Kirihimete

E mōhiotia whānuitia ana te Kirihimete hei wā koa nā te koa e haria mai ana e Ihu Karaiti ki te ao. I ngā tau rau i mua i te whānautanga mai o te Kaiwhakaora, i rongo ngā poropiti Kawenata Tawhito i te koa i a rātou e kōrero ana mō te haerenga mai o te Mīhaia. Pānuitia ētahi o ngā rerenga whiti e whai ake nei, ā, kia whakaarohia he aha i noho mai ai hei taonga mō te hunga i manako ai ki te mīhana o te Kaiwhakaora: Ngā Waiata 35:9; Ihāia 25:8–9; 44:21–24; 51:11; Tepania 3:14–20; Mohi 5:5–11. He aha e whai tikanga ai ēnei rerenga ki a koe? He aha te take e koa ai koe i ēnei rerenga whiti?

Tirohia anōtia tā Dallin H. Oaks, “Good Tidings of Great Joy” (First Presidency Christmas devotional, Dec. 4, 2022), Wharepukapuka Rongopai; “Joy to the World,” Hymns, nama 201.

He maha ngā hāngaitanga kei roto i ngā whakarerenga iho Kirihimete hei ārahi i a tātou ki te Karaiti. I a koutou e rangahau ana i te Kawenata Tawhito i tēnei tau, tērā pea kua kite koe i ngā tohu maha o te Kaiwhakaora. Anei ētahi kei raro iho nei. Me rangahau ēnei kātahi ka tuhia iho ngā akoranga māu e pā ana ki a Ia.

• Whetū (Tauanga 24:17; Matiu 2:2; Whakakitenga 22:16).

• Hepara (Ngā Waiata 23; Ruka 15:4–7; Hoani 10:11)

• Reme (Kenehi 22:8; Ekoruhe 12:5; 1 Pita 1:18–20).

• Wai (Ekoruhe 17:1–6; Heremaia 2:13; Ehekiera 47:1–12; Hoani 4:7–14).

• Toka (1 Hāmuera 2:2; 2 Hāmuera 22:2–3; Ngā Waiata 118:22–23; Ihāia 28:16; Epiha 2:20).

• Manga (Ihāia 11:1–2; Heremaia 23:5; 33:15).

• Rama (Ngā Waiata 27:1; Ihāia 9:2; 60:19; Mika 7:8; Hoani 8:12).

He aha atu ngā tohu hāngai, ngā rerenga whiti, me ērā atu tuhinga kua kitea e koe i roto i ngā karaipiture e whakaatu ana mō Ihu Karaiti?

Tirohia anōtia 2 Nīwhai 11:4; Mōhia 3:14–15; Mohi 6:63; “Types or Symbols of Christ” me “Jesus Christ,” kei roto tahi i te Pukapuka Aratohu ki ngā Karaipiture (Wharepukapuka Rongopai).

He maha rawa atu ngā ingoa mō Ihu Karaiti. Rapua ngā momo ingoa i roto i ngā whiti e whai ake nei: Ngā Waiata 23:1; 83:18; Ihāia 7:14; 9:6; 12:2; 63:16; Amohi 4:13; Hakaraia 14:16; Mohi 7:53. He aha atu ētahi ingoa e whakaarohia nei e koe? Tērā pea ka pai ki a koe te whakarārangi i ngā ingoa o Ihu Karaiti e kitea ai i ngā hīmene Kirihimete. Nā tēnei ingoa, he aha rā ō whakaaro e pā ana ki a Ia?

Kia kōwhiria tētahi ingoa, tētahi mahi rānei a te Kaiwhakaora mā konā maumahara koe ki a Ia puta noa i te tau e heke mai nei.

Tirohia anōtia tā Quentin L. Cook, “Personal Peace in Challenging Times,” Liahona, Noema. 2021, 89–92; “Hark! The Herald Angels Sing,” Hymns, nama. 209.

• Tērā pea kei a koutou ngā whakarākei Kirihimete mā konā huataki ai i tētahi kōrero mō Ihu Karaiti. Tērā pea me kōrero e pā ana ki tētahi whetū Kirihimete, ngā rama, me tētahi takoha me tana whakamahara i a tātou ki te Kaiwhakaora. Kātahi ka taea te titiro ki tētahi, ētahi rānei o ngā karaipiture e whai ake nei mō tētahi mea e hāngai ana ki a Ihu Karaiti: Kenehi 22:8; Tauanga 24:17; Ngā Waiata 23:1; 27:1. Me hiki ake ō tamariki tētahi pikitia, tētahi whakarākei rānei e hāngai ana ki tētahi whiti i a rātou e pānui ana. Me pēhea e rite ai a Ihu ki tētahi reme, tētahi whetū, tētahi hepara, tētahi rama rānei? Me waiata tahi i tētahi waiata Kirihimete, pērā i “Stars Were Gleaming” (Children’s Songbook, 37).

