3 නෙපි 20–26

ගැළවුම්කරුවාණන් සමූහයාට අපූරු පොරොන්දු කිහිපයක් ලබාදුන් අතර උන්වහන්සේගේ ගිවිසුම් ගත ජනතාවගේ අනාගතය ගැන අනාවැකි කීය—එමෙන්ම එයට ඔබත් ඇතුළත්ය. සභාපති රසල් එම්, නෙල්සන් පැවසූ පරිදි: “ස්වාමින්වහන්සේගේ ගිවිසුම් ජනතාව අතර අපිද වෙමු. මෙම පොරොන්දු ඉටුකිරීම සඳහා පෞද්ගලිකව සහභාගී වීමේ වරප්‍රසාදය අපගේය. ජීවත්වීමට මොන තරම් ප්‍රීතිමත් කාලයක්ද!” (“The Gathering of Scattered Israel,” Ensign or Liahona, Nov. 2006, 79).

3 නෙපි 20–22 දක්වා ගැලවුම්කරුවාණන්ගේ වචන වල අවසාන දින ගැන අනාවැකි සොයන්න. මෙම අනාවැකි අතුරින් ඔබට විශේෂයෙන් සිත් ඇදගන්නා සුළු ඒවා මොනවාද? මෙම පරිච්ඡේද වල අනාවැකි ඉටුකිරීමට ඔබට කුමක් කළ හැකිද?

3 නෙපි 21:1–7 ඇඟවුම් කරන්නේ මොර්මොන්ගේ පොත ඉදිරියට පැමිණීම (2 සහ 3 පද වල “මේ දේවල්”) දෙවියන්වහන්සේගේ පොරොන්දු දැනටමත් ඉටුවීමට පටන්ගෙන ඇති බවට ලකුණක් බවයි. එම පොරොන්දු මොනවාද, එමෙන්ම ඒවා ඉටුකිරීමට මොර්මොන්ගේ පොත උපකාර කරන්නේ කෙසේද?

තවත් බලන්න Russell M. Nelson, “Hope of Israel” (worldwide devotional for youth, June 3, 2018), broadcasts.ChurchofJesusChrist.org.

මෙම පරිච්ඡේදයන් පුරාම යේසුස්වහන්සේගේ වචන හා ක්‍රියාවන් මගින් ශුද්ධලියවිලි ගැන උන්වහන්සේට හැඟෙන ආකාරය හෙළිවේ. 3 නෙපි 20:10–12; 23; සහ 26:1–12 හි ශුද්ධලියවිලි ගැන ඔබ ඉගෙනගන්නේ මොනවාද? “මේ දේවල් උවමනාවෙන් සෙවීමට” ඔබව පොළඹවන මෙම පද වලින් ඔබ සොයාගන්නා දේවල් මොනවාද? (3 නෙපි 23:1).

3 නෙපි 22 සහ 24 හි ගැලවුම්කරුවාණන් යෙසායා සහ මලාකිගේ විචිත්‍රවත් රූප හා සැසඳීම් වලින් පිරී ඇති, වචන උපුටා දක්වයි— ඒවා නම් වර්ණවත් අත්තිවාරම් ගල්, ගින්නෙහි ගල් අඟුරු, පිරිපහදු කළ රිදී, ස්වර්ගයේ කවුළුය. ඒවා ලැයිස්තුවක් සෑදීම සිත්ගන්නා සුළු විය හැකිය. දෙවියන්වහන්සේ තම සෙනග සමග ඇති සම්බන්ධතාවය ගැන ඒ සෑම එකක්ම ඔබට උගන්වන්නේ මොනවාද? නිදසුනක් වශයෙන්, 3 නෙපි 22:4–8 හි දෙවියන්වහන්සේ ස්වාමිපුරුෂයෙකු හා උන්වහන්සේගේ සෙනග භාර්යාවකට සමාන කරයි. මෙම රූපක ගැන කියවීමෙන් ස්වාමින්වහන්සේ සමග ඇති ඔබේ සම්බන්ධතාවය ගැන සිතා බැලීමට ඔබව පොළඹවනු ඇත. මෙම පරිච්ඡේද වල පොරොන්දු ඔබේ ජීවිතයේ ඉටුවී ඇත්තේ කෙසේද? (විශේෂයෙන් බලන්න 3 නෙපි 22:7–8, 10–17; 24:10–12, 17–18).

