یُوحنّا ۲–۴

جب آپ یُوحنّا ۲: ۱–۱۱ میں پڑھتے ہیں کہ مُنّجی نے پانی کو مَے میں تبدیل کردیا، تو تبدیل کرنے کی مسِیح کی قدرت کے بارے میں آپ کو کیا بصیرت حاصل ہوتی ہے؟

آپ وہاں پر موجود مختلف لوگوں، جیسا کہ مریم، شاگِرد، اور دیگر کے نقطہ نظر پر غور کرکے اضافی بصیرت حاصل کرسکتے ہیں۔ اِن لوگوں نے کیسے مُعجِزے کا تجربہ کیا ہو گا؟ آپ اِن آیات میں مُعجِزوں کے بارے میں جو سیکھتے ہیں اُس کا موازنہ آپ اُس تعلیم کے ساتھ کرسکتے ہیں جو یِسُوع مسِیح نے نِیکدُیمُس (دیکھیں یُوحنّا ۳: ۱–۸) اور کنوے پر عورت کو دی (دیکھیں یُوحنّا ۴: ۳–۲۶)۔

جب نِیکدُیمُس یِسُوع کو پوشیدگی میں مِلا، تو وہ محتاط مبصر تھا۔ تاہم، بعد میں، اُس نے سب کے سامنے یِسُوع کا دفاع کیا (دیکھیں یُوحنّا ۷: ۴۵–۵۲) اور مُنّجی کو دفن کرتے وقت پیروکاروں کے ساتھ شامل ہوا تھا (دیکھیں یُوحنّا ۱۹: ۳۸–۴۰)۔ یُوحنّا ۳: ۱–۲۱ میں آپ کو کون سی ایسی تعلیمات ملتی ہیں جس سے نِیکدُیمُس نے یِسُوع کی پیروی کرنے اور نئے سِرے سے پَیدا ہونے کی تحریک پائی ہوگی؟

نبی جوزف سمتھ نے سِکھایا، ”نئے سِرے سے پَیدا ہونا، خُدا کے رُوح کی بدولت رسوم کے ذریعے ممکن ہوتا ہے“ (Teachings of Presidents of the Church: Joseph Smith [۲۰۰۷]، ۹۵)۔ آپ کے بپتِسمہ (”پانی سے پَیدا“ ہونا [یُوحنّا ۳: ۵]) اور استحکام (”رُوح سے پَیدا“ ہونا [یُوحنّا ۳: ۵]) نے نئے سِرے سے پَیدا ہونے میں کیا کردار ادا کیا؟ آپ اِس تبدیلی کے عمل کو جاری رکھنے کے لیے کیا کر رہے ہیں؟ (دیکھیں ایلما ۵: ۱۱–۱۴)۔

مزید دیکھیں مضایاہ ۵: ۷؛ ۲۷: ۲۵–۲۶؛ ڈیوڈ اے بیڈنار، ”Ye Must Be Born Again،“ انزائن یا لیحونا، مئی ۲۰۰۷، ۱۹–۲۲۔

بزرگ جیفری آر ہالینڈ نے سِکھایا، ”کُل ابدیت کا پہلا عظیم سَچّ یہ ہے کہ خُدا نے ہم سے اپنے سارے دِل، جان، عقل اور طاقت سے محبّت رکھی“ (”Tomorrow the Lord Will Do Wonders among You،“ انزائن یا لیحونا، مئی ۲۰۱۶، ۱۲۷)۔ آپ نے خُدا کی محبّت کو اُس کے بَیٹے کے تحفے کے ذریعہ کیسے محسوس کیا؟

عشائے ربانی خُدا کی محبّت اور اُس کے بَیٹے کے تحفے پر غور کرنے کا موقع فراہم کرتی ہے۔ کون سے گیت اِس محبّت کو محسوس کرنے میں آپ کی مدد کرتے ہیں؟ ”I Stand All Amazed“ (گیت نمبر ۱۹۳) مِل کر گانے پر غور کریں۔ آپ عشائے ربانی کو مزید معنی خیز بنانے کے لیے کیا کرسکتے ہیں؟

