“ජුනි 22–28. ඇල්මා 17–22: ‘මාගේ හස්තයෙහි නුඹව උපකරණයක් කරන්නෙමි’” එන්න, මා අනුගමනය කරන්න—පුද්ගලයන් සහ පවුල් සඳහා: මොර්මොන්ගේ පොත 2020 (2020)
“ජුනි 22–28. ඇල්මා 17–22,” එන්න, මා අනුගමනය කරන්න—පුද්ගලයන් සහ පවුල් සඳහා: 2020
ස්කොට් එම්. ස්නෝ විසින්, අම්මෝන් සහ ලමෝනි රජු
ජුනි 22–28
ඇල්මා 17–22
“මාගේ හස්තයෙහි නුඹව උපකරණයක් කරන්නෙමි”
ඔබ ඇල්මා 17–22 කියවන විට, ඔබ වෙත පැමිණෙන අදහස් සටහන් කර ඒ අනුව ක්රියාකරන්න. එසේ කිරීමෙන් තවත් පෞද්ගලික එළිදරව් ලැබීමට ඔබ දක්වන කැමැත්ත ස්වාමින්වහන්සේට පෙන්වනු ඇත.
ඔබේ හැඟීම් සටහන් කරන්න
සුභාරංචිය බෙදා නොගැනීම සඳහා මිනිසුන්ට ලබාදිය හැකි සියලු හේතු ගැන සිතන්න: “මම ප්රමාණවත් තරම් නොදනිමි” හෝ “ඔවුන් උනන්දු වනු ඇතැයි මට විශ්වාස නැත” හෝ “මම ඔවුන්ව අමනාප කළහොත් කුමක් වේවිද?” සමහර විට ඔබත් ඒ හා සමාන දේ සිතන බවක් ඔබ සොයාගනී. ලාමන්වරුන් සමග සුභාරංචිය බෙදා නොගැනීමට නෙපිවරුන්ට අමතර හේතුවක් තිබුණි: ඔවුන් “නොහික්මුනු දැඩි සහ නපුරු ජනතාවක් වූ අතර; නෙපිවරුන්ව මැරීමෙන් සතුටු වූ ජනතාවක් වූහ” (ඇල්මා 17:14; ඇල්මා 26:23-25 ද බලන්න). නමුත් මොසායාගේ පුත්රයන්ට ලාමන්වරුන් සමග සුභාරංචිය බෙදාගත යුතුම යැයි හැඟීමට ඊටත් වඩා ප්රබල හේතුවක් තිබුණි: “ගැලවීම සියලු මනුෂ්යයන්ට ප්රකාශ කිරීම ඔවුන් තුළ ආශාව විය. මක්නිසාද ඔවුන්ට කිසිම මනුෂ්ය ප්රාණයක් නැසීයාම දැරිය නොහැකි විය” (මොසායා 28:3). අම්මෝන්ට සහ ඔහුගේ සහෝදරයින්ව පෙළඹවූ මෙම ප්රේමය, ඔබගේ පවුලේ අය, මිතුරන් හා හිතමිතුරන් සහ එය පිළිගැනීමට ඉඩක් නැති යැයි පෙනෙන අය සමග පවා—සුභාරංචිය බෙදාගැනීමට ඔබව පොළඹවනු ඇත.
පුද්ගලික ශුද්ධලියවිලි අධ්යයනය සඳහා අදහස්
මම මගේ ඇදහිල්ල ශක්තිමත් කරන විට, මට වඩාත් ඵලදායී ලෙස සුභාරංචිය බෙදාගත හැකිය.
