“සරල සහ වටිනා සත්‍යයන්”

• ස්වර්ගික පියාණන්වහන්සේ, යේසුස් ක්‍රිස්තුස්වහන්සේ සහ ශුද්ධාත්මයාණන්වහන්සේ වෙන් වෙන් වූ අය වන නමුත් අරමුණින් එකය (බලන්න 3 නෙපි 11:32, 36).

• නැවත නැගිටිනු ලැබූ ගැලවුම්කරුවාණන්ට ස්පර්ශ කළ හැකි ශරීරයක් ඇත (බලන්න 3 නෙපි 11:10–17).

දේවශීර්ෂය පිළිබඳ අමතර ශුද්ධලියවිලි: 2 නෙපි 31:6–8; ඊතර් 12:41

• යේසුස් ක්‍රිස්තුස්වහන්සේ අපගේ පාප හා දුක් පීඩා නිසා දුක්විඳි නිසා අපට උපකාර කළ යුත්තේ කෙසේදැයි උන්වහන්සේ දන්නා සේක (බලන්න ඇල්මා 7:11–13).

• යේසුස් ක්‍රිස්තුස්වහන්සේගේ කරුණාවෙන් අපට පරිපූර්ණ විය හැකිය (බලන්න මොරෝනි 10:32–33).

ගැලවුම්කරුවාණන්ගේ වන්දිගෙවීම පිළිබඳ අමතර ශුද්ධලියවිලි: 1 නෙපි 10:6; 2 නෙපි 2:6–9; යාකොබ් 4:11–12; මොසායා 3:1–19; ඇල්මා 34:8–16

• ආදම් සහ ඒවගේ වැටීම ස්වර්ගික පියාණන්ගේ සැලැස්මේ අත්‍යවශ්‍ය අංගයකි (බලන්න 2 නෙපි 2:22–27).

• අපට තෝරාගැනීමේ නිදහස ක්‍රියාත්මක කිරීමට විරුද්ධත්වය අවශ්‍යය (බලන්න 2 නෙපි 2:11–16).

• අපගේ ක්‍රියාවන් හා අපගේ හදවතේ ආශාවන් අනුව අපව විනිශ්චය කරනු ලැබේ (බලන්න ඇල්මා 41:3–7).

• “ගින්දර සහ ගෙන්දගම් විල” යන්නෙන් පසුතැවිලි නොවූ අයගේ වේදනාව සංකේතවත් කරයි (බලන්න 2 නෙපි 9:16–19; මොසායා 3:24–27).

ගැලවීමේ සැලැස්ම පිළිබඳ අමතර ශුද්ධලියවිලි 2 නෙපි 9:11–26; ඇල්මා 22:12–14; 34:31–35; 42:1–26

• මහා අඳුරු කාලය සිදුවූයේ අධර්මිෂ්ටකම සහ අවිශ්වාසය හේතුවෙනි (බලන්න මෝර්මොන් 8:28, 31–41).

• මොර්මොන්ගේන් පොත බයිබලයේ උගන්වන සත්‍යයන් තහවුරු කරයි (බලන්න 1 නෙපි 13:19–41; 2 නෙපි 3:12).

• ක්‍රිස්තුස්වහන්සේගේ සභාව උන්වහන්සේගේ නාමයෙන් හැඳින්විය යුතුය (බලන්න 3 නෙපි 27:3–9).

අඳුරු කාලය පිළිබඳ අමතර ශුද්ධලියවිලි: 1 නෙපි 13:1–9, 24–29; 2 නෙපි 27–28

නැවත පිහිටුවීම පිළිබඳ අමතර ශුද්ධලියවිලි: 1 නෙපි 14:7–12; 22:7–11; 2 නෙපි 3:7–24; 25:17–18

• සියලුම අනාගතවක්තෘවරුන් යේසුස් ක්‍රිස්තුස්වහන්සේ ගැන සාක්ෂි දරයි (බලන්න මොසායා 13:33–35).