کچھ لوگ یِسُوع کے اِس بیان سے اُلجھن میں پڑ سکتے ہیں کہ خُدا رُوح ہے۔ اِس آیت کا ترجمہ برائے جوزف سمتھ ایک اہم وضاحت پیش کرتا ہے: ”کیونکہ ایسے لوگوں کے ساتھ خُدا نے اپنے رُوح کا وعدہ کیا ہے“ (یُوحنّا ۴: ۲۴ زیریں حاشیہ اے میں)۔ جدید مُکاشفہ بھی یہی سِکھاتا ہے کہ خُدا کا بدن گوشت اور ہڈیوں پر مشتمل ہے (دیکھیں عقائد اور عہود ۱۳۰: ۲۲–۲۳؛ مزید دیکھیں پیدائش ۵: ۱–۳؛ عبرانیوں ۱:۱–۳)۔

یِسُوع کا اِس بات سے کیا مطلب ہوسکتا ہے جب اُس نے سامری عورت سے کہا کہ جو کوئی اِس پانی میں سے پیتا ہے وہ پھر پیاسا نہ ہو گا؟ اِنجیل کیسے زِندگی کے پانی کی نمائندگی کرتی ہے؟

سامری عورت کو مُنّجی نے یہ پیغام بھی دیا کہ ہماری اپنی عبادت کرنے کا طریقہ اِس امر سے زیادہ اہمیت کا حامل ہے کہ ہم کہاں عبادت کرتے ہیں (دیکھیں یُوحنّا ۴: ۲۱–۲۴)۔ ”رُوح اور سَچّائی سے پرستش“ کرنے کے لیے آپ کیا کر رہے ہیں؟ (یُوحنّا ۴: ۲۳)۔

مزید دیکھیں ڈِین ایم ڈیویز، ”The Blessings of Worship،“ انزائن یا لیحونا، نومبر ۲۰۱۶، ۹۳–۹۵۔

جب آپ کا خاندان اِس ہفتے میں یہ ابواب پڑھے تو، اِس بات پر خصوصی توجہ دیں کہ کِس طرح مُنّجی رُوحانی سَچّائیاں سِکھانے کے لیے روزمرہ کی چِیزوں—پیدائش، ہوا، پانی اور کھانے—کا استعمال کرتا ہے۔ آپ اپنے گھر کی کون سی چِیزوں کو رُوحانی سَچّائیاں سِکھانے کے لیے استعمال کرسکتے ہیں؟

جب آپ اُن چِیزوں سے گریز کریں گے جو آپ کے گھر کو جسمانی اور رُوحانی طور پر ناپاک کرسکتی ہیں، تو آپ کا گھر ایک مُقَدَّس جگہ بن سکتی ہے—جیسا کہ ہیکل۔ آپ کے خاندان کو کن چِیزوں کو اپنے گھر سے دور رکھنے کی ضرورت ہے تاکہ یہ ایک مُقَدَّس جگہ بن جائے؟ ایسی چِیزوں کو دور رکھنے کے لیے آپ کیا کریں گے؟

خاندانی اَرکان سے حمل اور پیدائش کے مُعجِزے—زندہ، متحرک اور ذہین وجود کی تخلیق کے عمل کے بارے میں سوچنے کو کہیں۔ مسِیح نے سِکھایا تھا کہ خُدا کی بادشاہی میں داخل ہونے سے پہلے ہمیں نئے سِرے سے پَیدا ہونا ضرُور ہے۔ ہمارے خُدا کی بادشاہی میں داخل ہونے سے پہلے ہمیں درکار تبدیلیوں کے لیے نئے سِرے سے پَیدا ہونے کی تمثیل کیوں اچھی ہے؟ ہم نے رُوحانی طور پر نئے سِرے سے پَیدا ہونے کے عمل کا تجربہ کیسے کیا ہے؟

خاندان کے اَرکان کو دعوت دیں کہ وہ اِس آیت کو اپنے اِلفاظ میں ایسے بیان کریں گویا وہ اِس کی وضاحت کسی دوست کے سامنے پیش کر رہے ہیں۔ مسِیح نے ہماری زِندگی میں خُدا کی محبّت کو محسوس کرنے میں ہماری کِس طرح مدد کی ہے؟

اپنی اِنجیل کا موازنہ زِندگی کے پانی کے ساتھ کرتے ہوئے مُنّجی ہمیں کیا سِکھا رہا تھا؟ پانی کا گلاس اپنے ہاتھ میں تھامنے اور اپنے خاندان سے پانی کی خصوصیات کی وضاحت دینے پر غور فرمائیں۔ روزانہ پانی پینا ہمارے لیے کیوں ضروری ہے؟ یِسُوع مسِیح نے کیوں اپنی اِنجیل کا موازنہ ”ایک چشمہ جو ہمیشہ کی زِندگی کے لئِے جاری رہیگا“ کے ساتھ کیا؟ (یُوحنّا ۴: ۱۴)۔