Hakai 1–2; Hakaraia 1–4; 7–14

I maha rawa ngā mea hei mahi kia waihanga ake anō i a Hiruharama. Engari ka pau te 15 tau mai i te hokinga mai o ngā Iharāira, kāore i koa te Ariki nā te mea kīhai i āta whakamātāmuahia te hanganga ake o te temepara (tirohia Hakai 1:2–5; tirohia anōtia Etera 4:24). I a koe e pānui ana i Hakai 1; 2:1–9, me aro ki ngā momo pātai pēnei:

• He aha ngā utu i tau ai ki runga i ngā Iharāira nā te mea kāore anō kia mutu i a rātou te temepara?

• He aha ngā manaakitanga i whakaaria mai ai e te Ariki mehemea ka whakaoti rātou te hanga i Tōna whare?

• He aha te karere a te Ariki ki a koe i Hakai 1:5–7? Me pēhea koe e whakahāngai i ō mahi matua ki ngā mahi a te Ariki? He aha ngā wā kua manaakitia koe mōu i whakamātāmua i te Atua i tō oranga?

I pēnei hoki ngā hunga tapu o mua e rite ana ki ngā Iharāira i ngā rā o Hakai (tirohia Whakaakoranga me ngā Kawenata 95). He aha ngā akoranga māu i ēnei tauira e rua e pā ana ki ngā whakaaro a te Ariki e pā ana ki ngā temepara?

Tirohia anōtia tā Dale G. Renlund, “Jesus Christ Is the Treasure,” Liahona, Noema. 2023, 96–99; Terence M. Vinson, “True Disciples of the Savior,” Liahona, Noema. 2019, 9–11; “We Love Thy House, O God,” Hymns, nama. 247; “Provo City Center Temple Completed” (whitiāhua), ChurchofJesusChrist.org.

7:17

Ki ō whakaaro, he aha te painga o te whakairo i ngā kupu “he tapu ki te Ariki” i runga i ngā taputapu o te kāinga pēnā i aua mea i kōrerotia ai i Hakaraia 14:20? (tirohia anōtia Ekoruhe 28:36–38). He aha te painga i tana whakairo ki runga i ngā temepara i ēnei rā? He aha te tikanga o tēnei rerenga ki koe? Me aha koe kia whai wāhi mai te tapu i roto i tō oranga? Kia whakaarohia ēnei pātai i a koe e pānui ana i ngā tono a te Ariki ki Tōna iwi kia nui ake tō rātou tapu i Hakaraia 1:1–6; 3:1–7; 7:8–10; 8:16–17.

Māu hoki e pānui Hakaraia 2:10–11; 8:1–8; 14:9–11, 20–21 kia ako ki te āhua o te oranga hei tētahi rā anamata ina noho tahi tātou me te Ariki i runga i tētahi āhuatanga tapu. He aha ngā mea pai e pā ana ki te kitenga a Hakaraia e pā ana ki te Hiruharama anamata? He aha tāu e kite ai i reira e hiahia ana kia kite koe i tō hapori? Me aha koe kia rite ki te noho i ngā āhuatanga i kōrerohia ake nei e Hakaraia?

He maha ngā tuhituhinga a Hakaraia e aro ana ki te minitatanga a Ihu karaiti i runga i te whenua me Tana Haerenga Tuaruatanga Mai. Kei raro iho nei ētahi o ngā poropititanga a Hakaraia, me ngā karaipiture e pā ana ki tōna whakatutukitanga. I a koe e rangahau ana i ēnei rerenga whiti, uia ki a koe anō: He aha ngā akoranga i konei e pā ana ki te Kaiwhakaora?

• Hakaraia 9:9–11 (tirohia Matiu 21:1–11; 1 Pita 3:18–19)

• Hakaraia 11:12–13 (tirohia Matiu 26:14–16; 27:1–7)

• Hakaraia 12:10 (tirohia Hoani 19:37; Whakakitenga 1:7)

• Hakaraia 13:6–7; 14:1–9 (tirohia Matiu 26:31; Whakaakoranga me ngā Kawenata 45:47–53)

Ki ō ake whakaaro, he aha te āhua i waenganui i te iwi e pōhiritia ana a Ihu ki roto i a Hiruharama pērā i ngā whakamāramatanga i Hakaraia 9:9–11? Me pēhea koe e pōhiri ai i a Ia kia tomo ai ki roto i tō oranga, i tōu kāinga, i tō hapori?

