මොරෝනි 7–9

අද ලෝකය බලගතු පණිවිඩ වලින් පිරී ඇත; හරි කුමක්ද වැරැද්ද කුමක්දැයි අපට කිව හැක්කේ කෙසේද? මොරෝනි 7 හි මොර්මොන්ගේ වචන අපට “වැරදි ලෙස විනිශ්චය කිරීම” වළක්වා ගැනීමට භාවිතා කළ හැකි මූලධර්ම කිහිපයක් ලබාදෙයි (මොරෝනි 7:18). ඔබ මොරෝනි 7:12–20 අධ්‍යයනය කරන විට, ඔබව දෙවියන්වහන්සේට සමීප කරන්නේ මොනවාද සහ එසේ නොකරන්නේ මොනවාදැයි දැනගැනීමට ඔබට උපකාර කළ හැකි සත්‍යයන් සොයන්න. ඔබට හමුවන පණිවිඩ සහ මේ සතියේ ඔබගේ අත්දැකීම් ඇගයීමට ඔබට උදව් කිරීමට සහ යහපත් දේ කිරීමට පෙළඹවීමකට ඒවා ඔබට ආරාධනා කරනවාද නැද්ද යන්න තීරණය කිරීමට ඔබට මෙම සත්‍යයන් භාවිතා කළ හැකිය (බලන්න මොරෝනි 7:13).

තවත් බලන්න “Judging Others,” Gospel Topics, topics.ChurchofJesusChrist.org; Bible Dictionary, “Light of Christ.”

යහපත හා අයහපත අතර වෙනස හඳුනාගන්නේ කෙසේද යන්න ඉගැන්වීමෙන් පසුව, මොර්මොන් අද අදාළ යැයි පෙනෙන ප්‍රශ්නයක් ඇසීය: විශේෂයෙන්ම සතුරාගේ පරීක්ෂාවන් එතරම් සිත් ඇදගන්නා සුළු වන විට—“තවද නුඹලාට සියලු යහපත් දේ අල්ලාගෙන සිටීමට හැකිවන්නේ කෙසේද?” (මොරෝනි 7:20). මොර්මොන්ගේ පිළිතුර 7 වන පරිච්ඡේදයේ ඉතිරි කොටස පුරා සොයාගත හැකිය. ඔබ 20–48 දක්වා පද කියවන විට, යේසුස් ක්‍රිස්තුස්වහන්සේ නිසා ඔබට ඇති “සෑම යහපත් දෙයක්ම” හඳුනාගැනීමට උපකාර වන සත්‍යයන් සොයන්න. උන්වහන්සේ කෙරෙහි ඇදහිල්ල තිබීම යහපත් දේ සෙවීමට ඔබට උපකාර කරන්නේ කෙසේද? ඔබට වඩා හොඳ දේවල් “අල්ලාගෙන” සිටිය හැක්කේ කෙසේද?

තවත් බලන්න Articles of Faith 1:13.

සභාපති ඩාලින් එච්. ඕක්ස් මෙසේ නිරීක්ෂණය කළේය “දයාව කිසිවිටෙකත් අසාර්ථක නොවීමට හේතුව සහ ප්‍රේමය වඩා වැදගත් යහපත් ක්‍රියාවන්ට වඩා විශාල වීමට හේතුව නම්… එම දයාව , ‘එනම් ක්‍රිස්තුස්වහන්සේගේ නිර්මල ප්‍රේමය’ (මොරෝනි 7:47), එය ක්‍රියාවක් නොව නමුත් තත්වයක් හෝ පැවැත්මකි. … ප්‍රේමය යනු කෙනෙකු පත්වන දෙයකි” (“The Challenge to Become,” Ensign, Nov. 2000, 34). ඔබ මොරෝනි 7:44–48 කියවන විට, ප්‍රේමය පිළිබඳ මොර්මොන්ගේ විස්තරය සලකා ශුද්ධාත්මයාණන්ගේ හැඟීම් වලට සවන්දෙන්න; ඔබට දියුණු විය හැකි මාර්ග සොයාගැනීමට උන්වහන්සේට උදව් කළ හැකිය. ප්‍රේමයේ ත්‍යාගය ලැබීමට අපට ඇදහිල්ල හා බලාපොරොත්තුව අවශ්‍ය වන්නේ ඇයි?

