3 නෙපි 17–19

3 නෙපි 11-18 හි වාර්තා කර ඇති පරිදි, ක්‍රිස්තුස්වහන්සේගේ පළමු සංචාරය අත්විඳින ලද පුද්ගලයන් 2500 ක් පමණ සිටි බව අපි දනිමු (3 නෙපි 17:25 බලන්න). නමුත් ගැළවුම්කාරයාණන් ඔවුන්ට එකිනෙකාට සේවය කිරීමට ක්‍රමයක් සොයාගත්තේය. මෙම පරිච්ඡේදයේ ගැලවුම්කරුවාණන්ගේ ආදර්ශයෙන් සේවය කිරීම ගැන ඔබ ඉගෙනගන්නේ මොනවාද? උන්වහන්සේ සේවය කළේ කුමන අවශ්‍යතා සඳහාද? උන්වහන්සේගේ ආදර්ශය අන් අයට දේවසේවය කිරීමට ඔබට උපකාර කරන්නේ කෙසේදැයි සිතා බලන්න.

ගැළවුම්කරුවාණන් ඔබ වෙනුවෙන් යාච්ඤා කිරීම ඇසීම කෙබඳු වේදැයි සිතා බලන්න. උන්වහන්සේ ඔබ වෙනුවෙන් කුමක් කියයිද? මෙම පරිච්ඡේදවල උන්වහන්සේගේ ඉගැන්වීම් සහ යාච්ඤාවන් ඔබට අදහසක් ලබාදෙනු ඇත. ඔබ ඉගෙනගන්නා විට, ක්‍රිස්තුස්වහන්සේගේ ආදර්ශයෙන් ඔබගේ යාච්ඤා වඩාත් අර්ථවත් කළ හැකි කුමක් ඔබ ඉගෙනගන්නේද? ඔබේ ජීවිතයේ ඔබ දැක ඇති යාච්ඤාවෙන් ලැබෙන ආශිර්වාද මොනවාද?

ඔබ 3 නෙපි 18:1–12 කියවන විට, සක්‍රමේන්තුව ගැනීමෙන් ඔබට අධ්‍යාත්මිකව “පූර්ණ වීමට” හැකිවන්නේ කෙසේදැයි සිතා බලන්න (3 නෙපි 18:3–5, 9; 3 නෙපි 20:1–9 ද බලන්න). නිදසුනක් වශයෙන්, “ගැලවුම්කරුවාණන් මා වෙනුවෙන් කළ පරිත්‍යාගය ගැන මට හැඟෙන්නේ කෙසේද?” වැනි සක්‍රමේන්තුව ගන්නා විට පුද්ගලික පිළිබිඹුවක් ඇති කිරීම සඳහා ඔබට ප්‍රශ්න ලැයිස්තුවක් සෑදිය හැකිය. “උන්වහන්සේගේ පරිත්‍යාගය මගේ දෛනික ජීවිතයට බලපාන්නේ කෙසේද?” හෝ “අනුගාමිකයෙකු වශයෙන් මා කරන්නේ කුමක්ද, සහ මට දියුණු විය හැක්කේ කෙසේද?”

සභාපති හෙන්රි බී. අයිරින්ග්ගේ මෙම වචන ඔබට අධ්‍යාත්මික වශයෙන් පූර්ණ වීමට උපකාරවත් වන එක් මාර්ගයක් ගැන මෙනෙහි කිරීමට උපකාරී වේ: “සක්‍රමේන්තුව පිළිබඳ වත්පිළිවෙත තුළ ඔබ ඔබේ ජීවිතය පරීක්ෂා කර බලන විට, ඔබේ සිතුවිලි කේන්ද්‍රගත වන්නේ ඔබ කළ වැරදි වලට පමණක් නොව—ස්වර්ගික පියාණන්වහන්සේ සහ ගැළවුම්කරුවාණන් ඔබ ගැන සතුටු වූ බව ඔබට හැඟුණු ඔබ නිවැරදි දේ කළ මොහොතවල් පිළිබඳවද එසේ වේ යැයි මම බලාපොරොත්තුවෙමි. සක්‍රමේන්තුව අතරතුර ඔබට මේ දේවල් දැකීමට උදව් කරන්නැයි දෙවියන්වහන්සේගෙන් ඉල්ලීමට මොහොතක් ලබාගත හැකිය. … මම මෙය කළ විට, ආත්මයාණන් මට සහතික වී ඇත්තේ මා තවමත් පරිපූර්ණ නොවන අතර, මම ඊයේට වඩා අද හොඳ බවය. ගැළවුම්කරුවාණන් නිසා, මට හෙට තවත් වැඩියෙන් හොඳ විය හැකි බවට, මෙය මට විශ්වාසයක් ලබාදෙයි” (“Always Remember Him,” Ensign, Feb. 2018, 5).