Tirohia anōtia te Pukapuka Aratohu ki ngā Karaitpiture, “Messiah,” Wharepukapuka Rongopai; “The Lord’s Triumphal Entry into Jerusalem” (whitiāhua), Wharepukapuka Rongopai; Ronald A. Rasband, “Hosanna to the Most High God,” Liahona, Mei 2023, 108–12.

1:22

• I a koe e pānui ana i ngā wāhanga o Hakai 1:2–5 ki ō tamariki, āwhinatia rātou kia rapu māramatanga e pā ana ki te take kīhai i koa te Ariki ki te iwi. Tērā pea mā ō tamariki tētahi rerenga kōrero e kōwhiri mai i te whiti 6 kātahi ka tāngia. Ka taea te tuari atu tētahi ki tētahi me te whiu whakapae kia kite he aha te rerenga e hāngai ana ki taua pikitia. Ina whakapau wā tātou ki ngā mahi kē atu i ngā mahi e hiahia ana te Ariki, he aha te ritenga o tērā ki te kai i ngā kai engari kāore e mākona ana te puku? Me kōrero koutou ki a koutou anō e pā ana ki tāu hei whakarite wā mō ngā mahi e whakahirahira ana ki te Ariki.

• Māu hoki e pānui te whiti 8 ki ō tamariki kātahi ka tonoa rātou kia whakataruna anō nei kei te “haere ake ki te maunga,” “te tiki rākau,” me te “waihanga i te whare [o te Ariki].” Ka whakarārangihia e ō tamariki ngā mahi o te rā, tae atu ana ki ngā mea kua tonoa rātou e te Ariki hei mahi mā rātou. Tonoa ō tamariki kia “whakaarohia [ō rātou] huarahi” mā te porohita i ngā mea e kīa ai e te Ariki koinā ngā mea whakahirahira ake i tā rātou rārangi.

• I tētahi kitenga, i kite a Hakaraia i tētahi tohunga teitei “i kākahuria ai ki ngā kākahu paru” (Hakaraia 3:3). I hoatu e tētahi anahera ētahi kākahu mā ki a ia. Māu ō tamariki e āwhina kia rapua ngā mea pono whakahirahira mā te pānui tahi i Hakaraia 3:1–7 me te kōrero e pā ana ki te hāngaitanga o ngā kākahu paru. Me aha tātou hei mā i ngā hara, i muri hoki i te rumakitanga? Me pēhea te kawenata rumaki e āwhina ai i a tātou kia “hīkoi i ngā huarahi [o te Ariki]”?

• Me titiro tahi koutou ko ō tamariki ki tētahi pikitia o te rumakitanga, pērā i taua mea kei tēnei whakatakotoranga mahi. He aha tātou e mau kākahu mā ai? Me waiata hoki i tētahi waiata e pā ana ki te rumakitanga, pērā i “When I Am Baptized” (Children’s Songbook, 103); he aha ngā akoranga kei tēnei waiata e pā ana ki take e hiahia ana te Ariki kia rumakina ai tātou?

• Ka pai pea ki ō tamariki te whēkite i ngā āhuatanga i matakitea ai i Hakaraia 9:9, i te tomokanga a Ihu ki Hiruharama i te wiki whakamutunga o Tōna oranga. Hei āwhina, whakaaturia atu tētahi pikitia o tētahi heipūtanga, pērā i te mea kei tēnei whakatakotoranga mahi. Māu hoki e tuari atu ki a rātou “The Savior Goes to Jerusalem” (i New Testament Stories, 110–12). Ka tuhia te ringa ki ngā tāngata i roto i ngā pikitia e “hari rawa” ana. Ko wai te Kīngi i Hakaraia 9:9? He aha tātou e whakawhetai ai ki a Ia?

  

  1:35

• Me āwhina i ō tamariki kia whakataurite i ngā poropititanga a Hakaraia ki ngā whiti o te Kawenata Hou e whakamāramahia ana te whakatutukitanga. Anei ētahi tauira: Hakaraia 9:9 me Matiu 21:5–9; Hakaraia 9:11 me 1 Pita 3:18–19; Hakaraia 11:12 me Matiu 26:14–16; Hakaraia 13:7 me Matiu 26:31. He aha ngā mea e ako ai au e pā ana ki te Kaiwhakaora i ēnei whiti?