නෙපිවරුන්ගේ බිහිසුණු පව් පිළිබඳව මොර්මොන්ගේ විස්තරය සමහරු වැරදියට නිගමනය කර ඇත්තේ ලිංගික අතවර හෝ අපයෝජනයට ගොදුරු වූවන් පිරිසිඳු බවේ නීතිය උල්ලංඝනය කර ඇති බවයි. කෙසේවෙතත්, වැඩිහිටි රිචඩ් ජී. ස්කොට් පැහැදිලි කළේ මෙය එසේ නොවන බවයි. ඔහු මෙසේ ඉගැන්වූවේය, “වෙනත් කෙනෙකුගේ ප්‍රචණ්ඩත්වය, විකෘති කිරීම හෝ ව්‍යභිචාරය ඔබේ කැමැත්තට පටහැනිව, ඔබට දරුණු ලෙස රිදවන විට, ඒ සඳහා ඔබ වගකිව යුතු නැති අතර ඔබට වරදකාරි හැඟීමක් ඇති නොවිය යුතු බවට මම තරයේ සාක්ෂි දෙමි” (“Healing the Tragic Scars of Abuse,” Ensign, May 1992, 32).

තමා දුටු දුෂ්ඨකම විස්තර කිරීමෙන් පසු, මොර්මොන් තම පුතාට දුක් නොවන්නැයි කීවේය. මොර්මොන්ගේ බලාපොරොත්තුව පිළිබඳ පණිවිඩය ගැන ඔබව පුදුම කරවන්නේ කුමක්ද? ක්‍රිස්තුස්වහන්සේ “ඔබව ඔසවා තැබීම” යන්නෙන් ඔබට අදහස් කරන්නේ කුමක්ද? “ඔබේ මනසෙහි රැඳී” ඔබට බලාපොරොත්තුවක් ලබාදෙන, ක්‍රිස්තුස්වහන්සේගේ ගුණාංග සහ උන්වහන්සේගේ ශුභාරංචියේ මූලධර්ම මොනවාද? (මොරෝනි 9:25).

තවත් බලන්න Dieter F. Uchtdorf, “The Hope of God’s Light,” Ensign or Liahona, May 2013, 70, 75–77.

මොරෝනි 7:5–11 ට අනුව, නිවැරදි හේතු සඳහා නිවැරදි දේ කිරීම වැදගත් වන්නේ ඇයි? “සැබෑ චේතනාවෙන්” අපි දෙවියන්වහන්සේගේ ආඥා වලට කීකරු වන්නේ දැයි සහ යාච්ඤා කරන්නේ දැයි දැනගන්නේ කෙසේද? (6 පදය).

අපි අපේ කාලය ගතකරන්නේ කෙසේද සහ අප එය වැය කරන්නේ කා සමගද යන්න පිළිබඳව හොඳ තේරීමක් කිරීමට මොර්මොන්ගේ උපදෙස් අපට උපකාර කරන්නේ කෙසේද? “යහපත කිරීමට, දෙවියන්වහන්සේට ප්‍රේම කිරීමට හා උන්වහන්සේට සේවය කිරීමට” ආරාධනා කරන දේවල් ඔබේ නිවසේ සොයා ඒවා “තදින් අල්ලාගෙන සිටීමට” (මොරෝනි 7:19), ඔබට පවුලේ සාමාජිකයින්ට ආරාධනා කළ හැකිය (මොරෝනි 7:13). ඔවුන් සොයාගන්නා යහපත් දේ ගැන ඔවුන්ට ප්‍රශංසා කරන්න.

මෙම පදය කියවීමෙන් පසු, පවුලේ සාමාජිකයින්ට තමන් දුටු ප්‍රාතිහාර්යයන් ගැන හෝ ඔවුන්ගේ ජීවිත තුළ දෙවියන්වහන්සේගේ හස්තය දැක ඇති වෙනත් ක්‍රම ගැන කතා කළ හැකිය.

කුඩා දරුවන් බව්තීස්ම කළ නෙපිවරුන් යේසුස් ක්‍රිස්තුස්වහන්සේගේ වන්දිගෙවීම ගැන වරදවා වටහාගත්තේ කුමක්ද? වන්දිගෙවීම පිළිබඳව මොර්මොන්ගේ ඉගැන්වීම් වලින් අප ඉගෙනගන්නේ මොනවාද?

“පරිපූර්ණ ප්‍රේමය” තිබීම යන්නෙන් අදහස් කරන්නේ කුමක්ද? බිය දුරු කිරීමට එය අපට උපකාර කරන්නේ කෙසේද? නිර්භීතව සත්‍යය ඉගැන්වීමට එය අපට උපකාර කරන්නේ කෙසේද? අපි එය වර්ධනය කරන්නේ කෙසේද?