3 නෙපි 12–16

3 නෙපි 12-14 හි බොහෝ සත්‍යයන්, උපදේශ වචන සහ අනතුරු ඇඟවීම් තිබේ. මෙම පරිච්ඡේදවල ගැලවුම්කරුවාණන් ඉගැන්වූ දේ අධ්‍යයනය කිරීමට හා අදාළ කරගැනීමට එක් ක්‍රමයක් මෙන්න: පද සමූහයක් තෝරාගන්න, ඉන්පසු “යේසුස් ක්‍රිස්තුස්වහන්සේගේ සැබෑ අනුගාමිකයන් …” ලෙස ආරම්භ වන එක් වාක්‍යයකින් පදවල උගන්වන දේ සාරාංශගත කළ හැකිදැයි බලන්න, උදාහරණයක් ලෙස, 3 නෙපි 14:1-5 දක්වා සාරාංශය “යේසුස් ක්‍රිස්තුස්වහන්සේගේ සැබෑ අනුගාමිකයන් විනිශ්චය කරන්නේ නැත” යනුවෙන් විය හැකිය. ඔබට විශේෂයෙන් අර්ථවත් වන පද මෙම පරිච්ඡේද වලින් තෝරාගැනීමට ඔබට අවශ්‍ය විය හැකි අතර එය කටපාඩම් කිරීමට හෝ එය ඔබට නිතරම බැලීමට පහසු ස්ථානයක තැබිය හැකිය. යේසුස් ක්‍රිස්තුස්වහන්සේගේ වඩා හොඳ අනුගාමිකයෙකු වීමට ඔබ ගන්නා පුද්ගලික උත්සහයන්ට ඔබ ඉගෙනගත් දේ අදාළ කරගන්නේ කෙසේදැයි මෙනෙහි කරන්න.

තවත් බලන්න මතෙව් 5–7; ලූක් 6:20–49.

දෙවියන්වහන්සේගේ මුළු දරුවන් සංඛ්‍යාව හා සසඳන කල, බවුන්ටිෆුල් හි ජනතාව මෙන් ගැළවුම්කරුවාණන්වහන්සේ සහ උන්වහන්සේව දුටු සහ උන්වහන්සේගේ හඬ ඇසූ අය ස්වල්ප දෙනෙක් පමණි. අපෙන් බොහෝදෙනෙක් 3 නෙපි 12:2; 15:23; සහ 16:4–6 හි විස්තර කර ඇති මිනිසුන්ට සමානය. මෙම පදවල එවැනි අයට දී ඇති පොරොන්දු මොනවාද? මෙම පොරොන්දු ඔබේ ජීවිතයේ ඉටුවී ඇත්තේ කෙසේද?

තවත් බලන්න යොහාන් 20:26–29; 2 නෙපි 26:12–13; ඇල්මා 32:16–18.

පිටත ක්‍රියාවන් වලින් ධර්මිෂ්ට වීම පමණක් නොවේ නමුත් අපේ හදවත් තුලින්ද එසේ වීම සඳහා—උසස් නීතියකට අනුව ජීවත්වීම ගැලවුම්කරුවාණන්ගේ ආරාධනය බව මෙම පරිච්ඡේදවල ඔබ කියවිය හැකි එක් තේමාවකි. ස්වාමින්වහන්සේ තර්ක (3 නෙපි 12:21–26), දුරාචාරය (3 නෙපි 12:27–30), යාච්ඤාව (3 නෙපි 13:5–8), සහ නිරාහාර ශීලය (3 නෙපි 13:16–18), ගැන කථා කරන විට මෙම තේමාව සොයන්න. ඔබට සොයාගත හැකි වෙනත් උදාහරණ මොනවාද? පිටත ක්‍රියාවන් ගැන පමණක් අවධානය යොමුකරනවා වෙනුවට ඔබගේ හදවතේ ආශාවන් පිරිසිඳු කිරීම සඳහා ඔබට කුමක් කළ හැකිද?