ඔබ මෑතකදී පැවසූ යාච්ඤාවක් ගැන සිතන්න. ඔබගේ ගැඹුරු ආශාවන් ගැන ඔබගේ යාච්ඤාවන් ඔබට උගන්වන්නේ කුමක්ද? ගැලවුම්කරුවාණන් ඉදිරියේ දිනක් ගතකිරීමෙන් පසු, සමූහයා ශුද්ධාත්මයාණන්ගේ ත්‍යාගය වන —“තමන් වඩාත්ම ආශා කළ දේ උදෙසා යාච්ඤා කළහ” (3 නෙපි 19:9). ඔබ මෙම ඡේද කියවන විට, ශුද්ධාත්මයාණන්ගේ මිත්‍රත්වය සඳහා ඔබේම ආශාව මෙනෙහි කරන්න. ශුද්ධාත්මයාණන්ගේ මිත්‍රත්වය සෙවීම ගැන ඔබ ඉගෙනගන්නේ මොනවාද?

ඔබ පවුලක් ලෙස මෙම පරිච්ඡේදය කියවන විට, වරින් වර විරාමයක් තබා ඔබේ පවුලේ අයට මෙම සිදුවීම් අත්විඳිනවා යැයි සිතීමට ආරාධනා කරන්න. නිදසුනක් වශයෙන්, “සුවය ලැබීමට ගැලවුම්කරුවාණන් වෙත ඔබ ගෙන එන පීඩා මොනවාද?” වැනි ප්‍රශ්න ඔබට ඇසිය හැකිය. “උන්වහන්සේ ඔබ උදෙසා යාච්ඤා කරනවාට ඔබ කැමති කුමක්ද?” හෝ “ කුමන ආදරණීයයන්ව උන්වහන්සේ ආශිර්වාද කරනවාට ඔබ කැමතිද?” මෙම පරිච්ඡේදය කියවීමෙන් යේසුස්වහන්සේ කළාක් මෙන් ඔබේ පවුලේ සාමාජිකයන් එකිනෙකා වෙනුවෙන් යාච්ඤා කිරීමටද ඔබව පෙලඹවිය හැකිය.

සක්‍රමේන්තුවට සහභාගි වීමෙන් “පුරවනු ලැබීම” යන්නෙන් අදහස් කරන්නේ කුමක්ද, සහ අප එය අත්විඳින්නේ කෙසේද? 5-7 පද වලින් යේසුස්වහන්සේ අපට සක්‍රමේන්තුව ලබාදුන් හේතුව කුමක් කියා අපි ඉගෙනගන්නවාද?

යාච්ඤාවේ අරමුණු ගැන මෙම පද වලින් අප ඉගෙනගන්නේ කුමක්ද? පුද්ගලයන් වශයෙන් සහ පවුලක් වශයෙන් අපගේ යාච්ඤා වල අධ්‍යාත්මික බලය වැඩිදියුණු කරන්නේ කෙසේද?

අප අවට සිටින සියල්ලන්ටම අත්විඳිය හැකි යැයි අපි ප්‍රාර්ථනා කරන සුභාරංචිය තුළින් අපගේ පවුල අත්විඳ ඇති දේවල් මොනවාද? අපි සුභාරංචියේ සොයාගත් දේ ඔවුන්ටද “හැඟී දැකීමට” (3 නෙපි 18:25), ඒ මගින් අනෙක් අයව ක්‍රිස්තුස්වහන්සේ වෙතට ගෙන ඒමට, “වෙහෙසවී වැඩකිරීමට” (3 නෙපි 19:3) මෙම පද වල මිනිසුන්ගේ ආදර්ශය අප අනුගමනය කරන්නේ කෙසේද?