මතෙව් 10–12; මාර්ක් 2; ලූක් 7; 11

මතෙව් 10 හි යේසුස්වහන්සේ උපදෙස් ලබාදුන්නේ උන්වහන්සේගේ ගෝලයන්ටය, නමුත් අප සියලුදෙනාටම කිරීමට ස්වාමින්වහන්සේගේ කාර්‍යයේ කොටසක් ඇත. තම දූතමෙහෙය ඉටුකිරීමට ක්‍රිස්තුස්වහන්සේ උන්වහන්සේගේ ප්‍රේරිතවරුන්ට ලබාදුන් බලය කුමක්ද? ඔබව කැඳවනු ලැබූ කාර්‍යයේදී උන්වහන්සේගේ බලයට ප්‍රවේශ වන්නේ කෙසේද? (2 කොරින්ති 6:1–10;දහම සහ ගිවිසුම 121:34–46) බලන්න.

ඔබ ක්‍රිස්තුස්වහන්සේ උන්වහන්සේගේ ගෝලයන්ට දුන් නියෝගය කියවන විට, ස්වාමින්වහන්සේ ඔබෙන් බලාපොරොත්තු වන කාර්‍යයන් පිළිබඳ හැඟීම් ඔබට ලැබෙනු ඇත. පහත ආකාරයේ වැනි වගුවක් ඔබේ සිතුවිලි සංවිධානය කිරීමට උපකාරී වේ.

තවත් බලන්න Articles of Faith 1:6; Bible Dictionary, “Apostle”; “Jesus Calls Twelve Apostles to Preach and Bless Others” (video, ChurchofJesusChrist.org).

තම ගෝලයන්ට පීඩා කරන බවත් ඔවුන්ගේ ඇදහිල්ල පිළිබඳව ප්‍රශ්ණ කරන බවත් ස්වාමින්වහන්සේ කලින් දුටුවේය—එය අද ගෝලයන්ට අත්විඳිය හැකි දේට සමාන දෙයකි. නමුත් ශුද්ධාත්මයාණන් තුළින් කිවයුත්තේ කුමක්ද කියා ඔවුන්ට දැනගත හැකිබව උන්වහන්සේ ගෝලයන්ට පොරොන්දු වූ සේක. සමරවිට ඔබ ඔබේ සාක්ශිය බෙදාගත් විට, ආශිර්වාදයක් ලබාදුන් විට, හෝ කෙනෙකු සමග සංවාදයකදී, මෙම දිව්‍යමය ආශිර්වාද ඔබගේ ජීවිතයේ ඉටුවූ අත්දැකීම් ඔබට තිබෙනවාද? ඔබේ අත්දැකීම් ආදරණීය කෙනෙකු සමග බෙදාගැනීමට හෝ දිනපොතක සටහන් කිරීම සලකා බලන්න.

ලූක් 12:11–12; දහම සහ ගිවිසුම 84:85 ද බලන්න.

වැඩිහිටි ඩී. ටොඩ් ක්‍රිස්ටෝෆර්සන් ඉගැන්වූ ලෙස: “ඔබ යේසුස් ක්‍රිස්තුස්වහන්සේගේ ශුභාරංචිය පිළිගෙන උන්වහන්සේගේ ගිවිසුමට එළඹෙද්දී ඔබගෙන් බොහෝදෙනෙක් පියා සහ මව, සහෝදර සහෝදරියන් විසින් ප්‍රතික්ෂේප කොට නෙරපා හැර ඇති බව මට විශ්වාසයි. එක් ආකාරයකින් හෝ වෙනත් ආකාරයකින්, ක්‍රිස්තුස්වහන්සේ කෙරෙහි ඔබගේ උසස් ප්‍රේමය ඔබට ආදරය කරන සබඳතාවල කැපකිරීම් අවශ්‍යව ඇති අතර ඔබ බොහෝ කඳුළු සලා ඇත. එහෙත් ඔබේ ප්‍රේමය හීන නොවී, ඔබ මේ කුරුසිය යට ස්ථීරව සිටිමින්, දෙවියන්වහන්සේගේ පුත්‍රයාණන් ගැන ලැජ්ජා නොවෙමින් සිටින බව පෙන්වයි” (“Finding Your Life,” Ensign, Mar. 2016, 28).

ගැළවුම්කරුවාණන් අනුගමනය කිරීම සඳහා ආදරණීය සබඳතා අහිමිකර ගැනීමට ඇති මෙම කැමැත්ත “මා නිසා තමාගේ ජීවිතය නැතිකරගන්නාට එය සම්බවේ” (මතෙව් 10:39) යන පොරොන්දුව සමග පැමිණේ.

