මතෙව් 13; ලූක් 8; 13

මෙම පරිච්ඡේදයේ, “ස්වර්ග රාජ්‍යය” යන්නෙන් අදහස් කරන්නේ ක්‍රිස්තුස්වහන්සේගේ සැබෑ සභාවයි, එය මිහිපිට ස්වර්ග රාජ්‍යයයි. වැඩි විස්තර සඳහා, බයිබල් ශබ්දකෝෂයේ “Kingdom of heaven or kingdom of God” බලන්න.

සමහර හදවත් සත්‍යයට පිළිගන්නා අතර තවත් සමහරු එයට විරුද්ධ බව පෙනෙන්නේ ඇයි? වපුරන්නාගේ උපමාව කියවීමෙන් ඔබට ස්වාමින්වහන්සේගෙන් සත්‍යය ලැබෙන්නේ කෙසේද යන්න ගැන සිතාබැලීමට හොඳ අවස්ථාවක් ලැබේ. පළමුව මතෙව් 13 හි 3–8 පද 18–23 පදවල දක්වා ඇති අර්ථ නිරූපණයන් සමග ගැලපීම ප්‍රයෝජනවත් විය හැකිය. ඔබ තුළ “හොඳ භූමියක්” අස්වැද්දීමට ඔබට කුමක් කළ හැකිද? දෙවියන්වහන්සේගේ වචනය සැබවින්ම ඇසීමෙන් හා අනුගමනය කිරීමෙන් ඔබව වළක්වන සමහර “කටු” මොනවාද?

තවත් බලන්න ලූක් 13:34; මොසායා 2:9; 3:19; ඇල්මා 12:10–11; 32:28–43; Dallin H. Oaks, “The Parable of the Sower,” Ensign or Liahona, May 2015, 32–35.

ජෝසෆ් ස්මිත් අනාගතවක්තෘවරයා ඉගැන්වූයේ මතෙව් 13 හි ඇති උපමාවේ අවසාන දිනවල සභාවේ වර්ධනය හා ඉරණම විස්තර කරන බවයි (බලන්න Teachings of Presidents of the Church: Joseph Smith [2007], 293–303). ඔබ මෙම උපමා කියවන විට, ස්වාමින්වහන්සේගේ සභාව ගැන, ඒවා ඔබට උගන්වන දේ ලියන්න (මෙම උපමා සමහරක් ගැන ජෝසෆ් අනාගතවක්තෘවරයා ඉගැන්වූ දේ ගැන සඳහන් කිරීමට ඔබට අවශ්‍ය විය හැකිය):

• තිරිඟු සහ කිරිඳි (13: 24-30, 36–43): දුෂ්ටයන් හා ධර්මිෂ්ටයන් ලෝකයේ අවසානය දක්වා එකට වැඩෙති.

• අබ ඇටය (13:31–32):

• මුහුන් (13:33):

• සැඟවුණු නිධානය සහ ඉතා වටිනා මුතු ඇටය (13:44–46):

• දැල (13:47–50):

• ගෙදර ස්වාමියා (13:52):

මෙම උපමා ගැන මෙනෙහි කිරීමෙන් පසු, ක්‍රිස්තුස්වහන්සේගේ පසු-දවස්වල සභාවේ වැඩකටයුතු වලට වඩාත් පූර්ණ ලෙස සහභාගීවීමට ඔබ තුළ ඇති පෙලඹීම කුමක්ද? මෙම උපමා අදාළ කරගැනීමට ඔබට උපකාර කළහැකි ඔබේ මනසට පැමිණෙන ප්‍රශ්න මොනවාද? නිදසුනක් වශයෙන්, “මා සභාව වෙනුවෙන් කැපකිරීමට කැමති කුමක්ද?”

බයිබල් ශබ්දකෝෂයද බලන්න, “Leaven,” “Parables.”

මෙම උපමාව විශ්ලේෂණය කළ හැකි එක් ක්‍රමයක් නම්, එහි පින්තූරයක් ඇඳීම සහ මතෙව් 13:36–43 සහ දහම සහ ගිවිසුම 86:1–7 හි අර්ථ නිරූපණයන් සමග එය ලේබල් කිරීමයි. කිරිඳි යනු “විෂ සහිත වල්පැලෑටි වන අතර, එය කරල් වන තෙක් තිරිඟු වලට සමාන වේ” (බයිබල් ශබ්දකෝෂය, “tares”). ලෝකයේ ඇති දුෂ්ටකම් නොතකා විශ්වාසවන්තව සිටීමට මෙම උපමාවේ ඇති කුමන සත්‍යයන් ඔබව පොළඹවන්නේද?