ඔබ කවදා හෝ පැරණි මිතුරන් සමග නැවත එක්වී, ඔවුන් ඇදහිල්ල තුළ ශක්තිමත්ව සිටීම ගැන සතුට, ඇල්මාට දැණුනු ආකාරයටම දැනී තිබේද? (ඇල්මා 17:1-2 බලන්න). සුභාරංචිය කෙරෙහි ඔබේ ඇදහිල්ල හා ඒ සඳහා ඇති කැපවීම ශක්තිමත්ව තබාගන්නේ කෙසේද යන්න ගැන මොසායාගේ පුත්රයන්ගෙන් ඔබ ඉගෙනගන්නේ මොනවාද? මොසායාගේ පුත්රයන්ගේ ආත්මික ශක්තිය ගැන මෙනෙහි කරද්දී, ඔබට කුමක් කිරීමට පෙලඹීමක් දැනෙනවාද?
මොසායාගේ පුත්රයන්ගේ අධ්යාත්මික සූදානම ලාමන්වරුන් සමග ඔවුන්ගේ වැඩ වලට බලපෑවේ කෙසේද? සමහරවිට “දෙවියන්වහන්සේගේ බලයෙන් හා අධිකාරයෙන්” සුභාරංචිය ඉගැන්වීමට ඔබ දරන උත්සාහය ඇගයීමට මෙම අවස්ථාව භාවිතා කළ හැකිය (ඇල්මා 17:3).
දෙවියන්වහන්සේගේ දරුවන්ට ගැළවීම ගෙන ඒමට මට උන්වහන්සේගේ දෑතේ මෙවලමක් විය හැකිය.
සභාපති තෝමස් එස්. මොන්සන් මෙසේ පැවසුවේය, “ස්වාමින්වහන්සේට කාර්යයක් කිරීමට අවශ්ය නම්, ටොම් මොන්සන් උන්වහන්සේ වෙනුවෙන් එම ක්රියාව සිදුකරන බව උන්වහන්සේ දැනසිටීම මට සැමවිටම අවශ්යයි” (“On the Lord’s Errand: The Life of Thomas S. Monson,” video, ChurchofJesusChrist.org). ඔබ ඇල්මා 17:6–12 කියවන විට, ඔවුන්ට දෙවියන්වහන්සේගේ දෑත් වල මෙවලම් වීම සඳහා මොසායාගේ පුත්රයන් කළේ කුමක්දැයි සොයාබලන්න. අන් අයට ආශිර්වාද කිරීම සඳහා ඔබ දෙවියන්වහන්සේගේ දෑතේ ඇති මෙවලමක් වන්නේ කෙසේද? ස්වාමින්වහන්සේ ඔබට කළ යුතු දේ කිරීමට ධෛර්යය ලබාදෙන ඔවුන්ගේ ආදර්ශයෙන් ඔබ ඉගෙනගන්නේ මොනවාද?
බලන්න Dallin H. Oaks, “Sharing the Restored Gospel,” Ensign or Liahona, Nov. 2016, 57–60.
සුභාරංචිය ලැබීමට සූදානම් වීමට මට අන් අයට උපකාර කළ හැකිය.
ලමෝනි “නොහික්මුනු දැඩි සහ නපුරු ජනතාවක” නායකයා වූ නමුත් (ඇල්මා 17:14), ඔහු වසර ගණනාවක් පුරා පැවති සම්ප්රදායන් අභිබවා යේසුස් ක්රිස්තුස්වහන්සේගේ සුභාරංචිය පිළිගත්තේය. ලමෝනි සමග අම්මෝන්ගේ අන්තර්ක්රියා ගැන ඔබ කියවන විට, ලමෝනිගේ පණිවිඩයට වඩාත් පිළිගැනීමට උපකාරී වීමට, අම්මෝන් කළ දේ සැලකිල්ලට ගන්න. සුභාරංචිය අන් අය සමග බෙදාගැනීමට ඔබට කළ හැකි දේ ගැන සිතුවිලි ඔබ වෙත පැමිණේ නම්, එම පෙළඹවීම් ලියන්න.