අප සියල්ලන්ම බර උසුලයි—සමහර ඒවා අපගේම පාප සහ වැරදි වල ප්‍රතිඵල වන අතර, සමහර ඒවා අන් අයගේ තෝරාගැනීම් නිසා ඇති වූ ඒවාය, ඒ වගේම සමහරක් ඒවා කිසිවෙකුගේ වරදක් නිසා නොවන නමුත් හුදෙක් මිහිපිට ජීවිතයේ කොටසක් වේ. අපගේ අරගලවලට හේතුව කුමක් වුවත්, යේසුස්වහන්සේ අපට ආයාචනා කරන්නේ උන්වහන්සේ වෙතට පැමිණෙන ලෙසයි, එවිට අපගේ බර දරාගැනීමට සහ සහනයක් ලබාගැනීමට උන්වහන්සේට උපකාර කළ හැකිය (මොසායා 24 ද බලන්න). වැඩිහිටි ඩේවිඩ් ඒ. බෙඩ්නර් මෙසේ ඉගැන්වීය, “පරිශුද්ධ ගිවිසුම් ඇතිකරගැනීම හා ඒවා පැවැත්වීම ස්වාමින් වන යේසුස් ක්‍රිස්තුස්වහන්සේ හා අප අතර සම්බන්ධයක් ඇති කරයි” (“Bear Up Their Burdens with Ease,” Ensign or Liahona, May 2014, 88). මෙය මතකයේ තබාගෙන, මෙම වගන්ති වල ගැළවුම්කරුවාණන්ගේ වචන වඩාත් හොඳින් තේරුම්ගැනීමට පහත දැක්වෙන ආකාරයේ ප්‍රශ්ණ මෙනෙහි කරන්න: “මාගේ ගිවිසුම් මාව ගැළවුම්කරුවාණන් හා සම්බන්ධකරන්නේ කෙසේද?” “ක්‍රිස්තුස්වහන්සේ වෙතට පැමිණීමට මා කුමක් කළ යුතුද?” හෝ “ගැලවුම්කරුවාණන්ගේ වියගහ පහසු සහ ඔහුගේ බර සැහැල්ලුකරන්නේ කුමන අර්ථයෙන්ද?”

ඔබ කියවන විට ඔබේ මතකයට එන අනෙකුත් ප්‍රශ්ණ මොනවාද? ඒවා සටහන් කර මේ සතියේ ශුද්ධලියවිලි වල සහ අනාගතවක්තෘවරුන්ගේ වචන වල පිළිතුරු සොයන්න. ඔබේ සමහර ප්‍රශ්ණ වලට පිළිතුරු ඉහත සඳහන් වැඩිහිටි ඩේවිඩ් ඒ. බෙඩ්නර්ගේ පණිවිඩය තුළ සොයාගත හැකිවිය හැකිය.

ගැළවුම්කරුවාණන් පරිසිවරයෙකු වූ සීමොන් බැහැදුටු අවස්ථාව දැක්වෙන මෙම පදවල ඔබ ඔබව දකිනවාද? ඔබ කවදා හෝ සයිමන් වාගේ වී තිබේද? යේසුස් ක්‍රිස්තුස්වහන්සේ කෙරෙහි ආදරය සහ යටහත්පහත් බව පෙන්වන කාන්තාවගේ ආදර්ශය අනුගමනය කිරීමට ඔබට කුමක් කළ හැකිද? ගැළවුම්කරුවාණන්වහන්සේ ස්ත්‍රීයට පෙන්වූ මෘදු මොලොක් බව සහ දයාව ඔබ අත්විඳ ඇත්තේ කවදාද? සමාවදීම ගැළවුම්කරුවාණන් කෙරෙහි අති අපගේ ආදරය ශක්තිමත් කරන්නේ කෙසේද යන්න පිළිබඳව දැක්වෙන මෙම වගන්ති වලින් ඔබ ඉගෙනගත්තේ මොනවාද?

වඩාත් මෑතක ප්‍රධාන ස්ම්මන්ත්‍රණයක පණිවිඩ ගැන අප සලකා බලන විට, නූතන ප්‍රේරිතවරුන්ගේ උපදෙස් පිළිපැදීම සහ අනුගමනය කිරීමේදී අප පවුලක් ලෙස කරන්නේ කෙසේද? ඔවුන්ගේ උපදෙස් වලට ඇති අපගේ කීකරුකම අපව යේසුස් ක්‍රිස්තුස්වහන්සේ වෙතට ලංකරන්නේ කෙසේද?

මෙම පදවල ගැළවුම්කරුවාණන්ගේ ඉගැන්වීම් ඔබේ පවුලට දෘශ්‍යමාන කිරීමට උපකාර කිරීම පිණිස, ඔවුන්ට බර යමක් මරුවෙන් මාරුවට මුළින්ම තනි තනියෙන්ද පසුව උදවු ඇතිවද අදින්නට සැලස්විය හැකිය. අප උසුලන සමහර කරදර මොනවාද? ක්‍රිස්තුස්වහන්සේගේ වියගහ අප මතට ගැනීම තුලින් අදහස්වන්නේ කුමක්ද? මෙම ආකෘතිය සමග ඇති පිගතූරය වියගහක් යනු කුමක්දැයි පැහැදිලි කිරීමට ඔබට උපකාර වනු ඇත.

සබත් දවස අපට “හොඳින්” ගතකල හැක්කේ කෙසේද? (මතෙව් 12:12). සබතේදී ගැළවුම්කරුවාණන්ට අපව සුවකළ හැක්කේ කුමන ආකාර වලින්ද?