එලියාගේ පොරොන්දු වූ නැවත පැමිණීම සියවස් ගණනාවක් ලොව පුරා සිටින යුදෙව්වන් උනන්දුවෙන් අපේක්ෂා කරමින් සිටියහ. 1836 දී කර්ට්ලන්ඩ් දේවමාළිගාවේදී ජෝසෆ් ස්මිත්ට පෙනී සිටිමින්, එලියා නැවත පැමිණ ඇති බව පසු-දවස්වල ශුද්ධවන්තයින් දනී (දහම සහ ගිවිසුම 110:13–16 බලන්න). දේවමාළිගාව සහ පවුල් ඉතිහාස කටයුතු යන—පියවරුන් වෙත හදවත් යොමු කිරීමේ කටයුතු—හොඳින් සිදුවෙමින් පවතී. ඔබේ හදවත ඔබේ මුතුන්මිත්තන් වෙත යොමුකිරීමට උපකාරවත් වූ ඔබට ලැබී ඇති අත්දැකීම් මොනවාද?

මෙම පදය කියවීමෙන් පසු, ඔබට නිවස තුළ සෑදිය හැකි කූඩාරමක් සාදා සභාව පාළුකරයේ කූඩාරමක් මෙන් වන ආකාරය ගැන කතා කළ හැකිය. “[එහි] කඹ දිගුකර” සහ “[එහි] ස්ටේකයන් ශක්තිමත් කිරීම” යන්නෙහි අර්ථය කුමක්ද? සභාවේ “නවාතැන්” සොයාගැනීමට අප අන් අයට ආරාධනා කරන්නේ කෙසේද? (මෙම වීඩියෝව බලන්න “Welcome” on ComeuntoChrist.org).

ගැලවුම්කරුවාණන් අපේ පවුලේ අය තබා ඇති වාර්තා පරීක්ෂා කර බැලුවහොත්, උන්වහන්සේ අපෙන් ඇසිය හැකි ප්‍රශ්න මොනවාද? අප වාර්තා කළ යුතු වැදගත් සිදුවීම් හෝ අධ්‍යාත්මික අත්දැකීම් තිබේද? පවුලේ වාර්තාවක් සැකසීමට සහ එකතු කිරීමට මෙන්ම ඇතුළත් කළ යුතු දේ පිළිබඳව සාකච්ඡා කිරීමට දැන් සුදුසු කාලයක් විය හැකිය. පවුලේ කුඩා සාමාජිකයින්ට ඔබගේ වාර්තාව ඡායාරූප හෝ චිත්‍ර වලින් සරසමින් විනෝද විය හැකිය. අපගේ පවුලේ අධ්‍යාත්මික අත්දැකීම් වාර්තා කිරීම වැදගත් වන්නේ ඇයි?

මෙම පද වල පොරොන්දු වූ දසයෙන් කොටස ගෙවීමේ ආශිර්වාද අප අත්විඳ ඇත්තේ කෙසේද? “The Windows of Heaven” (Ensign or Liahona, Nov. 2013, 17–20) හි ඇති වැඩිහිටි ඩේවිඩ් ඒ. බෙඩ්නර්ගේ පණිවිඩය, මෙම ආශිර්වාද හඳුනාගැනීමට පවුලේ සාමාජිකයන්ට උපකාරයක් විය හැකිය.

ඔබේ පවුලේ සාමාජිකයින්ගේ හදවත් පියවරුන් වෙත හැරවීමට ඔබ උදව් කරන්නේ කෙසේද? සමහරවිට ඔබට ඔබේ මුතුන් මිත්තන්ගෙන් කෙනෙකු ගැන ඉගෙනගෙන ඔවුන් ඉගෙනගන්නා දේ පවුලේ අනෙක් අය සමග බෙදාගැනීමට ඔබේ පවුලේ සාමාජිකයින්ට පැවරිය හැකිය (බලන්න FamilySearch.org). නැතහොත් දේවමාළිගා වත්පිළිවෙත් අවශ්‍ය මුතුන් මිත්තෙකු සොයාගැනීමටත්, එම වත්පිළිවෙත් ඉටුකිරීම සඳහා දේවමාළිගා චාරිකාවක් සැලසුම් කිරීමටත් ඔබට එකට වැඩ කළ හැකිය.