අම්මෝන් ලමෝනිට ඉගැන්වූ සත්යයන් (ඇල්මා 18:24-39 බලන්න) සහ ආරොන් ලමෝනිගේ පියාට ඉගැන්වූ සත්යයන් (ඇල්මා 22:1-16 බලන්න) සලකුණු කිරීම හෝ ලිවීමද ප්රයෝජනවත් විය හැකිය. සුභාරංචිය පිළිබඳ සාක්ෂියක් සෙවීමට අන් අයට උපකාර කිරීම සඳහා ඔබට අන් අය සමග බෙදාගත හැකි සත්යයන් පිළිබඳව මෙම පද වලින් ඔබට යෝජනා කරන්නේ මොනවාද?
මිනෙර්වා කේ. ටෙයිචර්ට් (1888–1976), අම්මෝන් රජුගේ බැටළුවන් බේරාගනී, 1935–1945, මැසොනයිට් මත තෙල්, 35 x 48 අඟල්. බ්රිගම් යන්ග් විශ්ව විද්යාලයේ කලා කෞතුකාගාරය.
මගේ සාක්ෂියට දුරදිග යන බලපෑමක් ඇති කළ හැකිය.
ශුද්ධලියවිල්ලෙහි අප කියවන හැරීම පිළිබඳ වාර්තා බොහෝ විට නාට්යාකාර සිදුවීම් වලට සම්බන්ධ වුවද, ඒවායේ හරය තුළ කථා කිරීමට හා ඔවුන්ගේ සාක්ෂිය අන් අය සමග බෙදාගැනීමට ධෛර්යය ඇති පුද්ගලයන් අපට සාමාන්යයෙන් හමුවේ. ඇල්මා 18–22 හි සිදුවීම් අධ්යයනය කළ හැකි එක් ක්රමයක් නම්, එක් පුද්ගලයෙකු ඔහුගේ හෝ ඇයගේ සාක්ෂිය දැරීම නිසා දුරදිග ගිය බලපෑම් සොයාබැලීමයි. සමහරවිට ඔබට මෙවැනි රූප සටහනක ඔබ සොයාගත් දේ සටහන් කළ හැකිය:
|
අම්මෝන් සුභාරංචිය බෙදාගත් අය, සුභාරංචිය බෙදාගත්තේ කවුරුන් සමගද, සහ එහි ප්රතිඵලය වූයේ. |
මම පසුතැවිලි වන විට ස්වාමින්වහන්සේගේ හස්තය මා වෙතට දිගුවේ.
ලමෝනිගේ හැරීම පිළිබඳ විස්තරය අවසානයේ, මෝර්මොන් ස්වාමින්වහන්සේගේ චරිතය ගැන වැදගත් දෙයක් ඉගැන්වීය. ස්වාමින්වහන්සේගේ චරිතය ගැන ඇල්මා 19:36 ඔබට යෝජනා කරන්නේ කුමක්ද? ස්වාමින්වහන්සේගේ හස්තය ඔබ දෙසට විහිදී ඇති බව ඔබට දැනුනේ කවදාද? ඔබ ආදරය කරන අයට උන්වහන්සේගේ දයාව දැනීමට ඔබට උදව් කරන්නේ කෙසේද?
පවුල් ශුද්ධලියවිලි අධ්යයනය සහ පවුල් නිවාස සන්ධ්යාව සඳහා අදහස්
ඔබ ඔබේ පවුලේ අය සමග ශුද්ධලියවිලි කියවන විට, ඔබේ පවුලේ අවශ්යතා සපුරාලීම සඳහා අවධාරණය කළ යුතු හා සාකච්ඡා කළ යුතු මූලධර්ම මොනවාදැයි දැනගැනීමට ආත්මයාණන්ට උපකාර කළ හැකිය. මෙන්න අදහස් කිහිපයක්.