“ස්ත්‍රී ගෝලයන් යේසුස්වහන්සේ සහ දොළොස්දෙනා සමග ගමන් කරමින් [යේසුස්වහන්සේගෙන්] අධ්‍යාත්මිකව ඉගෙනගෙන උන්වහන්සේට තාවකාලිකව සේවය කළෝය. … යේසුස්වහන්සේගේ දේවසේවය—උන්වහන්සේගේ ශුභාරංචියේ සුභ පණිවිඩය සහ උන්වහන්සේගේ සුවකිරීමේ ශක්තියේ ආශිර්වාද ලැබීමට අමතරව—මෙම ස්ත්‍රීන් උන්වහන්සේට උපස්ථාන කොට, ඔවුන්ගේ ධනය හා භක්තිය ලබාදුන්නෝය” (Daughters in My Kingdom [2011], 4). ගැළවුම්කරුවාණන් පසුපස ගිය ස්ත්‍රීන්ද උන්වහන්සේ පිළිබඳව ප්‍රබල සාක්ෂි දරති (බලන්න Linda K. Burton, “Certain Women,” Ensign or Liahona, May 2017, 12–15).

ඔබගේ පවුලේ සාමාජිකයන් ගැලවුම්කරුවාණන්ගේ උපමා කියවන විට, ඔවුන්ට හුරුපුරුදු වස්තූන් හෝ තත්වයන් භාවිතා කරමින් ස්වර්ග රාජ්‍යය පිළිබඳ (සභාව පිළිබඳ) එකම සත්‍යයන් උගන්වන ඔවුන්ගේම උපමා ගැන සිතීමෙන් ඔවුන් සතුටට පත්විය හැකිය.

අපගේ හදවත් තුළ සහ අපගේ නිවසේ “හොඳ භූමියක්” අස්වැද්දීමට පවුලක් වශයෙන් අපට කුමක් කළ හැකිද? (මතෙව් 13:23). ඔබේ පවුලේ කුඩා දරුවන් සිටීනම්, දෙවියන්වහන්සේගේ වචනය ඇසීමට අපගේ හදවත් සූදානම් කිරීම සඳහා විවිධ ආකාර වලින් ක්‍රියාකරන ආකාර රඟදක්වා පවුලේ සාමාජිකයින්ට ඔවුන් කරන්නේ කුමක්දැයි අනුමාන කරන්නට ආරාධනා කිරීම විනෝදජනක විය හැකිය.

ක්‍රිස්තුස්වහන්සේගේ වචනය කැමැත්තෙන් ලැබීමේ වැදගත්කම තේරුම්ගැනීමට ඔබ ඔබේ පවුලේ සාමාජිකයන්ට උදව් කරන්නේ කෙසේද? නිදසුනක් වශයෙන්, ඔබ නිහඬව මතෙව් 13: 13–16 කියවන අතරතුර පවුලේ සාමාජිකයෙකුගේ කන් වැසිය හැකිය. පවුලේ සාමාජිකයා එම පද වලින් තේරුම්ගත්තේ කුමක්ද? දෙවියන්වහන්සේගේ වචනය ලැබීමේදී අපගේ ඇස්, කන් සහ හදවත් ඉටුකරන කාර්යභාරය කුමක්ද? දෙවියන්වහන්සේගේ වචනයට අපගේ ඇස්, කන් සහ හදවත් වසාදැමිය හැකි ක්‍රම මොනවාද?

මෙම උපමා වල මිනිසුන් දෙදෙනා අතර පොදුවේ ඇත්තේ මොනවාද? දෙවියන්වහන්සේගේ රාජ්‍යයට අපගේ ජීවිතයේ මුල්තැන දීම සඳහා පුද්ගලයන් වශයෙන් සහ පවුලක් වශයෙන් අප විසින් කළ යුතු අමතර දේවල් තිබේද?

අපට ගැලවුම්කරුවාණන්ගේ ආදර්ශය අනුගමනය කර මිනිසුන්ව වහල්භාවයෙන් මුදවාගැනීමට හැක්කේ කෙසේද?