• අධ්‍යාත්මික සත්‍යය පිළිබඳ දැනුමක් ලැබෙන්නේ ශුද්ධාත්මයාණන් කරණකොටගෙනය (බලන්න ඇල්මා 5:45–47).

• දෙවියන්වහන්සේගේ සියලු වචන බයිබලයේ අඩංගු නොවේ (බලන්න 2 නෙපි 29:10–13).

• දෙවියන්වහන්සේගෙන් එළිදරව් ලැබීම අපේ කාලයේ නතරවී නැත (බලන්න මොර්මොන් 9:7–9).

අනාගතවක්තෘවරුන් පිළිබඳ අමතර ශුද්ධලියවිලි: 1 නෙපි 22:1–2; මොසායා 8:16–18; හිලමන් 13:24–33

එළිදරව් පිළිබඳ අමතර ශුද්ධලියවිලි: යාකොබ් 4:8; ඇල්මා 12:9–11; 17:2–3; මොරෝනි 10:5

• පූජකත්වය දරන්නන් කැඳවනු ලැබුවේ ලෝකයේ පදනමේ පටන්ය (බලන්න ඇල්මා 13:1–3).

• පුද්ගලයෙකුට සුභාරංචිය දේශනා කිරීමට දෙවියන්වහන්සේගෙන් බලය තිබිය යුතුය (බලන්න මොසායා 23:17).

පූජකත්වය පිළිබඳ අමතර ශුද්ධලියවිලි: මොසායා 18:17–20; ඇල්මා 13; හිලමන් 10:7

• සදාකාලික ජීවිතය ලැබීමට බෞතීස්මය අත්‍යවශ්‍යයි (බලන්න 2 නෙපි 31:4–13, 17–18).

• බෞතීස්මය ගිල්වීමෙන් සිදුකළ යුතුය (බලන්න 3 නෙපි 11:23–27).

• කුඩා දරුවන්ට බෞතීස්ම වීම අවශ්‍ය නැත (බලන්න මොරෝනි 8:8–12).

• නිසි අධිකාරීත්වයක් ඇති අයෙකු විසින් ක්‍රිස්තුස්වහන්සේගේ අණ පණත් වලට අනුව වත්පිළිවෙත් ක්‍රියාත්මක කළ යුතුය (බලන්න මොසායා 18:17–18; 3 නෙපි 11:21–27; මොරෝනි 4:1).

වත්පිළිවෙත් පිළිබඳ අමතර ශුද්ධලියවිලි: මොසායා 18:8–17; 21:33–35; ඇල්මා 13:16; 3 නෙපි 18:1–11; මොරෝනි 2–6; 8:4–26

ගිවිසුම් පිළිබඳ අමතර ශුද්ධලියවිලි: 2 නෙපි 11:5; මොසායා 5:1–9; ඇල්මා 24:17–18

• ස්වාමිපුරුෂයා හා භාර්යාව එකිනෙකාට ආදරය කළ යුතුය (බලන්න යාකොබ් 3:5–7).

• දෙමාපියන් තම දරුවන් ස්වාමින්වහන්සේ වෙත ඇතිදැඩි කළ යුතුය (බලන්න 1 නෙපි 7:1).

විවාහය සහ පවුල පිළිබඳ අමතර ශුද්ධලියවිලි: 1 නෙපි 1:1; 2 නෙපි 25:26; යාකොබ් 2:23–28; ඊනොස් 1:1; මොසායා 4:14–15; 3 නෙපි 18:21

• ස්වාමින්වහන්සේ සිය අණ පණත් ඉටුකිරීමට අපට මාර්ගයක් සූදානම් කරනු ඇත (බලන්න 1 නෙපි 3:7).

• දෙවියන්වහන්සේගේ අණ පණත් පිළිපදින්නේ නම් අපට ආශිර්වාද කරන බවට උන්වහන්සේ පොරොන්දුවී ඇත (බලන්න මොසායා 2:22–24).

අණ පණත් පිළිබඳ අමතර ශුද්ධලියවිලි: 1 නෙපි 17:3; 22:30–31; ඇල්මා 37:13, 35; 50:20