• Me titiro ō tamariki ki te pikitia kei te pito whakamutunga o tēnei whakatakotoranga mahi i a koe e pānui ana i Ihāia 9:6 ki a rātou. Tonoa ō tamariki kia tuhi atu te matimati ki a Ihu nohinohi i te wā e rangona ai te kupu “kua whānau mai tētahi tamaiti.” Tukuna tō whakaaturanga e pā ana ki tā ngā poropiti i te Kawenata Tawhito mōhio ka whānau mai a Ihu.

• I a koe e whakarite ana ki te rangahau i te oranga o Ihu Karaiti i roto i ngā Kawenata Hou a tērā tau, me arotake tahi koutou he aha ngā mea i ako ai Mōna i tēnei tau i roto i te Kawenata Tawhito. Me arotake koe i ngā whakatakotoranga i tēnei rauemi me ērā atu taipitopito kōrero e āwhina ana kia mahara ki tāu i ako ai. Ka whai hua pea ngā tamariki i te titiro ki Old Testament Stories ki ngā pikitia rānei i Haere Mai, Whai Mai i Ahau. He aha ngā poropititanga me ngā kōrero i titia ai ki te roro. He aha ngā mea i ako ai tātou mō te Kaiwhakaora?

• He whakarerenga iho ō ngā whānau Iharāira, pērā i te Kapenga me ērā atu hākari, ko te tikanga ia ka aro aua mea ki te Ariki (tirohia Ekoruhe 12). He aha ō koutou whakarerenga iho mō te Kirihimete e āwhina ai kia aro koutou ki a Ihu Karaiti? He aha ngā whakarerenga iho i roto i tō whānau e mōhio nei koe? Me whakawhiti kōrero koutou e pā ana ki ētahi whakarerenga iho e hiahia ana kia tīmata. Ko ētahi o aua whakaaro ka pēnei pea, arā, te āwhina i tētahi, te kōwhiri i tētahi mea hei “takoha” ki te Kaiwhakaora, te tono i tētahi hoa kia mātaki i ngā kōrero Kirihimete a te Tumuakitanga Tuatahi (broadcasts.ChurchofJesusChrist.org), te tito i tō ake waiata Kirihimete, te rapu i tētahi huarahi auaha ki te tuku i ngā kōrero mō te whānautanga mai o te Karaiti.

• Me aha koe kia āwhina i ō tamariki kia rongo ai i te tapu me te koa o te whānautanga mai o te Karaiti? Me mātaki i tētahi whitiāhua “The Christ Child” (Wharepukapuka Rongopai) me pānui tahi rānei Matiu 1:18–25; 2:1–12; Ruka 1:26–38; 2:1–20. Ka kōwhiria e ia tamaiti tētahi tangata mai i te whitiāhua, mai i te karaipiture rānei kātahi ka tohaina ngā kōrero e pā ana ki ngā whakaaro o taua tangata ki te Kaiwhakaora. Kātahi ka tohaina atu tētahi ki tētahi tāu e whakaaro nei mō ēnei Mōna.

  

  17:57

• Tēra pea me kōrero tahi koutou e pā ana ki ngā takoha kua hoatu me ngā mea kua whiwhi i ngā tau nā konā koa ai koe. Kātahi ka pānuitia Ihāia 25:9 me te kōrero e pā ana ki te take e koa ai tātou kua tukuna mai e te Matua i te Rangi tētahi Kaiwhakaora mō tātou. Hei āwhina i ō tamariki e kaha ake tō rātou mārama ki te tūranga o Ihu Karaiti hei Kaiwhakaora mō tātou, tonoa rātou kia pānuitia Ihāia 25:8–9; 53:3–5; me Hohea 13:14. He aha ngā mea e whakaako ana i roto i ēnei whiti e pā ana ki tā te Ariki whakaora i a tātou?

• Māu e waiata i tētahi waiata Kirihimete, pērā i “Away in a Manger” (Children’s Songbook, 42–43) te “O Little Town of Bethlehem” rānei (Hymns, nama. 208). Āwhinatia ō tamariki kia rapua ngā rerenga i te waiata e āwhina ai i a rātou kia mōhio e aroha ana te Matua i te Rangi rāua ko Ihu Karaiti i a rātou.