මොර්මොන්ගේ පොත සත්‍ය බව ආත්මයාණන්වහන්සේ මට සාක්ෂි දරන්නේ කෙසේද?

මෝර්මොන්ගේ පොත ආරම්භ වන්නේ අනාගතවක්තෘ ලෙහි පුදුමාකාර දර්ශනයක් දැකීමෙනි. මෙම දර්ශනයේදී ඔහුට පොතක් ලබාදී කියවීමට ආරාධනා කරන ලදි. “ඔහු කියවන විට,” ඔහු ස්වාමින්වහන්සේගේ ආත්මයෙන් පූර්ණ විය” කියා එම වාර්තාව පවසයි. මෙම අත්දැකීම නිසා ලෙහි ඔහුගේ “බලය, සහ යහපත්කම සහ දයාව” නිසා දෙවියන්වහන්සේට ප්‍රශංසා කිරීමට පෙළඹවූ අතර ලෙහිගේ “ආත්මය ප්‍රීතිවිය, ඔහුගේ මුළු හදවතම පිරී ගියේය” (1 නෙපි 1:12, 14–15).

ඔබට කවදා හෝ එවැනිම අත්දැකීමක් ලැබී තිබේද? මෝර්මොන්ගේ පොත කියවීමෙන් දෙවියන්වහන්සේගේ යහපත්කම හා දයාව පිළිබඳ කෘතඥතාවයෙන් ඔබේ හදවත කවදා හෝ පුරවා තිබේද? මෝර්මොන්ගේ පොතේ ඡේද කවදා හෝ ඔබේ ආත්මය ප්‍රීතියට පත්කර තිබේද? මෙම හැඟීම් ආත්මයාණන්ගේ බලපෑමයි, ඔබ කියවන වචන දෙවියන්වහන්සේගෙන් පැමිණ උන්වහන්සේගේ සත්‍යය උගන්වන බවට ඔබට ඒවා සාක්ෂි දරයි.

යේසුස් ක්‍රිස්තුස්වහන්සේගේ වන්දිගෙවීම ගැන අපූරු දේශනයක් දේශනා කිරීමෙන් පසු (බලන්න මොසායා 2–4), තම සෙනඟ “ඔහු ඔවුන්ට පැවසූ වචන විශ්වාස කළේද” යන්න දැනගැනීමට බෙන්ජමින් රජුට අවශ්‍ය විය.” ඔවුන් ප්‍රතිචාර දැක්වූයේ ඔහුගේ පණිවිඩය විශ්වාස කරන බවයි. ඇයි? “අප තුළ බලවත් වෙනස්කමක්, හෝ අපගේ හදවත් වලින්, එනම් දුෂ්ඨ දේ කිරීමට ආශාවක් තවත් නැත, එහෙත් නොනවත්වා යහපත් දේ කරන්නේ ස්වාමීවූ සර්ව බලධාරියාණන්ගේ ආත්මය නිසාය” (මොසායා 5:1–2).

ඔබ මෝර්මොන්ගේ පොත කියවා ඇති විට ඔබේ හදවතේ ඒ හා සමාන දෙයක් ඔබ දැක ඇති. නිදසුනක් වශයෙන්, වඩා හොඳ පුද්ගලයෙකු වීමට, පාපයෙන් හැරීමට හෝ යමෙකු වෙනුවෙන් කාරුණික දෙයක් කිරීමට ඔබට පෙලඹීමක් ඇතිවිය හැකිය. මෙම පොත දෙවියන්වහන්සේගෙන් ආනුභාව ලත් බවට ඔබ සොයන අධ්‍යාත්මික සාක්ෂිය මෙයයි. මොර්මොන් ඉගැන්වූ ලෙස, “එසේහෙයින් යහපත් දෙය කිරීමට සහ දෙවියන්වහන්සේට ප්‍රේම කරන්නාවූ සහ උන්වහන්සේට සේවය කිරීමට ආරාධනා කරන්නාවූද පොළඹවන්නාවූ සියළු දේ දෙවියන්වහන්සේ විසින් පොළඹවන්නේය” (මොරෝනි 7:13; තවත් බලන්න 2 නෙපි 33:4, 10; ඇල්මා 19:33; ඊතර් 4:11–12).