ඇල්මා 17–19
ඔබගේ පවුල සඳහා, මෙම පරිච්ඡේද වල ඇති වාර්තා වලට ඔබ ජීවයක් ලබාදෙන්නේ කෙසේද? අම්මෝන් බැටළුවන් ආරක්ෂා කිරීම හෝ අබිෂ් දෙවියන්වහන්සේගේ බලය දැකබලා ගැනීමට සමූහයා එක්රැස් කිරීම පිළිබඳ කථාව ඔබට රඟ දැක්විය හැකිය. සමහරවිට පවුලේ සාමාජිකයින්ට කතාවේ විවිධ කොටස් වල පින්තූර ඇඳිය හැකි අතර කතාව පැවසීමට පින්තූර භාවිතා කළ හැකිය. අම්මෝන්ගේ සහ අබිෂ්ගේ ආදර්ශ අනුගමනය කිරීමට ඔබේ පවුලේ අය කරන්නේ කුමක්ද?
ඇල්මා 18:24–39
සමහරවිට ඔබේ පවුලේ සාමාජිකයින්ට ඇල්මා 18:24-39 එකට එක්ව කියවා අම්මෝන් ලැමෝනිට ඉගැන්වූ සත්යයන් හඳුනාගත හැකිය. අම්මෝන් මෙම සත්යයන් මුලින්ම ලැමෝනිට ඉගැන්වූයේ යැයි අප සිතන්නේ ඇයි? මෙම සත්යයන් පිළිබඳව සාක්ෂියක් තිබීම අපට වැදගත් වන්නේ ඇයි?
ඇල්මා 20:8–15
ලමෝනි තම පියාට ප්රතිචාර දැක්වූ ආකාරය ගැන අපට ඉගෙනගත හැක්කේ කුමක්ද? හරි දේ වෙනුවෙන් පෙනීසිටීමේදී අපි ලමෝනිගේ ආදර්ශය අනුගමනය කරන්නේ කෙසේද? (සමහර උදාහරණ සඳහා ChurchofJesusChrist.org හි “Dare to Stand Alone” මෙම වීඩියෝව බලන්න.)
ඇල්මා 22:15–18
තම ජීවිතය බේරාගැනීම සඳහා ලමෝනිගේ පියා අත්හැරීමට කැමති දේ බැලීමට ඇල්මා 20:23 සමාලෝචනය කරන්න. ඉන්පසු සුභාරංචියේ ප්රීතිය ලබාගැනීම සඳහා ඔහු අත්හැරීමට කැමති දේ බැලීමට ඇල්මා 22:15 සමාලෝචනය කරන්න. දෙවියන්වහන්සේව දැන හඳුනාගැනීම සඳහා ඔහු අත්හැරීමට කැමති වූයේ කුමක්ද? (18 පදය බලන්න). දෙවියන්වහන්සේව වඩාත් හොඳින් දැන හඳුනාගැනීම සඳහා පවුලේ සාමාජිකයින්ට යමක් අත්හැරීමට සැලැස්මක් ලිවිය හැකියි.
දරුවන්ට ඉගැන්වීමට තවත් අදහස් සඳහා, බලන්න Come, Follow Me—For Primary හි this week’s outline.
පුද්ගලික අධ්යයනය වැඩිදියුණු කිරීම
මූලධර්ම හඳුනාගෙන අදාළ කරගන්න. ශුද්ධලියවිලි කතන්දර පිළිබඳ විස්තර ඔබට අදාළ නොවන බව පෙනෙන්නට තිබුණද, මෙම වාර්තා වල මූලධර්ම බොහෝ විට අදාළ වේ. ඔබ අම්මෝන් සහ ආරොන් ගැන කියවන විට, ඔබ සොයාගත් සුභාරංචිය බෙදාගැනීම පිළිබඳ මූලධර්ම මොනවාද?
ලමෝනි රජුගේ භාර්යාව බිම සිට නැඟිට යේසුස්වහන්සේට ප්රශංසා කළාය. වෝල්ටර් රනේ විසින්, අහෝ, ආශිර්වාදිත යේසුස්