کی گہرائی کو روزانہ یاد رکھتے اور پہچانتے ہیں، تو ہم اُن کی موجودگی اور اُن کی محبّت کے گھیرے میں دوبارہ واپس جانے کے لیے کچھ بھی کرنے کو تیار ہوں گے۔ اِس سے کیا فرق پڑتا ہے … یہاں برداشت کی جانے والی تکالیف، کیا پتہ، آخِر میں، یہ آزمائشیں ہی ہمیں ہمارے باپ اور نِجات دہندہ کے ساتھ خُدا کی بادشاہی میں ابدی زِندگی اور سرفرازی کے لیے اہل بنائیں۔“ (”Worthy of Our Promised Blessings،“ انزائن یا لیحونا، نومبر ۲۰۱۵، ۱۱)۔

فیصلہ کریں کہ آپ خُدا کی محبّت کو ”روزانہ یاد رکھنے اور پہچاننے“ کے لیے کیا کریں گے۔

پَولُس نے اِن اصطلاحات کو یہ سِکھانے کے لیے استعمال کیا کہ خُدا کے چند بچّوں کو پیشتر سے چُن لیا گیا تھا، یا پہلے سے مُقرّر کِیا گیا تھا تاکہ وہ دُنیا کی تمام قوموں کو برکت دینے کے لیے خصوصی برکات اور فرائض حاصل کریں۔ یہ خُد ا کی اپنے بچّوں کی یِسُوع مسِیح کی پیروی کرنے اور اُس کی مانند بننے کی رضامندی سے متعلق پیش آگاہی پر مبنی تھا (مزید دیکھیں اِفِسیوں ۱: ۳–۴؛ ۱ پطرس ۱: ۲)۔ تاہم، پَولُس نے رُومِیوں ۹–۱۱ میں اِس بات پر زور دیا کہ اِس سے قطع نظر کہ ہم اسرائیل کے گھرانے میں کیسے شامل ہوئے—یا کلیسیا کا رُکن بنے—سب لوگوں کو یِسُوع مسِیح پر اِیمان اور اُس کے حُکموں کی تعمیل کے ذریعہ سے انفرادی نِجات حاصل کرنی ہوگی۔

مزید معلومات کے لیے، دیکھیں ایلما ۱۳: ۱–۵۔

رُومِیوں کے آخری پانچ ابواب مُقدّسین کو زِندگی گزارنے کے طریقہ کار کے بارے میں درجنوں مخصوص ہدایات پر مشتمل ہیں۔ شاید آپ اِس پوری مشورت کو ایک ہی وقت میں لاگو نہیں کرسکتے، لیکن رُوح کی سُنیں، اور وہ ایک یا دو ایسے طریقہ کار ڈھونڈنے میں آپ کی مدد کرسکتا ہے جس پر آج ہی سے آپ کام کرنا شروع کرسکتے ہیں۔ دُعاگو ہوکر اپنے آسمانی باپ کے ساتھ اپنی خواہشات کا اشتراک کریں، اور اُس کی مدد کے خواہاں ہوں۔

اِس آیت میں پَولُس کی بیان کردہ ”لڑائی“ کے بارے میں مزید سمجھنے میں اپنے خاندان کی مدد کے لیے بزرگ شین ایم بوئن کے مضمون میں بھیڑیوں کے بارے میں کہانی کا اشتراک کرنے پر غور کریں ”Agency and Accountability“ (New Era، ستمبر ۲۰۱۲، ۸–۹)۔

بزرگ ولفرڈ ڈبلیو اینڈرسن کا پیغام ”The Music of the Gospel“ (انزائن یا لیحونا، مئی ۲۰۱۵، ۵۴–۵۶) اِس بات کی وضاحت کرنے میں مدد کرسکتا ہے کہ پَولُس نے شَرِیعَت، اعمال اور عقیدے کے بارے میں کیا تعلیم دی تھی۔ آپ کا خاندان اُن کے پیغام پر گفتگو کرنے اور موسیقی کے ساتھ اور اِس کے بغیر رقص کرنے کی کوشش سے لطف اندوز ہوسکتا ہے۔ بغیر موسیقی کے رقص کرنا کیسے اِیمان کے بغیر اِنجیل کی تعمیل کرنا ہے؟

خُدا کے کلام کا مُطالعہ کرنے کے باعِث ہمیں اِن آیات میں بیان کردہ برکات کیسے حاصل ہوئی ہیں؟ شاید خاندانی اَرکان اپنے پسندیدہ صحائف میں سے کچھ کا اشتراک کرسکتے ہیں (مزید دیکھیں ۲ نیفی ۲۵: ۲۶)۔

اپنے آپ کو ”اَیسی قُربانی ہونے کے لِئے نذر کرنا جو زِندہ اور پاک اور خُدا کو پسندِیدہ ہو“ کا کیا مطلب ہے؟ (رُومِیوں ۱۲: ۱)۔

آپ کا خاندان دُوسروں کی ذاتی ترجیحات کی جانچ کرنے اور اِس کے بارے میں بحث کرنے سے متعلق پَولُس کی مشورت کا مُطالعہ کرنے سے فائدہ اُٹھا سکتا ہے۔ دُوسروں کے انتخاب آپ سے مختلف ہونے کی صُورت میں آپ ردِعمل دینے کے مناسب طریقوں پر تبادلہ خیال کرسکتے ہیں۔ ہم اِس بات کے بارے میں کیسے مزید مستعد ہو سکتے ہیں کہ ہمارے اپنے انتخابات دُوسروں کو کِس طرح متاثر کرتے ہیں؟