ඇල්මාට “[උන්වහන්සේගේ] වචන අත්හදා බැලීමට” සහ ඔහුගේ සාක්ෂිය සත්‍යයක් දැයි තමන්ටම දැනගන්නට සොරමයිට්ස්වරුන්ට උදව් කිරීමට අවශ්‍ය වූ විට, ඔහු දෙවියන්වහන්සේගේ වචනය බීජයකට සමාන කළේය: “දැන් එනම් බීජය නුඹගේ හදවතේ පැල කිරීමට නුඹ ස්ථානයක් දෙන්නේ නම් බලන්න,” ඔහු විස්තර කළේය, “එය නුඹගේ පපුව තුළ වැඩිවන්නේය; තවද මෙම වැඩිවන බව දැනෙන විට නුඹලාම නුඹලා තුළ කියාගන්නෙහුය - එනම් මෙය යහපත් බීජයක් වියයුතු වන්නේය, හෝ එනම් වචනය යහපත්ය, මක්නිසාද එය මාගේ ප්‍රාණය විශාල කිරීමට පටන්ගන්නේය; එසේය එය මාගේ තේරුම්ගැනීම ආලෝකමත් කිරීමට පටන්ගන්නේය, එසේය, එය මා හට රසවත් වීමට පටන්ගන්නේය” (ඇල්මා 32:27–28).

මෝර්මොන්ගේ පොතේ වචන වලට ඔබේ ජීවිතයට බලපෑම් කිරීමට සහ ඔබේ තේරීම් වලට මගපෙන්වීමට ඔබ ඉඩදෙන විට ඔබ ඒවාට ඔබේ හදවතේ “ස්ථානයක්” ලබා දෙයි. එමෙන්ම මෙම වචන “[ඔබේ] ආත්මය විශාල කර” සහ “ඔබේ අවබෝධය ආලෝකවත් කරන්නේ” කෙසේද? ඔබ අධ්‍යාත්මිකව ශක්තිමත් වන බව ඔබට හැඟෙනු ඇත. ඔබට අන් අයට වඩා ආදරයක් හා විවෘත බවක් දැනෙන්නට පුළුවන. ඔබ දේවල්, විශේෂයෙන් අධ්‍යාත්මික දේවල් - ඔබේ මනසෙහි ආලෝකයක් බබළන්නාක් මෙන් වඩා හොඳින් තේරුම්ගෙන ඇති බව ඔබට පෙනෙනු ඇත. මොර්මොන්ගේ පොතෙහි උගන්වන දහම “රසවත්” බවට ඔබට එකඟ විය හැකිය. සත්‍යය පිළිබඳ අධ්‍යාත්මික සාක්ෂියක් ඔබට සැබවින්ම ලැබී ඇති බව තේරුම්ගැනීමට එවැනි හැඟීම් ඔබට උපකාර කරයි, ඇල්මා ප්‍රකාශ කළ පරිදි: “අහෝ, එවිට මෙය සත්‍ය නොවන්නේද? මම නුඹලාට කියන්නෙමි, එසේය, මක්නිසාද එය ආලෝකයය; තවද අලෝකය වන්නේ කුමන දෙයක්ද එය යහපත වන්නේය, මක්නිසාද එය ප්‍රත්‍යක්ෂ කරගත හැකි වන්නේය, එසේහෙයින් එය යහපත් යැයි නුඹලා දැනගත යුතු වන්නේය” (ඇල්මා 32:35).

මේවා ආත්මයාණන්වහන්සේ සන්නිවේදනය කරන ක්‍රම කිහිපයක් පමණි. තවත් බොහෝ ක්‍රම ඇත. ආත්මයාණන්ගේ හඬට ඇහුම්කන්දීමට අවස්ථා සෙවීම නොනවත්වා කරන්න, එවිට මෝර්මොන්ගේ පොතේ සත්‍යවාදී බව සනාථ කරන උන්වහන්සේගේ අඛණ්ඩ සාක්ෂිය ඔබට ලැබෙනු ඇත.

සභාපති රසල් එම්. නෙල්සන් මෙසේ පොරොන්දු වී ඇත: “සත්‍යය කුමක්දැයි ඔබ පුදුම විය යුතු නැත. ඔබට ආරක්ෂිතව විශ්වාස කළ හැක්කේ කාවදැයි ඔබ කල්පනා කළයුතු නැත. මොර්මොන්ගේ පොත දෙවියන්වහන්සේගේ වචනය බවත්, ජෝසෆ් ස්මිත් අනාගතවක්තෘවරයෙකු බවත්, මෙය ස්වාමින්වහන්සේගේ සභාව බවත් ඔබේම සාක්ෂියක් පුද්ගලික එළිදරව් තුළින් ඔබට ලැබිය හැකිය. අන් අය පවසන හෝ කරන දේ කුමක් වුවත්, සත්‍යය පිළිබඳව ඔබේ හදවතට සහ මනසට ගෙන එන සාක්ෂියක් කිසිවෙකුට රැගෙන යා නොහැකිය” (“සභාව සඳහා එළිදරව්, අපගේ ජීවිත සඳහා එළිදරව්,” එන්සයින් හෝ ලියහෝනා, මැයි 2018, 95).