සභාපති රසල් එම්. නෙල්සන් මෙසේ පැවසුවේය: “දෙවියන්වහන්සේට ඇත්තෙන්ම ඔබට කථාකිරීමට අවශ්‍යද? ඔව්! … අහෝ, ස්වර්ගයේ සිටින ඔබේ පියාණන්ට ඔබ දැනගැනීමට අවශ්‍ය බොහෝ දේ ඇත” (“සභාව සඳහා එළිදරව්, අපේ ජීවිත සඳහා එළිදරව්,” එන්සයින් හෝ ලියහෝනා, මැයි 2018, 95). 3 නෙපි 14:7-11 හි ඉල්ලීමට, සෙවීමට හා තට්ටු කිරීමට, වූ ස්වාමින්වහන්සේගේ ආරාධනය ඔබ කියවන විට, උන්වහන්සේ කැමතිවන්නේ මොනයම් “යහපත් දේ” ඔබ ඉල්ලනවාට දැයි මෙනෙහි කරන්න. පහත සඳහන් අමතර ශුද්ධලියවිලි පද ඔබට ඇසිය යුතු, සෙවිය යුතු හා තට්ටු කළ යුතු ආකාරය තේරුම්ගැනීමට උපකාරී වෙයි. සමහර යාච්ඤාවන්ට අපි බලාපොරොත්තු වන ආකාරයට පිළිතුරු ලැබෙන්නේ නැත්තේ ඇයි යන්න මේවා විස්තර කරයි: යෙසායා 55:8–9; හිලමන් 10:5; මොරෝනි 7:26–27, 33, 37; සහ දහම සහ ගිවිසුම 9:7–9.

මෙම පදයේ ගැලවුම්කරුවාණන්ගේ වචන තේරුම්ගැනීමට වැඩිහිටි ජෙෆ්රි ආර්. හොලන්ඩ්ගේ පණිවිඩය “Be Ye Therefore Perfect—Eventually” (Ensign or Liahona, Nov. 2017, 40–42) අපට උපකාර කරන්නේ කෙසේද? මොරෝනි 10:32-33 හි වුවද ඔබට උපකාර සොයාගත හැකිය.

පවුලේ සාමාජිකයන් අතර අන්තර්ක්‍රියා සඳහා මෙම පද අදාළ වන්නේ කෙසේද? සමහරවිට මෙම මූලධර්ම අනුව ඇදහිලිවන්තව ජීවත්වීමට එකට එක්ව අරමුණක් සාදාගැනීමට ඔබේ පවුලට හැකිය.

මෙම පද ඔබේ පවුලට වැදගත් කුමක්ද යන්න පිළිබඳ සාකච්ඡාවකට පෙළඹවිය හැකිය. ස්වර්ගයේ වස්තුව රැස්කිරීමට ඔබට බාධා කරන පොළොවේ ඔබට යම් යම් වස්තූන් තිබේද? ඔබගේ නිවස තුළ යම් යම් දේවල් සොයන්නට නිධන් සෙවීමක් කිරීමට ඔබේ පවුල මෙහෙයවමින්, ඔබේ පවුලේ සාමාජිකයින්ට සදාකාලික වටිනාකමකින් යුත් නිධන් ගැන මතක් කරදීමෙන් ඔබට මෙම කාරණාව ශක්තිමත් කළ හැකිය.

3 නෙපි 14:8-9 මගින් පෙළඹී, කුඩා දරුවන්ට ක්‍රීඩාවක් භුක්තිවිඳිය හැකිය, එහිදී ඔවුන් යමක් ඉල්ලා සිටින අතර සම්පූර්ණයෙන්ම වෙනස් දෙයක් ලබාගනී. උන්වහන්සේ මෙම උදාහරණය බෙදාගත් විට, ස්වර්ගික පියාණන්වහන්සේ ගැන අපි කුමක් දැනගන්නවාට ගැලවුම්කරුවාණන්ට අවශ්‍ය වූයේද?

ජෝසෆ් ස්මිත්, හෝ සභාවේ වත්මන් සභාපති සැබෑ අනාගතවක්තෘවරයකු බව දැනගැනීමට අපට උපකාරවත් වන “හොඳ ඵල” මොනවාද?

මෙම පදවල ඇති උපමාව දෘශ්‍යමාන කිරීමට ඔබේ පවුලට උපකාර කළ හැකි ක්‍රම ගැන සිතන්න. සමහරවිට පවුලේ සාමාජිකයින්ට පින්තූර ඇඳීමට, ක්‍රියාවන් කිරීමට හෝ ඝන සහ වැලි සහිත අත්තිවාරම් මත දේවල් ගොඩනැගීමට හැකිය.